༣. ཀུ་ལ་སུ་ཏྟ་ཝ་ཎྞ་ནཱ

༢༢༥. ཏ་ཏི་ཡེ སུ་པྤ་དྷཾ་སི་ཡཱ་ནཱིཏི སུ་ཝི་ཧེ་ཋི་ཡཱ་ནི. ཀུ་མྦྷ་ཏྠེ་ན་ཀེ་ཧཱིཏི ཡེ པ་ར་གྷ་རཾ པ་ཝི་སི་ཏྭཱ དཱི་པཱ་ལོ་ཀེ་ན ཨོ་ལོ་ཀེ་ཏྭཱ པ་ར་བྷ་ཎྜཾ ཧ་རི་ཏུ་ཀཱ་མཱ གྷ་ཊེ དཱི་པཾ ཀ་ཏྭཱ པ་ཝི་ས་ནྟི, ཏེ ཀུ་མྦྷ་ཏྠེ་ན་ཀཱ ནཱ་མ, ཏེ་ཧི ཀུ་མྦྷ་ཏྠེ་ན་ཀེ་ཧི. སུ་པྤ་དྷཾ་སི་ཡོ ཧོ་ཏི ཨ་མ་ནུ་སྶེ་ཧཱིཏི མེ་ཏྟཱ་བྷཱ་ཝ་ནཱ་ར་ཧི་ཏཾ པཾ་སུ་པི་སཱ་ཙ་ཀཱ ཝི་དྷཾ་ས་ཡ་ནྟི, པ་གེ་ཝ ཨུ་ལཱ༹་རཱ ཨ་མ་ནུ་སྶཱ. བྷཱ་ཝི་ཏཱཏི ཝ་ཌྜྷི་ཏཱ. བ་ཧུ་ལཱི་ཀ་ཏཱཏི པུ་ན་པྤུ་ནཾ ཀ་ཏཱ. ཡཱ་ནཱི་ཀ་ཏཱཏི ཡུ་ཏྟ་ཡཱ་ནཾ ཝི་ཡ ཀ་ཏཱ. ཝ་ཏྠུ་ཀ་ཏཱཏི པ་ཏི་ཊྛཱ་ན་ཊྛེ་ན ཝ་ཏྠུ ཝི་ཡ ཀ་ཏཱ. ཨ་ནུ་ཊྛི་ཏཱཏི ཨ་དྷི་ཊྛི་ཏཱ. པ་རི་ཙི་ཏཱཏི ས་མ་ནྟ་ཏོ ཙི་ཏཱ སུ་ཝ་ཌྜྷི་ཏཱ. སུ་ས་མཱ་ར་དྡྷཱཏི ཙི་ཏྟེ་ན སུ་ཊྛུ ས་མཱ་ར་དྡྷཱ. ཏ་ཏི་ཡཾ.