༤. ལོ་མ་ས་ཀ་ངྒི་ཡ་བྷ་དྡེ་ཀ་ར་ཏྟ་སུ་ཏྟ་ཝ་ཎྞ་ནཱ

༢༨༦. ཨེ་ཝཾ མེ སུ་ཏནྟི ལོ་མ་ས་ཀ་ངྒི་ཡ་བྷ་དྡེ་ཀ་ར་ཏྟ་སུ་ཏྟཾ. ཏ་ཏྠ ལོ་མ་ས་ཀ་ངྒི་ཡོཏི ཨ་ངྒ་ཐེ་རོ ཀི་ར ནཱ་མེ་ས, ཀཱ་ཡ་སྶ པ་ན ཨཱི་ས་ཀ་ལོ་མ་སཱ་ཀཱ་ར་ཏཱ་ཡ ལོ་མ་ས་ཀ་ངྒི་ཡོ་ཏི པཱ་ཀ་ཊོ ཛཱ་ཏོ. ཙ་ནྡ་ནོ དེ་ཝ་པུ་ཏྟོཏི ཀ་སྶ་པ་ས་མྨཱ་ས་མྦུ་དྡྷ་ཀཱ་ལེ ཀི་རེ་ས ཙ་ནྡ་ནོ ནཱ་མ ཨུ་པཱ་ས་ཀོ ཨ་ཌྜྷོ མ་ཧ་དྡྷ་ནོ ཏཱི་ཎི ར་ཏ་ནཱ་ནི ཙ་ཏཱུ་ཧི པ་ཙྩ་ཡེ་ཧི པཱུ་ཛེ་ཏྭཱ དེ་ཝ་ལོ་ཀེ ནི་བྦ་ཏྟོ, པུ་རི་མ་ནཱ་མེ་ན ཙ་ནྡ་ནོ དེ་ཝ་པུ་ཏྟོ་ཏྭེ་ཝ ས་ངྑཾ ག་ཏོ. པ་ཎྜུ་ཀ་མྦ་ལ་སི་ལཱ་ཡནྟི ར་ཏྟ་ཀ་མྦ་ལ་སི་ལཱ་ཡཾ. ཏ་སྶཱ ཀི་ར ར་ཏྟ་ཀ་མྦ་ལ་སྶེ་ཝ ཛ་ཡ་སུ་མ་ན་པུ་པྥ་རཱ་སི ཝི་ཡ ཝ་ཎྞོ, ཏ་སྨཱ ‘‘པ་ཎྜུ་ཀ་མྦ་ལ་སི་ལཱ’’ཏི ཝུ་ཙྩ་ཏི.

ཀ་དཱ པ་ན ཏ་ཏྠ བྷ་ག་ཝཱ ཝི་ཧཱ་སཱི་ཏི? བོ་དྷི་པ་ཏྟི་ཏོ ས་ཏྟ་མེ སཾ་ཝ་ཙྪ་རེ སཱ་ཝ་ཏྠི་ཡཾ ཨཱ་སཱ་ལ༹ྷཱི་མཱ་ས་པུ་ཎྞ་མཱ་ཡ དྭཱ་ད་ས་ཡོ་ཛ་ནཱ་ཡ པ་རི་སཱ་ཡ མ་ཛ྄ཛྷེ ཡ་མ་ཀ་པཱ་ཊི་ཧཱ་རི་ཡཾ ཀ་ཏྭཱ ཨོ་རུ་ཡ྄ཧ ཀ་ཎྜ་མྦ་མཱུ་ལེ པ་ཉྙ་ཏྟ་ཝ་ར་བུ་དྡྷཱ་ས་ནེ ནི་སཱི་དི་ཏྭཱ དྷ་མྨ་དེ་ས་ནཱ་ཡ མ་ཧཱ་ཛ་ནཾ མ་ཧཱ་ཝི་དུ་གྒ་ཏོ ཨུ་དྡྷ་རི་ཏྭཱ བུ་དྡྷཱ ནཱ་མ ཡ་སྨཱ པཱ་ཊི་ཧཱ་རི་ཡཾ ཀ་ཏྭཱ མ་ནུ་སྶ་པ་ཐེ ན ཝ་ས་ནྟི, ཏ་སྨཱ པ་སྶ་མཱ་ན་སྶེ་ཝ ཏ་སྶ ཛ་ན་སྶ པ་ད་ཝཱི་ཀྐ་མཾ ཀ་ཏྭཱ ཏཱ་ཝ་ཏིཾ་ས་བྷ་ཝ་ནེ པཱ་རི་ཙྪ་ཏྟ་ཀ་མཱུ་ལེ པ་ཎྜུ་ཀ་མྦ་ལ་སི་ལཱ་ཡཾ ཝ་སྶཾ ཨུ་པ་ག་ཏོ, ཏ་སྨིཾ ས་མ་ཡེ ཝི་ཧཱ་སི.

