༤-༦. ཁཱི་ར་རུ་ཀྑོ་པ་མ་སུ་ཏྟཱ་དི་ཝ་ཎྞ་ནཱ

༢༣༡-༢༣༣. ཙ་ཏུ་ཏྠེ ཨ་པྤ་ཧཱི་ན་ཊྛེ་ན ཨ་ཏྠི, ཏེ་ནེ་ཝཱ་ཧ སོ ཨ་པྤ་ཧཱི་ནོཏི. པ་རི་ཏྟཱཏི, པ་བྦ་ཏ་མ་ཏྟ་མྤི རཱུ་པཾ ཨ་ནི་ཊྛཾ ཨ་ར་ཛ་ནཱི་ཡཾ པ་རི་ཏྟཾ ནཱ་མ ཧོ་ཏི, ཨེ་ཝ་རཱུ་པཱ་པི་སྶ རཱུ་པཱ ཙི་ཏྟཾ པ་རི་ཡཱ་དི་ཡ་ནྟཱི་ཏི ད་སྶེ་ཏི. ཀོ པ་ན ཝཱ་དོ ཨ་དྷི་མ་ཏྟཱ་ནནྟི ཨི་ཊྛཱ་ར་མྨ་ཎཾ པ་ན་སྶ ར་ཛ་ནཱི་ཡཾ ཝ་ཏྠུ ཙི་ཏྟཾ པ་རི་ཡཱ་དི་ཡ་ཏཱི་ཏི ཨེ་ཏྠ ཀཱ ཀ་ཐཱ? ཨེ་ཏྠ ཙ ན་ཁ་པི་ཊྛི་པ་མཱ་ཎ་མྤི མ་ཎི་མུ་ཏྟཱ་དི ར་ཛ་ནཱི་ཡཾ ཝ་ཏྠུ ཨ་དྷི་མ་ཏྟཱ་ར་མྨ་ཎ་མེ་ཝཱ་ཏི ཝེ་དི་ཏ་བྦཾ. ད་ཧ་རོཏི་ཨཱ་དཱི་ནི ཏཱི་ཎི་པི ཨ་ཉྙ་མ་ཉྙ་ཝེ་ཝ་ཙ་ནཱ་ནེ་ཝ. ཨཱ་བྷི་ནྡེ་ཡྻཱཏི པ་ཧ་རེ་ཡྻ པ་དཱ་ལེ་ཡྻ ཝཱ. པ་ཉྩ་མེ ཏ་དུ་བྷ་ཡནྟི ཏཾ ཨུ་བྷ་ཡཾ. ཚ་ཊྛཾ ཨུ་ཏྟཱ་ན་མེ་ཝ.