༧. སུ་ནི་ཀྑི་ཏྟ་ཝི་མཱ་ན་ཝ་གྒོ
༡. ཙི་ཏྟ་ལ་ཏཱ་ཝི་མཱ་ན་ཝ་ཎྞ་ནཱ
ཡ་ཐཱ ཝ་ནཾ ཙི་ཏྟ་ལ་ཏཾ པ་བྷཱ་ས་ཏཱིཏི ཙི་ཏྟ་ལ་ཏཱ་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ. ཏེ་ན ས་མ་ཡེ་ན སཱ་ཝ་ཏྠི་ཡཾ ཨ་ཉྙ་ཏ་རོ ཨུ་པཱ་ས་ཀོ ད་ལི་དྡོ ཨ་པྤ་བྷོ་གོ པ་རེ་སཾ ཀ་མྨཾ ཀ་ཏྭཱ ཛཱི་ཝ་ཏི. སོ ས་དྡྷོ པ་ས་ནྣོ ཛི་ཎྞེ ཝུ་ཌྜྷེ མཱ་ཏཱ་པི་ཏ་རོ པོ་སེ་ནྟོ ‘‘ཨི་ཏྠི་ཡོ ནཱ་མ པ་ཏི་ཀུ་ལེ ཋི་ཏཱ ཨི་སྶ་རི་ཡཾ ཀ་རོ་ནྟི, ས་སྶུ་ས་སུ་རཱ་ནཾ མ་ནཱ་པ་ཙཱ་རི་ནི་ཡོ དུ་ལླ་བྷཱ’’ཏི མཱ་ཏཱ་པི་ཏཱུ་ནཾ ཙི་ཏྟ་དུ་ཀྑཾ པ་རི་ཧ་ར་ནྟོ དཱ་ར་པ་རི་གྒ་ཧཾ ཨ་ཀ་ཏྭཱ ས་ཡ་མེ་ཝ ནེ ཨུ་པ་ཊྛ་ཧ་ཏི, སཱི་ལཱ་ནི ར་ཀྑ་ཏི, ཨུ་པོ་ས་ཐཾ ཨུ་པ་ཝ་ས་ཏི, ཡ་ཐཱ་ཝི་བྷ་ཝཾ དཱ་ནཱ་ནི དེ་ཏི. སོ ཨ་པ་ར་བྷཱ་གེ ཀཱ་ལཾ ཀ་ཏྭཱ ཏཱ་ཝ་ཏིཾ་སེ་སུ དྭཱ་ད་ས་ཡོ་ཛ་ནི་ཀེ ཝི་མཱ་ནེ ནི་བྦ་ཏྟི. ཏཾ ཨཱ་ཡ་སྨཱ མ་ཧཱ་མོ་གྒ་ལླཱ་ནོ ཧེ་ཊྛཱ ཝུ་ཏྟ་ན་ཡེ་ན ག་ནྟྭཱ ཀ་ཏ་ཀ་མྨཾ ཨི་མཱ་ཧི གཱ་ཐཱ་ཧི པ་ཊི་པུ་ཙྪི –
༡༡༡༤. ‘‘ཡ་ཐཱ ཝ་ནཾ ཙི་ཏྟ་ལ་ཏཾ པ་བྷཱ་ས་ཏི, ཨུ་ཡྻཱ་ན་སེ་ཊྛཾ ཏི་ད་སཱ་ན་མུ་ཏྟ་མཾ;
ཏ་ཐཱུ་པ་མཾ ཏུ་ཡ྄ཧ་མི་དཾ ཝི་མཱ་ནཾ, ཨོ་བྷཱ་ས་ཡཾ ཏི་ཊྛ་ཏི ཨ་ནྟ་ལི་ཀྑེ.
༡༡༡༥. ‘‘དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ…པེ…
ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.
༡༡༡༦. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ’’.
༡༡༡༧. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏོ, ད་ལི་དྡོ ཨ་ཏཱ་ཎོ ཀ་པ་ཎོ ཀ་མྨ་ཀ་རོ ཨ་ཧོ་སིཾ;
ཛི་ཎྞེ ཙ མཱ་ཏཱ་པི་ཏ་རོ ཨ་བྷཱ་རིཾ, པི་ཡཱ ཙ མེ སཱི་ལ་ཝ་ནྟོ ཨ་ཧེ་སུཾ;
ཨ་ནྣ་ཉྩ པཱ་ན་ཉྩ པ་ས་ནྣ་ཙི་ཏྟོ, ས་ཀྐ་ཙྩ དཱ་ནཾ ཝི་པུ་ལཾ ཨ་དཱ་སིཾ.
༡༡༡༨. ‘‘ཏེ་ན མེ་ཏཱ་དི་སོ ཝ་ཎྞོ…པེ…ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི. –
སོ་པི ཏ་སྶ བྱཱ་ཀཱ་སི. སེ་སཾ ཝུ་ཏྟ་ན་ཡ་མེ་ཝ.
ཙི་ཏྟ་ལ་ཏཱ་ཝི་མཱ་ན་ཝ་ཎྞ་ནཱ ནི་ཊྛི་ཏཱ.
༢. ན་ནྡ་ན་ཝི་མཱ་ན་ཝ་ཎྞ་ནཱ
ཡ་ཐཱ ཝ་ནཾ ན་ནྡ་ནཾ པ་བྷཱ་ས་ཏཱིཏི ན་ནྡ་ན་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ. ཏེ་ན ས་མ་ཡེ་ན སཱ་ཝ་ཏྠི་ཡཾ ཨ་ཉྙ་ཏ་རོ ཨུ་པཱ་ས་ཀོ་ཏི་ཨཱ་དི ས་བྦཾ ཨ་ན་ནྟ་ར་ཝི་མཱ་ན་ས་དི་སཾ. ཨ་ཡཾ པ་ན དཱ་ར་པ་རི་གྒ་ཧཾ ཀ་ཏྭཱ མཱ་ཏཱ་པི་ཏ་རོ པོ་སེ་སཱི་ཏི ཨ་ཡ་མེ་ཝ ཝི་སེ་སོ.
༡༡༢༠. ཡ་ཐཱ ཝ་ནཾ ན་ནྡ་ནཾ པ་བྷཱ་ས་ཏི, ཨུ་ཡྻཱ་ན་སེ་ཊྛཾ ཏི་ད་སཱ་ན་མུ་ཏྟ་མཾ;
ཏ་ཐཱུ་པ་མཾ ཏུ་ཡ྄ཧ་མི་དཾ ཝི་མཱ་ནཾ, ཨོ་བྷཱ་ས་ཡཾ ཏི་ཊྛ་ཏི ཨ་ནྟ་ལི་ཀྑེ.
༡༡༢༡. ‘‘དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ…པེ…ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི་ཏི.
༡༡༢༢. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ’’.
༡༡༢༣. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏོ, ད་ལི་དྡོ ཨ་ཏཱ་ཎོ ཀ་པ་ཎོ ཀ་མྨ་ཀ་རོ ཨ་ཧོ་སིཾ;
ཛི་ཎྞེ ཙ མཱ་ཏཱ་པི་ཏ་རོ ཨ་བྷཱ་རིཾ, པི་ཡཱ ཙ མེ སཱི་ལ་ཝ་ནྟོ ཨ་ཧེ་སུཾ;
ཨ་ནྣ་ཉྩ པཱ་ན་ཉྩ པ་ས་ནྣ་ཙི་ཏྟོ, ས་ཀྐ་ཙྩ དཱ་ནཾ ཝི་པུ་ལཾ ཨ་དཱ་སིཾ.
༡༡༢༤. ‘‘ཏེ་ན མེ་ཏཱ་དི་སོ ཝ་ཎྞོ…པེ…ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི. –
གཱ་ཐཱ་ཧི བྱཱ་ཀཱ་སི. ཏ་ཏྠ གཱ་ཐཱ་སུ་པི ཨ་པུ་བྦཾ ན་ཏྠི.
ན་ནྡ་ན་ཝི་མཱ་ན་ཝ་ཎྞ་ནཱ ནི་ཊྛི་ཏཱ.
