༡. པ་ཋ་མ་ས་མུ་དྡ་སུ་ཏྟ་ཝ་ཎྞ་ནཱ

༢༢༨. ས་མུ་དྡ་ཝ་གྒ་སྶ པ་ཋ་མེ ཙ་ཀྑུ, བྷི་ཀྑ་ཝེ, པུ་རི་ས་སྶ ས་མུ་དྡོཏི ཡ་དི དུ་པྤཱུ་ར་ཎ་ཊྛེ་ན ཡ་དི ཝཱ ས་མུ་དྡ་ན་ཊྛེ་ན ས་མུ་དྡོ, ཙ་ཀྑུ་མེ་ཝ ས་མུ་དྡོ. ཏ་སྶ ཧི པ་ཐ་ཝི་ཏོ ཡཱ་ཝ ཨ་ཀ་ནི་ཊྛ་བྲ་ཧྨ་ལོ་ཀཱ ནཱི་ལཱ་དི་ཨཱ་ར་མྨ་ཎཾ ས་མོ་ས་ར་ནྟཾ པ་རི་པུ་ཎྞ་བྷཱ་ཝཾ ཀཱ་ཏུཾ ན ས་ཀྐོ་ཏི, ཨེ་ཝཾ དུ་པྤཱུ་ར་ཎ་ཊྛེ་ན་པི ས་མུ་དྡོ. ཙ་ཀྑུ ཙ ཏེ་སུ ཏེ་སུ ནཱི་ལཱ་དཱི་སུ ཨཱ་ར་མྨ་ཎེ་སུ ས་མུ་དྡ་ཏི, ཨ་སཾ་ཝུ་ཏཾ ཧུ་ཏྭཱ ཨོ་ས་ར་མཱ་ནཾ ཀི་ལེ་སུ་པྤ་ཏྟི་ཡཱ ཀཱ་ར་ཎ་བྷཱ་ཝེ་ན ས་དོ་ས་ག་མ་ནེ་ན ག་ཙྪ་ཏཱི་ཏི ས་མུ་དྡ་ན་ཊྛེ་ན་པི ས་མུ་དྡོ. ཏ་སྶ རཱུ་པ་མ་ཡོ ཝེ་གོཏི ས་མུ་དྡ་སྶ ཨ་པྤ་མཱ་ཎོ ཨཱུ་མི་མ་ཡོ ཝེ་གོ ཝི་ཡ ཏ་སྶཱ་པི ཙ་ཀྑུ་ས་མུ་དྡ་སྶ ས་མོ་ས་ར་ནྟ་སྶ ནཱི་ལཱ་དི་བྷེ་ད་སྶ ཨཱ་ར་མྨ་ཎ་སྶ ཝ་སེ་ན ཨ་པྤ་མེ་ཡྻོ རཱུ་པ་མ་ཡོ ཝེ་གོ ཝེ་དི་ཏ་བྦོ. ཡོ ཏཾ རཱུ་པ་མ་ཡཾ ཝེ་གཾ ས་ཧ་ཏཱིཏི ཡོ ཏཾ ཙ་ཀྑུ་ས་མུ་དྡེ ས་མོ་ས་ཊཾ རཱུ་པ་མ་ཡཾ ཝེ་གཾ, མ་ནཱ་པེ རཱུ་པེ རཱ་གཾ, ཨ་མ་ནཱ་པེ དོ་སཾ, ཨ་ས་མ་པེ་ཀྑི་ཏེ མོ་ཧ་ནྟི ཨེ་ཝཾ རཱ་གཱ་དི་ཀི་ལེ་སེ ཨ་ནུ་པྤཱ་དེ་ནྟོ ཨུ་པེ་ཀྑ་ཀ་བྷཱ་ཝེ་ན ས་ཧ་ཏི.

ས་ཨཱུ་མིནྟི་ཨཱ་དཱི་སུ ཀི་ལེ་ས་ཨཱུ་མཱི་ཧི ས་ཨཱུ་མིཾ. ཀི་ལེ་སཱ་ཝ་ཊྚེ་ཧི སཱ་ཝ་ཊྚཾ. ཀི་ལེ་ས་གཱ་ཧེ་ཧི ས་གཱ་ཧཾ. ཀི་ལེ་ས་ར་ཀྑ་སེ་ཧི ས་ར་ཀྑ་སཾ. ཀོ་དྷཱུ་པཱ་ཡཱ་ས་སྶ ཙ ཝ་སེ་ན ས་ཨཱུ་མིཾ. ཝུ་ཏ་ཉྷེ་ཏཾ ‘‘ཨཱུ་མི་བྷ་ཡ་ནྟི ཁོ, བྷི་ཀྑ་ཝེ, ཀོ་དྷཱུ་པཱ་ཡཱ་ས་སྶེ་ཏཾ ཨ་དྷི་ཝ་ཙ་ན’’ནྟི (ཨི་ཏི་ཝུ. ༡༠༩; མ. ནི. ༢.༡༦༢; ཨ. ནི. ༤.༡༢༢). ཀཱ་མ་གུ་ཎ་ཝ་སེ་ན སཱ་ཝ་ཊྚཾ. ཝུ་ཏ་ཉྷེ་ཏཾ ‘‘ཨཱ་ཝ་ཊྚ་གྒཱ་ཧོ་ཏི ཁོ, བྷི་ཀྑ་ཝེ, པ་ཉྩ་ནྣེ་ཏཾ ཀཱ་མ་གུ་ཎཱ་ནཾ ཨ་དྷི་ཝ་ཙ་ན’’ནྟི (སཾ. ནི. ༤.༢༤༡). མཱ་ཏུ་གཱ་མ་ཝ་སེ་ན ས་གཱ་ཧཾ ས་ར་ཀྑ་སཾ. ཝུ་ཏྟ་ཉྷེ་ཏཾ ‘‘གཱ་ཧ་ར་ཀྑ་སོ་ཏི ཁོ, བྷི་ཀྑ་ཝེ, མཱ་ཏུ་གཱ་མ་སྶེ་ཏཾ ཨ་དྷི་ཝ་ཙ་ན’’ནྟི (ཨི་ཏི་ཝུ. ༡༠༩). སེ་ས་ཝཱ་རེ་སུ་པི ཨེ་སེ་ཝ ན་ཡོ. ས་བྷ་ཡཾ དུ་ཏྟ་རཾ ཨ་ཙྩ་ཏ་རཱིཏི ཨཱུ་མི་བྷ་ཡེ་ན ས་བྷ་ཡཾ དུ་ར་ཏི་ཀྐ་མཾ ཨ་ཏི་ཀྐ་མི. ལོ་ཀ་ནྟ་གཱུཏི ས་ངྑཱ་ར་ལོ་ཀ་སྶ ཨ་ནྟཾ ག་ཏོ. པཱ་ར་ག་ཏོ་ཏི ཝུ་ཙྩ་ཏཱིཏི ནི་བྦཱ་ནཾ ག་ཏོ་ཏི ཀ་ཐཱི་ཡ་ཏི.