༥. ན་ཏྠི་དི་ནྣ་སུ་ཏྟ་ཝ་ཎྞ་ནཱ

༢༡༠. ན་ཏྠི དི་ནྣནྟི་ཨཱ་དཱི་སུ ན་ཏྠི དི་ནྣནྟི དི་ནྣ་སྶ ཕ་ལཱ་བྷཱ་ཝཾ ས་ནྡྷཱ་ཡ ཝ་ད་ནྟི. ཡི་ཊྛཾ ཝུ་ཙྩ་ཏི མ་ཧཱ་ཡཱ་གོ. ཧུ་ཏནྟི པ་ཧེ་ཎ་ཀ་ས་ཀྐཱ་རོ ཨ་དྷི་པྤེ་ཏོ. ཏ་མྤི ཨུ་བྷ་ཡཾ ཕ་ལཱ་བྷཱ་ཝ་མེ་ཝ ས་ནྡྷཱ་ཡ པ་ཊི་ཀྑི་པ་ནྟི. སུ་ཀ་ཏ་དུ་ཀྐ་ཊཱ་ནནྟི སུ་ཀ་ཏ་དུ་ཀྐ་ཏཱ་ནཾ, ཀུ་ས་ལཱ་ཀུ་ས་ལཱ་ན་ནྟི ཨ་ཏྠོ. ཕ་ལཾ ཝི་པཱ་ཀོཏི ཡཾ ཕ་ལ་ནྟི ཝཱ ཝི་པཱ་ཀོ་ཏི ཝཱ ཝུ་ཙྩ་ཏི, ཏཾ ན་ཏྠཱི་ཏི ཝ་ད་ནྟི. ན་ཏྠི ཨ་ཡཾ ལོ་ཀོཏི པ་ར་ལོ་ཀེ ཋི་ཏ་སྶ ཨ་ཡཾ ལོ་ཀོ ན་ཏྠི. ན་ཏྠི པ་རོ ལོ་ཀོཏི ཨི་དྷ ལོ་ཀེ ཋི་ཏ་སྶ་པི པ་རོ ལོ་ཀོ ན་ཏྠི, ས་བྦེ ཏ་ཏྠ ཏ་ཏྠེ་ཝ ཨུ་ཙྪི་ཛྫ་ནྟཱི་ཏི ད་སྶེ་ནྟི. ན་ཏྠི མཱ་ཏཱ ན་ཏྠི པི་ཏཱཏི ཏེ་སུ ས་མྨཱ་པ་ཊི་པ་ཏྟི་མི་ཙྪཱ་པ་ཊི་པ་ཏྟཱི་ནཾ ཕ་ལཱ་བྷཱ་ཝ་ཝ་སེ་ན ཝ་ད་ནྟི. ན་ཏྠི ས་ཏྟཱ ཨོ་པ་པཱ་ཏི་ཀཱཏི ཙ་ཝི་ཏྭཱ ཨུ་པྤ་ཛྫ་ན་ཀ་ས་ཏྟཱ ནཱ་མ ན་ཏྠཱི་ཏི ཝ་ད་ནྟི. ན་ཏྠི ལོ་ཀེ ས་མ་ཎ་བྲཱ་ཧྨ་ཎཱཏི ལོ་ཀེ ས་མྨཱ་པ་ཊི་པ་ནྣཱ ས་མ་ཎ་བྲཱ་ཧྨ་ཎཱ ནཱ་མ ན་ཏྠཱི་ཏི ཝ་ད་ནྟི.

