༦. པཱ་ཡཱ་སི་ཝ་གྒོ
༡. པ་ཋ་མ་ཨ་གཱ་རི་ཡ་ཝི་མཱ་ན་ཝ་ཎྞ་ནཱ
ཡ་ཐཱ ཝ་ནཾ ཙི་ཏྟ་ལ་ཏཾ པ་བྷཱ་ས་ཏཱིཏི ཨ་གཱ་རི་ཡ་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ རཱ་ཛ་ག་ཧེ ཝི་ཧ་ར་ཏི ཝེ་ལུ༹་ཝ་ནེ. ཏེ་ན ས་མ་ཡེ་ན རཱ་ཛ་ག་ཧེ ཨེ་ཀཾ ཀུ་ལཾ ཨུ་བྷ་ཏོ་པ་ས་ནྣཾ ཧོ་ཏི སཱི་ལཱ་ཙཱ་ར་ས་མྤ་ནྣཾ ཨོ་པཱ་ན་བྷཱུ་ཏཾ བྷི་ཀྑཱུ་ནཾ བྷི་ཀྑུ་ནཱི་ནཾ. ཏེ དྭེ ཛ་ཡ་མྤ་ཏི་ཀཱ ར་ཏ་ན་ཏྟ་ཡཾ ཨུ་དྡི་སྶ ཡཱ་ཝ་ཛཱི་ཝཾ པུ་ཉྙཱ་ནི ཀ་ཏྭཱ ཏ་ཏོ ཙུ་ཏཱ ཏཱ་ཝ་ཏིཾ་སེ་སུ ནི་བྦ་ཏྟིཾ་སུ, ཏེ་སཾ དྭཱ་ད་ས་ཡོ་ཛ་ནི་ཀཾ ཀ་ན་ཀ་ཝི་མཱ་ནཾ ནི་བྦ་ཏྟི. ཏེ ཏ་ཏྠ དི་བྦ་ས་མྤ་ཏྟིཾ ཨ་ནུ་བྷ་ཝ་ནྟི. ཨ་ཐཱ་ཡ་སྨཱ མ་ཧཱ་མོ་གྒ་ལླཱ་ནོ་ཏི་ཨཱ་དི ཧེ་ཊྛཱ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ.
༡༠༤༨. ‘‘ཡ་ཐཱ ཝ་ནཾ ཙི་ཏྟ་ལ་ཏཾ པ་བྷཱ་ས་ཏི, ཨུ་ཡྻཱ་ན་སེ་ཊྛཾ ཏི་ད་སཱ་ན་མུ་ཏྟ་མཾ;
ཏ་ཐཱུ་པ་མཾ ཏུ་ཡ྄ཧ་མི་དཾ ཝི་མཱ་ནཾ, ཨོ་བྷཱ་ས་ཡཾ ཏི་ཊྛ་ཏི ཨ་ནྟ་ལི་ཀྑེ.
༡༠༤༩. ‘‘དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ, མ་ནུ་སྶ་བྷཱུ་ཏོ ཀི་མ་ཀཱ་སི པུ་ཉྙཾ;
ཀེ་ནཱ་སི ཨེ་ཝཾ ཛ་ལི་ཏཱ་ནུ་བྷཱ་ཝོ, ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི. –
ཐེ་རོ པུ་ཙྪི.
༡༠༥༠. ‘‘སོ དེ་ཝ་པུ་ཏྟོ ཨ་ཏྟ་མ་ནོ, མོ་གྒ་ལླཱ་ནེ་ན པུ་ཙྪི་ཏོ;
པ་ཉྷཾ པུ་ཊྛོ ཝི་ཡཱ་ཀཱ་སི, ཡ་སྶ ཀ་མྨ་སྶི་དཾ ཕ་ལཾ’’.
༡༠༥༡. ‘‘ཨ་ཧ་ཉྩ བྷ་རི་ཡཱ ཙ མ་ནུ་སྶ་ལོ་ཀེ, ཨོ་པཱ་ན་བྷཱུ་ཏཱ གྷ་ར་མཱ་ཝ་སི་མྷ;
ཨ་ནྣ་ཉྩ པཱ་ན་ཉྩ པ་ས་ནྣ་ཙི་ཏྟཱ, ས་ཀྐ་ཙྩ དཱ་ནཾ ཝི་པུ་ལཾ ཨ་ད་མྷ.
༡༠༥༢. ‘‘ཏེ་ན མེ་ཏཱ་དི་སོ ཝ་ཎྞོ…པེ…
ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི. –
ཨ་ཏྟ་ནོ ས་མྤ་ཏྟིཾ བྱཱ་ཀཱ་སི. གཱ་ཐཱ་སུ་པི ཨ་པུ་བྦཾ ན་ཏྠི.
པ་ཋ་མ་ཨ་གཱ་རི་ཡ་ཝི་མཱ་ན་ཝ་ཎྞ་ནཱ ནི་ཊྛི་ཏཱ.
༢. དུ་ཏི་ཡ་ཨ་གཱ་རི་ཡ་ཝི་མཱ་ན་ཝ་ཎྞ་ནཱ
ཡ་ཐཱ ཝ་ནཾ ཙི་ཏྟ་ལ་ཏནྟི དུ་ཏི་ཡ་ཨ་གཱ་རི་ཡ་ཝི་མཱ་ནཾ. ཨེ་ཏྠཱ་པི ཨ་ཊྛུ་པྤ་ཏྟི ཨ་ན་ནྟ་ར་ས་དི་སཱ་ཝ.
༡༠༥༤. ‘‘ཡ་ཐཱ ཝ་ནཾ ཙི་ཏྟ་ལ་ཏཾ པ་བྷཱ་ས་ཏི, ཨུ་ཡྻཱ་ན་སེ་ཊྛཾ ཏི་ད་སཱ་ན་མུ་ཏྟ་མཾ;
ཏ་ཐཱུ་པ་མཾ ཏུ་ཡ྄ཧ་མི་དཾ ཝི་མཱ་ནཾ, ཨོ་བྷཱ་ས་ཡཾ ཏི་ཊྛ་ཏི ཨ་ནྟ་ལི་ཀྑེ.
༡༠༥༥. ‘‘དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ,
མ་ནུ་སྶ་བྷཱུ་ཏོ ཀི་མ་ཀཱ་སི པུ་ཉྙཾ;
ཀེ་ནཱ་སི ཨེ་ཝཾ ཛ་ལི་ཏཱ་ནུ་བྷཱ་ཝོ,
ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི. – པུ་ཙྪི;
༡༠༥༦. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ’’.
༡༠༥༧. ‘‘ཨ་ཧ་ཉྩ བྷ་རི་ཡཱ ཙ མ་ནུ་སྶ་ལོ་ཀེ, ཨོ་པཱ་ན་བྷཱུ་ཏཱ གྷ་ར་མཱ་ཝ་སི་མྷ;
ཨ་ནྣ་ཉྩ པཱ་ན་ཉྩ པ་ས་ནྣ་ཙི་ཏྟཱ, ས་ཀྐ་ཙྩ དཱ་ནཾ ཝི་པུ་ལཾ ཨ་ད་མྷ.
༡༠༥༨. ‘‘ཏེ་ན མེ་ཏཱ་དི་སོ ཝ་ཎྞོ…པེ…
ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི. –
ཨ་ཏྟ་ནོ ས་མྤ་ཏྟིཾ བྱཱ་ཀཱ་སི. གཱ་ཐཱ་སུ་པི ཨ་པུ་བྦཾ ན་ཏྠི.
དུ་ཏི་ཡ་ཨ་གཱ་རི་ཡ་ཝི་མཱ་ན་ཝ་ཎྞ་ནཱ ནི་ཊྛི་ཏཱ.
༣. ཕ་ལ་དཱ་ཡ་ཀ་ཝི་མཱ་ན་ཝ་ཎྞ་ནཱ
ཨུ་ཙྩ་མི་དཾ མ་ཎི་ཐཱུ་ཎནྟི ཕ་ལ་དཱ་ཡ་ཀ་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ རཱ་ཛ་ག་ཧེ ཝི་ཧ་ར་ཏི ཝེ་ལུ༹་ཝ་ནེ. ཏེ་ན ས་མ་ཡེ་ན ར་ཉྙོ བི་མྦི་སཱ་ར་སྶ ཨ་ཀཱ་ལེ ཨ་མྦ་ཕ་ལཱ་ནི པ་རི་བྷུ་ཉྫི་ཏུཾ ཨི་ཙྪཱ ཨུ་པྤ་ཛྫི. སོ ཨཱ་རཱ་མ་པཱ་ལཾ ཨཱ་ཧ – ‘‘མ་ཡ྄ཧཾ ཁོ, བྷ་ཎེ, ཨ་མྦ་ཕ་ལེ་སུ ཨི་ཙྪཱ ཨུ་པྤ་ནྣཱ, ཏ་སྨཱ ཨ་མྦཱ་ནི མེ ཨཱ་ནེ་ཏྭཱ དེ་ཧཱི’’ཏི. ‘‘དེ་ཝ, ན་ཏྠི ཨ་མྦེ་སུ ཨ་མྦ་ཕ་ལཾ, ཨ་པི་ཙཱ་ཧཾ ཏ་ཐཱ ཀ་རོ་མི, ས་ཙེ དེ་ཝོ ཀི་ཉྩི ཀཱ་ལཾ ཨཱ་ག་མེ་ཏི, ཡ་ཐཱ ཨ་མྦཱ ན ཙི་ར་སྶེ་ཝ ཕ་ལཾ ག་ཎྷ་ནྟཱི’’ཏི. ‘‘སཱ་དྷུ, བྷ་ཎེ, ཏ་ཐཱ ཀ་རོ་ཧཱི’’ཏི. ཨཱ་རཱ་མ་པཱ་ལོ ཨཱ་རཱ་མཾ ག་ནྟྭཱ ཨ་མྦ་རུ་ཀྑ་མཱུ་ལེ་སུ པཾ་སུཾ ཨ་པ་ནེ་ཏྭཱ ཏཱ་དི་སཾ པཾ་སུཾ ཨཱ་ཀི་རི, ཏཱ་དི་ས་ཉྩ ཨུ་ད་ཀཾ ཨཱ་སི་ཉྩི, ཡ་ཐཱ ན ཙི་ར་སྶེ་ཝ ཨ་མྦ་རུ་ཀྑཱ ས་ཙྪི་ནྣ་པ་ཏྟཱ ཨ་ཧེ་སུཾ. ཨ་ཐ ནཾ པཾ་སུཾ ཨ་པ་ནེ་ཏྭཱ ཕཱ་རུ་ས་ཀ་ཀ་ས་ཊ་མི་སྶ་ཀཾ པཱ་ཀ་ཏི་ཀཾ པཾ་སུཾ ཨཱ་ཀི་རི་ཏྭཱ སཱ་དྷུ་ཀཾ ཨུ་ད་ཀཾ ཨ་དཱ་སི. ཏ་དཱ ཨ་མྦ་རུ་ཀྑཱ ན ཙི་རེ་ནེ་ཝ ཀོ་ར་ཀི་ཏཱ པ་ལླ་ཝི་ཏཱ ཀུ་ཊ་མ་ལ་ཀ་ཛཱ་ཏཱ ཧུ་ཏྭཱ པུ་པྥིཾ་སུ, ཨ་ཐ ས་ལཱ་ཊུ་ཀ་ཛཱ་ཏཱ ཧུ་ཏྭཱ ཕ་ལཱ་ནི ག་ཎྷིཾ་སུ. ཏ་ཏྠེ་ཀ་སྨིཾ ཨ་མྦ་རུ་ཀྑེ པ་ཋ་མ་ཏ་རཾ ཙ་ཏྟཱ་རི ཕ་ལཱ་ནི མ་ནོ་སི་ལཱ་ཙུ་ཎྞ་པི་ཉྫ་ར་ཝ་ཎྞཱ་ནི ས་མྤ་ནྣ་ག་ནྡྷ་ར་སཱ་ནི པ་རི་ཎ་ཏཱ་ནི ཨ་ཧེ་སུཾ.
སོ ཏཱ་ནི ག་ཧེ་ཏྭཱ ‘‘ར་ཉྙོ ད་སྶཱ་མཱི’’ཏི ག་ཙྪ་ནྟོ ཨ་ནྟ་རཱ་མ་གྒེ ཨཱ་ཡ་སྨ་ནྟཾ མ་ཧཱ་མོ་གྒ་ལླཱ་ནཾ པི་ཎྜཱ་ཡ ཙ་ར་མཱ་ནཾ དི་སྭཱ ཙི་ནྟེ་སི ‘‘ཨི་མཱ་ནི ཨ་མྦཱ་ནི ཨ་གྒ་ཕ་ལ་བྷཱུ་ཏཱ་ནི ཨི་མ་སྶ ཨ་ཡྻ་སྶ ད་སྶཱ་མི, ཀཱ་མཾ མཾ རཱ་ཛཱ ཧ་ན་ཏུ ཝཱ པ་བྦཱ་ཛེ་ཏུ ཝཱ, ར་ཉྙོ ཧི དི་ནྣེ དི་ཊྛ་དྷ་མྨེ པཱུ་ཛཱ་མ་ཏྟཾ ཨ་པྤ་མ་ཏྟ་ཀཾ ཕ་ལཾ, ཨ་ཡྻ་སྶ དི་ནྣེ པ་ན དི་ཊྛ་དྷ་མྨི་ཀ་མྤི ས་མྤ་རཱ་ཡི་ཀ་མྤི ཨ་པ་རི་མཱ་ཎཾ ཕ་ལཾ བྷ་ཝི་སྶ་ཏཱི’’ཏི. ཨེ་ཝཾ པ་ན ཙི་ནྟེ་ཏྭཱ ཏཱ་ནི ཕ་ལཱ་ནི ཐེ་ར་སྶ ད་ཏྭཱ རཱ་ཛཱ་ནཾ ཨུ་པ་ས་ངྐ་མི་ཏྭཱ ར་ཉྙོ ཏ་མ་ཏྠཾ ཨཱ་རོ་ཙེ་སི. ཏཾ སུ་ཏྭཱ རཱ་ཛཱ རཱ་ཛ་པུ་རི་སེ ཨཱ་ཎཱ་པེ་སི ‘‘ཝཱི་མཾ་ས་ཐ ཏཱ་ཝ, བྷ་ཎེ, ཡ་ཐཱ་ཡཾ ཨཱ་ཧཱ’’ཏི. ཐེ་རོ པ་ན ཏཱ་ནི ཕ་ལཱ་ནི བྷ་ག་ཝ་ཏོ ཨུ་པ་ནཱ་མེ་སི. བྷ་ག་ཝཱ ཏེ་སུ ཨེ་ཀཾ སཱ་རི་པུ་ཏྟ་ཏྠེ་ར་སྶ, ཨེ་ཀཾ མ་ཧཱ་མོ་གྒ་ལླཱ་ན་ཏྠེ་ར་སྶ, ཨེ་ཀཾ མ་ཧཱ་ཀ་སྶ་པ་ཏྠེ་ར་སྶ ད་ཏྭཱ ཨེ་ཀཾ ཨ་ཏྟ་ནཱ པ་རི་བྷུ་ཉྫི. པུ་རི་སཱ ཏཾ པ་ཝ་ཏྟིཾ ར་ཉྙོ ཨཱ་རོ་ཙེ་སུཾ.
