༩. ཀུ་ཊི་ཀཱ་སུ་ཏྟ་ཝ་ཎྞ་ནཱ

༡༩. ན་ཝ་མེ ཀ་ཙྩི ཏེ ཀུ་ཊི་ཀཱཏི ཨ་ཡཾ དེ་ཝ་ཏཱ ད་ས མཱ་སེ ཨ་ནྟོ་ཝ་ས་ན་ཊྛཱ་ན་ཊྛེ་ན མཱ་ཏ་རཾ ཀུ་ཊི་ཀཾ ཀ་ཏྭཱ, ཡ་ཐཱ ས་ཀུ་ཎཱ དི་ཝ་སཾ གོ་ཙ་ར་པ་སུ་ཏཱ ར་ཏྟིཾ ཀུ་ལཱ་ཝ་ཀཾ ཨ་ལླཱི་ཡ་ནྟི, ཨེ་ཝ་མེ་ཝཾ ས་ཏྟཱ ཏ་ཏྠ ཏ་ཏྠ ག་ནྟྭཱ་པི མཱ་ཏུ་གཱ་མ་སྶ ས་ནྟི་ཀཾ ཨཱ་ག་ཙྪ་ནྟི, ཨཱ་ལ་ཡ་ཝ་སེ་ན བྷ་རི་ཡཾ ཀུ་ལཱ་ཝ་ཀཾ ཀ་ཏྭཱ. ཀུ་ལ་པ་ཝེ་ཎིཾ ས་ནྟཱ་ན་ཀ་ཊྛེ་ན པུ་ཏྟེ ས་ནྟཱ་ན་ཀེ ཀ་ཏྭཱ, ཏ་ཎྷཾ བ་ནྡྷ་ནཾ ཀ་ཏྭཱ, གཱ་ཐཱ་བ་ནྡྷ་ནེ་ན ཨི་མེ པ་ཉྷེ ས་མོ་དྷཱ་ནེ་ཏྭཱ བྷ་ག་ཝ་ནྟཾ པུ་ཙྪི, བྷ་ག་ཝཱ་པི་སྶཱ ཝི་སྶ་ཛྫེ་ནྟོ ཏ་གྒྷཱཏི་ཨཱ་དི་མཱ་ཧ. ཏ་ཏྠ ཏ་གྒྷཱཏི ཨེ་ཀཾ་ས་ཝ་ཙ་ནེ ནི་པཱ་ཏོ. ན་ཏྠཱིཏི པ་ཧཱ་ཡ པ་བྦ་ཛི་ཏ་ཏྟཱ ཝ་ཊྚ་སྨིཾ ཝཱ པུ་ན མཱ་ཏུ་ཀུ་ཙྪི་ཝཱ་ས་སྶ དཱ་ར་བྷ་ར་ཎ་སྶ པུ་ཏྟ་ནི་བྦ་ཏྟི་ཡཱ ཝཱ ཨ་བྷཱ་ཝ་ཏོ ན་ཏྠི.

དེ་ཝ་ཏཱ ‘‘མ་ཡཱ ས་ནྣཱ་ཧཾ བ་ནྡྷི་ཏྭཱ གུ་ལ༹ྷཱ པ་ཉྷཱ པུ་ཙྪི་ཏཱ, ཨ་ཡ་ཉྩ ས་མ་ཎོ པུ་ཙྪི་ཏ་མ་ཏྟེ་ཡེ་ཝ ཝི་སྶ་ཛྫེ་སི, ཛཱ་ནཾ ནུ ཁོ མེ ཨ་ཛ྄ཛྷཱ་ས་ཡཾ ཀ་ཐེ་སི, ཨུ་དཱ་ཧུ ཨ་ཛཱ་ནཾ ཡཾ ཝཱ ཏཾ ཝཱ མུ་ཁཱ་རུ་ལ༹ྷཾ ཀ་ཐེ་སཱི’’ཏི ཙི་ནྟེ་ཏྭཱ པུ་ན ཀི་ནྟཱ་ཧནྟི་ཨཱ་དི་མཱ་ཧ. ཏ་ཏྠ ཀི་ནྟཱ་ཧནྟི ཀིཾ ཏེ ཨ་ཧཾ. ཨ་ཐ་སྶཱ བྷ་ག་ཝཱ ཨཱ་ཙི་ཀྑ་ནྟོ མཱ་ཏ་རནྟི་ཨཱ་དི་མཱ་ཧ. སཱ་ཧུ ཏེཏི གཱ་ཐཱ་ཡ ཨ་ནུ་མོ་དི་ཏྭཱ ས་མྤ་ཧཾ་སི་ཏྭཱ བྷ་ག་ཝ་ནྟཾ ཝ་ནྡི་ཏྭཱ ག་ནྡྷ་མཱ་ལཱ་དཱི་ཧི པཱུ་ཛེ་ཏྭཱ ཨ་ཏྟ་ནོ དེ་ཝ་ཊྛཱ་ན་མེ་ཝ ག་ཏཱ་ཏི.

ཀུ་ཊི་ཀཱ་སུ་ཏྟ་ཝ་ཎྞ་ནཱ ནི་ཊྛི་ཏཱ.