༡. པ་ཋ་མ་ཝ་གྒོ

༡. མཱ་ར་སུ་ཏྟ་ཝ་ཎྞ་ནཱ

༡༦༠. རཱ་དྷ་སཾ་ཡུ་ཏྟ་སྶ པ་ཋ་མེ མཱ་རོ ཝཱ ཨ་སྶཱཏི མ་ར་ཎཾ ཝཱ བྷ་ཝེ་ཡྻ. མཱ་རེ་ཏཱ ཝཱཏི མཱ་རེ་ཏ་བྦོ ཝཱ. ཡོ ཝཱ པ་ན མཱི་ཡ་ཏཱིཏི ཡོ ཝཱ པ་ན མ་ར་ཏི. ནི་བྦི་ད་ཏྠནྟི ནི་བྦི་དཱ་ཉཱ་ཎ་ཏྠཾ. ནི་བྦཱ་ན་ཏྠཱཏི ཕ་ལ་ཝི་མུ་ཏྟི ནཱ་མེ་སཱ ཨ་ནུ་པཱ་དཱ་ནི་བྦཱ་ན་ཏྠཱ་ཏི ཨ་ཏྠོ. ཨ་ཙྩ་ཡཱ་སཱིཏི ཨ་ཏི་ཀྐ་ནྟོ་སི. ནི་བྦཱ་ནོ་ག་དྷནྟི ནི་བྦཱ་ནེ པ་ཏི་ཊྛི་ཏཾ. ཨི་དཾ མ་གྒ་བྲ་ཧྨ་ཙ་རི་ཡཾ ནཱ་མ ནི་བྦཱ་ན་བྦྷ་ནྟ་རེ ཝུ་སྶ་ཏི, ན ནི་བྦཱ་ནཾ ཨ་ཏི་ཀྐ་མི་ཏྭཱ་ཏི ཨ་ཏྠོ. ནི་བྦཱ་ན་པ་རི་ཡོ་སཱ་ནནྟི ནི་བྦཱ་ནཾ ཨ་སྶ པ་རི་ཡོ་སཱ་ནཾ, ནི་པྥ་ཏྟི ནི་ཊྛཱ་ཏི ཨ་ཏྠོ. པ་ཋ་མཾ.

༢-༡༠. ས་ཏྟ་སུ་ཏྟཱ་དི་ཝ་ཎྞ་ནཱ

༡༦༡-༡༦༩. དུ་ཏི་ཡེ ས་ཏྟོ ས་ཏྟོཏི ལ་གྒ་པུ་ཙྪཱ. ཏ་ཏྲ ས་ཏྟོ ཏ་ཏྲ ཝི་ས་ཏྟོཏི ཏ་ཏྲ ལ་གྒོ ཏ་ཏྲ ཝི་ལ་གྒོ. པཾ་སྭཱ་གཱ་ར་ཀེ་ཧཱིཏི པཾ་སུ་གྷ་ར་ཀེ་ཧི. ཀེ་ལཱ༹་ཡ་ནྟཱིཏི ཀཱི་ལ༹་ནྟི. དྷ་ནཱ་ཡ་ནྟཱིཏི དྷ་ནཾ ཝི་ཡ མ་ཉྙ་ནྟི. མ་མཱ་ཡ་ནྟཱིཏི ‘‘མ་མ ཨི་དཾ, མ་མ ཨི་ད’’ནྟི མ་མ་ཏྟཾ ཀ་རོ་ནྟི, ཨ་ཉྙ་སྶ ཕུ་སི་ཏུ་མྤི ན དེ་ནྟི. ཝི་ཀཱི་ལ༹་ནི་ཡཾ ཀ་རོ་ནྟཱིཏི ‘‘ནི་ཊྛི་ཏཱ ཀཱི་ལཱ༹’’ཏི ཏེ བྷི་ནྡ་མཱ་ནཱ ཀཱི་ལཱ༹་ཝི་ག་མཾ ཀ་རོ་ནྟི. ཏ་ཏི་ཡེ བྷ་ཝ་ནེ་ཏྟཱིཏི བྷ་ཝ་ར་ཛྫུ. ཙ་ཏུ་ཏྠཾ ཨུ་ཏྟཱ་ན་མེ་ཝ. པ་ཉྩ་མཱ་དཱི་སུ ཙ་ཏཱུ་སུ ཙ་ཏྟཱ་རི ས་ཙྩཱ་ནི ཀ་ཐི་ཏཱ་ནི, དྭཱི་སུ ཀི་ལེ་ས་པྤ་ཧཱ་ན་ནྟི. དུ་ཏི་ཡཱ་དཱི་ནི.

པ་ཋ་མོ ཝ་གྒོ.