རཱ་ཛཱ ཏཾ སུ་ཏྭཱ ‘‘དྷཱི་རོ ཝ་ཏཱ་ཡཾ པུ་རི་སོ, ཡོ ཨ་ཏྟ་ནོ ཛཱི་ཝི་ཏ་མྤི པ་རི་ཙྩ་ཛི་ཏྭཱ པུ་ཉྙ་པ་སུ་ཏོ ཨ་ཧོ་སི, ཨ་ཏྟ་ནོ པ་རི་སྶ་མ་ཉྩ ཋཱ་ན་ག་ཏ་མེ་ཝ ཨ་ཀཱ་སཱི’’ཏི ཏུ་ཊྛ་ཙི་ཏྟོ ཏ་སྶ ཨེ་ཀཾ གཱ་མ་ཝ་རཾ ཝ་ཏྠཱ་ལ་ངྐཱ་རཱ་དཱི་ནི ཙ ད་ཏྭཱ ‘‘ཡཾ ཏ་ཡཱ བྷ་ཎེ ཨ་མྦ་ཕ་ལ་དཱ་ནེ་ན པུ་ཉྙཾ པ་སུ་ཏཾ, ཏ་ཏོ མེ པ་ཏྟིཾ དེ་ཧཱི’’ཏི ཨཱ་ཧ. སོ ‘‘དེ་མི, དེ་ཝ, ཡ་ཐཱ་སུ་ཁཾ པ་ཏྟིཾ ག་ཎྷཱ་ཧཱི’’ཏི ཨ་ཝོ་ཙ. ཨཱ་རཱ་མ་པཱ་ལོ ཨ་པ་ར་བྷཱ་གེ ཀཱ་ལཾ ཀ་ཏྭཱ ཏཱ་ཝ་ཏིཾ་སེ་སུ ཨུ་པྤ་ཛྫི, ཏ་སྶ སོ་ལ༹་ས་ཡོ་ཛ་ནི་ཀཾ ཀ་ན་ཀ་ཝི་མཱ་ནཾ ནི་བྦ་ཏྟི ས་ཏྟ་ས་ཏ་ཀཱུ་ཊཱ་གཱ་ར་པ་ཊི་མ་ཎྜི་ཏཾ. ཏཾ དི་སྭཱ ཨཱ་ཡ་སྨཱ མ་ཧཱ་མོ་གྒ་ལླཱ་ནོ པུ་ཙྪི –
༡༠༦༠. ‘‘ཨུ་ཙྩ་མི་དཾ མ་ཎི་ཐཱུ་ཎཾ ཝི་མཱ་ནཾ, ས་མ་ནྟ་ཏོ སོ་ལ༹་ས ཡོ་ཛ་ནཱ་ནི;
ཀཱུ་ཊཱ་གཱ་རཱ ས་ཏྟ་ས་ཏཱ ཨུ་ལཱ༹་རཱ, ཝེ་ལུ༹་རི་ཡ་ཐ་མྦྷཱ རུ་ཙ་ཀ་ཏྠ་ཏཱ སུ་བྷཱ.
༡༠༦༡. ‘‘ཏ་ཏྠ་ཙྪ་སི པི་ཝ་སི ཁཱ་ད་སི ཙ, དི་བྦཱ ཙ ཝཱི་ཎཱ པ་ཝ་ད་ནྟི ཝ་གྒུཾ;
ཨ་ཊྛ་ཊྛ་ཀཱ སི་ཀྑི་ཏཱ སཱ་དྷུ་རཱུ་པཱ, དི་བྦཱ ཙ ཀ་ཉྙཱ ཏི་ད་ས་ཙ་རཱ ཨུ་ལཱ༹་རཱ;
ན་ཙྩ་ནྟི གཱ་ཡ་ནྟི པ་མོ་ད་ཡ་ནྟི.
༡༠༦༢. ‘‘དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ…པེ…
ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.
༡༠༦༣. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ’’.
༡༠༦༤. ‘‘ཕ་ལ་དཱ་ཡཱི ཕ་ལཾ ཝི་པུ་ལཾ ལ་བྷ་ཏི, ད་ད་མུ་ཛུ་ག་ཏེ་སུ པ་ས་ནྣ་མཱ་ན་སོ;
སོ ཧི པ་མོ་ད་ཏི ས་གྒ་ག་ཏོ ཏི་དི་ཝེ, ཨ་ནུ་བྷོ་ཏི ཙ པུ་ཉྙ་ཕ་ལཾ ཝི་པུ་ལཾ.
༡༠༦༥. ‘‘ཏ་ཝེ་ཝཱ་ཧཾ མ་ཧཱ་མུ་ནི, ཨ་དཱ་སིཾ ཙ་ཏུ་རོ ཕ་ལེ.
༡༠༦༦. ‘‘ཏ་སྨཱ ཧི ཕ་ལཾ ཨ་ལ་མེ་ཝ དཱ་ཏུཾ, ནི་ཙྩཾ མ་ནུ་སྶེ་ན སུ་ཁ་ཏྠི་ཀེ་ན;
དི་བྦཱ་ནི ཝཱ པ་ཏྠ་ཡ་ཏཱ སུ་ཁཱ་ནི, མ་ནུ་སྶ་སོ་བྷ་གྒ་ཏ་མི་ཙྪ་ཏཱ ཝཱ.
༡༠༦༧. ‘‘ཏེ་ན མེ་ཏཱ་དི་སོ ཝ་ཎྞོ…པེ…
ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི. – སོ་པི་སྶ བྱཱ་ཀཱ་སི;
༡༠༦༡. ཏ་ཏྠ ཨ་ཊྛ་ཊྛ་ཀཱཏི ཨེ་ཀེ་ཀ་སྨིཾ ཀཱུ་ཊཱ་གཱ་རེ ཨ་ཊྛ་ཊྛ་ཀཱ ཙ་ཏུ་ས་ཊྛི་པ་རི་མཱ་ཎཱ. སཱ་དྷུ་རཱུ་པཱཏི རཱུ་པ་ས་མྤ་ཏྟི་ཡཱ ཙ སཱི་ལཱ་ཙཱ་ར་ས་མྤ་ཏྟི་ཡཱ ཙ སི་ཀྑཱ་ས་མྤ་ཏྟི་ཡཱ ཙ སུ་ནྡ་ར་ས་བྷཱ་ཝཱ. དི་བྦཱ ཙ ཀ་ཉྙཱཏི དེ་ཝ་ཙྪ་རཱ་ཡོ. ཏི་ད་ས་ཙ་རཱཏི ཏི་ད་སེ་སུ སུ་ཁཱ་ཙཱ་རཱ སུ་ཁ་ཝི་ཧཱ་རི་ནི་ཡོ. ཨུ་ལཱ༹་རཱཏི ཨུ་ལཱ༹་ར་ཝི་བྷ་ཝཱ.
༡༠༦༤. ཕ་ལ་དཱ་ཡཱིཏི ཨ་ཏྟ་ནཱ ཨ་མྦ་ཕ་ལ་སྶ དི་ནྣ་ཏྟཱ ཨ་ཏྟཱ་ནཾ ས་ནྡྷཱ་ཡ ཝ་ད་ཏི. ཕ་ལནྟི པུ་ཉྙ་ཕ་ལཾ. ཝི་པུ་ལནྟི མ་ཧ་ནྟཾ ལ་བྷ་ཏི མ་ནུ་སྶ་ལོ་ཀེ པ་ཏི་ཊྛི་ཏོ་ཏི ཨ་དྷི་པྤཱ་ཡོ. ད་དནྟི ད་ད་ནྟོ དཱ་ན་ཧེ་ཏུ. ཨུ་ཛུ་ག་ཏེ་སཱུཏི ཨུ་ཛུ་པ་ཊི་པ་ནྣེ་སུ. ས་གྒ་ག་ཏོཏི ཨུ་པྤ་ཛྫ་ན་ཝ་སེ་ན ས་གྒཾ ག་ཏོ, ཏ་ཏྠཱ་པི ཏི་དི་ཝེ ཏཱ་ཝ་ཏིཾ་ས་བྷ་ཝ་ནེ ཨ་ནུ་བྷོ་ཏི ཙ པུ་ཉྙ་ཕ་ལཾ ཝི་པུ་ལཾ ཡ་ཐཱ་ཧཾ, ཨེ་ཝཾ ཨ་ཉྙོ་པཱི་ཏི ཨ་ཏྠོ.
༡༠༦༦. ཏ་སྨཱཏི ཡ་སྨཱ ཙ་ཏུ་ནྣཾ ཕ་ལཱ་ནཾ དཱ་ན་མ་ཏྟེ་ན ཨཱི་དི་སཱི ས་མྤ་ཏྟི ཨ་དྷི་ག་ཏཱ, ཏ་སྨཱ. ཨ་ལ་མེ་ཝ ཡུ་ཏྟ་མེ་ཝ. ནི་ཙྩནྟི ས་བྦ་ཀཱ་ལཾ. དི་བྦཱ་ནཱིཏི དེ་ཝ་ལོ་ཀ་པ་རི་ཡཱ་པ་ནྣཱ་ནི. མ་ནུ་སྶ་སོ་བྷ་གྒ་ཏནྟི མ་ནུ་སྶེ་སུ སུ་བྷ་ག་བྷཱ་ཝཾ. སེ་སཾ ཝུ་ཏྟ་ན་ཡ་མེ་ཝ.
ཕ་ལ་དཱ་ཡ་ཀ་ཝི་མཱ་ན་ཝ་ཎྞ་ནཱ ནི་ཊྛི་ཏཱ.
