༢-༤. ཨེ་ཏཾ་མ་མ་སུ་ཏྟཱ་དི་ཝ་ཎྞ་ནཱ

༢༠༧-༢༠༩. དི་ཊྛནྟི་ཨཱ་དཱི་སུ དི་ཊྛཾ རཱུ་པཱ་ཡ་ཏ་ནཾ. སུ་ཏཾ ས་དྡཱ་ཡ་ཏ་ནཾ. མུ་ཏཾ ག་ནྡྷཱ་ཡ་ཏ་ནཾ ར་སཱ་ཡ་ཏ་ནཾ ཕོ་ཊྛ་བྦཱ་ཡ་ཏ་ནཾ. ཏ་ཉྷི པ་ཏྭཱ ག་ཧེ་ཏ་བྦ་ཏོ མུ་ཏ་ནྟི ཙ ཝུ་ཏྟཾ. ཨ་ཝ་སེ་སཱ་ནི ས་ཏྟཱ་ཡ་ཏ་ནཱ་ནི ཝི་ཉྙཱ་ཏཾ ནཱ་མ. པ་ཏྟནྟི པ་རི་ཡེ་སི་ཏྭཱ ཝཱ ཨ་པ་རི་ཡེ་སི་ཏྭཱ ཝཱ པ་ཏྟཾ. པ་རི་ཡེ་སི་ཏནྟི པ་ཏྟཾ ཝཱ ཨ་པ་ཏྟཾ ཝཱ པ་རི་ཡེ་སི་ཏཾ. ཨ་ནུ་ཝི་ཙ་རི་ཏཾ མ་ན་སཱཏི ཙི་ཏྟེ་ན ཨ་ནུ་ས་ཉྩ་རི་ཏཾ. ལོ་ཀ་སྨི་ཉྷི པ་རི་ཡེ་སི་ཏྭཱ པ་ཏྟ་མྤི ཨ་ཏྠི, པ་རི་ཡེ་སི་ཏྭཱ ནོ་པ་ཏྟ་མྤི, ཨ་པ་རི་ཡེ་སི་ཏྭཱ པ་ཏྟ་མྤི, ཨ་པ་རི་ཡེ་སི་ཏྭཱ ནོ་པ་ཏྟ་མྤི. ཏ་ཏྠ པ་རི་ཡེ་སི་ཏྭཱ པ་ཏྟཾ པ་ཏྟཾ ནཱ་མ, པ་རི་ཡེ་སི་ཏྭཱ ནོ་པ་ཏྟཾ པ་རི་ཡེ་སི་ཏཾ ནཱ་མ. ཨ་པ་རི་ཡེ་སི་ཏྭཱ པ་ཏྟ་ཉྩ ཨ་པ་རི་ཡེ་སི་ཏྭཱ ནོ་པ་ཏྟ་ཉྩ མ་ན་སཱ་ནུ་ཝི་ཙ་རི་ཏཾ ནཱ་མ. ཨ་ཐ ཝཱ པ་རི་ཡེ་སི་ཏྭཱ པ་ཏྟ་མྤི ཨ་པ་རི་ཡེ་སི་ཏྭཱ པ་ཏྟ་མྤི པ་ཏྟ་ཊྛེ་ན པ་ཏྟཾ ནཱ་མ, པ་རི་ཡེ་སི་ཏྭཱ ནོ་པ་ཏྟ་མེ་ཝ པ་རི་ཡེ་སི་ཏཾ ནཱ་མ, ཨ་པ་རི་ཡེ་སི་ཏྭཱ ནོ་པ་ཏྟཾ མ་ན་སཱ་ནུ་ཝི་ཙ་རི་ཏཾ ནཱ་མ. ས་བྦཾ ཝཱ ཨེ་ཏཾ མ་ན་སཱ ཨ་ནུ་ཝི་ཙ་རི་ཏ་མེ་ཝ.