༡. མཱ་ར་སུ་ཏྟ་ཝ་ཎྞ་ནཱ

༡༦༠. རཱ་དྷ་སཾ་ཡུ་ཏྟ་སྶ པ་ཋ་མེ མཱ་རོ ཝཱ ཨ་སྶཱཏི མ་ར་ཎཾ ཝཱ བྷ་ཝེ་ཡྻ. མཱ་རེ་ཏཱ ཝཱཏི མཱ་རེ་ཏ་བྦོ ཝཱ. ཡོ ཝཱ པ་ན མཱི་ཡ་ཏཱིཏི ཡོ ཝཱ པ་ན མ་ར་ཏི. ནི་བྦི་ད་ཏྠནྟི ནི་བྦི་དཱ་ཉཱ་ཎ་ཏྠཾ. ནི་བྦཱ་ན་ཏྠཱཏི ཕ་ལ་ཝི་མུ་ཏྟི ནཱ་མེ་སཱ ཨ་ནུ་པཱ་དཱ་ནི་བྦཱ་ན་ཏྠཱ་ཏི ཨ་ཏྠོ. ཨ་ཙྩ་ཡཱ་སཱིཏི ཨ་ཏི་ཀྐ་ནྟོ་སི. ནི་བྦཱ་ནོ་ག་དྷནྟི ནི་བྦཱ་ནེ པ་ཏི་ཊྛི་ཏཾ. ཨི་དཾ མ་གྒ་བྲ་ཧྨ་ཙ་རི་ཡཾ ནཱ་མ ནི་བྦཱ་ན་བྦྷ་ནྟ་རེ ཝུ་སྶ་ཏི, ན ནི་བྦཱ་ནཾ ཨ་ཏི་ཀྐ་མི་ཏྭཱ་ཏི ཨ་ཏྠོ. ནི་བྦཱ་ན་པ་རི་ཡོ་སཱ་ནནྟི ནི་བྦཱ་ནཾ ཨ་སྶ པ་རི་ཡོ་སཱ་ནཾ, ནི་པྥ་ཏྟི ནི་ཊྛཱ་ཏི ཨ་ཏྠོ. པ་ཋ་མཾ.