༤. པ་ཋ་མ་ཨུ་པ་སྶ་ཡ་དཱ་ཡ་ཀ་ཝི་མཱ་ན་ཝ་ཎྞ་ནཱ
ཙ་ནྡོ ཡ་ཐཱ ཝི་ག་ཏ་ཝ་ལཱ་ཧ་ཀེ ན་བྷེཏི ཨུ་པ་སྶ་ཡ་དཱ་ཡ་ཀ་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ རཱ་ཛ་ག་ཧེ ཝི་ཧ་ར་ཏི ཝེ་ལུ༹་ཝ་ནེ. ཏེ་ན ས་མ་ཡེ་ན ཨ་ཉྙ་ཏ་རོ བྷི་ཀྑུ གཱ་མ་ཀཱ་ཝཱ་སེ ཝ་སྶཾ ཝ་སི་ཏྭཱ ཝུ་ཏྠ་ཝ་སྶོ པ་ཝཱ་རེ་ཏྭཱ བྷ་ག་ཝ་ནྟཾ ཝ་ནྡི་ཏུཾ རཱ་ཛ་ག་ཧཾ ག་ཙྪ་ནྟོ ཨ་ནྟ་རཱ་མ་གྒེ སཱ་ཡཾ ཨ་ཉྙ་ཏ་རཾ གཱ་མཾ པ་ཝི་སི་ཏྭཱ ཝ་ས་ན་ཊྛཱ་ནཾ པ་རི་ཡེ་ས་ནྟོ ཨ་ཉྙ་ཏ་རཾ ཨུ་པཱ་ས་ཀཾ དི་སྭཱ པུ་ཙྪི – ‘‘ཨུ་པཱ་ས་ཀ, ཨི་མ་སྨིཾ གཱ་མེ ཨ་ཏྠི ཀི་ཉྩི པ་བྦ་ཛི་ཏཱ་ནཾ ཝ་ས་ན་ཡོ་གྒ་ཊྛཱ་ན’’ནྟི. ཨུ་པཱ་ས་ཀོ པ་ས་ནྣ་ཙི་ཏྟོ གེ་ཧཾ ག་ནྟྭཱ བྷ་རི་ཡཱ་ཡ ས་དྡྷིཾ མ་ནྟེ་ཏྭཱ ཐེ་ར་སྶ ཝ་ས་ན་ཡོ་གྒཾ ཋཱ་ནཾ པ་རི་ཙྪི་ནྡི་ཏྭཱ ཏ་ཏྠ ཨཱ་ས་ནཾ པ་ཉྙཱ་པེ་ཏྭཱ པཱ་དོ་ད་ཀཾ པཱ་ད་པཱི་ཋཾ ཨུ་པ་ཊྛ་པེ་ཏྭཱ ཐེ་རཾ པ་ཝེ་སེ་ཏྭཱ ཏ་སྨིཾ པཱ་དེ དྷོ་ཝ་ནྟེ པ་དཱི་པཾ ཨུ་ཛྫཱ་ལེ་ཏྭཱ མ་ཉྩེ པ་ཙྩ་ཏྠ་ར་ཎཱ་ནི པ་ཉྙཱ་པེ་ཏྭཱ ཨ་དཱ་སི. སྭཱ་ཏ་ནཱ་ཡ ཙ ནི་མ་ནྟེ་ཏྭཱ ཐེ་ར་སྶ དུ་ཏི་ཡ་དི་ཝ་སེ བྷོ་ཛེ་ཏྭཱ པཱ་ན་ཀ་ཏྠཱ་ཡ གུ་ལ༹་པི་ཎྜ་ཉྩ ད་ཏྭཱ ཐེ་རཾ ག་ཙྪ་ནྟཾ ཨ་ནུ་ག་ནྟྭཱ ནི་ཝ་ཏྟི. སོ ཨ་པ་རེ་ན ས་མ་ཡེ་ན ས་ཧ བྷ་རི་ཡཱ་ཡ ཀཱ་ལཾ ཀ་ཏྭཱ ཏཱ་ཝ་ཏིཾ་ས་བྷ་ཝ་ནེ དྭཱ་ད་ས་ཡོ་ཛ་ནི་ཀེ ཀ་ན་ཀ་ཝི་མཱ་ནེ ནི་བྦ་ཏྟི. ཏཾ ཨཱ་ཡ་སྨཱ མ་ཧཱ་མོ་གྒ་ལླཱ་ནོ དྭཱི་ཧི གཱ་ཐཱ་ཧི པ་ཊི་པུ་ཙྪི –
༡༠༦༩. ‘‘ཙ་ནྡོ ཡ་ཐཱ ཝི་ག་ཏ་ཝ་ལཱ་ཧ་ཀེ ན་བྷེ, ཨོ་བྷཱ་ས་ཡཾ ག་ཙྪ་ཏི ཨ་ནྟ་ལི་ཀྑེ;
ཏ་ཐཱུ་པ་མཾ ཏུ་ཡ྄ཧ་མི་དཾ ཝི་མཱ་ནཾ, ཨོ་བྷཱ་ས་ཡཾ ཏི་ཊྛ་ཏི ཨ་ནྟ་ལི་ཀྑེ.
༡༠༧༠. ‘‘དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ, མ་ནུ་སྶ་བྷཱུ་ཏོ ཀི་མ་ཀཱ་སི པུ་ཉྙཾ;
ཀེ་ནཱ་སི ཨེ་ཝཾ ཛ་ལི་ཏཱ་ནུ་བྷཱ་ཝོ, ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.
སོ དེ་ཝ་པུ་ཏྟོ ཨི་མཱ་ཧི གཱ་ཐཱ་ཧི བྱཱ་ཀཱ་སི –
༡༠༧༡. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ’’.
༡༠༧༢. ‘‘ཨ་ཧ་ཉྩ བྷ་རི་ཡཱ ཙ མ་ནུ་སྶ་ལོ་ཀེ, ཨུ་པ་སྶ་ཡཾ ཨ་ར་ཧ་ཏོ ཨ་ད་མྷ;
ཨ་ནྣ་ཉྩ པཱ་ན་ཉྩ པ་ས་ནྣ་ཙི་ཏྟཱ, ས་ཀྐ་ཙྩ དཱ་ནཾ ཝི་པུ་ལཾ ཨ་ད་མྷ.
༡༠༧༣. ‘‘ཏེ་ན མེ་ཏཱ་དི་སོ ཝ་ཎྞོ…པེ… ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.
ཏ་ཏྠ གཱ་ཐཱ་སུ ཡཾ ཝ་ཏྟ་བྦཾ, ཏཾ ཧེ་ཊྛཱ ཝུ་ཏྟ་ན་ཡ་མེ་ཝ;
པ་ཋ་མ་ཨུ་པ་སྶ་ཡ་དཱ་ཡ་ཀ་ཝི་མཱ་ན་ཝ་ཎྞ་ནཱ ནི་ཊྛི་ཏཱ.
༥. དུ་ཏི་ཡ་ཨུ་པ་སྶ་ཡ་དཱ་ཡ་ཀ་ཝི་མཱ་ན་ཝ་ཎྞ་ནཱ
སཱུ་རི་ཡོ ཡ་ཐཱ ཝི་ག་ཏ་ཝ་ལཱ་ཧ་ཀེ ན་བྷེཏི དུ་ཏི་ཡ་ཨུ་པ་སྶ་ཡ་དཱ་ཡ་ཀ་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ རཱ་ཛ་ག་ཧེ ཝི་ཧ་ར་ཏི ཝེ་ལུ༹་ཝ་ནེ. ཏེ་ན ས་མ་ཡེ་ན ས་མྦ་ཧུ་ལཱ བྷི་ཀྑཱུ གཱ་མ་ཀཱ་ཝཱ་སེ ཝ་སྶཾ ཝ་སི་ཏྭཱ བྷ་ག་ཝ་ནྟཾ ད་སྶ་ནཱ་ཡ རཱ་ཛ་ག་ཧཾ ཨུ་དྡི་སྶ ག་ཙྪ་ནྟཱ སཱ་ཡཾ ཨ་ཉྙ་ཏ་རཾ གཱ་མཾ ས་མྤཱ་པུ་ཎིཾ་སུ. སེ་སཾ ཨ་ན་ནྟ་ར་ཝི་མཱ་ན་ས་དི་ས་མེ་ཝ.
༡༠༧༥. ‘‘སཱུ་རི་ཡོ ཡ་ཐཱ ཝི་ག་ཏ་ཝ་ལཱ་ཧ་ཀེ ན་བྷེ…པེ….
