༩. དུ་ཏི་ཡ་ཀུ་ཎྜ་ལཱི་ཝི་མཱ་ན་ཝ་ཎྞ་ནཱ
ཨ་ལ་ངྐ་ཏོ མ་ལྱ་དྷ་རོ སུ་ཝ་ཏྠོཏི དུ་ཏི་ཡ་ཀུ་ཎྜ་ལཱི་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ. ཏེ་ན ས་མ་ཡེ་ན དྭེ ཨ་གྒ་སཱ་ཝ་ཀཱ ཀཱ་སཱི་སུ ཛ་ན་པ་ད་ཙཱ་རི་ཀཾ ཙ་ར་ནྟཱ་ཏི་ཨཱ་དི ས་བྦཾ ཨ་ན་ནྟ་ར་ས་དི་ས་མེ་ཝ.
༡༡༠༡. ‘‘ཨ་ལ་ངྐ་ཏོ མ་ལྱ་དྷ་རོ སུ་ཝ་ཏྠོ, སུ་ཀུ་ཎྜ་ལཱི ཀ་པྤི་ཏ་ཀེ་ས་མ་སྶུ;
ཨཱ་མུ་ཏྟ་ཧ་ཏྠཱ་བྷ་ར་ཎོ ཡ་ས་སྶཱི, དི་བྦེ ཝི་མཱ་ན་མྷི ཡ་ཐཱ་པི ཙ་ནྡི་མཱ.
༡༡༠༢. ‘‘དི་བྦཱ ཙ ཝཱི་ཎཱ པ་ཝ་ད་ནྟི ཝ་གྒུཾ;
ཨ་ཊྛ་ཊྛ་ཀཱ སི་ཀྑི་ཏཱ སཱ་དྷུ་རཱུ་པཱ;
དི་བྦཱ ཙ ཀ་ཉྙཱ ཏི་ད་ས་ཙ་རཱ ཨུ་ལཱ༹་རཱ, ན་ཙྩ་ནྟི གཱ་ཡ་ནྟི པ་མོ་ད་ཡ་ནྟི.
༡༡༠༣. ‘‘དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ…པེ…
ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི. – པུ་ཙྪི;
༡༡༠༤. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ’’.
༡༡༠༥. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏོ, དི་སྭཱ་ན ས་མ་ཎེ སཱ་དྷུ་རཱུ་པེ;
ས་མྤ་ནྣ་ཝི་ཛྫཱ་ཙ་ར་ཎེ ཡ་ས་སྶཱི, བ་ཧུ་སྶུ་ཏེ སཱི་ལ་ཝ་ནྟེ པ་ས་ནྣེ;
ཨ་ནྣ་ཉྩ པཱ་ན་ཉྩ པ་ས་ནྣ་ཙི་ཏྟོ, ས་ཀྐ་ཙྩ དཱ་ནཾ ཝི་པུ་ལཾ ཨ་དཱ་སིཾ.
༡༡༠༦. ‘‘ཏེ་ན མེ་ཏཱ་དི་སོ ཝ་ཎྞོ…པེ…
ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.
གཱ་ཐཱ་སུ་པི ཨ་པུ་བྦཾ ན་ཏྠི.
དུ་ཏི་ཡ་ཀུ་ཎྜ་ལཱི་ཝི་མཱ་ན་ཝ་ཎྞ་ནཱ ནི་ཊྛི་ཏཱ.