༣. མ་ཎི་ཐཱུ་ཎ་ཝི་མཱ་ན་ཝ་ཎྞ་ནཱ
ཨུ་ཙྩ་མི་དཾ མ་ཎི་ཐཱུ་ཎཾ ཝི་མཱ་ནནྟི མ་ཎི་ཐཱུ་ཎ་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ. ཏེ་ན ས་མ་ཡེ་ན ས་མྦ་ཧུ་ལཱ ཐེ་རཱ བྷི་ཀྑཱུ ཨ་ར་ཉྙཱ་ཡ་ཏ་ནེ ཝི་ཧ་ར་ནྟི. ཏེ་སཾ གཱ་མཾ པི་ཎྜཱ་ཡ ག་མ་ན་མ་གྒེ ཨེ་ཀོ ཨུ་པཱ་ས་ཀོ ཝི་ས་མཾ ས་མཾ ཀ་རོ་ཏི, ཀ་ཎྚ་ཀེ ནཱི་ཧ་ར་ཏི, ག་ཙྪ་གུ་མྦེ ཨ་པ་ནེ་ཏི, ཨུ་ད་ཀ་ཀཱ་ལེ མཱ་ཏི་ཀཱ་སུ སེ་ཏུཾ བ་ནྡྷ་ཏི, ཝི་ཝ་ན་ཊྛཱ་ནེ་སུ ཚཱ་ཡཱ་རུ་ཀྑེ རོ་པེ་ཏི, ཛ་ལཱ་ས་ཡེ་སུ མ་ཏྟི་ཀཾ ཨུ་དྡྷ་རི་ཏྭཱ ཏེ པུ་ཐུ་ལ་ག་མྦྷཱི་རེ ཀ་རོ་ཏི, ཏི་ཏྠེ ས་མྤཱ་དེ་ཏི, ཡ་ཐཱ་ཝི་བྷ་ཝཾ དཱ་ནཾ དེ་ཏི, སཱི་ལཾ ར་ཀྑ་ཏི. སོ ཨ་པ་ར་བྷཱ་གེ ཀཱ་ལཾ ཀ་ཏྭཱ ཏཱ་ཝ་ཏིཾ་སེ་སུ དྭཱ་ད་ས་ཡོ་ཛ་ནི་ཀེ ཀ་ན་ཀ་ཝི་མཱ་ནེ ནི་བྦ་ཏྟི. ཏཾ ཨཱ་ཡ་སྨཱ མ་ཧཱ་མོ་གྒ་ལླཱ་ན་ཏྠེ་རོ ཨུ་པ་ས་ངྐ་མི་ཏྭཱ ཨི་མཱ་ཧི གཱ་ཐཱ་ཧི པ་ཊི་པུ་ཙྪི –
༡༡༢༦. ‘‘ཨུ་ཙྩ་མི་དཾ མ་ཎི་ཐཱུ་ཎཾ ཝི་མཱ་ནཾ, ས་མ་ནྟ་ཏོ དྭཱ་ད་ས ཡོ་ཛ་ནཱ་ནི;
ཀཱུ་ཊཱ་གཱ་རཱ ས་ཏྟ་ས་ཏཱ ཨུ་ལཱ༹་རཱ, ཝེ་ལུ༹་རི་ཡ་ཐ་མྦྷཱ རུ་ཙ་ཀ་ཏྠ་ཏཱ སུ་བྷཱ.
༡༡༢༧. ‘‘ཏ་ཏྠ་ཙྪ་སི པི་ཝ་སི ཁཱ་ད་སི ཙ, དི་བྦཱ ཙ ཝཱི་ཎཱ པ་ཝ་ད་ནྟི ཝ་གྒུཾ;
དི་བྦཱ ར་སཱ ཀཱ་མ་གུ་ཎེ་ཏྠ པ་ཉྩ, ནཱ་རི་ཡོ ཙ ན་ཙྩ་ནྟི སུ་ཝ་ཎྞ་ཙྪ་ནྣཱ.
༡༡༢༨. ‘‘ཀེ་ན ཏེ་ཏཱ་དི་སོ ཝ་ཎྞོ…པེ…ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.
སོ་པི ཏ་སྶ གཱ་ཐཱ་ཧི བྱཱ་ཀཱ་སི –
༡༡༣༠. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ’’.
༡༡༣༡. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏོ, ཝི་ཝ་ནེ པ་ཐེ ས་ངྐ་མ་ནཾ ཨ་ཀཱ་སིཾ;
ཨཱ་རཱ་མ་རུ་ཀྑཱ་ནི ཙ རོ་པ་ཡི་སྶཾ, པི་ཡཱ ཙ མེ སཱི་ལ་ཝ་ནྟོ ཨ་ཧེ་སུཾ;
ཨ་ནྣ་ཉྩ པཱ་ན་ཉྩ པ་ས་ནྣ་ཙི་ཏྟོ, ས་ཀྐ་ཙྩ དཱ་ནཾ ཝི་པུ་ལཾ ཨ་དཱ་སིཾ.
༡༡༣༢. ‘‘ཏེ་ན མེ་ཏཱ་དི་སོ ཝ་ཎྞོ…པེ…ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.
༡༡༣༡. ཏ་ཏྠ ཝི་ཝ་ནེཏི ཨ་ར་ཉྙེ. ཨཱ་རཱ་མ་རུ་ཀྑཱ་ནི ཙཱ ཨཱ་རཱ་མ་བྷཱུ་ཏེ རུ་ཀྑེ, ཨཱ་རཱ་མཾ ཀ་ཏྭཱ ཏ་ཏྠ རུ་ཀྑེ རོ་པེ་སི་ནྟི ཨ་ཏྠོ. སེ་སཾ ས་བྦཾ ཝུ་ཏྟ་ན་ཡ་མེ་ཝ.
མ་ཎི་ཐཱུ་ཎ་ཝི་མཱ་ན་ཝ་ཎྞ་ནཱ ནི་ཊྛི་ཏཱ.
༤. སུ་ཝ་ཎྞ་ཝི་མཱ་ན་ཝ་ཎྞ་ནཱ
སོ་ཝ་ཎྞ་མ་ཡེ པ་བྦ་ཏ་སྨིནྟི སུ་ཝ་ཎྞ་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ ཨ་ནྡྷ་ཀ་ཝི་ནྡེ ཝི་ཧ་ར་ཏི. ཏེ་ན ས་མ་ཡེ་ན ཨ་ཉྙ་ཏ་རོ ཨུ་པཱ་ས་ཀོ ས་དྡྷོ པ་ས་ནྣོ ཝི་བྷ་ཝ་ས་མྤ་ནྣོ ཏ་སྶ གཱ་མ་སྶ ཨ་ཝི་དཱུ་རེ ཨ་ཉྙ་ཏ་ར་སྨིཾ མུ་ཎྜ་ཀ་པ་བྦ་ཏེ ས་བྦཱ་ཀཱ་ར་ས་མྤ་ནྣཾ བྷ་ག་ཝ་ཏོ ཝ་ས་ནཱ་ནུ་ཙྪ་ཝི་ཀཾ ག་ནྡྷ་ཀུ་ཊིཾ ཀཱ་རེ་ཏྭཱ ཏ་ཏྠ བྷ་ག་ཝ་ནྟཾ ཝ་སཱ་པེ་ནྟོ ས་ཀྐ་ཙྩཾ ཨུ་པ་ཊྛ་ཧི, ས་ཡ་ཉྩ ནི་ཙྩ་སཱི་ལེ པ་ཏི་ཊྛི་ཏོ སུ་ཝི་སུ་དྡྷ་སཱི་ལ་སཾ་ཝ་རོ ཧུ་ཏྭཱ ཀཱ་ལཾ ཀ་ཏྭཱ ཏཱ་ཝ་ཏིཾ་ས་བྷ་ཝ་ནེ ནི་བྦ་ཏྟི. ཏ་སྶ ཀ་མྨཱ་ནུ་བྷཱ་ཝ་སཾ་སཱུ་ཙ་ཀཾ ནཱ་ནཱ་ར་ཏ་ན་རཾ་སི་ཛཱ་ལ་ས་མུ་ཛྫ་ལཾ ཝི་ཙི་ཏྟ་ཝེ་དི་ཀཱ་པ་རི་ཀྑི་ཏྟཾ ཝི་ཝི་དྷ་ཝི་པུ་ལཱ་ལ་ངྐཱ་རོ་པ་སོ་བྷི་ཏཾ སུ་ཝི་བྷ་ཏྟ་བྷི་ཏྟི་ཏྠ་མྦྷ་སོ་པཱ་ནཾ ཨཱ་རཱ་མ་ར་མ་ཎཱི་ཡ་ཀཾ ཀ་ཉྩ་ན་པ་བྦ་ཏ་མུ་དྡྷ་ནི ཝི་མཱ་ནཾ ཨུ་པྤ་ཛྫི. ཏཾ ཨཱ་ཡ་སྨཱ མ་ཧཱ་མོ་གྒ་ལླཱ་ནོ དེ་ཝ་ཙཱ་རི་ཀཾ ཙ་ར་ནྟོ དི་སྭཱ ཨི་མཱ་ཧི གཱ་ཐཱ་ཧི པ་ཊི་པུ་ཙྪི –
༡༡༣༤. ‘‘སོ་ཝ་ཎྞ་མ་ཡེ པ་བྦ་ཏ་སྨིཾ, ཝི་མཱ་ནཾ ས་བྦ་ཏོ་པ་བྷཾ;
ཧེ་མ་ཛཱ་ལ་པ་ཊི་ཙྪ་ནྣཾ, ཀི་ངྐི་ཎི་ཛཱ་ལ་ཀ་པྤི་ཏཾ.
༡༡༣༥. ‘‘ཨ་ཊྛཾ་སཱ སུ་ཀ་ཏཱ ཐ་མྦྷཱ, ས་བྦེ ཝེ་ལུ༹་རི་ཡཱ་མ་ཡཱ;
ཨེ་ཀ་མེ་ཀཱ་ཡ ཨཾ་སི་ཡཱ, ར་ཏ་ནཱ ས་ཏྟ ནི་མྨི་ཏཱ.