(ཡ་ཐཱ པུ་རི་མ་ཝི་མཱ་ནཾ, ཏ་ཐཱ ཝི་ཏྠཱ་རེ་ཏ་བྦཾ;)
༡༠༧༩. ‘‘ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.
ཏ་ཏྠ གཱ་ཐཱ་སུ་པི ཨ་པུ་བྦཾ ན་ཏྠི;
དུ་ཏི་ཡ་ཨུ་པ་སྶ་ཡ་དཱ་ཡ་ཀ་ཝི་མཱ་ན་ཝ་ཎྞ་ནཱ ནི་ཊྛི་ཏཱ.
༦. བྷི་ཀྑཱ་དཱ་ཡ་ཀ་ཝི་མཱ་ན་ཝ་ཎྞ་ནཱ
ཨུ་ཙྩ་མི་དཾ མ་ཎི་ཐཱུ་ཎཾ ཝི་མཱ་ནནྟི བྷི་ཀྑཱ་དཱ་ཡ་ཀ་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ རཱ་ཛ་ག་ཧེ ཝི་ཧ་ར་ཏི ཝེ་ལུ༹་ཝ་ནེ. ཏེ་ན ས་མ་ཡེ་ན ཨ་ཉྙ་ཏ་རོ བྷི་ཀྑུ ཨ་དྡྷཱ་ན་མ་གྒ་པ་ཊི་པ་ནྣོ ཨ་ཉྙ་ཏ་རཾ གཱ་མཾ པི་ཎྜཱ་ཡ པ་ཝི་ཊྛོ ཨེ་ཀ་སྶ གྷ་ར་དྡྷཱ་རེ ཨ་ཊྛཱ་སི. ཏ་ཏྠ ཨ་ཉྙ་ཏ་རོ པུ་རི་སོ དྷོ་ཏ་ཧ་ཏྠ་པཱ་དོ ‘‘བྷུ་ཉྫི་སྶཱ་མཱི’’ཏི ནི་སི་ནྣོ བྷོ་ཛ་ནཾ ཨུ་པ་ནེ་ཏྭཱ པཱ་ཏི་ཡཱ པ་ཀྑི་ཏྟེ ཏཾ བྷི་ཀྑུཾ དི་སྭཱ པཱ་ཏི་ཡཱ བྷ་ཏྟཾ ཏ་སྶ བྷི་ཀྑུ་ནོ པ་ཏྟེ ཨཱ་ཀི་ར་ནྟོ ཏེ་ན ‘‘ཨེ་ཀ་དེ་ས་མེ་ཝ དེ་ཧཱི’’ཏི ཝུ་ཏྟོ་པི ས་བྦ་མེ་ཝ ཨཱ་ཀི་རི. སོ བྷི་ཀྑུ ཨ་ནུ་མོ་ད་ནཾ ཝ་ཏྭཱ པ་ཀྐཱ་མི. སོ པུ་རི་སོ ‘‘ཚཱ་ཏ་ཛ྄ཛྷ་ཏྟ་སྶ བྷི་ཀྑུ་ནོ མ་ཡཱ ཨ་བྷུ་ཉྫི་ཏྭཱ བྷ་ཏྟཾ དི་ནྣ’’ནྟི ཨ་ནུ་སྶ་ར་ནྟོ ཨུ་ལཱ༹་རཾ པཱི་ཏི་སོ་མ་ན་སྶཾ པ་ཊི་ལ་བྷི. སོ ཨ་པ་ར་བྷཱ་གེ ཀཱ་ལཾ ཀ་ཏྭཱ ཏཱ་ཝ་ཏིཾ་སེ་སུ དྭཱ་ད་ས་ཡོ་ཛ་ནི་ཀེ ཀ་ན་ཀ་ཝི་མཱ་ནེ ནི་བྦ་ཏྟི. ཏཾ ཨཱ་ཡ་སྨཱ མ་ཧཱ་མོ་གྒ་ལླཱ་ན་ཏྠེ་རོ དེ་ཝ་ཙཱ་རི་ཀཾ ཙ་ར་ནྟོ མ་ཧ་ཏི་ཡཱ དེ་ཝི་དྡྷི་ཡཱ ཝི་རོ་ཙ་མཱ་ནཾ དི་སྭཱ ཨི་མཱ་ཧི གཱ་ཐཱ་ཧི པ་ཊི་པུ་ཙྪི –
༡༠༨༡. ‘‘ཨུ་ཙྩ་མི་དཾ མ་ཎི་ཐཱུ་ཎཾ ཝི་མཱ་ནཾ, ས་མ་ནྟ་ཏོ དྭཱ་ད་ས ཡོ་ཛ་ནཱ་ནི;
ཀཱུ་ཊཱ་གཱ་རཱ ས་ཏྟ་ས་ཏཱ ཨུ་ལཱ༹་རཱ, ཝེ་ལུ༹་རི་ཡ་ཐ་མྦྷཱ རུ་ཙ་ཀ་ཏྠ་ཏཱ སུ་བྷཱ.
༡༠༨༢. ‘‘དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ…པེ…
ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.
སོ་པི ཏ་སྶ ཨི་མཱ་ཧི གཱ་ཐཱ་ཧི བྱཱ་ཀཱ་སི –
༡༠༨༣. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ’’.
༡༠༨༤. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏོ, དི་སྭཱ་ན བྷི་ཀྑུཾ ཏ་སི་ཏཾ ཀི་ལ་ནྟཾ;
ཨེ་ཀཱ་ཧཾ བྷི་ཀྑཾ པ་ཊི་པཱ་ད་ཡི་སྶཾ, ས་མ་ངྒི བྷ་ཏྟེ་ན ཏ་དཱ ཨ་ཀཱ་སིཾ.
༡༠༨༥. ‘‘ཏེ་ན མེ་ཏཱ་དི་སོ ཝ་ཎྞོ…པེ… ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.
༡༠༨༤. ཏ་ཏྠ ཨེ་ཀཱ་ཧཾ བྷི་ཀྑནྟི ཨེ་ཀཾ ཨ་ཧཾ བྷི་ཀྑཱ་མ་ཏྟཾ, ཨེ་ཀཾ བྷ་ཏྟ་ཝ་ཌྜྷི་ཏ་ཀ་ནྟི ཨ་ཏྠོ. པ་ཊི་པཱ་ད་ཡི་སྶནྟི པ་ཊི་པཱ་དེ་སིཾ ཨ་དཱ་སིཾ. ས་མ་ངྒི བྷ་ཏྟེ་ནཱཏི བྷ་ཏྟེ་ན ས་མ་ངྒཱི་བྷཱུ་ཏཾ, ལ་དྡྷ་བྷི་ཀྑ་ནྟི ཨ་ཏྠོ. ཨེ་ཝཾ མ་ཧཱ་ཐེ་རོ ཏེ་ན དེ་ཝ་པུ་ཏྟེ་ན ཨ་ཏྟ་ནོ སུ་ཙ་རི་ཏ་ཀ་མྨེ པ་ཀཱ་སི་ཏེ ས་པ་རི་ཝཱ་ར་སྶ ཏ་སྶ དྷ་མྨཾ དེ་སེ་ཏྭཱ མ་ནུ་སྶ་ལོ་ཀ་མཱ་ག་ཏོ, ཏཾ པ་ཝ་ཏྟིཾ ས་མྨཱ་ས་མྦུ་དྡྷ་སྶ ཀ་ཐེ་སི. ས་ཏྠཱ ཏཾ ཨ་ཊྛུ་པྤ་ཏྟིཾ ཀ་ཏྭཱ ས་མྤ་ཏྟ་མ་ཧཱ་ཛ་ན་སྶ དྷ་མྨཾ དེ་སེ་སི. སཱ དེ་ས་ནཱ མ་ཧཱ་ཛ་ན་སྶ སཱ་ཏྠི་ཀཱ ཨ་ཧོ་སཱི་ཏི.
བྷི་ཀྑཱ་དཱ་ཡ་ཀ་ཝི་མཱ་ན་ཝ་ཎྞ་ནཱ ནི་ཊྛི་ཏཱ.
