༡. ཨཱ་དི་ཏྟ་སུ་ཏྟ་ཝ་ཎྞ་ནཱ

༤༡. ཨཱ་དི་ཏྟ་ཝ་གྒ་སྶ པ་ཋ་མེ ཛ་རཱ་ཡ མ་ར་ཎེ་ན ཙཱཏི དེ་ས་ནཱ་སཱི་ས་མེ་ཏཾ, རཱ་གཱ་དཱི་ཧི པ་ན ཨེ་ཀཱ་ད་ས་ཧི ཨ་གྒཱི་ཧི ལོ་ཀོ ཨཱ་དི་ཏྟོ་ཝ. དཱ་ནེ་ནཱཏི དཱ་ན་ཙེ་ཏ་ནཱ་ཡ. དི་ནྣཾ ཧོ་ཏི སུ་ནཱི་ཧ་ཏནྟི དཱ་ན་པུ་ཉྙ་ཙེ་ཏ་ནཱ་ཧི དཱ་ཡ་ཀ་སྶེ་ཝ ཧོ་ཏི གྷ་ར་སཱ་མི་ཀ་སྶ ཝི་ཡ ནཱི་ཧ་ཏ་བྷ་ཎྜ་ཀཾ, ཏེ་ནེ་ཏཾ ཝུ་ཏྟཾ. ཙོ་རཱ ཧ་ར་ནྟཱིཏི ཨ་དི་ནྣེ བྷོ་གེ ཙོ་རཱ་པི ཧ་ར་ནྟི རཱ་ཛཱ་ནོ་པི, ཨ་གྒི་པི ཌ་ཧ་ཏི, ཋ་པི་ཏ་ཊྛཱ་ནེ་པི ན་སྶ་ནྟི. ཨ་ནྟེ་ནཱཏི མ་ར་ཎེ་ན. ས་རཱི་རཾ ས་པ་རི་གྒ་ཧནྟི ས་རཱི་ར་ཉྩེ་ཝ ཙོ་རཱ་དཱི་ནཾ ཝ་སེ་ན ཨ་ཝི་ན་ཊྛ་བྷོ་གེ ཙ. ས་གྒ་མུ་པེ་ཏཱིཏི ཝེ་སྶ་ནྟ་ར་མ་ཧཱ་རཱ་ཛཱ་ད་ཡོ ཝི་ཡ ས་གྒེ ནི་བྦ་ཏྟ་ཏཱི་ཏི. པ་ཋ་མཾ.