༡. ཝཱ་ཏ་སུ་ཏྟ་ཝ་ཎྞ་ནཱ

༢༠༦. དི་ཊྛི་སཾ་ཡུ་ཏྟེ ན ཝཱ་ཏཱ ཝཱ་ཡ་ནྟཱིཏི་ཨཱ་དཱི་སུ ཨེ་ཝཾ ཀི་ར ཏེ་སཾ དི་ཊྛི – ‘‘ཡེ་པི ཨེ་ཏེ རུ་ཀྑ་སཱ་ཁཱ་དཱི་ནི བྷ་ཉྫ་ནྟཱ ཝཱ་ཏཱ ཝཱ་ཡ་ནྟི, ན ཨེ་ཏེ ཝཱ་ཏཱ, ཝཱ་ཏ་ལེ་སོ ནཱ་མེ་སོ, ཝཱ་ཏོ པ་ན ཨེ་སི་ཀ་ཏྠ་མྦྷོ ཝི་ཡ པ་བྦ་ཏ་ཀཱུ་ཊཾ ཝི་ཡ ཙ ཋི་ཏོ. ཏ་ཐཱ ཡཱ་པི ཨེ་ཏཱ ཏི་ཎ་ཀ་ཊྛཱ་དཱི་ནི ཝ་ཧ་ནྟི་ཡོ ན་དི་ཡོ ས་ནྡ་ནྟི, ན ཨེ་ཏྠ ཨུ་ད་ཀཾ ས་ནྡ་ཀི, ཨུ་ད་ཀ་ལེ་སོ ནཱ་མེ་ས, ཨུ་ད་ཀཾ པ་ན ཨེ་སི་ཀ་ཏྠ་མྦྷོ ཝི་ཡ པ་བྦ་ཏ་ཀཱུ་ཊཾ ཝི་ཡ ཙ ཋི་ཏཾ. ཡཱ་པི་མཱ ག་བྦྷི་ནི་ཡོ ཝི་ཛཱ་ཡ་ནྟཱི་ཏི ཙ ཝུ་ཙྩ་ནྟི, ཀི་ཉྩཱ་པི ཏཱ མི་ལཱ་ཏུ་ད་རཱ ཧོ་ནྟི, ག་བྦྷོ པ་ན ན ནི་ཀྑ་མ་ཏི, ག་བྦྷ་ལེ་སོ ནཱ་མེ་སོ, ག་བྦྷོ པ་ན ཨེ་སི་ཀ་ཏྠ་མྦྷོ ཝི་ཡ པ་བྦ་ཏ་ཀཱུ་ཊཾ ཝི་ཡ ཙ ཋི་ཏོ. ཡེ་པི ཨེ་ཏེ ཙ་ནྡི་མ་སཱུ་རི་ཡཱ ཨུ་དེ་ནྟི ཝཱ ཨ་པེ་ནྟི ཝཱ, ནེ་ཝ ཏེ ཨུ་དེ་ནྟི ན ཨ་པེ་ནྟི, ཙ་ནྡི་མ་སཱུ་རི་ཡ་ལེ་སོ ནཱ་མེ་ས, ཙ་ནྡི་མ་སཱུ་རི་ཡཱ པ་ན ཨེ་སི་ཀ་ཏྠ་མྦྷོ ཝི་ཡ པ་བྦ་ཏ་ཀཱུ་ཊཾ ཝི་ཡ ཙ ཋི་ཏཱ’’ཏི.