༡༡༣༦. ‘‘ཝེ་ལཱུ༹་རི་ཡ་སུ་ཝ་ཎྞ་སྶ, ཕ་ལི་ཀཱ རཱུ་པི་ཡ་སྶ ཙ;
མ་སཱ་ར་ག་ལླ་མུ་ཏྟཱ་ཧི, ལོ་ཧི་ཏ་ངྒ་མ་ཎཱི་ཧི ཙ.
༡༡༣༧. ‘‘ཙི་ཏྲཱ མ་ནོ་ར་མཱ བྷཱུ་མི, ན ཏ་ཏྠུ་དྡྷཾ་ས་ཏཱི ར་ཛོ;
གོ་པཱ་ན་སཱི་ག་ཎཱ པཱི་ཏཱ, ཀཱུ་ཊཾ དཱ་རེ་ནྟི ནི་མྨི་ཏཱ.
༡༡༣༨. ‘‘སོ་པཱ་ནཱ་ནི ཙ ཙ་ཏྟཱ་རི, ནི་མྨི་ཏཱ ཙ་ཏུ་རོ དི་སཱ;
ནཱ་ནཱ་ར་ཏ་ན་ག་བྦྷེ་ཧི, ཨཱ་དི་ཙྩོ་ཝ ཝི་རོ་ཙ་ཏི.
༡༡༣༩. ‘‘ཝེ་དི་ཡཱ ཙ་ཏ་སྶོ ཏ་ཏྠ, ཝི་བྷ་ཏྟཱ བྷཱ་ག་སོ མི་ཏཱ;
ད་དྡ་ལླ་མཱ་ནཱ ཨཱ་བྷ་ནྟི, ས་མ་ནྟཱ ཙ་ཏུ་རོ དི་སཱ.
༡༡༤༠. ‘‘ཏ་སྨིཾ ཝི་མཱ་ནེ པ་ཝ་རེ, དེ་ཝ་པུ་ཏྟོ མ་ཧ་པྤ་བྷོ;
ཨ་ཏི་རོ་ཙ་སི ཝ་ཎྞེ་ན, ཨུ་ད་ཡ་ནྟོ་ཝ བྷཱ་ཎུ་མཱ.
༡༡༤༡. ‘‘དཱ་ན་སྶ ཏེ ཨི་དཾ ཕ་ལཾ, ཨ་ཐོ སཱི་ལ་སྶ ཝཱ པ་ན;
ཨ་ཐོ ཨ་ཉྫ་ལི་ཀ་མྨ་སྶ, ཏཾ མེ ཨ་ཀྑཱ་ཧི པུ་ཙྪི་ཏོ’’ཏི.
སོ་པི་སྶ ཨི་མཱ་ཧི གཱ་ཐཱ་ཧི བྱཱ་ཀཱ་སི –
༡༡༤༢. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ’’.
༡༡༤༣. ‘‘ཨ་ཧཾ ཨ་ནྡྷ་ཀ་ཝི་ནྡ་སྨིཾ, བུ་དྡྷ་སྶཱ་དི་ཙྩ་བ་ནྡྷུ་ནོ;
ཝི་ཧཱ་རཾ ས་ཏྠུ ཀཱ་རེ་སིཾ, པ་ས་ནྣོ སེ་ཧི པཱ་ཎི་བྷི.
༡༡༤༤. ‘‘ཏ་ཏྠ ག་ནྡྷ་ཉྩ མཱ་ལ་ཉྩ, པ་ཙྩ་ཡ་ཉྩ ཝི་ལེ་པ་ནཾ;
ཝི་ཧཱ་རཾ ས་ཏྠུ ཨ་དཱ་སིཾ, ཝི་པྤ་ས་ནྣེ་ན ཙེ་ཏ་སཱ;
ཏེ་ན མ་ཡ྄ཧཾ ཨི་དཾ ལ་དྡྷཾ, ཝ་སཾ ཝ་ཏྟེ་མི ན་ནྡ་ནེ.
༡༡༤༥. ‘‘ན་ནྡ་ནེ ཙ ཝ་ནེ ར་མྨེ, ནཱ་ནཱ་དི་ཛ་ག་ཎཱ་ཡུ་ཏེ;
ར་མཱ་མི ན་ཙྩ་གཱི་ཏེ་ཧི, ཨ་ཙྪ་རཱ་ཧི པུ་ར་ཀྑ་ཏོ’’ཏི.
༡༡༣༤. ཏ་ཏྠ ས་བྦ་ཏོ་པ་བྷནྟི ས་བྦ་བྷཱ་གེ་ཧི པ་བྷཱ་ས་ནྟཾ པ་བྷཱ་མུ་ཉྩ་ན་ཀཾ. ཀི་ངྐི་ཎི་ཛཱ་ལ་ཀ་པྤི་ཏནྟི ཀ་པྤི་ཏ་ཀི་ངྐི་ཎི་ཀ་ཛཱ་ལཾ.
༡༡༣༥. ས་བྦེ ཝེ་ལུ༹་རི་ཡཱ་མ་ཡཱཏི ས་བྦེ ཐ་མྦྷཱ ཝེ་ལུ༹་རི་ཡ་མ་ཎི་མ་ཡཱ. ཏ་ཏྠ པ་ན ཨེ་ཀ་མེ་ཀཱ་ཡ ཨཾ་སི་ཡཱཏི ཨ་ཊྛཾ་སེ་སུ ཐ་མྦྷེ་སུ ཨེ་ཀ་མེ་ཀ་སྨིཾ ཨཾ་ས་བྷཱ་གེ. ར་ཏ་ནཱ ས་ཏྟ ནི་མྨི་ཏཱཏི ས་ཏྟ་ར་ཏ་ན་ཀ་མྨ་ནི་མྨི་ཏཱ, ཨེ་ཀེ་ཀོ ཨཾ་སོ ས་ཏྟ་ར་ཏ་ན་མ་ཡོ་ཏི ཨ་ཏྠོ.
༡༡༣༦. ‘‘ཝེ་ལཱུ༹་རི་ཡ་སུ་ཝ་ཎྞ་སྶཱ’’ཏི་ཨཱ་དི་ནཱ ནཱ་ནཱ་ར་ཏ་ནཱ་ནི ད་སྶེ་ཏི. ཏ་ཏྠ ཝེ་ལཱུ༹་རི་ཡ་སུ་ཝ་ཎྞ་སྶཱཏི ཝེ་ལུ༹་རི་ཡེ་ན ཙ སུ་ཝ་ཎྞེ་ན ཙ ནི་མྨི་ཏཱ, ཙི་ཏྲཱ་ཏི ཝཱ ཡོ་ཛ་ནཱ. ཀ་ར་ཎ་ཏྠེ ཧི ཨི་དཾ སཱ་མི་ཝ་ཙ་ནཾ. ཕ་ལི་ཀཱ རཱུ་པི་ཡ་སྶ ཙཱཏི ཨེ་ཏྠཱ་པི ཨེ་སེ་ཝ ན་ཡོ. མ་སཱ་ར་ག་ལླ་མུ་ཏྟཱ་ཧཱིཏི ཀ་བ་ར་མ་ཎཱི་ཧི. ལོ་ཧི་ཏ་ངྒ་མ་ཎཱི་ཧི ཙཱཏི ར་ཏྟ་མ་ཎཱི་ཧི.
༡༡༣༧. ན ཏ་ཏྠུ་དྡྷཾ་ས་ཏཱི ར་ཛོཏི མ་ཎི་མ་ཡ་བྷཱུ་མི་ཀ་ཏྟཱ ན ཏ་སྨིཾ ཝི་མཱ་ནེ ར་ཛོ ཨུ་གྒ་ཙྪ་ཏི. གོ་པཱ་ན་སཱི་ག་ཎཱཏི གོ་པཱ་ན་སཱི་ས་མཱུ་ཧཱ. པཱི་ཏཱཏི པཱི་ཏ་ཝ་ཎྞཱ, སུ་ཝ་ཎྞ་མ་ཡཱ ཙེ་ཝ ཕུ་སྶ་རཱ་གཱ་དི་མ་ཎི་མ་ཡཱ ཙཱ་ཏི ཨ་ཏྠོ. ཀཱུ་ཊཾ དྷཱ་རེ་ནྟཱིཏི ས་ཏྟ་ར་ཏ་ན་མ་ཡཾ ཀ་ཎྞི་ཀཾ དྷཱ་རེ་ནྟི.
༡༡༣༨-༩. ནཱ་ནཱ་ར་ཏ་ན་ག་བྦྷེ་ཧཱིཏི ནཱ་ནཱ་ར་ཏ་ན་མ་ཡེ་ཧི ཨོ་ཝ་ར་ཀེ་ཧི. ཝེ་དི་ཡཱཏི ཝེ་དི་ཀཱ. ཙ་ཏ་སྶོཏི ཙ་ཏཱུ་སུ དི་སཱ་སུ ཙ་ཏ་སྶོ. ཏེ་ནཱ་ཧ ‘‘ས་མ་ནྟཱ ཙ་ཏུ་རོ དི་སཱ’’ཏི.
