༤. ཨོ་ཀྑཱ་སུ་ཏྟ་ཝ་ཎྞ་ནཱ

༢༢༦. ཙ་ཏུ་ཏྠེ ཨོ་ཀྑཱ་ས་ཏནྟི མ་ཧཱ་མུ་ཁ་ཨུ་ཀྑ་ལཱི་ནཾ ས་ཏཾ. དཱ་ནཾ ད་དེ་ཡྻཱཏི པ་ཎཱི་ཏ་བྷོ་ཛ་ན་བྷ་རི་ཏཱ་ནཾ མ་ཧཱ་ཨུ་ཀྑ་ལཱི་ནཾ ས་ཏཾ དཱ་ནཾ ད་དེ་ཡྻ. ‘‘ཨུ་ཀྐཱ་ས་ཏ’’ནྟི་པི པཱ་ཋོ, ཏ་སྶ ད་ཎྜ་དཱི་པི་ཀཱ་ས་ཏ་ནྟི ཨ་ཏྠོ. ཨེ་ཀཱ་ཡ པ་ན དཱི་པི་ཀཱ་ཡ ཡ་ཏྟ་ཀེ ཋཱ་ནེ ཨཱ་ལོ་ཀོ ཧོ་ཏི, ཏ་ཏོ ས་ཏ་གུ་ཎཾ ཋཱ་ནཾ ས་ཏྟ་ཧི ར་ཏ་ནེ་ཧི པཱུ་རེ་ཏྭཱ དཱ་ནཾ ད་དེ་ཡྻཱ་ཏི ཨ་ཏྠོ. ག་དྡུ་ཧ་ན་མ་ཏྟནྟི གོ་དུ་ཧ་ན་མ་ཏྟཾ, གཱ་ཝི་ཡཱ ཨེ་ཀ་ཝཱ་རཾ ཨ་གྒ་ཐ་ནཱ་ཀ་ཌྜྷ་ན་མ་ཏྟ་ནྟི ཨ་ཏྠོ. ག་ནྡྷ་ཨཱུ་ཧ་ན་མ་ཏྟཾ ཝཱ, དྭཱི་ཧི ཨ་ངྒུ་ལཱི་ཧི ག་ནྡྷ་པི་ཎྜཾ ག་ཧེ་ཏྭཱ ཨེ་ཀ་ཝཱ་རཾ གྷཱ་ཡ་ན་མ་ཏྟ་ནྟི ཨ་ཏྠོ. ཨེ་ཏྟ་ཀ་མྤི ཧི ཀཱ་ལཾ ཡོ པ་ན ག་བྦྷ་པ་རི་ཝེ་ཎ་ཝི་ཧཱ་རཱུ་པ་ཙཱ་ར པ་རི་ཙྪེ་དེ་ན ཝཱ ཙ་ཀྐ་ཝཱ་ལ༹་པ་རི་ཙྪེ་དེ་ན ཝཱ ཨ་པ་རི་མཱ་ཎཱ་སུ ལོ་ཀ་དྷཱ་ཏཱུ་སུ ཝཱ ས་བྦ་ས་ཏྟེ་སུ ཧི་ཏ་ཕ་ར་ཎཾ མེ་ཏྟ་ཙི་ཏྟཾ བྷཱ་ཝེ་ཏུཾ ས་ཀྐོ་ཏི, ཨི་དཾ ཏ་ཏོ ཨེ་ཀ་དི་ཝ་སཾ ཏི་ཀྑ་ཏྟུཾ དི་ནྣ་དཱ་ན་ཏོ མ་ཧ་པྥ་ལ་ཏ་རཾ. ཙ་ཏུ་ཏྠཾ.