༧. ཡ་ཝ་པཱ་ལ་ཀ་ཝི་མཱ་ན་ཝ་ཎྞ་ནཱ
ཨུ་ཙྩ་མི་དཾ མ་ཎི་ཐཱུ་ཎཾ ཝི་མཱ་ནནྟི ཡ་ཝ་པཱ་ལ་ཀ་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ རཱ་ཛ་ག་ཧེ ཝི་ཧ་ར་ཏི ཝེ་ལུ༹་ཝ་ནེ. ཏེ་ན ས་མ་ཡེ་ན རཱ་ཛ་ག་ཧེ ཨ་ཉྙ་ཏ་རོ དུ་གྒ་ཏ་དཱ་ར་ཀོ ཡ་ཝ་ཁེ་ཏྟཾ ར་ཀྑ་ཏི. སོ ཨེ་ཀ་དི་ཝ་སཾ པཱ་ཏ་རཱ་ས་ཏྠཱ་ཡ ཀུ་མྨཱ་སཾ ལ་བྷི་ཏྭཱ ‘‘ཁེ་ཏྟཾ ག་ནྟྭཱ བྷུ་ཉྫི་སྶཱ་མཱི’’ཏི ཏཾ ཀུ་མྨཱ་སཾ ག་ཧེ་ཏྭཱ ཡ་ཝ་ཁེ་ཏྟཾ ག་ནྟྭཱ རུ་ཀྑ་མཱུ་ལེ ནི་སཱི་དི. ཏ་སྨིཾ ཁ་ཎེ ཨ་ཉྙ་ཏ་རོ ཁཱི་ཎཱ་ས་ཝ་ཏྠེ་རོ མ་གྒ་པྤ་ཊི་པ་ནྣོ ཨུ་པ་ཀ་ཊྛེ ཀཱ་ལེ ཏཾ ཋཱ་ནཾ པ་ཏྭཱ ཡ་ཝ་པཱ་ལ་ཀེ་ན ནི་སི་ནྣཾ རུ་ཀྑ་མཱུ་ལཾ ཨུ་པ་ས་ངྐ་མི. ཡ་ཝ་པཱ་ལ་ཀོ ཝེ་ལཾ ཨོ་ལོ་ཀེ་ཏྭཱ ‘‘ཀ་ཙྩི, བྷ་ནྟེ, ཨཱ་ཧཱ་རོ ལ་དྡྷོ’’ཏི ཨཱ་ཧ. ཐེ་རོ ཏུ་ཎྷཱི ཨ་ཧོ་སི. སོ ཨ་ལ་དྡྷ་བྷཱ་ཝཾ ཉ་ཏྭཱ ‘‘བྷ་ནྟེ, ཨུ་པ་ཀ་ཊྛཱ ཝེ་ལཱ, པི་ཎྜཱ་ཡ ཙ་རི་ཏྭཱ བྷུ་ཉྫི་ཏུཾ ན ས་ཀྐཱ, མ་ཡ྄ཧཾ ཨ་ནུ་ཀ་མྤཱ་ཡ ཨི་མཾ ཀུ་མྨཱ་སཾ པ་རི་བྷུ་ཉྫ་ཐཱ’’ཏི ཝ་ཏྭཱ ཐེ་ར་སྶ ཏཾ ཀུ་མྨཱ་སཾ ཨ་དཱ་སི. ཐེ་རོ ཏཾ ཨ་ནུ་ཀ་མྤ་ནྟོ ཏ་སྶ པ་སྶ་ནྟ་སྶེ་ཝ ཏཾ པ་རི་བྷུ་ཉྫི་ཏྭཱ ཨ་ནུ་མོ་ད་ནཾ ཝ་ཏྭཱ པ་ཀྐཱ་མི. སོ་པི དཱ་ར་ཀོ ‘‘སུ་དི་ནྣཾ ཝ་ཏ མ་ཡཱ ཨཱི་དི་ས་སྶ ཀུ་མྨཱ་ས་དཱ་ནཾ ད་ད་ནྟེ་ནཱ’’ཏི ཙི་ཏྟཾ པ་སཱ་དེ་ཏྭཱ ཨ་པ་ར་བྷཱ་གེ ཀཱ་ལཾ ཀ་ཏྭཱ ཏཱ་ཝ་ཏིཾ་ས་བྷ་ཝ་ནེ ཝུ་ཏྟ་ན་ཡེ་ནེ་ཝ ཝི་མཱ་ནེ ནི་བྦ་ཏྟི. ཏཾ ཨཱ་ཡ་སྨཱ མ་ཧཱ་མོ་གྒ་ལླཱ་ན་ཏྠེ་རོ ཨི་མཱ་ཧི གཱ་ཐཱ་ཧི པ་ཊི་པུ་ཙྪི –
༡༠༨༧. ‘‘ཨུ་ཙྩ་མི་དཾ མ་ཎི་ཐཱུ་ཎཾ ཝི་མཱ་ནཾ…པེ…
ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.
སོ་པི ཏ་སྶ ཨི་མཱ་ཧི གཱ་ཐཱ་ཧི བྱཱ་ཀཱ་སི –
༡༠༨༩. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ’’.
༡༠༩༠. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏོ, ཨ་ཧོ་སིཾ ཡ་ཝ་པཱ་ལ་ཀོ;
ཨ་དྡ་སཾ ཝི་ར་ཛཾ བྷི་ཀྑུཾ, ཝི་པྤ་ས་ནྣ་མ་ནཱ་ཝི་ལཾ.
༡༠༩༡. ‘‘ཏ་སྶ ཨ་དཱ་ས་ཧཾ བྷཱ་གཾ, པ་ས་ནྣོ སེ་ཧི པཱ་ཎི་བྷི;
ཀུ་མྨཱ་ས་པི་ཎྜཾ ད་ཏྭཱ་ན, མོ་དཱ་མི ན་ནྡ་ནེ ཝ་ནེ.
༡༠༩༢. ‘‘ཏེ་ན མེ་ཏཱ་དི་སོ ཝ་ཎྞོ…པེ…
ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.
ཏ་ཏྠ གཱ་ཐཱ་སུ་པི ཨ་པུ་བྦཾ ན་ཏྠི.
ཡ་ཝ་པཱ་ལ་ཀ་ཝི་མཱ་ན་ཝ་ཎྞ་ནཱ ནི་ཊྛི་ཏཱ.
༨. པ་ཋ་མ་ཀུ་ཎྜ་ལཱི་ཝི་མཱ་ན་ཝ་ཎྞ་ནཱ
ཨ་ལ་ངྐ་ཏོ མ་ལྱ་དྷ་རོ སུ་ཝ་ཏྠོཏི ཀུ་ཎྜ་ལཱི་ཝི་མཱ་ནཾ. ཏ་སྶ ཀཱ ཨུ་པ་ཏྟི? བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ. ཏེ་ན ས་མ་ཡེ་ན དྭེ ཨ་གྒ་སཱ་ཝ་ཀཱ ས་པ་རི་ཝཱ་རཱ ཀཱ་སཱི་སུ ཙཱ་རི་ཀཾ ཙ་ར་ནྟཱ སཱུ་རི་ཡ་ཏྠ་ངྒ་མ་ན་ཝེ་ལཱ་ཡཾ ཨ་ཉྙ་ཏ་རཾ ཝི་ཧཱ་རཾ པཱ་པུ་ཎིཾ་སུ. ཏཾ པ་ཝ་ཏྟིཾ སུ་ཏྭཱ ཏ་སྶ ཝི་ཧཱ་ར་སྶ གོ་ཙ་ར་གཱ་མེ ཨ་ཉྙ་ཏ་རོ ཨུ་པཱ་ས་ཀོ ཐེ་རེ ཨུ་པ་ས་ངྐ་མི་ཏྭཱ ཝ་ནྡི་ཏྭཱ པཱ་ད་དྷོ་ཝ་ནཾ པཱ་ད་བྦྷ་ཉྫ་ན་ཏེ་ལཾ མ་ཉྩ་པཱི་ཋཾ པ་ཙྩ་ཏྠ་ར་ཎཾ པ་དཱི་པི་ཡ་ཉྩ ཨུ་པ་ནེ་ཏྭཱ སྭཱ་ཏ་ནཱ་ཡ ཙ ནི་མ་ནྟེ་ཏྭཱ དུ་ཏི་ཡ་དི་ཝ་སེ མ་ཧཱ་དཱ་ནཾ པ་ཝ་ཏྟེ་སི, ཐེ་རཱ ཏ་སྶ ཨ་ནུ་མོ་ད་ནཾ ཝ་ཏྭཱ པ་ཀྐ་མིཾ་སུ. སོ ཨ་པ་རེ་ན ས་མ་ཡེ་ན ཀཱ་ལཾ ཀ་ཏྭཱ ཏཱ་ཝ་ཏིཾ་སེ་སུ དྭཱ་ད་ས་ཡོ་ཛ་ནི་ཀེ ཀ་ན་ཀ་ཝི་མཱ་ནེ ནི་བྦ་ཏྟི. ཏཾ ཨཱ་ཡ་སྨཱ མ་ཧཱ་མོ་གྒ་ལླཱ་ན་ཏྠེ་རོ ཨི་མཱ་ཧི གཱ་ཐཱ་ཧི པ་ཊི་པུ་ཙྪི –
༡༠༩༤. ‘‘ཨ་ལ་ངྐ་ཏོ མ་ལྱ་དྷ་རོ སུ་ཝ་ཏྠོ, སུ་ཀུ་ཎྜ་ལཱི ཀ་པྤི་ཏ་ཀེ་ས་མ་སྶུ;
ཨཱ་མུ་ཏྟ་ཧ་ཏྠཱ་བྷ་ར་ཎོ ཡ་ས་སྶཱི, དི་བྦེ ཝི་མཱ་ན་མྷི ཡ་ཐཱ་པི ཙ་ནྡི་མཱ.
