༨. སཱི་སུ་པ་ཙཱ་ལཱ་སུ་ཏྟ་ཝ་ཎྞ་ནཱ

༡༦༩. ཨ་ཊྛ་མེ ས་མ་ཎཱི ཝི་ཡ དི་སྶ་སཱིཏི ས་མ་ཎི་ས་དི་སཱ དི་སྶ་སི. ཀི་མི་ཝ ཙ་ར་སི མོ་མཱུ་ཧཱཏི ཀིཾ ཀཱ་ར་ཎཱ མོ་མཱུ་ཧཱ ཝི་ཡ ཙ་ར་སི? ཨི་ཏོ བ་ཧི་དྡྷཱཏི ཨི་མ་མྷཱ སཱ་ས་ནཱ བ་ཧི. པཱ་སཾ ཌེ་ནྟཱི་ཏི པཱ་ས་ཎྜཱ, ས་ཏྟཱ་ནཾ ཙི་ཏྟེ་སུ དི་ཊྛི་པཱ་སཾ ཁི་པ་ནྟཱི་ཏི ཨ་ཏྠོ. སཱ་ས་ནཾ པ་ན པཱ་སེ མོ་ཙེ་ཏི, ཏ་སྨཱ པཱ་ས་ཎྜོ་ཏི ན ཝུ་ཙྩ་ཏི, ཨི་ཏོ བ་ཧི་དྡྷཱ་ཡེ་ཝ པཱ་ས་ཎྜཱ ཧོ་ནྟི. པ་སཱི་ད་ནྟཱིཏི སཾ་སཱི་ད་ནྟི ལ་གྒ་ནྟི.

ཨི་དཱ་ནི ‘‘ཀཾ ནུ ཨུ་དྡི་སྶ མུ་ཎྜཱ་སཱི’’ཏི པ་ཉྷཾ ཀ་ཐེ་ནྟཱི ཨ་ཏྠི ས་ཀྱ་ཀུ་ལེ ཛཱ་ཏོཏི་ཨཱ་དི་མཱ་ཧ. ཏ་ཏྠ ས་བྦཱ་བྷི་བྷཱུཏི ས་བྦཱ་ནི ཁ་ནྡྷཱ་ཡ་ཏ་ན་དྷཱ་ཏུ་བྷ་ཝ་ཡོ་ནི་ག་ཏི་ཨཱ་དཱི་ནི ཨ་བྷི་བྷ་ཝི་ཏྭཱ ཋི་ཏོ. མ་ར་ཎ་མཱ་རཱ་ད་ཡོ ནུ་དི ནཱི་ཧ་རཱི་ཏི མཱ་ར་ནུ་དོ. ས་བྦ་ཏྠ་མ་པ་རཱ་ཛི་ཏོཏི ས་བྦེ་སུ རཱ་གཱ་དཱི་སུ ཝཱ མཱ་ར་ཡུ་དྡྷེ ཝཱ ཨ་ཛི་ཏོ. ས་བྦ་ཏྠ མུ་ཏྟོཏི ས་བྦེ་སུ ཁ་ནྡྷཱ་དཱི་སུ མུ་ཏྟོ. ཨ་སི་ཏོཏི ཏ་ཎྷཱ་དི་ཊྛི་ནི་སྶ་ཡེ་ན ཨ་ནི་སྶི་ཏོ. ས་བྦ་ཀ་མྨ་ཀྑ་ཡཾ པ་ཏྟོཏི ས་བྦ་ཀ་མྨ་ཀྑ་ཡ་ས་ངྑཱ་ཏཾ ཨ་ར་ཧ་ཏྟཾ པ་ཏྟོ. ཨུ་པ་དྷི་ས་ངྑ་ཡེཏི ཨུ་པ་དྷི་ས་ངྑ་ཡ་ས་ངྑཱ་ཏེ ནི་བྦཱ་ནེ ཨཱ་ར་མྨ་ཎ་ཏོ ཝི་མུ་ཏྟོ. ཨ་ཊྛ་མཾ.