༡༡. ཨ་ར་ཎ་སུ་ཏྟ་ཝ་ཎྞ་ནཱ

༨༡. ཨེ་ཀཱ་ད་ས་མེ ཨ་ར་ཎཱཏི ནི་ཀྐི་ལེ་སཱ. ཝུ་སི་ཏནྟི ཝུ་སི་ཏ་ཝཱ་སོ. བྷོ་ཛི་སྶི་ཡནྟི ཨ་དཱ་ས་བྷཱ་ཝོ. ས་མ་ཎཱཏི ཁཱི་ཎཱ་ས་ཝ་ས་མ་ཎཱ. ཏེ ཧི ཨེ་ཀ་ནྟེ་ན ཨ་ར་ཎཱ ནཱ་མ. ཝུ་སི་ཏཾ ན ན་སྶ་ཏཱིཏི ཏེ་སཾ ཨ་རི་ཡ་མ་གྒ་ཝཱ་སོ ན ན་སྶ་ཏི. པ་རི་ཛཱ་ན་ནྟཱིཏི པུ་ཐུ་ཛྫ་ན་ཀ་ལྱཱ་ཎ་ཀ་ཏོ པ་ཊྛཱ་ཡ སེ་ཁཱ ལོ་ཀི་ཡ་ལོ་ཀུ་ཏྟ་རཱ་ཡ པ་རི་ཉྙཱ་ཡ པ་རི་ཛཱ་ན་ནྟི. བྷོ་ཛི་སྶི་ཡནྟི ཁཱི་ཎཱ་ས་ཝ་ས་མ་ཎཱ་ནཾ་ཡེ་ཝ ནི་ཙྩཾ བྷུ་ཛི་སྶ་བྷཱ་ཝོ ནཱ་མ. ཝ་ནྡ་ནྟཱིཏི པ་བྦ་ཛི་ཏ་དི་ཝ་ས་ཏོ པ་ཊྛཱ་ཡ ཝ་ནྡ་ནྟི. པ་ཏི་ཊྛི་ཏནྟི སཱི་ལེ པ་ཏི་ཊྛི་ཏཾ. ས་མ་ཎཱི་དྷཱཏི ས་མ་ཎཾ ཨི་དྷ. ཛཱ་ཏི་ཧཱི་ནནྟི ཨ་པི ཙ་ཎྜཱ་ལ་ཀུ་ལཱ པ་བྦ་ཛི་ཏཾ. ཁ་ཏྟི་ཡཱཏི ན ཀེ་ཝ་ལཾ ཁ་ཏྟི་ཡཱ་ཝ, དེ་ཝཱ་པི སཱི་ལ་ས་མྤ་ནྣཾ ས་མ་ཎཾ ཝ་ནྡ་ནྟི་ཡེ་ཝཱ་ཏི. ཨེ་ཀཱ་ད་ས་མཾ.

ཚེ་ཏྭཱ་ཝ་གྒོ ཨ་ཊྛ་མོ.

ཨི་ཏི སཱ་ར་ཏྠ་པྤ་ཀཱ་སི་ནི་ཡཱ

སཾ་ཡུ་ཏྟ་ནི་ཀཱ་ཡ-ཨ་ཊྛ་ཀ་ཐཱ་ཡ

དེ་ཝ་ཏཱ་སཾ་ཡུ་ཏྟ་ཝ་ཎྞ་ནཱ ནི་ཊྛི་ཏཱ.