༡༡༤༠. མ་ཧ་པྤ་བྷོཏི མ་ཧཱ་ཛུ་ཏི་ཀོ. ཨུ་ད་ཡ་ནྟོཏི ཨུ་གྒ་ཙྪ་ནྟོ. བྷཱ་ཎུ་མཱཏི ཨཱ་དི་ཙྩོ.
༡༡༤༣. སེ་ཧི པཱ་ཎི་བྷཱིཏི ཀཱ་ཡ་སཱ་རཾ པུ་ཉྙཾ པ་ས་ཝ་ནྟོ ཨ་ཏྟ་ནོ པཱ་ཎཱི་ཧི ཏཾ ཏཾ ཀི་ཙྩཾ ཀ་རོ་ནྟོ ཝི་ཧཱ་རཾ ས་ཏྠུ ཀཱ་རེ་སི་ནྟི ཡོ་ཛ་ནཱ. ཨ་ཐ ཝཱ སེ་ཧི པཱ་ཎི་བྷཱིཏི ཏ་ཏྠ ཨ་ནྡྷ་ཀ་ཝི་ནྡ་སྨིཾ ག་ནྡྷ་ཉྩ མཱ་ལ་ཉྩ པ་ཙྩ་ཡ་ཉྩ ཝི་ལེ་པ་ན་ཉྩ པཱུ་ཛཱ་ཝ་སེ་ན. ཡ་ཐཱ ཀ་ཐཾ? ཝི་ཧཱ་ར་ཉྩ ཝི་པྤ་ས་ནྣེ་ན ཙེ་ཏ་སཱ ས་ཏྠུ་ནོ ཨ་དཱ་སིཾ པཱུ་ཛེ་སིཾ ནི་ཡྻཱ་དེ་སིཾ ཙཱ་ཏི ཨེ་ཝ་མེ་ཏྠ ཡོ་ཛ་ནཱ ཝེ་དི་ཏ་བྦཱ.
༡༡༤༤. ཏེ་ནཱཏི ཏེ་ན ཡ་ཐཱ་ཝུ་ཏྟེ་ན པུ་ཉྙ་ཀ་མྨེ་ན ཀཱ་ར་ཎ་བྷཱུ་ཏེ་ན. མ་ཡ྄ཧནྟི མ་ཡཱ. ཨི་དནྟི ཨི་དཾ པུ་ཉྙ་ཕ་ལཾ, ཨི་དཾ ཝཱ དི་བྦཾ ཨཱ་དྷི་པ་ཏེ་ཡྻཾ. ཏེ་ནཱ་ཧ ‘‘ཝ་སཾ ཝ་ཏྟེ་མཱི’’ཏི.
༡༡༤༥. ན་ནྡ་ནེཏི ན་ནྡི་ཡཱ དི་བྦ་ས་མི་དྡྷི་ཡཱ ཨུ་པྤ་ཛྫ་ན་ཊྛཱ་ནེ ཨི་མ་སྨིཾ དེ་ཝ་ལོ་ཀེ, ཏ་ཏྠཱ་པི ཝི་སེ་ས་ཏོ ན་ནྡ་ནེ ཝ་ནེ ར་མྨེ, ཨེ་ཝཾ ར་མ་ཎཱི་ཡེ ཨི་མ་སྨིཾ ན་ནྡ་ནེ ཝ་ནེ ར་མཱ་མཱི་ཏི ཡོ་ཛ་ནཱ. སེ་སཾ ཝུ་ཏྟ་ན་ཡ་མེ་ཝ.
ཨེ་ཝཾ དེ་ཝ་ཏཱ་ཡ ཨ་ཏྟ་ནོ པུ་ཉྙ་ཀ་མྨེ ཨཱ་ཝི་ཀ་ཏེ ཐེ་རོ ས་པ་རི་ཝཱ་ར་སྶ ཏ་སྶ དེ་ཝ་པུ་ཏྟ་སྶ དྷ་མྨཾ དེ་སེ་ཏྭཱ བྷ་ག་ཝ་ཏོ ཏ་མ་ཏྠཾ ནི་ཝེ་དེ་སི. བྷ་ག་ཝཱ ཏཾ ཨ་ཊྛུ་པྤ་ཏྟིཾ ཀ་ཏྭཱ ས་མྤ་ཏྟ་པ་རི་སཱ་ཡ དྷ་མྨཾ དེ་སེ་སི. སཱ དེ་ས་ནཱ མ་ཧཱ་ཛ་ན་སྶ སཱ་ཏྠི་ཀཱ ཨ་ཧོ་སཱི་ཏི.
སུ་ཝ་ཎྞ་ཝི་མཱ་ན་ཝ་ཎྞ་ནཱ ནི་ཊྛི་ཏཱ.
༥. ཨ་མྦ་ཝི་མཱ་ན་ཝ་ཎྞ་ནཱ
ཨུ་ཙྩ་མི་དཾ མ་ཎི་ཐཱུ་ཎནྟི ཨ་མྦ་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ རཱ་ཛ་ག་ཧེ ཝི་ཧ་ར་ཏི ཝེ་ལུ༹་ཝ་ནེ. ཏེ་ན ས་མ་ཡེ་ན རཱ་ཛ་ག་ཧེ ཨ་ཉྙ་ཏ་རོ དུ་གྒ་ཏ་པུ་རི་སོ པ་རེ་སཾ བྷ་ཏྟ་ཝེ་ཏ་ན་བྷ་ཏོ ཧུ་ཏྭཱ ཨ་མྦ་ཝ་ནཾ ར་ཀྑ་ཏི. སོ ཨེ་ཀ་དི་ཝ་སཾ ཨཱ་ཡ་སྨ་ནྟཾ སཱ་རི་པུ་ཏྟཾ གི་མྷ་ས་མ་ཡེ སཱུ་རི་ཡཱ་ཏ་པ་ས་ནྟ་ཏྟེ ཨུ་ཎྷ་ཝཱ་ལི་ཀཱ་ནི་པྤཱི་ལི༹་ཏེ ཝི་པྥ་ནྡ་མཱ་ན་མ་རཱི་ཙི་ཛཱ་ལ་ཝི་ཏྠ་ཏེ བྷཱུ་མི་པྤ་དེ་སེ ཏ་སྶ ཨ་མྦཱ་རཱ་མ་སྶ ཨ་ཝི་དཱུ་རེ་ན མ་གྒེ་ན སེ་དཱ་ག་ཏེ་ན ག་ཏྟེ་ན ག་ཙྪ་ནྟཾ དི་སྭཱ ས་ཉྫཱ་ཏ་གཱ་ར་ཝ་བ་ཧུ་མཱ་ནོ ཨུ་པ་ས་ངྐ་མི་ཏྭཱ ཨེ་ཝ་མཱ་ཧ ‘‘མ་ཧཱ ཨ་ཡཾ, བྷ་ནྟེ, གྷ་མྨ་པ་རི་ལཱ༹་ཧོ, ཨ་ཏི་ཝི་ཡ པ་རི་སྶ་ནྟ་རཱུ་པོ ཝི་ཡ དི་སྶ་ཏི, སཱ་དྷུ, བྷ་ནྟེ, ཨ་ཡྻོ ཨི་མཾ ཨ་མྦཱ་རཱ་མཾ པ་ཝི་སི་ཏྭཱ མུ་ཧུ་ཏྟཾ ཝི་སྶ་མི་ཏྭཱ ཨ་དྡྷཱ་ན་པ་རི་སྶ་མཾ པ་ཊི་ཝི་ནོ་དེ་ཏྭཱ ག་ཙྪ་ཐ ཨ་ནུ་ཀ་མྤཾ ཨུ་པཱ་དཱ་ཡཱ’’ཏི. ཐེ་རོ ཝི་སེ་ས་ཏོ ཏ་སྶ ཙི་ཏྟ་པྤ་སཱ་དཾ པ་རི་བྲཱུ་ཧེ་ཏུ་ཀཱ་མོ ཏཾ ཨཱ་རཱ་མཾ པ་ཝི་སི་ཏྭཱ ཨ་ཉྙ་ཏ་ར་སྶ ཨ་མྦ་རུ་ཀྑ་སྶ མཱུ་ལེ ནི་སཱི་དི.
