༦. ན་ཛཱི་ར་ཏི་སུ་ཏྟ་ཝ་ཎྞ་ནཱ

༧༦. ཚ་ཊྛེ ནཱ་མ་གོ་ཏྟཾ ན ཛཱི་ར་ཏཱིཏི ཨ་ཏཱི་ཏ་བུ་དྡྷཱ་ནཾ ཡཱ་ཝ་ཛྫ་དི་ཝ་སཱ ནཱ་མ་གོ་ཏྟཾ ཀ་ཐི་ཡ་ཏི, ཏ་སྨཱ ན ཛཱི་ར་ཏཱི་ཏི ཝུ་ཙྩ་ཏི. པོ་རཱ་ཎཱ པ་ན ‘‘ཨ་དྡྷཱ་ནེ ག་ཙྪ་ནྟེ ན པ་ཉྙཱ་ཡི་སྶ་ཏི, ཛཱི་ར་ཎ་ས་བྷཱ་ཝོ པ་ན ན ཧོ་ཏི་ཡེ་ཝཱ’’ཏི ཝ་ད་ནྟི. ཨཱ་ལ་སྱནྟི ཨཱ་ལ་སི་ཡཾ, ཡེ་ན ཋི་ཏ་ཊྛཱ་ནེ ཋི་ཏོ་ཝ, ནི་སི་ནྣ་ཊྛཱ་ནེ ནི་སི་ནྣོ་ཝ ཧོ་ཏི, ཏེ་ལེ་པི ཨུ་ཏྟ་ར་ནྟེ ཋི་ཏིཾ ན ཀ་རོ་ཏི. པ་མཱ་དོཏི ནི་དྡཱ་ཡ ཝཱ ཀི་ལེ་ས་ཝ་སེ་ན ཝཱ པ་མཱ་དོ. ཨ་ནུ་ཊྛཱ་ནནྟི ཀ་མྨ་ས་མ་ཡེ ཀ་མྨ་ཀ་ར་ཎ་ཝཱི་རི་ཡཱ་བྷཱ་ཝོ. ཨ་སཾ་ཡ་མོཏི སཱི་ལ་ས་ཉྙ་མཱ་བྷཱ་ཝོ ཝི་སྶ་ཊྛཱ་ཙཱ་ར་ཏཱ. ནི་དྡཱཏི སོ་པྤ་བ་ཧུ་ལ་ཏཱ. ཏཱ་ཡ ག་ཙྪ་ནྟོ་པི ཋི་ཏོ་པི ནི་སི་ནྣོ་པི ནི་དྡཱ་ཡ་ཏི, པ་གེ་ཝ ནི་པ་ནྣོ. ཏ་ནྡཱིཏི ཨ་ཏི་ཙྪཱ་ཏཱ་དི་ཝ་སེ་ན ཨཱ་ག་ནྟུ་ཀཱ་ལ་སི་ཡཾ. ཏེ ཚི་དྡེཏི ཏཱ་ནི ཚ ཚི་དྡཱ་ནི ཝི་ཝ་རཱ་ནི. ས་བྦ་སོཏི ས་བྦཱ་ཀཱ་རེ་ན. ཏནྟི ནི་པཱ་ཏ་མ་ཏྟཾ. ཝི་ཝ་ཛྫ་ཡེཏི ཝ་ཛྫེ་ཡྻ ཛ་ཧེ་ཡྻ. ཚ་ཊྛཾ.