༡༠༩༥. ‘‘དི་བྦཱ ཙ ཝཱི་ཎཱ པ་ཝ་ད་ནྟི ཝ་གྒུཾ, ཨ་ཊྛ་ཊྛ་ཀཱ སི་ཀྑི་ཏཱ སཱ་དྷུ་རཱུ་པཱ;
དི་བྦཱ ཙ ཀ་ཉྙཱ ཏི་ད་ས་ཙ་རཱ ཨུ་ལཱ༹་རཱ, ན་ཙྩ་ནྟི གཱ་ཡ་ནྟི པ་མོ་ད་ཡ་ནྟི.
༡༠༩༦. ‘‘དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ…པེ…
ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.
སོ་པི ཏ་སྶ ཨི་མཱ་ཧི གཱ་ཐཱ་ཧི བྱཱ་ཀཱ་སི –
༡༠༩༧. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ’’.
༡༠༩༨. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏོ, དི་སྭཱ་ན ས་མ་ཎེ སཱི་ལ་ཝ་ནྟེ;
ས་མྤ་ནྣ་ཝི་ཛྫཱ་ཙ་ར་ཎེ ཡ་ས་སྶཱི, བ་ཧུ་སྶུ་ཏེ ཏ་ཎྷ་ཀྑ་ཡཱུ་པ་པ་ནྣེ;
ཨ་ནྣ་ཉྩ པཱ་ན་ཉྩ པ་ས་ནྣ་ཙི་ཏྟོ, ས་ཀྐ་ཙྩ དཱ་ནཾ ཝི་པུ་ལཾ ཨ་དཱ་སིཾ.
༡༠༩༩. ‘‘ཏེ་ན མེ་ཏཱ་དི་སོ ཝ་ཎྞོ…པེ…
ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.
༡༠༩༤. ཏ་ཏྠ སུ་ཀུ་ཎྜ་ལཱིཏི སུ་ནྡ་རེ་ཧི ཀུ་ཎྜ་ལེ་ཧི ཨ་ལ་ངྐ་ཏ་ཀ་ཎྞོ. ‘‘ས་ཀུ་ཎྜ་ལཱི’’ཏི་པི པཱ་ཋོ, ས་དི་སཾ ཀུ་ཎྜ་ལཾ ས་ཀུ་ཎྜ་ལཾ, ཏཾ ཨ་སྶ ཨ་ཏྠཱི་ཏི ས་ཀུ་ཎྜ་ལཱི, ཡུ་ཏྟ་ཀུ་ཎྜ་ལཱི ཨ་ཉྙ་མ་ཉྙ་ཉྩ ཏུ་ཡ྄ཧ་ཉྩ ཨ་ནུ་ཙྪ་ཝི་ཀ་ཀུ་ཎྜ་ལཱི་ཏི ཨ་ཏྠོ. ཀ་པྤི་ཏ་ཀེ་ས་མ་སྶཱུཏི ས་མྨཱ་ཀ་པྤི་ཏ་ཀེ་ས་མ་སྶུ. ཨཱ་མུ་ཏྟ་ཧ་ཏྠཱ་བྷ་ར་ཎོཏི པ་ཊི་མུ་ཀྐ་ཨ་ངྒུ་ལི་ཡཱ་དི་ཧ་ཏྠཱ་བྷ་ར་ཎོ.
༡༠༩༨. ཏ་ཎྷ་ཀྑ་ཡཱུ་པ་པ་ནྣེཏི ཏ་ཎྷ་ཀྑ་ཡཾ ཨ་ར་ཧ་ཏྟཾ, ནི་བྦཱ་ན་མེ་ཝ ཝཱ ཨུ་པ་ག་ཏེ, ཨ་དྷི་ག་ཏ་ཝ་ནྟེ་ཏི ཨ་ཏྠོ. སེ་སཾ ཝུ་ཏྟ་ན་ཡ་མེ་ཝ.
པ་ཋ་མ་ཀུ་ཎྜ་ལཱི་ཝི་མཱ་ན་ཝ་ཎྞ་ནཱ ནི་ཊྛི་ཏཱ.
༩. དུ་ཏི་ཡ་ཀུ་ཎྜ་ལཱི་ཝི་མཱ་ན་ཝ་ཎྞ་ནཱ
ཨ་ལ་ངྐ་ཏོ མ་ལྱ་དྷ་རོ སུ་ཝ་ཏྠོཏི དུ་ཏི་ཡ་ཀུ་ཎྜ་ལཱི་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ. ཏེ་ན ས་མ་ཡེ་ན དྭེ ཨ་གྒ་སཱ་ཝ་ཀཱ ཀཱ་སཱི་སུ ཛ་ན་པ་ད་ཙཱ་རི་ཀཾ ཙ་ར་ནྟཱ་ཏི་ཨཱ་དི ས་བྦཾ ཨ་ན་ནྟ་ར་ས་དི་ས་མེ་ཝ.
༡༡༠༡. ‘‘ཨ་ལ་ངྐ་ཏོ མ་ལྱ་དྷ་རོ སུ་ཝ་ཏྠོ, སུ་ཀུ་ཎྜ་ལཱི ཀ་པྤི་ཏ་ཀེ་ས་མ་སྶུ;
ཨཱ་མུ་ཏྟ་ཧ་ཏྠཱ་བྷ་ར་ཎོ ཡ་ས་སྶཱི, དི་བྦེ ཝི་མཱ་ན་མྷི ཡ་ཐཱ་པི ཙ་ནྡི་མཱ.
༡༡༠༢. ‘‘དི་བྦཱ ཙ ཝཱི་ཎཱ པ་ཝ་ད་ནྟི ཝ་གྒུཾ;
ཨ་ཊྛ་ཊྛ་ཀཱ སི་ཀྑི་ཏཱ སཱ་དྷུ་རཱུ་པཱ;
དི་བྦཱ ཙ ཀ་ཉྙཱ ཏི་ད་ས་ཙ་རཱ ཨུ་ལཱ༹་རཱ, ན་ཙྩ་ནྟི གཱ་ཡ་ནྟི པ་མོ་ད་ཡ་ནྟི.
༡༡༠༣. ‘‘དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ…པེ…
ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི. – པུ་ཙྪི;
༡༡༠༤. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ’’.
༡༡༠༥. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏོ, དི་སྭཱ་ན ས་མ་ཎེ སཱ་དྷུ་རཱུ་པེ;
ས་མྤ་ནྣ་ཝི་ཛྫཱ་ཙ་ར་ཎེ ཡ་ས་སྶཱི, བ་ཧུ་སྶུ་ཏེ སཱི་ལ་ཝ་ནྟེ པ་ས་ནྣེ;
ཨ་ནྣ་ཉྩ པཱ་ན་ཉྩ པ་ས་ནྣ་ཙི་ཏྟོ, ས་ཀྐ་ཙྩ དཱ་ནཾ ཝི་པུ་ལཾ ཨ་དཱ་སིཾ.
༡༡༠༦. ‘‘ཏེ་ན མེ་ཏཱ་དི་སོ ཝ་ཎྞོ…པེ…
ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.
གཱ་ཐཱ་སུ་པི ཨ་པུ་བྦཾ ན་ཏྠི.
དུ་ཏི་ཡ་ཀུ་ཎྜ་ལཱི་ཝི་མཱ་ན་ཝ་ཎྞ་ནཱ ནི་ཊྛི་ཏཱ.