པུ་ན སོ པུ་རི་སོ ཨཱ་ཧ ‘‘ས་ཙེ, བྷ་ནྟེ, ནྷཱ་ཡི་ཏུ་ཀཱ་མ་ཏྠ, ཨ་ཧཾ ཨི་ཏོ ཀཱུ་པ་ཏོ ཨུ་ད་ཀཾ ཨུ་དྡྷ་རི་ཏྭཱ ཏུ་མྷེ ནྷཱ་པེ་སྶཱ་མི, པཱ་ནཱི་ཡ་ཉྩ ད་སྶཱ་མཱི’’ཏི. ཐེ་རོ་པི ཨ་དྷི་ཝཱ་སེ་སི ཏུ་ཎྷཱི་བྷཱ་ཝེ་ན. སོ ཀཱུ་པ་ཏོ ཨུ་ད་ཀཾ ཨུ་དྡྷ་རི་ཏྭཱ པ་རི་སྶཱ་ཝེ་ཏྭཱ ཐེ་རཾ ནྷཱ་པེ་སི, ནྷཱ་པེ་ཏྭཱ ཙ ཧ་ཏྠ་པཱ་དེ དྷོ་ཝི་ཏྭཱ ནི་སི་ནྣ་སྶ པཱ་ནཱི་ཡཾ ཨུ་པ་ནེ་སི. ཐེ་རོ པཱ་ནཱི་ཡཾ པི་ཝི་ཏྭཱ པ་ཊི་པྤ་སྶ་དྡྷ་ད་ར་ཐོ ཏ་སྶ པུ་རི་ས་སྶ ཨུ་ད་ཀ་དཱ་ནེ ཙེ་ཝ ནྷཱ་པ་ནེ ཙ ཨ་ནུ་མོ་ད་ནཾ ཝ་ཏྭཱ པ་ཀྐཱ་མི. ཨ་ཐ སོ པུ་རི་སོ ‘‘གྷ་མྨཱ་བྷི་ཏ་ཏྟ་སྶ ཝ་ཏ ཐེ་ར་སྶ གྷ་མྨ་པ་རི་ལཱ༹་ཧཾ པ་ཊི་པྤ་སྶ་མྦྷེ་སིཾ, བ་ཧུཾ ཝ་ཏ མ་ཡཱ པུ་ཉྙཾ པ་སུ་ཏ’’ནྟི ཨུ་ལཱ༹་ར་པཱི་ཏི་སོ་མ་ན་སྶཾ པ་ཊི་སཾ་ཝེ་དེ་སི. སོ ཨ་པ་ར་བྷཱ་གེ ཀཱ་ལཾ ཀ་ཏྭཱ ཏཱ་ཝ་ཏིཾ་སེ་སུ ཨུ་པྤ་ཛྫི. ཏཾ ཨཱ་ཡ་སྨཱ མ་ཧཱ་མོ་གྒ་ལླཱ་ནོ ཨུ་པ་ས་ངྐ་མི་ཏྭཱ ཨི་མཱ་ཧི གཱ་ཐཱ་ཧི ཀ་ཏ་པུ་ཉྙཾ པུ་ཙྪི.
༡༡༤༦. ‘‘ཨུ་ཙྩ་མི་དཾ མ་ཎི་ཐཱུ་ཎཾ ཝི་མཱ་ནཾ, ས་མ་ནྟ་ཏོ དྭཱ་ད་ས ཡོ་ཛ་ནཱ་ནི;
ཀཱུ་ཊཱ་གཱ་རཱ ས་ཏྟ་ས་ཏཱ ཨུ་ལཱ༹་རཱ, ཝེ་ལུ༹་རི་ཡ་ཐ་མྦྷཱ རུ་ཙ་ཀ་ཏྠ་ཏཱ སུ་བྷཱ.
༡༡༤༧. ‘‘ཏ་ཏྠ་ཙྪ་སི པི་ཝ་སི ཁཱ་ད་སི ཙ, དི་བྦཱ ཙ ཝཱི་ཎཱ པ་ཝ་ད་ནྟི ཝ་གྒུཾ;
དི་བྦཱ ར་སཱ ཀཱ་མ་གུ་ཎེ་ཏྠ པ་ཉྩ, ནཱ་རི་ཡོ ཙ ན་ཙྩ་ནྟི སུ་ཝ་ཎྞ་ཚ་ནྣཱ.
༡༡༤༨. ‘‘ཀེ་ན ཏེ་ཏཱ་དི་སོ ཝ་ཎྞོ…པེ…
ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.
༡༡༥༠. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ…
ཡ་སྶ ཀ་མྨ་སྶི་དཾ ཕ་ལཾ’’.
༡༡༥༡. ‘‘གི་མྷཱ་ནཾ པ་ཙྪི་མེ མཱ་སེ, པ་ཏ་པ་ནྟེ དི་ཝ་ངྐ་རེ;
པ་རེ་སཾ བྷ་ཏ་ཀོ པོ་སོ, ཨ་མྦཱ་རཱ་མ་མ་སི་ཉྩ་ཏི.
༡༡༥༢. ‘‘ཨ་ཐ ཏེ་ནཱ་ག་མཱ བྷི་ཀྑུ, སཱ་རི་པུ་ཏྟོ་ཏི ཝི་སྶུ་ཏོ;
ཀི་ལ་ནྟ་རཱུ་པོ ཀཱ་ཡེ་ན, ཨ་ཀི་ལ་ནྟོ་ཝ ཙེ་ཏ་སཱ.
༡༡༥༣. ‘‘ཏ་ཉྩ དི་སྭཱ་ན ཨཱ་ཡ་ནྟཾ, ཨ་ཝོ་ཙཾ ཨ་མྦ་སི་ཉྩ་ཀོ;
སཱ་དྷུ ཏཾ བྷ་ནྟེ ནྷཱ་པེ་ཡྻཾ, ཡཾ མ་མ་སྶ སུ་ཁཱ་ཝ་ཧཾ.
༡༡༥༤. ‘‘ཏ་སྶ མེ ཨ་ནུ་ཀ་མྤཱ་ཡ, ནི་ཀྑི་པི པ་ཏྟ་ཙཱི་ཝ་རཾ;
ནི་སཱི་དི རུ་ཀྑ་མཱུ་ལ་སྨིཾ, ཚཱ་ཡཱ་ཡ ཨེ་ཀ་ཙཱི་ཝ་རོ.
༡༡༥༥. ‘‘ཏ་ཉྩ ཨ་ཙྪེ་ན ཝཱ་རི་ནཱ, པ་ས་ནྣ་མཱ་ན་སོ ན་རོ;
ནྷཱ་པ་ཡཱི རུ་ཀྑ་མཱུ་ལ་སྨིཾ, ཚཱ་ཡཱ་ཡ ཨེ་ཀ་ཙཱི་ཝ་རཾ.
༡༡༥༦. ‘‘ཨ་མྦོ ཙ སི་ཏྟོ ས་མ་ཎོ ཙ ནྷཱ་པི་ཏོ,
མ་ཡཱ ཙ པུ་ཉྙཾ པ་སུ་ཏཾ ཨ་ན་པྤ་ཀཾ;
ཨི་ཏི སོ པཱི་ཏི་ཡཱ ཀཱ་ཡཾ, ས་བྦཾ ཕ་ར་ཏི ཨ་ཏྟ་ནོ.
༡༡༥༧. ‘‘ཏ་དེ་ཝ ཨེ་ཏྟ་ཀཾ ཀ་མྨཾ, ཨ་ཀཱ་སིཾ ཏཱ་ཡ ཛཱ་ཏི་ཡཱ;
པ་ཧཱ་ཡ མཱ་ནུ་སཾ དེ་ཧཾ, ཨུ་པ་པ་ནྣོ་མྷི ན་ནྡ་ནཾ.
༡༡༥༨. ‘‘ན་ནྡ་ནེ ཙ ཝ་ནེ ར་མྨེ, ནཱ་ནཱ་དི་ཛ་ག་ཎཱ་ཡུ་ཏེ;
ར་མཱ་མི ན་ཙྩ་གཱི་ཏེ་ཧི, ཨ་ཙྪ་རཱ་ཧི པུ་ར་ཀྑ་ཏོ’’ཏི. –
སོ་པི ཏ་སྶ ཨི་མཱ་ཧི གཱ་ཐཱ་ཧི བྱཱ་ཀཱ་སི.
༡༡༥༡. ཏ་ཏྠ གི་མྷཱ་ནཾ པ་ཙྪི་མེ མཱ་སེཏི ཨཱ་སཱ་ལ༹ྷི་མཱ་སེ. པ་ཏ་པ་ནྟེཏི ཨ་ཏི་ཝི་ཡ དི་པྤ་ནྟེ, ས་བྦ་སོ ཨུ་ཎྷཾ ཝི་སྶ་ཛྫེ་ནྟེ་ཏི ཨ་ཏྠོ. དི་ཝ་ངྐ་རེཏི དི་ཝཱ་ཀ་རེ, ཨ་ཡ་མེ་ཝ ཝཱ པཱ་ཋོ. ཨ་སི་ཉྩ་ཏཱིཏི སི་ཉྩ་ཏི, -ཀཱ་རོ ནི་པཱ་ཏ་མ་ཏྟཾ, སི་ཉྩ་ཏི ཨ་མྦ་རུ་ཀྑ་མཱུ་ལེ་སུ དྷུ་ཝཾ ཛ་ལ་སེ་ཀཾ ཀ་རོ་ཏཱི་ཏི ཨ་ཏྠོ. ‘‘ཨ་སི་ཉྩ་ཐཱ’’ཏི ཙ པཱ་ཋོ, སི་ཉྩི་ཏྠཱ་ཏི ཨ་ཏྠོ. ‘‘ཨ་སི་ཉྩ་ཧ’’ནྟི ཙ པ་ཋ་ནྟི, པ་རེ་སཾ བྷ་ཏ་ཀོ པོ་སོ ཧུ་ཏྭཱ ཏ་དཱ ཨ་མྦཱ་རཱ་མཾ ཨ་སི་ཉྩིཾ ཨ་ཧ་ནྟི ཨ་ཏྠོ.
