༧. ན་ཝ་ཀ་མྨི་ཀ་སུ་ཏྟ་ཝ་ཎྞ་ནཱ

༢༠༣. ས་ཏྟ་མེ ན་ཝ་ཀ་མྨི་ཀ་བྷཱ་ར་དྭཱ་ཛོཏི སོ ཀི་ར ཨ་ར་ཉྙེ རུ་ཀྑཾ ཚི་ནྡཱ་པེ་ཏྭཱ ཏ་ཏྠེ་ཝ པཱ་སཱ་ད་ཀཱུ་ཊཱ་གཱ་རཱ་དཱི་ནི ཡོ་ཛེ་ཏྭཱ ན་ག་རཾ ཨཱ་ཧ་རི་ཏྭཱ ཝི་ཀྐི་ཎཱ་ཏི, ཨི་ཏི ན་ཝ་ཀ་མྨཾ ནི་སྶཱ་ཡ ཛཱི་ཝ་ཏཱི་ཏི ན་ཝ་ཀ་མྨི་ཀོ, གོ་ཏྟེ་ན བྷཱ་ར་དྭཱ་ཛོ་ཏི ན་ཝ་ཀ་མྨི་ཀ་བྷཱ་ར་དྭཱ་ཛོ. དི་སྭཱ་ན་སྶ ཨེ་ཏ་ད་ཧོ་སཱིཏི ཚ་བྦ་ཎྞ་ར་སྨི་ཡོ ཝི་སྶ་ཛྫེ་ཏྭཱ ནི་སི་ནྣཾ བྷ་ག་ཝ་ནྟཾ དི་སྭཱ་ན ཨ་སྶ ཨེ་ཏཾ ཨ་ཧོ་སི. ཝ་ན་སྨིནྟི ཨི་མ་སྨིཾ ཝ་ན་ས་ཎྜེ. ཨུ་ཙྪི་ནྣ་མཱུ་ལཾ མེ ཝ་ནནྟི མ་ཡ྄ཧཾ ཀི་ལེ་ས་ཝ་ནཾ ཨུ་ཙྪི་ནྣ་མཱུ་ལཾ. ནི་བྦ་ན་ཐོཏི ནི་ཀྐི་ལེ་ས་ཝ་ནོ. ཨེ་ཀོ ར་མེཏི ཨེ་ཀ་ཀོ ཨ་བྷི་ར་མཱ་མི. ཨ་ར་ཏིཾ ཝི་པྤ་ཧཱ་ཡཱཏི པ་ནྟ་སེ་ནཱ་ས་ནེ་སུ ཙེ་ཝ བྷཱ་ཝ་ནཱ་ཡ ཙ ཨུ་ཀྐ་ཎྛི་ཏཾ ཛ་ཧི་ཏྭཱ. ས་ཏྟ་མཾ.