༡༢. ས་ཧཱ་ཡ་ཀ་སུ་ཏྟ་ཝ་ཎྞ་ནཱ

༢༤༦. དྭཱ་ད་ས་མེ ཙི་ར་ར་ཏྟཾ་ས་མེ་ཏི་ཀཱཏི དཱི་གྷ་ར་ཏྟཾ སཾ་ས་ནྡི་ཏྭཱ ས་མེ་ཏྭཱ ཋི་ཏ་ལ་དྡྷི་ནོ. ཏེ ཀི་ར པ་ཉྩ་ཛཱ་ཏི་ས་ཏཱ་ནི ཨེ་ཀ་ཏོ་ཝ ཝི་ཙ་རིཾ་སུ. ས་མེ་ཏི ནེ་སཾ ས་དྡྷ་མྨོཏི ཨི་དཱ་ནི ཨི་མེ་སཾ ཨ་ཡཾ སཱ་ས་ན་དྷ་མྨོ སཾ་ས་ནྡ་ཏི ས་མེ་ཏི. དྷ་མྨེ བུ་དྡྷ་པྤ་ཝེ་དི་ཏེཏི བུ་དྡྷེ་ན པ་ཝེ་དི་ཏེ དྷ་མྨེ ཨེ་ཏེ་སཾ སཱ་ས་ན་དྷ་མྨོ སོ་བྷ་ཏཱི་ཏི ཨ་ཏྠོ. སུ་ཝི་ནཱི་ཏཱ ཀ་པྤི་ནེ་ནཱཏི ཨ་ཏྟ་ནོ ཨུ་པ་ཛ྄ཛྷཱ་ཡེ་ན ཨ་རི་ཡ་པྤ་ཝེ་དི་ཏེ དྷ་མྨེ སུ་ཊྛུ ཝི་ནཱི་ཏཱ. སེ་སཾ ས་བྦ་ཏྠ ཨུ་ཏྟཱ་ན་མེ་ཝཱ་ཏི. དྭཱ་ད་ས་མཾ.

བྷི་ཀྑུ་སཾ་ཡུ་ཏྟ་ཝ་ཎྞ་ནཱ ནི་ཊྛི་ཏཱ.

ཨི་ཏི སཱ་ར་ཏྠ་པྤ་ཀཱ་སི་ནི་ཡཱ སཾ་ཡུ་ཏྟ་ནི་ཀཱ་ཡ-ཨ་ཊྛ་ཀ་ཐཱ་ཡ

ནི་དཱ་ན་ཝ་གྒ་ཝ་ཎྞ་ནཱ ནི་ཊྛི་ཏཱ.