༧. ཨ་སྶ་དྡྷ་སཾ་ས་ནྡ་ན་སུ་ཏྟ་ཝ་ཎྞ་ནཱ

༡༠༡. ས་ཏྟ་མེ ཨ་སྶ་དྡྷཱ ཨ་སྶ་དྡྷེ་ཧཱིཏི་ཨཱ་དཱི་སུ བུ་དྡྷེ ཝཱ དྷ་མྨེ ཝཱ ས་ངྒྷེ ཝཱ ས་དྡྷཱ་ཝི་ར་ཧི་ཏཱ ནི་རོ་ཛཱ ནི་ར་སཱ པུ་གྒ་ལཱ ས་མུ་དྡ་སྶ ཨོ་རི་མ་ཏཱི་རེ ཋི་ཏཱ པཱ་རི་མ་ཏཱི་རེ་པི ཋི་ཏེ་ཧི ཨ་སྶ་དྡྷེ་ཧི ས་དྡྷིཾ ཏཱ་ཡ ཨ་སྶ་དྡྷ་ཏཱ་ཡ ཨེ་ཀ་ས་དི་སཱ ནི་ར་ནྟ་རཱ ཧོ་ནྟི. ཏ་ཐཱ ཨ་ཧི་རི་ཀཱ བྷི་ནྣ་མ་རི་ཡཱ་དཱ ཨ་ལ་ཛྫི་པུ་གྒ་ལཱ ཨ་ཧི་རི་ཀེ་ཧི, ཨ་ནོ་ཏྟ་པྤི་ནོ པཱ་པ་ཀི་རི་ཡཱ་ཡ ཨ་བྷཱ་ཡ་མཱ་ནཱ ཨ་ནོ་ཏྟ་པྤཱི་ཧི, ཨ་པྤ་སྶུ་ཏཱ སུ་ཏ་ཝི་ར་ཧི་ཏཱ ཨ་པྤ་སྶུ་ཏེ་ཧི, ཀུ་སཱི་ཏཱ ཨཱ་ལ་སི་ཡ་པུ་གྒ་ལཱ ཀུ་སཱི་ཏེ་ཧི, མུ་ཊྛ་སྶ་ཏི་ནོ བྷ་ཏྟ་ནི་ཀྑི་ཏྟ་ཀཱ་ཀ་མཾ་ས་ནི་ཀྑི་ཏྟ་སི་ངྒཱ་ལ་ས་དི་སཱ མུ་ཊྛ་སྶ་ཏཱི་ཧི, དུ་པྤ་ཉྙཱ ཁ་ནྡྷཱ་དི་པ་རི་ཙྪེ་དི་ཀཱ་ཡ པ་ཉྙཱ་ཡ ཨ་བྷཱ་ཝེ་ན ནི་པྤ་ཉྙཱ ཏཱ་དི་སེ་ཧེ་ཝ དུ་པྤ་ཉྙེ་ཧི, ས་དྡྷཱ་ས་མྤ་ནྣཱ ཙེ་ཏི་ཡ་ཝ་ནྡ་ནཱ་དི་ཀི་ཙྩ་པ་སུ་ཏཱ ས་དྡྷེ་ཧི, ཧི་རི་མ་ནཱ ལ་ཛྫི་པུ་གྒ་ལཱ ཧི་རི་མ་ནེ་ཧི, ཨོ་ཏྟ་པྤི་ནོ པཱ་པ་བྷཱི་རུ་ཀཱ ཨོ་ཏྟ་པྤཱི་ཧི, བ་ཧུ་སྶུ་ཏཱ སུ་ཏ་དྷ་རཱ ཨཱ་ག་མ་དྷ་རཱ ཏ་ནྟི་པཱ་ལ་ཀཱ ཝཾ་སཱ་ནུ་ར་ཀྑ་ཀཱ བ་ཧུ་སྶུ་ཏེ་ཧི, ཨཱ་ར་དྡྷ་ཝཱི་རི་ཡཱ པ་རི་པུ་ཎྞ་པ་ར་ཀྐ་མཱ ཨཱ་ར་དྡྷ་ཝཱི་རི་ཡེ་ཧི, ཨུ་པ་ཊྛི་ཏ་སྶ་ཏཱི ས་བྦ་ཀི་ཙྩ་པ་རི་གྒཱ་ཧི་ཀཱ་ཡ ས་ཏི་ཡཱ ས་མ་ནྣཱ་ག་ཏཱ ཨུ་པ་ཊྛི་ཏ་སྶ་ཏཱི་ཧི, པ་ཉྙ་ཝ་ནྟོ མ་ཧཱ་པ་ཉྙེ་ཧི ཝ་ཛི་རཱུ་པ་མ་ཉཱ་ཎེ་ཧི པ་ཉྙ་ཝ་ནྟེ་ཧི ས་དྡྷིཾ དཱུ་རེ ཋི་ཏཱ་པི ཏཱ་ཡ པ་ཉྙཱ་ས་མྤ་ཏྟི་ཡཱ སཾ་ས་ནྡ་ནྟི ས་མེ་ནྟི. ས་ཏྟ་མཾ.