༨. ཨ་ཏྠི་ནུ་ཁོ་པ་རི་ཡཱ་ཡ་སུ་ཏྟ་ཝ་ཎྞ་ནཱ

༡༥༣. ཨ་ཊྛ་མེ ཡཾ པ་རི་ཡཱ་ཡཾ ཨཱ་ག་མྨཱཏི ཡཾ ཀཱ་ར་ཎཾ ཨཱ་ག་མྨ. ཨ་ཉྙ་ཏྲེ་ཝ ས་དྡྷཱ་ཡཱཏི ཝི་ནཱ ས་དྡྷཱ་ཡ ས་དྡྷཾ ཨ་པ་ནེ་ཏྭཱ. ཨེ་ཏྠ ཙ ས་དྡྷཱ་ཏི ན པ་ཙྩ་ཀྑཱ ས་དྡྷཱ. ཡོ པ་ན པ་ར་སྶ ཨེ་ཝཾ ཀི་ར ཨེ་ཝཾ ཀི་རཱ་ཏི ཀ་ཐེ་ནྟ་སྶ སུ་ཏྭཱ ཨུ་པྤ་ནྣོ ས་དྡ་ཧ་ནཱ་ཀཱ་རོ, ཏཾ ས་ནྡྷཱ་ཡེ་ཏཾ ཝུ་ཏྟཾ. རུ་ཙིཨཱ་དཱི་སུ་པི རུ་ཙཱ་པེ་ཏྭཱ ཁ་མཱ་པེ་ཏྭཱ ཨ་ཏྠེ་ཏ་ནྟི ག་ཧ་ཎཱ་ཀཱ་རོ རུ་ཙི ནཱ་མ, ཨེ་ཝཾ ཀི་ར བྷ་ཝི་སྶ་ཏཱི་ཏི ཨ་ནུ་སྶ་ཝ་ནཾ ཨ་ནུ་སྶ་ཝོ, ནི་སཱི་དི་ཏྭཱ ཨེ་ཀཾ ཀཱ་ར་ཎཾ ཙི་ནྟེ་ནྟ་སྶ ཀཱ་ར་ཎཾ ཨུ་པ་ཊྛཱ་ཏི, ཨེ་ཝཾ ཨུ་པ་ཊྛི་ཏ་སྶ ཨ་ཏྠེ་ཏ་ནྟི ག་ཧ་ཎཾ ཨཱ་ཀཱ་ར་པ་རི་ཝི་ཏ་ཀྐོ ནཱ་མ, ཀཱ་ར་ཎ་ཝི་ཏ་ཀྐོ་ཏི ཨ་ཏྠོ. ཀཱ་ར་ཎཾ ཙི་ནྟེ་ནྟ་སྶ པཱ་པི་ཀཱ ལ་དྡྷི ཨུ་པྤ་ཛྫ་ཏི, ཏཾ ཨ་ཏྠེ་སཱ་ཏི ག་ཧ་ཎཱ་ཀཱ་རོ དི་ཊྛི་ནི་ཛ྄ཛྷཱ་ན་ཀྑ་ནྟི ནཱ་མ. ཨ་ཉྙཾ བྱཱ་ཀ་རེ་ཡྻཱཏི ཨི་མཱ་ནི པ་ཉྩ ཋཱ་ནཱ་ནི མུ་ཉྩི་ཏྭཱ ཨ་ར་ཧ་ཏྟཾ བྱཱ་ཀ་རེ་ཡྻ. ཨི་མ་སྨིཾ སུ་ཏྟེ སེ་ཁཱ་སེ་ཁཱ་ནཾ པ་ཙྩ་ཝེ་ཀྑ་ཎཱ ཀ་ཐི་ཏཱ.