༡༡༥༢. ཏེ་ནཱཏི ཡེ་ན དི་སཱ་བྷཱ་གེ་ན སོ ཨ་མྦཱ་རཱ་མོ, ཏེ་ན ཨ་ག་མཱ ཨ་ག་ཉྪི. ཨ་ཀི་ལ་ནྟོ་ཝ ཙེ་ཏ་སཱཏི ཙེ་ཏོ་དུ་ཀྑ་སྶ མ་གྒེ་ནེ་ཝ པ་ཧཱི་ན་ཏྟཱ ཙེ་ཏ་སཱ ཨ་ཀི་ལ་ནྟོ་པི ས་མཱ་ནོ ཀི་ལ་ནྟུ་རཱུ་པོ ཀཱ་ཡེ་ན ཏེ་ན མ་གྒེ་ན ཨ་ག་མཱ་ཏི ཡོ་ཛ་ནཱ.
༡༡༥༣-༤. ཨ་ཝོ་ཙཾ ཨ་ཧཾ ཏ་དཱ ཨ་མྦ་སི་ཉྩ་ཀོ ཧུ་ཏྭཱ་ཏི ཡོ་ཛ་ནཱ. ཨེ་ཀ་ཙཱི་ཝ་རོཏི ནྷཱ་ཡི་ཏུ་ཀཱ་མོ་ཏི ཨ་དྷི་པྤཱ་ཡོ.
༡༡༥༦. ཨི་ཏཱིཏི ཨེ་ཝཾ ‘‘ཨ་མྦོ ཙ སི་ཏྟོ, ས་མ་ཎོ ཙ ནྷཱ་པི་ཏོ, མ་ཡཱ ཙ པུ་ཉྙཾ པ་སུ་ཏཾ ཨ་ན་པྤ་ཀཾ, ཨེ་ཀེ་ནེ་ཝ པ་ཡོ་གེ་ན ཏི་ཝི་དྷོ་པི ཨ་ཏྠོ སཱ་དྷི་ཏོ’’ཏི ཨི་མི་ནཱ་ཀཱ་རེ་ན པ་ཝ་ཏྟཱ་ཡ པཱི་ཏི་ཡཱ སོ པུ་རི་སོ ཨ་ཏྟ་ནོ ས་བྦཾ ཀཱ་ཡཾ ཕ་ར་ཏི, ནི་ར་ནྟ་རཾ ཕུ་ཊཾ ཀ་རོ་ཏཱི་ཏི ཡོ་ཛ་ནཱ. ཨ་ཏཱི་ཏ་ཏྠེ ཙེ་ཏཾ ཝ་ཏྟ་མཱ་ན་ཝ་ཙ་ནཾ, ཕ་རཱི་ཏི ཨ་ཏྠོ.
༡༡༥༧. ཏ་དེ་ཝ ཨེ་ཏྟ་ཀཾ ཀ་མྨནྟི ཏཾ ཨེ་ཏྟ་ཀཾ ཨེ་ཝཾ པཱ་ནཱི་ཡ་དཱ་ན་མ་ཏྟ་ཀཾ ཀ་མྨཾ ཨ་ཀཱ་སིཾ, ཏཱ་ཡ ཏ་སྶཾ ཛཱ་ཏི་ཡཾ ཨ་ཉྙཾ ནཱ་ནུ་སྶ་རཱ་མཱི་ཏི ཨ་དྷི་པྤཱ་ཡོ. ཏེ་སཾ ཝུ་ཏྟ་ན་ཡ་མེ་ཝ.
ཨ་མྦ་ཝི་མཱ་ན་ཝ་ཎྞ་ནཱ ནི་ཊྛི་ཏཱ.
༦. གོ་པཱ་ལ་ཝི་མཱ་ན་ཝ་ཎྞ་ནཱ
དི་སྭཱ་ན དེ་ཝཾ པ་ཊི་པུ་ཙྪི བྷི་ཀྑཱུཏི གོ་པཱ་ལ་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ རཱ་ཛ་ག་ཧེ ཝི་ཧ་ར་ཏི ཝེ་ལུ༹་ཝ་ནེ. ཏེ་ན ས་མ་ཡེ་ན རཱ་ཛ་ག་ཧ་ཝཱ་སཱི ཨ་ཉྙ་ཏ་རོ གོ་པཱ་ལ་ཀོ པཱ་ཏ་རཱ་ས་ཏྠཱ་ཡ པི་ལོ་ཏི་ཀཱ་ཡ པུ་ཊ་བ་དྡྷཾ ཀུ་མྨཱ་སཾ ག་ཧེ་ཏྭཱ ན་ག་ར་ཏོ ནི་ཀྑ་མི་ཏྭཱ གཱ་ཝཱི་ནཾ ཙ་ར་ཎ་ཊྛཱ་ན་བྷཱུ་ཏཾ གོ་ཙ་ར་བྷཱུ་མིཾ ས་མྤཱ་པུ་ཎི. ཏཾ ཨཱ་ཡ་སྨཱ མ་ཧཱ་མོ་གྒ་ལླཱ་ནོ ‘‘ཨ་ཡཾ ཨི་དཱ་ནེ་ཝ ཀཱ་ལཾ ཀ་རི་སྶ་ཏི, མ་ཡ྄ཧ་ཉྩ ཀུ་མྨཱ་སཾ ད་ཏྭཱ ཏཱ་ཝ་ཏིཾ་སེ་སུ ཨུ་པྤ་ཛྫི་སྶ་ཏཱི’’ཏི ཙ ཉ་ཏྭཱ ཏ་སྶ ས་མཱི་པཾ ཨ་ག་མཱ་སི. སོ ཝེ་ལཾ ཨོ་ལོ་ཀེ་ཏྭཱ ཐེ་ར་སྶ ཀུ་མྨཱ་སཾ དཱ་ཏུ་ཀཱ་མོ ཨ་ཧོ་སི. ཏེ་ན ཙ ས་མ་ཡེ་ན གཱ་ཝི་ཡོ མཱ་ས་ཀྑེ་ཏྟཾ པ་ཝི་ས་ནྟི. ཨ་ཐ སོ གོ་པཱ་ལོ ཙི་ནྟེ་སི ‘‘ཀིཾ ནུ ཁོ ཐེ་ར་སྶ ཀུ་མྨཱ་སཾ ད་དེ་ཡྻཾ, ཨུ་དཱ་ཧུ གཱ་ཝི་ཡོ མཱ་ས་ཀྑེ་ཏྟ་ཏོ ནཱི་ཧ་རེ་ཡྻ’’ནྟི. ཨ་ཐ་སྶ ཨེ་ཏ་ད་ཧོ་སི ‘‘མཱ་ས་སཱ་མི་ཀཱ མཾ ཡཾ ཨི་ཙྪ་ནྟི, ཏཾ ཀ་རོ་ནྟུ, ཐེ་རེ པ་ན ག་ཏེ ཀུ་མྨཱ་ས་དཱ་ན་ནྟ་རཱ་ཡོ མེ སི་ཡཱ, ཧ་ནྡཱ་ཧཾ པ་ཋ་མཾ ཨ་ཡྻ་སྶ ཀུ་མྨཱ་སཾ ད་སྶཱ་མཱི’’ཏི ཏཾ ཐེ་ར་སྶ ཨུ་པ་ནེ་སི. པ་ཊི་གྒ་ཧེ་སི ཐེ་རོ ཨ་ནུ་ཀ་མྤཾ ཨུ་པཱ་དཱ་ཡ.
