༥. ས་ཏྟ་ཊྛཱ་ན་སུ་ཏྟ་ཝ་ཎྞ་ནཱ

༥༧. པ་ཉྩ་མེ ས་ཏྟ་ཊྛཱ་ན་ཀུ་ས་ལོཏི ས་ཏྟ་སུ ཨོ་ཀཱ་སེ་སུ ཚེ་ཀོ. ཝུ་སི་ཏ་ཝཱཏི ཝུ་སི་ཏ་ཝཱ་སོ. ཨུ་ཏྟ་མ་པུ་རི་སོཏི སེ་ཊྛ་པུ་རི་སོ. སེ་ས་མེ་ཏྠ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ. ཨི་དཾ པ་ན སུ་ཏྟཾ ཨུ་སྶ་ད་ན་ནྡི་ཡ་ཉྩེ་ཝ པ་ལོ་བྷ་ནཱི་ཡ་ཉྩཱ་ཏི ཝེ་དི་ཏ་བྦཾ. ཡ་ཐཱ ཧི རཱ་ཛཱ ཝི་ཛི་ཏ་ས་ངྒཱ་མོ ས་ངྒཱ་མེ ཝི་ཛ་ཡི་ནོ ཡོ་དྷེ ཨུ་ཙྩ་ཊྛཱ་ནེ ཋ་པེ་ཏྭཱ ཏེ་སཾ ས་ཀྐཱ་རཾ ཀ་རོ་ཏི. ཀིཾ ཀཱ་ར་ཎཱ? ཨེ་ཏེ་སཾ ས་ཀྐཱ་རཾ དི་སྭཱ སེ་སཱ་པི སཱུ་རཱ བྷ་ཝི་ཏུཾ མ་ཉྙི་སྶ་ནྟཱི་ཏི, ཨེ་ཝ་མེ་ཝ བྷ་ག་ཝཱ ཨ་པྤ་མེ་ཡྻཾ ཀཱ་ལཾ པཱ་ར་མི་ཡོ པཱུ་རེ་ཏྭཱ མ་ཧཱ་བོ་དྷི་མ་ཎྜེ ཀི་ལེ་ས་མཱ་ར་ཝི་ཛ་ཡཾ ཀ་ཏྭཱ ས་བྦ་ཉྙུ་ཏཾ པ་ཏྟོ སཱ་ཝ་ཏྠི་ཡཾ ཛེ་ཏ་ཝ་ན་མ་ཧཱ་ཝི་ཧཱ་རེ ནི་སཱི་དི་ཏྭཱ ཨི་མཾ སུ་ཏྟཾ དེ་སེ་ནྟོ ཁཱི་ཎཱ་ས་ཝེ ཨུ་ཀྑི་པི་ཏྭཱ ཐོ་མེ་སི ཝ་ཎྞེ་སི. ཀིཾ ཀཱ་ར་ཎཱ? ཨེ་ཝཾ ཨ་ཝ་སེ་སཱ སེ་ཀྑ་པུ་གྒ་ལཱ ཨ་ར་ཧ་ཏྟ་ཕ་ལཾ པ་ཏྟ་བྦཾ མ་ཉྙི་སྶ་ནྟཱི་ཏི. ཨེ་ཝ་མེ་ཏཾ སུ་ཏྟཾ ཁཱི་ཎཱ་ས་ཝཱ་ནཾ ཨུ་ཀྑི་པི་ཏྭཱ པ་སཾ་སི་ཏ་ཏྟཱ ཨུ་སྶ་ད་ན་ནྡི་ཡཾ, སེ་ཀྑཱ་ནཾ པ་ལོ་བྷི་ཏ་ཏྟཱ པ་ལོ་བྷ་ནཱི་ཡ་ནྟི ཝེ་དི་ཏ་བྦཾ.

ཨེ་ཝཾ ཁོ, བྷི་ཀྑ་ཝེ, བྷི་ཀྑུ ས་ཏྟ་ཊྛཱ་ན་ཀུ་ས་ལོ ཧོ་ཏཱིཏི ཨེ་ཏྟཱ་ཝ་ཏཱ ཙེ་ཏྠ མ་གྒ་ཕ་ལ་པ་ཙྩ་ཝེ་ཀྑ་ཎ་ཝ་སེ་ན དེ་ས་ནཾ ནི་ཊྛ་པེ་ཏྭཱ་པི པུ་ན ཀ་ཐ་ཉྩ, བྷི་ཀྑ་ཝེ, བྷི་ཀྑུ ཏི་ཝི་དྷཱུ་པ་པ་རི་ཀྑཱི ཧོ་ཏཱིཏི ཨི་དཾ ‘‘ཁཱི་ཎཱ་ས་ཝོ ཡ་སྨིཾ ཨཱ་ར་མྨ་ཎེ ས་ཏ་ཏ་ཝི་ཧཱ་རེ་ན ཝི་ཧ་ར་ཏི, ཏཾ ས་ཏྟོ ཝཱ པུ་གྒ་ལོ ཝཱ ན ཧོ་ཏི, དྷཱ་ཏུ་ཨཱ་དི་མ་ཏྟ་མེ་ཝ པ་ན ཧོ་ཏཱི’’ཏི ཨེ་ཝཾ ཁཱི་ཎཱ་ས་ཝ་སྶ ས་ཏ་ཏ་ཝི་ཧཱ་ར་ཉྩ, ‘‘ཨི་མེ་སུ དྷ་མྨེ་སུ ཀ་མྨཾ ཀ་ཏྭཱ ཨ་ཡཾ ཨཱ་ག་ཏོ’’ཏི ཨཱ་ག་མ་ནཱི་ཡ་པ་ཊི་པ་ད་ཉྩ ད་སྶེ་ཏུཾ ཝུ་ཏྟཾ. ཏ་ཏྠ དྷཱ་ཏུ་སོ ཨུ་པ་པ་རི་ཀྑ་ཏཱིཏི དྷཱ་ཏུ་ས་བྷཱ་ཝེ་ན པ་སྶ་ཏི ཨོ་ལོ་ཀེ་ཏི. སེ་ས་པ་ད་དྭ་ཡེ་པི ཨེ་སེ་ཝ ན་ཡོ. པ་ཉྩ་མཾ.