༦. དྷ་མྨ་ཀ་ཐི་ཀ་སུ་ཏྟ་ཝ་ཎྞ་ནཱ

༡༦. ཚ་ཊྛེ ནི་བྦི་དཱ་ཡཱཏི ནི་བྦི་ནྡ་ན་ཏྠཱ་ཡ. ཝི་རཱ་གཱ་ཡཱཏི ཝི་ར་ཛྫ་ན་ཏྠཱ་ཡ. ནི་རོ་དྷཱ་ཡཱཏི ནི་རུ་ཛ྄ཛྷ་ན་ཏྠཱ་ཡ. པ་ཊི་པ་ནྣོ ཧོ་ཏཱིཏི ཨེ་ཏྠ སཱི་ལ་ཏོ པ་ཊྛཱ་ཡ ཡཱ་ཝ ཨ་ར་ཧ་ཏྟ་མ་གྒཱ པ་ཊི་པ་ནྣོ་ཏི ཝེ་དི་ཏ་བྦོ. དྷ་མྨཱ་ནུ་དྷ་མྨ་པྤ་ཊི་པ་ནྣོཏི ལོ་ཀུ་ཏྟ་ར་སྶ ནི་བྦཱ་ན་དྷ་མྨ་སྶ ཨ་ནུ་དྷ་མྨ་བྷཱུ་ཏཾ པ་ཊི་པ་དཾ པ་ཊི་པ་ནྣོ. ཨ་ནུ་དྷ་མྨ་བྷཱུ་ཏནྟི ཨ་ནུ་རཱུ་པ་ས་བྷཱ་ཝ་བྷཱུ་ཏཾ. ནི་བྦི་དཱ ཝི་རཱ་གཱ ནི་རོ་དྷཱཏི ནི་བྦི་དཱ་ཡ ཙེ་ཝ ཝི་རཱ་གེ་ན ཙ ནི་རོ་དྷེ་ན ཙ. ཨ་ནུ་པཱ་དཱ ཝི་མུ་ཏྟོཏི ཙ་ཏཱུ་ཧི ཨུ་པཱ་དཱ་ནེ་ཧི ཀི་ཉྩི དྷ་མྨཾ ཨ་ནུ་པཱ་དི་ཡི་ཏྭཱ ཝི་མུ་ཏྟོ. དི་ཊྛ་དྷ་མྨ་ནི་བྦཱ་ན་པྤ་ཏྟོཏི དི་ཊྛེ་ཝ དྷ་མྨེ ནི་བྦཱ་ན་པྤ་ཏྟོ. ཨ་ལཾ ཝ་ཙ་ནཱ་ཡཱཏི, ཨེ་ཝཾ ཝ་ཏྟ་བྦ་ཏཾ ཨ་ར་ཧ་ཏི, ཡུ་ཏྟོ ཨ་ནུ་ཙྪ་ཝི་ཀོ་ཏི ཨ་ཏྠོ. ཨེ་ཝ་མེ་ཏྠ ཨེ་ཀེ་ན ན་ཡེ་ན དྷ་མྨ་ཀ་ཐི་ཀ་སྶ པུ་ཙྪཱ ཀ་ཐི་ཏཱ, དྭཱི་ཧི ཏཾ ཝི་སེ་སེ་ཏྭཱ སེ་ཀྑཱ་སེ་ཀྑ་བྷཱུ་མི་ཡོ ནི་དྡི་ཊྛཱ་ཏི. ཚ་ཊྛཾ.