ཨ་ཐ ནཾ གཱ་ཝི་ཡོ ནི་ཝ་ཏྟེ་ཏུཾ པ་རི་སྶ་ཡཾ ཨ་ནོ་ལོ་ཀེ་ཏྭཱ ཝེ་གེ་ན ཨུ་པ་དྷཱ་ཝ་ནྟཾ པཱ་དེ་ན ཕུ་ཊྛོ ཨཱ་སཱི་ཝི་སོ ཌཾ་སི. ཐེ་རོ་པི ཏཾ ཨ་ནུ་ཀ་མྤ་མཱ་ནོ ཏཾ ཀུ་མྨཱ་སཾ པ་རི་བྷུ་ཉྫི་ཏུཾ ཨཱ་ར་བྷི. གོ་པཱ་ལ་ཀོ་པི གཱ་ཝི་ཡོ ནི་ཝ་ཏྟེ་ཏྭཱ ཨཱ་ག་ཏོ ཐེ་རཾ ཀུ་མྨཱ་སཾ པ་རི་བྷུ་ཉྫ་ནྟཾ དི་སྭཱ པ་ས་ནྣ་ཙི་ཏྟོ ཨུ་ལཱ༹་རཾ པཱི་ཏི་སོ་མ་ན་སྶཾ པ་ཊི་སཾ་ཝེ་དེ་ནྟོ ནི་སཱི་དི. ཏཱ་ཝ་དེ་ཝ་སྶ ས་ཀ་ལ་ས་རཱི་རཾ ཝི་སཾ ཨ་ཛ྄ཛྷོ་ཏྠ་རི. མུ་ཧུ་ཏྟ་མེ་ཝ ཝེ་གེ མུ་དྡྷ་པ་ཏྟེ ཀཱ་ལ་མ་ཀཱ་སི, ཀཱ་ལ་ཀ་ཏོ ཙ ཏཱ་ཝ་ཏིཾ་སེ་སུ དྭཱ་ད་ས་ཡོ་ཛ་ནི་ཀེ ཀ་ན་ཀ་ཝི་མཱ་ནེ ནི་བྦ་ཏྟི. ཏཾ ཨཱ་ཡ་སྨཱ མ་ཧཱ་མོ་གྒ་ལླཱ་ནོ དི་སྭཱ ཨི་མཱ་ཧི གཱ་ཐཱ་ཧི པ་ཊི་པུ་ཙྪི –
༡༡༥༩. ‘‘དི་སྭཱ་ན དེ་ཝཾ པ་ཊི་པུ་ཙྪི བྷི་ཀྑུ, ཨུ་ཙྩེ ཝི་མཱ་ན་མྷི ཙི་ར་ཊྛི་ཏི་ཀེ;
ཨཱ་མུ་ཏྟ་ཧ་ཏྠཱ་བྷ་ར་ཎཾ ཡ་ས་སྶིཾ, དི་བྦེ ཝི་མཱ་ན་མྷི ཡ་ཐཱ་པི ཙ་ནྡི་མཱ.
༡༡༦༠. ‘‘ཨ་ལ་ངྐ་ཏོ མ་ལྱ་དྷ་རོ སུ་ཝ་ཏྠོ, སུ་ཀུ་ཎྜ་ལཱི ཀ་པྤི་ཏ་ཀེ་ས་མ་སྶུ;
ཨཱ་མུ་ཏྟ་ཧ་ཏྠཱ་བྷ་ར་ཎོ ཡ་ས་སྶཱི, དི་བྦེ ཝི་མཱ་ན་མྷི ཡ་ཐཱ་པི ཙ་ནྡི་མཱ.
༡༡༦༡. ‘‘དི་བྦཱ ཙ ཝཱི་ཎཱ པ་ཝ་ད་ནྟི ཝ་གྒུཾ; ཨ་ཊྛ་ཊྛ་ཀཱ སི་ཀྑི་ཏཱ སཱ་དྷུ་རཱུ་པཱ;
དི་བྦཱ ཙ ཀ་ཉྙཱ ཏི་ད་ས་ཙ་རཱ ཨུ་ལཱ༹་རཱ, ན་ཙྩ་ནྟི གཱ་ཡ་ནྟི པ་མོ་ད་ཡ་ནྟི.
༡༡༦༢. ‘‘དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ…པེ…
ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.
སོ་པི ཏ་སྶ བྱཱ་ཀཱ་སི –
༡༡༦༣. ‘‘སོ དེ་ཝ་པུ་ཏྟོ ཨ་ཏྟ་མ་ནོ…པེ…ཡ་སྶ ཀ་མྨ་སྶི་དཾ ཕ་ལཾ’’.
༡༡༦༤. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏོ, ས་ངྒ་མྨ ར་ཀྑི་སྶཾ པ་རེ་སཾ དྷེ་ནུ་ཡོ;
ཏ་ཏོ ཙ ཨཱ་གཱ ས་མ་ཎོ མ་མ་ནྟི་ཀེ, གཱ་ཝོ ཙ མཱ་སེ ཨ་ག་མཾ་སུ ཁཱ་དི་ཏུཾ.
༡༡༦༥. ‘‘དྭ་ཡ་ཛྫ ཀི་ཙྩཾ ཨུ་བྷ་ཡ་ཉྩ ཀཱ་རི་ཡཾ, ཨི་ཙྩེ་ཝ་ཧཾ བྷ་ནྟེ ཏ་དཱ ཝི་ཙི་ནྟ་ཡིཾ;
ཏ་ཏོ ཙ ས་ཉྙཾ པ་ཊི་ལ་དྡྷ ཡོ་ནི་སོ, ‘ད་དཱ་མི བྷ་ནྟེ’ཏི ཁི་པིཾ ཨ་ན་ནྟ་ཀཾ.
༡༡༦༦. ‘‘སོ མཱ་ས་ཁེ་ཏྟཾ ཏུ་རི་ཏོ ཨ་ཝཱ་ས་རིཾ, པུ་རཱ ཨ་ཡཾ བྷ་ཉྫ་ཏི ཡ་སྶི་དཾ དྷ་ནཾ;
ཏ་ཏོ ཙ ཀ་ཎྷོ ཨུ་ར་གོ མ་ཧཱ་ཝི་སོ, ཨ་ཌཾ་སི པཱ་དེ ཏུ་རི་ཏ་སྶ མེ ས་ཏོ.
༡༡༦༧. ‘‘སྭཱ་ཧཾ ཨ་ཊྚོ་མྷི དུ་ཀྑེ་ན པཱི་ལི༹་ཏོ, བྷི་ཀྑུ ཙ ཏཾ སཱ་མཾ མུ་ཉྩི་ཏྭཱ་ན་ནྟ་ཀཾ;
ཨ་ཧཱ་སི ཀུ་མྨཱ་སཾ མ་མཱ་ནུ་ཀ་མྤ་ཡཱ, ཏ་ཏོ ཙུ་ཏོ ཀཱ་ལ་ཀ་ཏོ་མྷི དེ་ཝ་ཏཱ.
༡༡༦༨. ‘‘ཏ་དེ་ཝ ཀ་མྨཾ ཀུ་ས་ལཾ ཀ་ཏཾ མ་ཡཱ, སུ་ཁ་ཉྩ ཀ་མྨཾ ཨ་ནུ་བྷོ་མི ཨ་ཏྟ་ནཱ;
ཏ་ཡཱ ཧི བྷ་ནྟེ ཨ་ནུ་ཀ་མྤི་ཏོ བྷུ་སཾ, ཀ་ཏ་ཉྙུ་ཏཱ་ཡ ཨ་བྷི་ཝཱ་ད་ཡཱ་མི ཏཾ.
༡༡༦༩. ‘‘ས་དེ་ཝ་ཀེ ལོ་ཀེ ས་མཱ་ར་ཀེ ཙ, ཨ་ཉྙོ མུ་ནི ན་ཏྠི ཏ་ཡཱ་ནུ་ཀ་མྤ་ཀོ;
ཏ་ཡཱ ཧི བྷ་ནྟེ ཨ་ནུ་ཀ་མྤི་ཏོ བྷུ་སཾ, ཀ་ཏ་ཉྙུ་ཏཱ་ཡ ཨ་བྷི་ཝཱ་ད་ཡཱ་མི ཏཾ.
༡༡༧༠. ‘‘ཨི་མ་སྨིཾ ལོ་ཀེ པ་ར་སྨིཾ ཝཱ པ་ན, ཨ་ཉྙོ མུ་ནཱི ན་ཏྠི ཏ་ཡཱ་ནུ་ཀ་མྤ་ཀོ;
ཏ་ཡཱ ཧི བྷ་ནྟེ ཨ་ནུ་ཀ་མྤི་ཏོ བྷུ་སཾ, ཀ་ཏ་ཉྙུ་ཏཱ་ཡ ཨ་བྷི་ཝཱ་ད་ཡཱ་མི ཏ’’ནྟི.
ཨ་ཐཱ་ཡ་སྨཱ མ་ཧཱ་མོ་གྒ་ལླཱ་ནོ ཨ་ཏྟ་ནཱ ཙ དེ་ཝ་ཏཱ་ཡ ཙ ཀ་ཐི་ཏ་ནི་ཡཱ་མེ་ནེ་ཝ ཏཾ བྷ་ག་ཝ་ཏོ ཨཱ་རོ་ཙེ་སི. ས་ཏྠཱ ཏ་མ་ཏྠཾ པ་ཙྩ་ནུ་བྷཱ་སི་ཏྭཱ ཏཾ ཨ་ཊྛུ་པྤ་ཏྟིཾ ཀ་ཏྭཱ ས་མྤ་ཏྟ་པ་རི་སཱ་ཡ དྷ་མྨཾ དེ་སེ་ཏུཾ ‘‘དི་སྭཱ་ན དེ་ཝཾ པ་ཊི་པུ་ཙྪི བྷི་ཀྑཱུ’’ཏི་ཨཱ་དི་མཱ་ཧ.