༡༠. (ཨུ་ཏྟ་ར) པཱ་ཡཱ་སི་ཝི་མཱ་ན་ཝ་ཎྞ་ནཱ
ཡཱ དེ་ཝ་རཱ་ཛ་སྶ ས་བྷཱ སུ་དྷ་མྨཱཏི ཨུ་ཏྟ་ར་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝ་ཏི པ་རི་ནི་བྦུ་ཏེ དྷཱ་ཏུ་ཝི་བྷཱ་གེ ཙ ཀ་ཏེ ཏ་ཏྠ ཏ་ཏྠ ཐཱུ་པེ་སུ པ་ཏི་ཊྛཱ་པི་ཡ་མཱ་ནེ་སུ དྷ་མྨ་ཝི་ན་ཡཾ ས་ངྒཱ་ཡི་ཏུཾ ཨུ་ཙྩི་ནི་ཏྭཱ ག་ཧི་ཏེ་སུ མ་ཧཱ་ཀ་སྶ་པ་པྤ་མུ་ཁེ་སུ མ་ཧཱ་ཐེ་རེ་སུ ཡཱ་ཝ ཝ་སྶཱུ་པ་ག་མ་ནཱ ཨ་ཉྙེ་སུ ཙ ཐེ་རེ་སུ ཨ་ཏྟ་ནོ ཨ་ཏྟ་ནོ པ་རི་སཱ་ཡ ས་དྡྷིཾ ཏ་ཏྠ ཏ་ཏྠ ཝ་ས་ནྟེ་སུ ཨཱ་ཡ་སྨཱ ཀུ་མཱ་ར་ཀ་སྶ་པོ པ་ཉྩ་ཧི བྷི་ཀྑུ་ས་ཏེ་ཧི ས་དྡྷིཾ སེ་ཏ་བྱ་ན་ག་རཾ ག་ནྟྭཱ སིཾ་ས་པཱ་ཝ་ནེ ཝ་སི. ཨ་ཐ པཱ་ཡཱ་སི རཱ་ཛ་ཉྙོ ཐེ་ར་སྶ ཏ་ཏྠ ཝ་ས་ན་བྷཱ་ཝཾ སུ་ཏྭཱ མ་ཧ་ཏཱ ཛ་ན་ཀཱ་ཡེ་ན པ་རི་ཝུ་ཏོ ཏཾ ཨུ་པ་ས་ངྐ་མི་ཏྭཱ པ་ཊི་ས་ནྠཱ་རཾ ཀ་ཏྭཱ ནི་སི་ནྣོ ཨ་ཏྟ་ནོ དི་ཊྛི་ག་ཏཾ པ་ཝེ་དེ་སི. ཨ་ཐ ནཾ ཐེ་རོ ཙ་ནྡི་མ་སཱུ་རི་ཡཱུ་དཱ་ཧ་ར་ཎཱ་དཱི་ཧི པ་ར་ལོ་ཀ་སྶ ཨ་ཏྠི་བྷཱ་ཝཾ པ་ཀཱ་སེ་ནྟོ ཨ་ནེ་ཀ་ཝི་ཧི་ཏ་ཧེ་ཏཱུ་པ་མཱ་ལ་ངྐ་ཏཾ དི་ཊྛི་ག་ཎྛི་ཝི་ནི་ཝེ་ཋ་ནཾ ནཱ་ནཱ་ན་ཡ་ཝི་ཙི་ཏྟཾ པཱ་ཡཱ་སི་སུ་ཏྟཾ (དཱི. ནི. ༢.༤༠༦ ཨཱ་ད་ཡོ) དེ་སེ་ཏྭཱ ཏཾ དི་ཊྛི་ས་མྤ་དཱ་ཡཾ པ་ཏི་ཊྛཱ་པེ་སི.
སོ ཝི་སུ་དྡྷ་དི་ཊྛི་ཀོ ཧུ་ཏྭཱ ས་མ་ཎ་བྲཱ་ཧྨ་ཎ་ཀ་པ་ཎ་དྡྷི་ཀཱ་དཱི་ནཾ དཱ་ནཾ དེ་ནྟོ ཨ་ནུ་ལཱ༹་ར་ཛ྄ཛྷཱ་ས་ཡ་ཏཱ་ཡ ལཱུ་ཁཾ ཨ་དཱ་སི གྷཱ་ས་ཙྪཱ་ད་ན་མ་ཏྟཾ ཀ་ཎཱ་ཛ་ཀཾ བི་ལ་ངྒ་དུ་ཏི་ཡཾ སཱ་ཎཱ་ནི ཙ ཝ་ཏྠཱ་ནི. ཨེ་ཝཾ པ་ན ཨ་ས་ཀྐ་ཙྩ་དཱ་ནཾ ད་ཏྭཱ ཀཱ་ཡ་སྶ བྷེ་དཱ ཧཱི་ན་ཀཱ་ཡཾ ཨུ་པ་པ་ཛྫི ཙཱ་ཏུ་མ་ཧཱ་རཱ་ཛི་ཀཱ་ནཾ ས་ཧ་བྱ་ཏཾ. ཏ་སྶ པ་ན ཀི་ཙྩཱ་ཀི་ཙྩེ་སུ ཡུ་ཏྟ་པྤ་ཡུ་ཏྟོ ཨུ་ཏྟ་རོ ནཱ་མ མཱ་ཎ་ཝོ ཨ་ཧོ་སི དཱ་ནེ བྱཱ་ཝ་ཊོ. སོ ས་ཀྐ་ཙྩ་དཱ་ནཾ ད་ཏྭཱ ཏཱ་ཝ་ཏིཾ་ས་ཀཱ་ཡཾ ཨུ་པ་པ་ནྣོ, ཏ་སྶ དྭཱ་ད་ས་ཡོ་ཛ་ནི་ཀཾ ཝི་མཱ་ནཾ ནི་བྦ་ཏྟི. སོ ཀ་ཏ་ཉྙུ་ཏཾ ཝི་བྷཱ་ཝེ་ནྟོ ས་ཧ ཝི་མཱ་ནེ་ན ཀུ་མཱ་ར་ཀ་སྶ་པ་ཏྠེ་རཾ ཨུ་པ་ས་ངྐ་མི་ཏྭཱ ཝི་མཱ་ན་ཏོ ཨོ་རུ་ཡ྄ཧ པ་ཉྩ་པ་ཏི་ཊྛི་ཏེ་ན ཝ་ནྡི་ཏྭཱ ཨ་ཉྫ་ལིཾ པ་གྒ་ཡ྄ཧ ཨ་ཊྛཱ་སི. ཏཾ ཐེ་རོ –
༡༡༠༨. ‘‘ཡཱ དེ་ཝ་རཱ་ཛ་སྶ ས་བྷཱ སུ་དྷ་མྨཱ, ཡ་ཏྠ་ཙྪ་ཏི དེ་ཝ་ས་ངྒྷོ ས་མ་གྒོ;
ཏ་ཐཱུ་པ་མཾ ཏུ་ཡ྄ཧ་མི་དཾ ཝི་མཱ་ནཾ, ཨོ་བྷཱ་ས་ཡཾ ཏི་ཊྛ་ཏི ཨ་ནྟ་ལི་ཀྑེ.
༡༡༠༩. ‘‘དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ…པེ…
ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི. – གཱ་ཐཱ་ཧི པ་ཊི་པུ་ཙྪི;
༡༡༡༠. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ’’.
༡༡༡༡. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏོ, ར་ཉྙོ པཱ་ཡཱ་སི་སྶ ཨ་ཧོ་སིཾ མཱ་ཎ་ཝོ;
ལ་དྡྷཱ དྷ་ནཾ སཾ་ཝི་བྷཱ་གཾ ཨ་ཀཱ་སིཾ, པི་ཡཱ ཙ མེ སཱི་ལ་ཝ་ནྟོ ཨ་ཧེ་སུཾ;
ཨ་ནྣ་ཉྩ པཱ་ན་ཉྩ པ་ས་ནྣ་ཙི་ཏྟོ, ས་ཀྐ་ཙྩ དཱ་ནཾ ཝི་པུ་ལཾ ཨ་དཱ་སིཾ.
༡༡༡༢. ‘‘ཏེ་ན མེ་ཏཱ་དི་སོ ཝ་ཎྞོ…པེ…
ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི. –
སོ དེ་ཝ་པུ་ཏྟོ ཏ་སྶ ཨི་མཱ་ཧི གཱ་ཐཱ་ཧི བྱཱ་ཀཱ་སི.