༦-༧. ཨ་ནྟེ་ཝཱ་སི་ཀ་སུ་ཏྟཱ་དི་ཝ་ཎྞ་ནཱ

༡༥༡-༡༥༢. ཚ་ཊྛེ ཨ་ན་ནྟེ་ཝཱ་སི་ཀནྟི ཨ་ནྟོ ཝ་ས་ན་ཀ་ཀི་ལེ་ས་ཝི་ར་ཧི་ཏཾ. ཨ་ནཱ་ཙ་རི་ཡ་ཀནྟི ཨཱ་ཙ་ར་ཎ་ཀ་ཀི་ལེ་ས་ཝི་ར་ཧི་ཏཾ. ཨ་ནྟ་སྶ ཝ་ས་ནྟཱིཏི ཨ་ནྟོ ཨ་སྶ ཝ་ས་ནྟི. ཏེ ནཾ ས་མུ་དཱ་ཙ་ར་ནྟཱིཏི ཏེ ཨེ་ཏཾ ཨ་དྷི་བྷ་ཝ་ནྟི ཨ་ཛ྄ཛྷོ་ཏྠ་ར་ནྟི སི་ཀྑཱ་པེ་ནྟི ཝཱ. ‘‘ཨེ་ཝཾ ཝེ་ཛྫ་ཀ་མྨཾ ཀ་རོ་ཧི, ཨེ་ཝཾ དཱུ་ཏ་ཀ་མྨ’’ནྟི ཨི་ཏི སི་ཀྑཱ་པ་ན་ས་ངྑཱ་ཏེ་ན ས་མུ་དཱ་ཙ་ར་ཎ་ཏྠེ་ན་སྶ ཏེ ཨཱ་ཙ་རི་ཡཱ ནཱ་མ ཧོ་ནྟི, ཏེ་ཧི ཨཱ་ཙ་རི་ཡེ་ཧི སཱ་ཙ་རི་ཡ་ཀོ་ཏི ཝུ་ཙྩ་ཏི. སེ་ས་མེ་ཏྠ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ. ས་ཏྟ་མཾ ཧེ་ཊྛཱ ཀ་ཐི་ཏ་ན་ཡ་མེ་ཝ.