༤. པུ་ཉྙཱ་བྷི་ས་ནྡ་ཝ་གྒོ

༡. པ་ཋ་མ་པུ་ཉྙཱ་བྷི་ས་ནྡ་སུ་ཏྟ་ཝ་ཎྞ་ནཱ

༡༠༢༧. ཙ་ཏུ་ཏྠ་སྶ པ་ཋ་མེ པུ་ཉྙཱ་བྷི་ས་ནྡཱ ཀུ་ས་ལཱ་བྷི་ས་ནྡཱཏི པུ་ཉྙ་ན་དི་ཡོ ཀུ་ས་ལ་ན་དི་ཡོ. སུ་ཁ་སྶཱ་ཧཱ་རཱཏི སུ་ཁ་སྶ པ་ཙྩ་ཡཱ.

༤. པ་ཋ་མ་དེ་ཝ་པ་ད་སུ་ཏྟ་ཝ་ཎྞ་ནཱ

༡༠༣༠. ཙ་ཏུ་ཏྠེ དེ་ཝ་པ་དཱ་ནཱིཏི དེ་ཝཱ་ནཾ ཉཱ་ཎེ་ན, དེ་ཝ་སྶ ཝཱ ཉཱ་ཎེ་ན ཨ་ཀྐ་ནྟ་པ་དཱ་ནི. ཝི་སུ་དྡྷི་ཡཱཏི ཝི་སུ་ཛ྄ཛྷ་ན་ཏྠཱ་ཡ. པ་རི་ཡོ་ད་པ་ནཱ་ཡཱཏི པུ་རི་ཡོ་ད་པ་ན་ཏྠཱ་ཡ ཛོ་ཏ་ན་ཏྠཱ་ཡ. ཨི་མ་སྨིཾ སུ་ཏྟེ ཙ་ཏྟཱ་རོ་པི ཕ་ལ་ཊྛ་པུ་གྒ་ལཱ ཝི་སུ་དྡྷ་ཊྛེ་ན དེ་ཝཱ ནཱ་མ ཛཱ་ཏཱ.

༨. ཝ་སྶ་སུ་ཏྟ་ཝ་ཎྞ་ནཱ

༡༠༣༤. ཨ་ཊྛ་མེ པཱ་རཾ་ག་ནྟྭཱཏི པཱ་རཾ ཝུ་ཙྩ་ཏི ནི་བྦཱ་ནཾ, ཏཾ པ་ཏྭཱ་ཏི ཨ་ཏྠོ. ཨཱ་ས་ཝཱ་ནཾ ཁ་ཡཱ་ཡ སཾ་ཝ་ཏྟ་ནྟཱིཏི ན པ་ཋ་མཾ ནི་བྦཱ་ནཾ ག་ནྟྭཱ པ་ཙྪཱ སཾ་ཝ་ཏྟ་ནྟི, ག་ཙྪ་མཱ་ནཱ ཨེ་ཝ སཾ་ཝ་ཏྟ་ནྟི. དེ་ས་ནཱ པ་ན ཨེ་ཝཾ ཀ་ཏཱ.

༡༠. ན་ནྡི་ཡ་ས་ཀྐ་སུ་ཏྟ་ཝ་ཎྞ་ནཱ

༡༠༣༦. ད་ས་མེ དི་ཝཱ པ་ཝི་ཝེ་ཀཱ་ཡ ར་ཏྟིཾ པ་ཊི་ས་ལླཱ་ནཱ་ཡཱཏི དི་ཝཱ པ་ཝི་ཝེ་ཀ་ཏྠཱ་ཡ ར་ཏྟིཾ པ་ཊི་ས་ལླཱ་ན་ཏྠཱ་ཡ. དྷ་མྨཱ ན པཱ་ཏུ་བྷ་ཝ་ནྟཱིཏི ས་མ་ཐ་ཝི་པ་སྶ་ནཱ དྷ་མྨཱ ན ཨུ་པྤ་ཛྫ་ནྟི. སེ་སཾ ས་བྦ་ཏྠ ཨུ་ཏྟཱ་ན་མེ་ཝཱ་ཏི.

པུ་ཉྙཱ་བྷི་ས་ནྡ་ཝ་གྒོ ཙ་ཏུ་ཏྠོ.