ཙཱ་ཏུ་མ་ཧཱ་བྷཱུ་ཏི་ཀོཏི ཙ་ཏུ་མ་ཧཱ་བྷཱུ་ཏ་མ་ཡོ. པ་ཐ་ཝཱི པ་ཐ་ཝཱི་ཀཱ་ཡནྟི ཨ་ཛ྄ཛྷ་ཏྟི་ཀཱ པ་ཐ་ཝཱི་དྷཱ་ཏུ བཱ་ཧི་རཾ པ་ཐ་ཝཱི་དྷཱ་ཏུཾ. ཨ་ནུ་པེ་ཏཱིཏི ཨ་ནུ་ཡཱ་ཏི. ཨ་ནུ་པ་ག་ཙྪ་ཏཱིཏི ཏ་སྶེ་ཝ ཝེ་ཝ་ཙ་ནཾ, ཨ་ནུ་ག་ཙྪ་ཏཱི་ཏི་པི ཨ་ཏྠོ. ཨུ་བྷ་ཡེ་ནཱ་པི ཨུ་པེ་ཏི ཨུ་པ་ག་ཙྪ་ཏཱི་ཏི ད་སྶེ་ནྟི. ཨཱ་པཱདཱི་སུ་པི ཨེ་སེ་ཝ ན་ཡོ. ཨི་ནྡྲི་ཡཱ་ནཱིཏི མ་ན་ཙྪ་ཊྛཱ་ནི ཨི་ནྡྲི་ཡཱ་ནི. ས་ངྐ་མ་ནྟཱིཏི ཨཱ་ཀཱ་སཾ པ་ཀྑ་ནྡ་ནྟི. ཨཱ་ས་ནྡི་པ་ཉྩ་མཱཏི ནི་པ་ནྣ་མ་ཉྩེ་ན པ་ཉྩ་མཱ, མ་ཉྩོ ཙེ་ཝ, ཙ་ཏྟཱ་རོ མ་ཉྩ་པཱ་དེ ག་ཧེ་ཏྭཱ ཋི་ཏཱ ཙ་ཏྟཱ་རོ པུ་རི་སཱ ཙཱ་ཏི ཨ་ཏྠོ. ཡཱ་ཝ ཨཱ་ལཱ༹་ཧ་ནཱཏི ཡཱ་ཝ སུ་སཱ་ནཱ. པ་དཱ་ནཱིཏི ‘‘ཨ་ཡཾ ཨེ་ཝཾ སཱི་ལ་ཝཱ ཨ་ཧོ་སི, ཨེ་ཝཾ དུ་སྶཱི་ལོ’’ཏི་ཨཱ་དི་ནཱ ན་ཡེ་ན པ་ཝ་ཏྟཱ་ནི གུ་ཎཱ་གུ་ཎ་པ་དཱ་ནི. ས་རཱི་ར་མེ་ཝ ཝཱ ཨེ་ཏྠ པ་དཱ་ནཱི་ཏི ཨ་དྷི་པྤེ་ཏཾ. ཀཱ་པོ་ཏ་ཀཱ་ནཱིཏི ཀ་པོ་ཏ་ཀ་ཝ་ཎྞཱ་ནི, པཱ་རཱ་ཝ་ཏ་པ་ཀྑ་ཝ་ཎྞཱ་ནཱི་ཏི ཨ་ཏྠོ. བྷ་སྶ་ནྟཱཏི བྷ་སྨ་ནྟཱ. ཨ་ཡ་མེ་ཝ ཝཱ པཱ་ལི༹. ཨཱ་ཧུ་ཏི་ཡོཏི ཡཾ པ་ཧེ་ཎ་ཀ་ས་ཀྐཱ་རཱ་དི་བྷེ་དཾ དི་ནྣ་དཱ་ནཾ, ས་བྦཾ ཏཾ ཚཱ་རི་ཀཱ་ཝ་སཱ་ན་མེ་ཝ ཧོ་ཏི, ན ཏ་ཏོ པ་རཾ ཕ་ལ་དཱ་ཡ་ཀཾ ཧུ་ཏྭཱ ག་ཙྪ་ཏཱི་ཏི ཨ་ཏྠོ. ད་ཏྟུ་པ་ཉྙ་ཏྟནྟི ད་ཏྟཱུ་ཧི བཱ་ལ་མ་ནུ་སྶེ་ཧི པ་ཉྙ་ཏྟཾ. ཨི་དཾ ཝུ་ཏྟཾ ཧོ་ཏི – བཱ་ལེ་ཧི ཨ་བུ་དྡྷཱི་ཧི པ་ཉྙ་ཏྟ་མི་དཾ དཱ་ནཾ, ན པ་ཎྜི་ཏེ་ཧི. བཱ་ལཱ དེ་ནྟི, པ་ཎྜི་ཏཱ ག་ཎྷ་ནྟཱི་ཏི ད་སྶེ་ནྟི.