༡-༢. ཨི་ཙྪཱ་ན་ངྒ་ལ་སུ་ཏྟཱ་དི་ཝ་ཎྞ་ནཱ

༩༨༧-༩༨༨. དུ་ཏི་ཡ་ཝ་གྒ་སྶ པ་ཋ་མེ ཨེ་ཝཾ བྱཱ་ཀ་རེ་ཡྻཱ་ཐཱཏི ཀ་སྨཱ ཨ་ཏྟ་ནོ ཝི་ཧཱ་ར་ས་མཱ་པ་ཏྟིཾ ཨཱ་ཙི་ཀྑ་ཏི? ཨུ་པཱ་ར་མྦྷ་མོ་ཙ་ན་ཏྠཾ. ས་ཙེ ཧི ཏེ ‘‘ན ཛཱ་ནཱ་མཱ’’ཏི ཝ་དེ་ཡྻུཾ, ཨ་ཐ ནེ་སཾ ཏི་ཏྠི་ཡཱ ‘‘ཏུ་མྷེ ‘ཨ་སུ་ཀ་ས་མཱ་པ་ཏྟི་ཡཱ ནཱ་མ ནོ ས་ཏྠཱ ཏེ་མཱ་སཾ ཝི་ཧཱ་སཱི’ཏི་པི ན ཛཱ་ནཱ་ཐ, ཨ་ཐ ཀ་སྨཱ ནཾ ཨུ་པ་ཊྛ་ཧ་ནྟཱ ཝི་ཧ་ར་ཐཱ’’ཏི ཨུ་པཱ་ར་མྦྷཾ ཨཱ་རོ་པེ་ཡྻུཾ, ཏ་ཏོ མོ་ཙ་ན་ཏྠཾ ཨེ་ཝ་མཱ་ཧ.

ཨ་ཐ ཀ་སྨཱ ཡ་ཐཱ ཨ་ཉྙ་ཏྠ ‘‘ས་ཏོ་ཝ ཨ་སྶ་ས་ཏི, དཱི་གྷཾ ཝཱ ཨ་སྶ་ས་ནྟོ’’ཏི (དཱི. ནི. ༢.༣༧༤; མ. ནི. ༡.༡༠༧; སཾ. ནི. ༥.༩༧༧) ཨེ་ཝ-ཝཱ་ཀཱ་རོ ཝུ་ཏྟོ. ཨེ་ཝཾ ཨི་དྷ ན ཝུ་ཏྟོ་ཏི? ཨེ་ཀ་ནྟ་ས་ནྟ་ཏྟཱ. ཨ་ཉྙེ་ས་ཉྷི ཨ་སྶཱ་སོ ཝཱ པཱ་ཀ་ཊོ ཧོ་ཏི པ་སྶཱ་སོ ཝཱ, བྷ་ག་ཝ་ཏོ ཨུ་བྷ་ཡ་མྤེ་ཏཾ པཱ་ཀ་ཊ་མེ་ཝ ནི་ཙྩཾ ཨུ་པ་ཊྛི་ཏ་སྶ་ཏི་ཏཱ་ཡཱ་ཏི ཨེ་ཀ་ནྟ་ས་ནྟ་ཏྟཱ ན ཝུ་ཏྟོ. ཨ་ཐ ‘‘སི་ཀྑཱ་མཱི’’ཏི ཨ་ཝ་ཏྭཱ ཀ་སྨཱ ‘‘ཨ་སྶ་སཱ་མཱི’’ཏི ཨེ་ཏྟ་ཀ་མེ་ཝ ཝུ་ཏྟ་ནྟི? སི་ཀྑི་ཏ་བྦཱ་བྷཱ་ཝཱ. ས་ཏྟ ཧི སེ་ཁཱ སི་ཀྑི་ཏ་བྦ་བྷཱ་ཝཱ སེ་ཁཱ ནཱ་མ, ཁཱི་ཎཱ་ས་ཝཱ སི་ཀྑི་ཏ་བྦཱ་བྷཱ་ཝཱ ཨ་སེ་ཁཱ ནཱ་མ, ཏ་ཐཱ་ག་ཏཱ ཨ་སི་ཀྑི་ཏ་བྦཱ ཨ་སེ་ཀྑཱ ནཱ་མ ན་ཏྠི ཏེ་སཾ སི་ཀྑི་ཏ་བྦ་ཀི་ཙྩ་ནྟི སི་ཀྑི་ཏ་བྦཱ་བྷཱ་ཝཱ ན ཝུ་ཏྟཾ. དུ་ཏི་ཡཾ ཨུ་ཏྟཱ་ན་མེ་ཝ.