༣. པེ་ས་ལ་སུ་ཏྟ་ཝ་ཎྞ་ནཱ

༢༡༡. ཏ་ཏི་ཡེ ཨ་ཏི་མ་ཉྙ་ཏཱིཏི ‘‘ཀིཾ ཨི་མེ མ་ཧ་ལླ་ཀཱ? ན ཨེ་ཏེ་སཾ པཱ་ལི༹, ན ཨ་ཊྛ་ཀ་ཐཱ, ན པ་ད་བྱ་ཉྫ་ན་མ་དྷུ་ར་ཏཱ, ཨ་མྷཱ་ཀཾ པ་ན པཱ་ལི༹་པི ཨ་ཊྛ་ཀ་ཐཱ་པི ན་ཡ་ས་ཏེ་ན ན་ཡ་ས་ཧ་སྶེ་ན ཨུ་པ་ཊྛཱ་ཏཱི’’ཏི ཨ་ཏི་ཀྐ་མི་ཏྭཱ མ་ཉྙ་ཏི. གོ་ཏ་མཱཏི གོ་ཏ་མ་བུ་དྡྷ་སཱ་ཝ་ཀ་ཏྟཱ ཨ་ཏྟཱ་ནཾ ཨཱ་ལ་པ་ཏི. མཱ་ན་པ་ཐནྟི མཱ་ནཱ་ར་མྨ་ཎ་ཉྩེ་ཝ མཱ་ན་ས་ཧ་བྷུ་ནོ ཙ དྷ་མྨེ. ཝི་པྤ་ཊི་སཱ་རཱི་ཧུ་ཝཱཏི ཝི་པྤ་ཊི་སཱ་རཱི ཨ་ཧུ་ཝཱ, ཨ་ཧོ་སཱི་ཏི ཨ་ཏྠོ. མ་གྒ་ཛི་ནོཏི མ་གྒེ་ན ཛི་ཏ་ཀི་ལེ་སོ. ཀི་ཏྟི་ཉྩ སུ་ཁ་ཉྩཱཏི ཝ་ཎྞ་བྷ་ཎ་ན་ཉྩ ཀཱ་ཡི་ཀ་ཙེ་ཏ་སི་ཀ་སུ་ཁ་ཉྩ. ཨ་ཁི་ལོ་དྷ པ་དྷཱ་ན་ཝཱཏི ཨ་ཁི་ལོ ཨི་དྷ པ་དྷཱ་ན་ཝཱ ཝཱི་རི་ཡ་ས་མྤ་ནྣོ. ཝི་སུ་དྡྷོཏི ཝི་སུ་དྡྷོ བྷ་ཝེ་ཡྻ. ཨ་སེ་སནྟི ནི་སྶེ་སཾ ན་ཝ་ཝི་དྷཾ. ཝི་ཛྫཱ་ཡ་ནྟ་ཀ་རོཏི ཝི་ཛྫཱ་ཡ ཀི་ལེ་སཱ་ནཾ ཨ་ནྟ་ཀ་རོ. ས་མི་ཏཱ་ཝཱིཏི རཱ་གཱ་དཱི་ནཾ ས་མི་ཏ་ཏཱ་ཡ ས་མི་ཏཱ་ཝཱི. ཏ་ཏི་ཡཾ.