༨. མ་ཧ་དྡྷ་ན་སུ་ཏྟ་ཝ་ཎྞ་ནཱ

༢༨. ཨ་ཊྛ་མེ ནི་དྷཱ་ན་ག་ཏཾ མུ་ཏྟ་སཱ་རཱ་དི མ་ཧ་ནྟཾ དྷ་ན་མེ་ཏེ་ས་ནྟི མ་ཧ་དྡྷ་ནཱ. སུ་ཝ་ཎྞ་ར་ཛ་ཏ་བྷཱ་ཛ་ནཱ་དི མ་ཧཱ་བྷོ་གོ ཨེ་ཏེ་ས་ནྟི མ་ཧཱ་བྷོ་གཱ. ཨ་ཉྙ་མ་ཉྙཱ་བྷི་གི་ཛ྄ཛྷ་ནྟཱིཏི ཨ་ཉྙ་མ་ཉྙཾ ཨ་བྷི་གི་ཛ྄ཛྷ་ནྟི པ་ཏྠེ་ནྟི པི་ཧེ་ནྟི. ཨ་ན་ལ་ངྐ་ཏཱཏི ཨ་ཏི་ཏྟཱ ཨ་པ་རི་ཡ་ཏྟ་ཛཱ་ཏཱ. ཨུ་སྶུ་ཀྐ་ཛཱ་ཏེ་སཱུཏི ནཱ་ནཱ་ཀི་ཙྩ་ཛཱ་ཏེ་སུ ཨ་ནུ་པྤ་ནྣཱ་ནཾ རཱུ་པཱ་དཱི་ནཾ ཨུ་པྤཱ་ད་ན་ཏྠཱ་ཡ ཨུ་པྤ་ནྣཱ་ནཾ ཨ་ནུ་བྷ་ཝ་ན་ཏྠཱ་ཡ ཨུ་སྶུ་ཀྐེ་སུ. བྷ་ཝ་སོ་ཏཱ་ནུ་སཱ་རཱི་སཱུཏི ཝ་ཊྚ་སོ་ཏཾ ཨ་ནུ་ས་ར་ནྟེ་སུ. ཨ་ནུ་སྶུ་ཀཱཏི ཨ་ཝཱ་ཝ་ཊཱ. ཨ་གཱ་རནྟི མཱ་ཏུ་གཱ་མེ་ན ས་དྡྷིཾ གེ་ཧཾ. ཝི་རཱ་ཛི་ཡཱཏི ཝི་རཱ་ཛེ་ཏྭཱ. སེ་སཾ ཨུ་ཏྟཱ་ན་མེ་ཝཱ་ཏི. ཨ་ཊྛ་མཾ.