ཏ་ཏྲ བྷ་ག་ཝཱཏི ཏ་ཏྲ ཝི་ཧ་ར་ནྟོ བྷ་ག་ཝཱ ཡེ་བྷུ་ཡྻེ་ན ད་ས་ཧི ཙ་ཀྐ་ཝཱ་ལ༹་ས་ཧ་སྶེ་ཧི ས་ནྣི་པ་ཏི་ཏཱ་ཧི དེ་ཝ་ཏཱ་ཧི པ་རི་ཝུ་ཏོ མཱ་ཏ་རཾ ཀཱ་ཡ་ས་ཀྑིཾ ཀ་ཏྭཱ ཨ་བྷི་དྷ་མྨ་པི་ཊ་ཀཾ ཀ་ཐེ་ནྟོ ག་མྦྷཱི་རཾ ནི་པུ་ཎཾ ཏི་ལ་ཀྑ་ཎཱ་ཧ་ཏཾ རཱུ་པཱ་རཱུ་པ་པ་རི་ཙྪེ་ད་ཀ་ཐཾ པ་ཊི་ཝི་ཛ྄ཛྷི་ཏུཾ ཨ་ས་ཀྐོ་ནྟཱ་ནཾ དེ་ཝཱ་ནཾ སཾ་ཝེ་ག་ཛ་ན་ན་ཏྠཾ ཨ་ནྟ་ར་ནྟ་རཱ བྷ་དྡེ་ཀ་ར་ཏྟ་སྶ ཨུ་དྡེ་ས་ཉྩ ཝི་བྷ་ངྒ་ཉྩ ཨ་བྷཱ་སི. ཏ་ཏྲཱ་ཡཾ དེ་ཝ་པུ་ཏྟོ ཨུ་གྒ་ཎྷ་ནྟོ ཨི་མཱ གཱ་ཐཱ ས་དྡྷིཾ ཝི་བྷ་ངྒེ་ན ཨུ་གྒ་ཎྷི, དེ་ཝ་ཏྟ་སྶ པ་ན པ་མཱ་དཱ་དྷི་ཊྛཱ་ན་ཏྟཱ དི་བྦེ་ཧི ཨཱ་ར་མྨ་ཎེ་ཧི ནི་པྤཱི་ལི༹་ཡ་མཱ་ནོ ཨ་ནུ་པུ་བྦེ་ན སུ་ཏྟཾ ས་མྨུ་ཊྛོ གཱ་ཐཱ་མ་ཏྟ་མེ་ཝ དྷཱ་རེ་སི. ཏེ་ནཱ་ཧ ‘‘ཨེ་ཝཾ ཁོ ཨ་ཧཾ བྷི་ཀྑུ དྷཱ་རེ་མི བྷ་དྡེ་ཀ་ར་ཏྟི་ཡོ གཱ་ཐཱ’’ཏི.

ཨུ་གྒ་ཎྷཱ་ཧི ཏྭནྟི་ཨཱ་དཱི་སུ ཏུ་ཎྷཱི་བྷཱུ་ཏོ ནི་སཱི་དི་ཏྭཱ སུ་ཎ་ནྟོ ཨུ་གྒ་ཎྷཱ་ཏི ནཱ་མ, ཝཱ་ཙཱ་ཡ ས་ཛ྄ཛྷཱ་ཡཾ ཀ་རོ་ནྟོ པ་རི་ཡཱ་པུ་ཎཱ་ཏི ནཱ་མ, ཨ་ཉྙེ་སཾ ཝཱ་ཙེ་ནྟོ དྷཱ་རེ་ཏི ནཱ་མ. སེ་ས་མེ་ཏྠ ཨུ་ཏྟཱ་ན་མེ་ཝཱ་ཏི.

པ་པ་ཉྩ་སཱུ་ད་ནི་ཡཱ མ་ཛ྄ཛྷི་མ་ནི་ཀཱ་ཡ་ཊྛ་ཀ་ཐཱ་ཡ

ལོ་མ་ས་ཀ་ངྒི་ཡ་བྷ་དྡེ་ཀ་ར་ཏྟ་སུ་ཏྟ་ཝ་ཎྞ་ནཱ ནི་ཊྛི་ཏཱ.