༧. ཨི་སྶ་རི་ཡ་སུ་ཏྟ་ཝ་ཎྞ་ནཱ

༧༧. ས་ཏྟ་མེ ས་ཏྠ་མ་ལནྟི མ་ལ་གྒ་ཧི་ཏ་ས་ཏྠཾ. ཀིཾ སུ ཧ་ར་ནྟཾ ཝཱ་རེ་ནྟཱིཏི ཀཾ ཧ་ར་ནྟཾ ནི་སེ་དྷེ་ནྟི. ཝ་སོཏི ཨཱ་ཎཱ་པ་ཝ་ཏྟ་ནཾ. ཨི་ཏྠཱིཏི ཨ་ཝི་སྶ་ཛྫ་ནཱི་ཡ་བྷ་ཎྜ་ཏྟཱ ‘‘ཨི་ཏྠཱི བྷ་ཎྜཱ་ན་མུ་ཏྟ་མཾ, ཝ་ར་བྷ་ཎྜ’’ནྟི ཨཱ་ཧ. ཨ་ཐ ཝཱ ས་བྦེ་པི བོ་དྷི་ས་ཏྟཱ ཙ ཙ་ཀྐ་ཝ་ཏྟི་ནོ ཙ མཱ་ཏུ་ཀུ་ཙྪི་ཡཾ་ཡེ་ཝ ནི་བྦ་ཏྟ་ནྟཱི་ཏི ‘‘ཨི་ཏྠཱི བྷ་ཎྜཱ་ན་མུ་ཏྟ་མ’’ནྟི ཨཱ་ཧ. ཀོ་དྷོ ས་ཏྠ་མ་ལནྟི ཀོ་དྷོ མ་ལ་གྒ་ཧི་ཏ་ས་ཏྠ་ས་དི་སོ, པ་ཉྙཱ་ས་ཏྠ་སྶ ཝཱ མ་ལ་ནྟི ས་ཏྠ་མ་ལཾ. ཨ་བྦུ་དནྟི ཝི་ནཱ་ས་ཀཱ་ར་ཎཾ, ཙོ་རཱ ལོ་ཀ་སྨིཾ ཝི་ནཱ་ས་ཀཱ་ཏི ཨ་ཏྠོ. ཧ་ར་ནྟོཏི ས་ལཱ་ཀ་བྷ་ཏྟཱ་དཱི་ནི ག་ཧེ་ཏྭཱ ག་ཙྪ་ནྟོ. ས་ལཱ་ཀ་བྷ་ཏྟཱ་དཱི་ནི ཧི པ་ཊྛ་པི་ཏ་ཀཱ་ལེ་ཡེ་ཝ མ་ནུ་སྶེ་ཧི པ་རི་ཙྩ་ཏྟཱ་ནི. ཏེ་སཾ ཏཱ་ནི ཧ་ར་ནྟོ ས་མ་ཎོ པི་ཡོ ཧོ་ཏི, ཨ་ནཱ་ཧ་ར་ནྟེ པུ་ཉྙ་ཧཱ་ནིཾ ནི་སྶཱ་ཡ ཝི་པྤ་ཊི་སཱ་རི་ནོ ཧོ་ནྟི. ས་ཏྟ་མཾ.