༩. པ་ཋ་མ་པ་ཛྫུ་ནྣ་དྷཱི་ཏུ་སུ་ཏྟ་ཝ་ཎྞ་ནཱ

༣༩. ན་ཝ་མེ པ་ཛྫུ་ནྣ་སྶ དྷཱི་ཏཱཏི པ་ཛྫུ་ནྣ་སྶ ནཱ་མ ཝ་སྶ་ཝ་ལཱ་ཧ་ཀ་དེ་ཝ་ར་ཉྙོ ཙཱ་ཏུ་མ་ཧཱ་རཱ་ཛི་ཀ་སྶ དྷཱི་ཏཱ. ཨ་བྷི་ཝ་ནྡེཏི བྷ་ག་ཝཱ ཏུ་མྷཱ་ཀཾ པཱ་དེ ཝ་ནྡཱ་མི. ཙ་ཀྑུ་མ་ཏཱཏི པ་ཉྩ་ཧི ཙ་ཀྑཱུ་ཧི ཙ་ཀྑུ་མ་ནྟེ་ན ཏ་ཐཱ་ག་ཏེ་ན. དྷ་མྨོ ཨ་ནུ་བུ་དྡྷོཏི, ‘‘ཨི་དཾ མ་ཡཱ པུ་བྦེ པ་རེ་སཾ ས་ནྟི་ཀེ ཀེ་ཝ་ལཾ སུ་ཏཾ་ཡེ་ཝ ཨཱ་སཱི’’ཏི ཝ་ད་ཏི. སཱ་ཧཾ དཱ་ནཱིཏི, སཱ ཨ་ཧཾ ཨི་དཱ་ནི. ས་ཀྑི ཛཱ་ནཱ་མཱིཏི, པ་ཊི་ཝེ་དྷ་ཝ་སེ་ན པ་ཙྩ་ཀྑ་མེ་ཝ ཛཱ་ནཱ་མི. ཝི་ག་ར་ཧ་ནྟཱཏི, ‘‘ཧཱི་ན་ཀྑ་ར་པ་ད་བྱ་ཉྫ་ནོ’’ཏི ཝཱ ‘‘ཨ་ནི་ཡྻཱ་ནི་ཀོ’’ཏི ཝཱ ཨེ་ཝཾ ག་ར་ཧ་ནྟཱ. རོ་རུ་ཝནྟི, དྭེ རོ་རུ་ཝཱ – དྷཱུ་མ་རོ་རུ་ཝོ ཙ ཛཱ་ལ་རོ་རུ་ཝོ ཙ. ཏ་ཏྠ དྷཱུ་མ་རོ་རུ་ཝོ ཝི་སུཾ ཧོ་ཏི, ཛཱ་ལ་རོ་རུ་ཝོ་ཏི པ་ན ཨ་ཝཱི་ཙི་མ་ཧཱ་ནི་ར་ཡ་སྶེ་ཝེ་ཏཾ ནཱ་མཾ. ཏ་ཏྠ ཧི ས་ཏྟཱ ཨ་གྒི་མྷི ཛ་ལ་ནྟེ ཛ་ལ་ནྟེ པུ་ན་པྤུ་ནཾ ར་ཝཾ ར་ཝ་ནྟི, ཏ་སྨཱ སོ ‘‘རོ་རུ་ཝོ’’ཏི ཝུ་ཙྩ་ཏི. གྷོ་རནྟི དཱ་རུ་ཎཾ. ཁ་ནྟི་ཡཱ ཨུ་པ་ས་མེ་ན ཨུ་པེ་ཏཱཏི རུ་ཙྩི་ཏྭཱ ཁ་མཱ་པེ་ཏྭཱ ག་ཧ་ཎ་ཁ་ནྟི་ཡཱ ཙ རཱ་གཱ་དི་ཨུ་པ་ས་མེ་ན ཙ ཨུ་པེ་ཏཱ་ཏི. ན་ཝ་མཾ.