༡༡༥༩. ཏ་ཏྠ དེ་ཝནྟི གོ་པཱ་ལ་དེ་ཝ་པུ་ཏྟཾ. བྷི་ཀྑཱུཏི ཨཱ་ཡ་སྨ་ནྟཾ མ་ཧཱ་མོ་གྒ་ལླཱ་ནཾ ས་ནྡྷཱ་ཡ ས་ཏྠཱ ཝ་ད་ཏི. སོ ཧི ས་བྦ་སོ བྷི་ནྣ་ཀི་ལེ་ས་ཏཱ་ཡ བྷི་ཀྑུ. ཝི་མཱ་ན་སྶ བ་ཧུ་ཀཱ་ལཱ་ཝ་ཊྛཱ་ཡི་ཏཱ་ཡ ཀ་པྤ་ཊྛི་ཏི་ཀ་ཏཱ་ཡ ཨེ་ཝ ཝཱ ‘‘ཙི་ར་ཊྛི་ཏི་ཀེ’’ཏི ཝུ་ཏྟཾ, ‘‘ཙི་ར་ཊྛི་ཏི་ཀ’’ནྟི་པི ཀེ་ཙི པ་ཋ་ནྟི. ཏ་ཉྷི ‘‘དེ་ཝ’’ནྟི ཨི་མི་ནཱ ས་མྦ་ནྡྷི་ཏ་བྦཾ. སོ་པི ཧི ས་ཊྛི་ས་ཏ་ས་ཧ་སྶཱ་དྷི་ཀཱ ཏི་སྶོ ཝ་སྶ་ཀོ་ཊི་ཡོ ཏ་ཏྠ ཨ་ཝ་ཊྛཱ་ན་ཏོ ‘‘ཙི་ར་ཊྛི་ཏི་ཀེ’’ཏི ཝ་ཏྟ་བྦ་ཏཾ ལ་བྷ་ཏི. ཡ་ཐཱ་པི ཙ་ནྡི་མཱཏི ཡ་ཐཱ ཙ་ནྡི་མཱ དེ་ཝ་པུ་ཏྟོ ཀ་ནྟ་སཱི་ཏ་ལ་མ་ནོ་ཧ་ར་ཀི་ར་ཎ་ཛཱ་ལ་ས་མུ་ཛྫ་ལེ ཨ་ཏྟ་ནོ དི་བྦེ ཝི་མཱ་ན་མྷི ཝི་རོ་ཙ་ཏི, ཨེ་ཝཾ ཝི་རོ་ཙ་མཱ་ན་ནྟི ཝ་ཙ་ན་སེ་སཱ.
༡༡༦༠. ཨ་ལ་ངྐ་ཏོཏི་ཨཱ་དི ཏ་སྶ དེ་ཝ་པུ་ཏྟ་སྶ ཐེ་རེ་ན པུ་ཙྪི་ཏཱ་ཀཱ་ར་ད་སྶ་ནཾ, ཏཾ ཧེ་ཊྛཱ ཝུ་ཏྟ་ཏྠ་མེ་ཝ.
༡༡༦༤. ས་ངྒ་མྨཱཏི ས་ངྒ་མེ་ཏྭཱ, ས་ངྒ་མྨཱཏི ཝཱ ས་ངྒ་ཧེ་ཏྭཱ. ཧེ་ཏྭ་ཏྠོ་པི ཧི ཨི་དྷ ཨ་ནྟོ་ནཱི་ཏོ, བ་ཧཱུ ཨེ་ཀ་ཏོ ཧུ་ཏྭཱ་ཏི ཨ་ཏྠོ. ཨཱ་གཱཏི ཨཱ་ག་ཉྪི. མཱ་སེཏི མཱ་ས་ས་སྶཱ་ནི.
༡༡༦༥. དྭ་ཡ་ཛྫཱཏི དྭ་ཡཾ ཨ་ཛྫ ཨེ་ཏ་ར་ཧི ཀི་ཙྩཾ ཀཱ་ཏ་བྦཾ. ཨུ་བྷ་ཡ་ཉྩ ཀཱ་རི་ཡནྟི ཝུ་ཏྟ་སྶེ་ཝ་ཏྠ་སྶ པ་རི་ཡཱ་ཡ་ཝ་ཙ་ནཾ. ས་ཉྙནྟི དྷ་མྨ་ས་ཉྙཾ. ཏེ་ནཱ་ཧ ‘‘ཡོ་ནི་སོ’’ཏི པ་ཊི་ལ་དྡྷཱཏི པ་ཊི་ལ་བྷི་ཏྭཱ. ཁི་པིནྟི པ་ནི་གྒཱ་ཧཱ་པ་ན་ཝ་སེ་ན ཧ་ཏྠེ ཁི་པིཾ. ཨ་ན་ནྟ་ཀནྟི ན་ནྟ་ཀཾ ཀུ་མྨཱ་སཾ པ་ཀྑི་པི་ཏྭཱ བ་ནྡྷི་ཏྭཱ ཋ་པི་ཏཾ པི་ལོ་ཏི་ཀཾ. ཨ-ཀཱ་རོ ཙེ་ཏྠ ནི་པཱ་ཏ་མ་ཏྟཾ.
༡༡༦༦. སོཏི སོ ཨ་ཧཾ. ཏུ་རི་ཏོཏི ཏུ་རི་ཏོ ས་མྦྷ་མ་ནྟོ. ཨ་ཝཱ་ས་རིནྟི ཨུ་པ་ག་ཙྪི, པཱ་ཝི་སིཾ ཝཱ. པུ་རཱ ཨ་ཡཾ བྷ་ཉྫ་ཏི ཡ་སྶི་དཾ དྷ་ནནྟི ཡ་སྶ ཁེ་ཏྟ་སཱ་མི་ཀ་སྶ ཨི་དཾ མཱ་ས་ས་སྶཾ དྷ་ནཾ, ཏཾ ཨ་ཡཾ གོ་ག་ཎོ བྷ་ཉྫ་ཏི པུ་རཱ ཏ་སྶ བྷ་ཉྫ་ན་ཏོ, ཨཱ་མ་དྡ་ན་ཏོ པུ་རེ་ཏ་ར་མེ་ཝཱ་ཏི ཨ་ཏྠོ. ཏ་ཏོཏི ཏ་ཏྠ. ཏུ་རི་ཏ་སྶ མེ ས་ཏོཏི ས་མྦྷ་མ་ནྟ་སྶ མེ ས་མཱ་ན་སྶ, ས་ཧ་སཱ ག་མ་ནེ་ན མ་གྒེ ཀ་ཎྷ་ས་པྤཾ ཨ་ནོ་ལོ་ཀེ་ཏྭཱ ག་ཏ་སྶཱ་ཏི ཨ་དྷི་པྤཱ་ཡོ.
༡༡༦༧. ཨ་ཊྚོ་མྷི དུ་ཀྑེ་ན པཱི་ལི༹་ཏོཏི ཏེ་ན ཨཱ་སཱི་ཝི་ས་ཌཾ་ས་ནེ་ན ཨ་ཊྚོ ཨ་ཊྚི་ཏོ ཨུ་པ་དྡུ་ཏོ མ་ར་ཎ་དུ་ཀྑེ་ན བཱ་དྷི་ཏོ བྷ་ཝཱ་མི. ཨ་ཧཱ་སཱིཏི ཨ་ཛ྄ཛྷོ་ཧ་རི, པ་རི་བྷུ་ཉྫཱི་ཏི ཨ་ཏྠོ. ཏ་ཏོ ཙུ་ཏོ ཀཱ་ལ་ཀ་ཏོ་མྷི དེ་ཝ་ཏཱཏི ཏ་ཏོ མ་ནུ་སྶ་ཏྟ་བྷཱ་ཝ་ཏོ ཙུ་ཏོ མ་ར་ཎ་ཀཱ་ལ་པྤ་ཏྟི་ཡཱ, ཏ་ཏྠ ཝཱ ཨཱ་ཡུ་ས་ངྑཱ་ར་སྶ ཁེ་པ་ན་ས་ངྑཱ་ཏ་སྶ ཀཱ་ལ་སྶ ཀ་ཏ་ཏྟཱ ཀཱ་ལ་ཀ་ཏོ, ཏ་ད་ན་ནྟ་ར་མེ་ཝ ཙ ཨ་མྷི དེ་ཝ་ཏཱ དེ་ཝ་ཏྟ་བྷཱ་ཝ་པྤ་ཏྟི་ཡཱ དེ་ཝ་ཏཱ ཧོ་མཱི་ཏི ཨ་ཏྠོ.
༡༡༦༩. ཏ་ཡཱཏི ཏ་ཡཱ ས་དི་སོ ཨ་ཉྙོ མུ་ནི མོ་ནེ་ཡྻ་གུ་ཎ་ཡུ་ཏྟོ ཨི་སི ན་ཏྠི. ཏ་ཡཱཏི ཝཱ ནི་སྶ་ཀྐེ ཨི་དཾ ཀ་ར་ཎ་ཝ་ཙ་ནཾ. སེ་སཾ ཝུ་ཏྟ་ན་ཡ་མེ་ཝ.
གོ་པཱ་ལ་ཝི་མཱ་ན་ཝ་ཎྞ་ནཱ ནི་ཊྛི་ཏཱ.