༣. ས་མྦ་རི་མཱ་ཡཱ་སུ་ཏྟ་ཝ་ཎྞ་ནཱ

༢༦༩. ཏ་ཏི་ཡེ ཨཱ་བཱ་དྷི་ཀོཏི ཨི་སི་ག་ཎེ་ན ཨ་བྷི་ས་པ་ཀཱ་ལེ ཨུ་པྤ་ནྣཱ་བཱ་དྷེ་ན ཨཱ་བཱ་དྷི་ཀོ. ཝཱ་ཙེ་ཧི མནྟི ས་ཙེ མཾ ས་མྦ་རི་མཱ་ཡཾ ཝཱ་ཙེ་སི, ཨེ་ཝ་མ་ཧཾ ཏ་མྤི ཏི་ཀི་ཙྪི་སྶཱ་མཱི་ཏི ཝ་ད་ཏི. མཱ ཁོ ཏྭཾ, མཱ་རི་ས, ཝཱ་ཙེ་སཱིཏི ཝི་ནཱ་པི ཏཱ་ཝ ས་མྦ་རི་མཱ་ཡཾ ས་ཀྐོ ཨ་མྷེ བཱ་དྷ་ཏི, ཡ་དི པ་ན ཏཾ ཛཱ་ནི་སྶ་ཏི, ན་ཊྛཱ མ་ཡཾ, མཱ ཨ་ཏྟ་ནོ ཨེ་ཀ་སྶ ཨ་ཏྠཱ་ཡ ཨ་མྷེ ནཱ་སེ་ཧཱི་ཏི ཝ་ཏྭཱ ནི་ཝཱ་ར་ཡིཾ་སུ. ས་མྦ་རོ་ཝ ས་ཏཾ ས་མནྟི ཡ་ཐཱ ས་མྦ་རོ ཨ་སུ་རི་ནྡོ མཱ་ཡཱ་ཝཱི མཱ་ཡཾ པ་ཡོ་ཛེ་ཏྭཱ ཝ་སྶ་ས་ཏཾ ནི་ར་ཡེ པ་ཀྐོ, ཨེ་ཝཾ པ་ཙྩ་ཏི. ཏུ་མྷེ དྷ་མྨི་ཀཱ་ཝ, ཨ་ལཾ ཝོ མཱ་ཡཱ་ཡཱ་ཏི ཝ་ད་ཏི. ཀིཾ པ་ན ས་ཀྐོ ཏ་སྶ ཀོ་དྷཾ ཏི་ཀི་ཙྪི་ཏུཾ ས་ཀྐུ་ཎེ་ཡྻཱ་ཏི? ཨཱ་མ ས་ཀྐུ་ཎེ་ཡྻ. ཀ་ཐཾ? ཏ་དཱ ཀི་ར སོ ཨི་སི་ག་ཎོ དྷ་ར་ཏི་ཡེ་ཝ, ཏ་སྨཱ ནཾ ཨི་སཱི་ནཾ ས་ནྟི་ཀཾ ནེ་ཏྭཱ ཁ་མཱ་པེ་ཡྻ, ཨེ་ཝ་མ་སྶ ཕཱ་སུ བྷ་ཝེ་ཡྻ. ཏེ་ན པ་ན ཝ་ཉྩི་ཏ་ཏྟཱ ཏ་ཐཱ ཨ་ཀ་ཏྭཱ པ་ཀྐ་ནྟོ་ཝ. ཏ་ཏི་ཡཾ.