༡༦. ས་ཊྛི་ཀཱུ་ཊ་པེ་ཏ་ཝ་ཏྠུ་ཝ་ཎྞ་ནཱ
ཀིཾ ནུ ཨུ་མྨ་ཏྟ་རཱུ་པོ་ཝཱཏི ཨི་དཾ ས་ཏྠ་རི ཝེ་ལུ༹་ཝ་ནེ ཝི་ཧ་ར་ནྟེ ཨ་ཉྙ་ཏ་རཾ པེ་ཏཾ ཨཱ་ར་བྦྷ ཝུ་ཏྟཾ. ཨ་ཏཱི་ཏེ ཀི་ར བཱ་རཱ་ཎ་སི་ན་ག་རེ ཨ་ཉྙ་ཏ་རོ པཱི་ཋ་ས་པྤཱི སཱ་ལི་ཏྟ་ཀ་པ་ཡོ་གེ ཀུ་ས་ལོ, ཏ་ཧིཾ ས་ཀྑ་ར་ཁི་པ་ན་སི་པྤེ ནི་པྥ་ཏྟིཾ ག་ཏོ ན་ག་ར་དྭཱ་རེ ནི་གྲོ་དྷ་རུ་ཀྑ་མཱུ་ལེ ནི་སཱི་དི་ཏྭཱ ས་ཀྑ་ར་པ་ཧཱ་རེ་ཧི ཧ་ཏྠི་ཨ་སྶ་མ་ནུ་སྶ་ར་ཐ་ཀཱུ་ཊཱ་གཱ་ར་དྷ་ཛ་པུ་ཎྞ་གྷ་ཊཱ་དི་རཱུ་པཱ་ནི ནི་གྲོ་དྷ་པ་ཏྟེ་སུ ད་སྶེ་ཏི. ན་ག་ར་དཱ་ར་ཀཱ ཨ་ཏྟ་ནོ ཀཱི་ལ༹་ན་ཏྠཱ་ཡ མཱ་ཡ་ཀ་ཌྜྷ་མཱ་ས་ཀཱ་དཱི་ནི ད་ཏྭཱ ཡ་ཐཱ་རུ་ཙི ཏཱ་ནི སི་པྤཱ་ནི ཀཱ་རཱ་པེ་ནྟི.
ཨ་ཐེ་ཀ་དི་ཝ་སཾ བཱ་རཱ་ཎ་སི་རཱ་ཛཱ ན་ག་ར་ཏོ ནི་ཀྑ་མི་ཏྭཱ ཏཾ ནི་གྲོ་དྷ་མཱུ་ལཾ ཨུ་པ་ག་ཏོ ནི་གྲོ་དྷ་པ་ཏྟེ་སུ ཧ་ཏྠི་རཱུ་པཱ་དི་ཝ་སེ་ན ནཱ་ནཱ་ཝི་དྷ་རཱུ་པ་ཝི་བྷ་ཏྟི་ཡོ ཨ་པྤི་ཏཱ དི་སྭཱ མ་ནུ་སྶེ པུ་ཙྪི – ‘‘ཀེ་ན ནུ ཁོ ཨི་མེ་སུ ནི་གྲོ་དྷ་པ་ཏྟེ་སུ ཨེ་ཝཾ ནཱ་ནཱ་ཝི་དྷ་རཱུ་པ་ཝི་བྷ་ཏྟི་ཡོ ཀ་ཏཱ’’ཏི? མ་ནུ་སྶཱ ཏཾ པཱི་ཋ་ས་པྤིཾ ད་སྶེ་སུཾ ‘‘དེ་ཝ, ཨི་མི་ནཱ ཀ་ཏཱ’’ཏི. རཱ་ཛཱ ཏཾ པ་ཀྐོ་སཱ་པེ་ཏྭཱ ཨེ་ཝ་མཱ་ཧ – ‘‘ས་ཀྐཱ ནུ ཁོ, བྷ་ཎེ, མ་ཡཱ ད་སྶི་ཏ་སྶ ཨེ་ཀ་སྶ པུ་རི་ས་སྶ ཀ་ཐེ་ནྟ་སྶ ཨ་ཛཱ་ན་ནྟ་སྶེ་ཝ ཀུ་ཙྪི་ཡཾ ཨ་ཛ་ལ་ཎྜི་ཀཱ་ཧི པཱུ་རེ་ཏུ’’ནྟི? ‘‘ས་ཀྐཱ, དེ་ཝཱ’’ཏི. རཱ་ཛཱ ཏཾ ཨ་ཏྟ་ནོ རཱ་ཛ་བྷ་ཝ་ནཾ ནེ་ཏྭཱ བ་ཧུ་བྷཱ་ཎི་ཀེ པུ་རོ་ཧི་ཏེ ནི་བྦི་ནྣ་རཱུ་པོ པུ་རོ་ཧི་ཏཾ པ་ཀྐོ་སཱ་པེ་ཏྭཱ ཏེ་ན ས་ཧ ཝི་ཝི་ཏྟེ ཨོ་ཀཱ་སེ སཱ་ཎི་པཱ་ཀཱ་ར་པ་རི་ཀྑི་ཏྟེ ནི་སཱི་དི་ཏྭཱ མ་ནྟ་ཡ་མཱ་ནོ པཱི་ཋ་ས་པྤིཾ པ་ཀྐོ་སཱ་པེ་སི. པཱི་ཋ་ས་པྤཱི ནཱ་ལི༹་མ་ཏྟཱ ཨ་ཛ་ལ་ཎྜི་ཀཱ ཨཱ་དཱ་ཡཱ་ག་ནྟྭཱ ར་ཉྙོ ཨཱ་ཀཱ་རཾ ཉ་ཏྭཱ པུ་རོ་ཧི་ཏཱ་བྷི་མུ་ཁོ ནི་སི་ནྣོ ཏེ་ན མུ་ཁེ ཝི་ཝ་ཊེ སཱ་ཎི་པཱ་ཀཱ་ར་ཝི་ཝ་རེ་ན ཨེ་ཀེ་ཀཾ ཨ་ཛ་ལ་ཎྜི་ཀཾ ཏ་སྶ ག་ལ་མཱུ་ལེ པ་ཏི་ཊྛཱ་པེ་སི. སོ ལ་ཛྫཱ་ཡ ཨུ་གྒི་ལི་ཏུཾ ཨ་ས་ཀྐོ་ནྟོ ས་བྦཱ ཨ་ཛ྄ཛྷོ་ཧ་རི. ཨ་ཐ ནཾ རཱ་ཛཱ ཨ་ཛ་ལ་ཎྜི་ཀཱ་ཧི པཱུ་རི་ཏོ་ད་རཾ ཝི་སྶ་ཛྫི – ‘‘ག་ཙྪ, བྲཱ་ཧྨ་ཎ, ལ་དྡྷཾ ཏ་ཡཱ བ་ཧུ་བྷཱ་ཎི་ཏཱ་ཡ ཕ་ལཾ, མ་དྡ་ན་ཕ་ལ་པི་ཡ་ངྒུ་ཏ་ཙཱ་དཱི་ཧི ཨ་བྷི་ས་ངྑ་ཏཾ པཱ་ན་ཀཾ པི་ཝི་ཏྭཱ ཨུ་ཙྪ་ཌྜེ་ཧི, ཨེ་ཝཾ ཏེ སོ་ཏྠི བྷ་ཝི་སྶ་ཏཱི’’ཏི. ཏ་སྶ ཙ པཱི་ཋ་ས་པྤི་སྶ ཏེ་ན ཀ་མྨེ་ན ཨ་ཏྟ་མ་ནོ ཧུ་ཏྭཱ ཙུ་དྡ་ས གཱ་མེ ཨ་དཱ་སི. སོ གཱ་མེ ལ་བྷི་ཏྭཱ ཨ་ཏྟཱ་ནཾ སུ་ཁེ་ནྟོ པཱི་ཎེ་ནྟོ པ་རི་ཛ་ན་མྤི སུ་ཁེ་ནྟོ པཱི་ཎེ་ནྟོ ས་མ་ཎ་བྲཱ་ཧྨ་ཎཱ་དཱི་ནཾ ཡ་ཐཱ་ར་ཧཾ ཀི་ཉྩི དེ་ནྟོ དི་ཊྛ་དྷ་མྨི་ཀཾ ས་མྤ་རཱ་ཡི་ཀ་ཉྩ ཨ་ཏྠཾ ཨ་ཧཱ་པེ་ནྟོ སུ་ཁེ་ནེ་ཝ ཛཱི་ཝ་ཏི, ཨ་ཏྟ་ནོ ས་ནྟི་ཀཾ ཨུ་པ་ག་ཏཱ་ནཾ སི་པྤཾ སི་ཀྑ་ནྟཱ་ནཾ བྷ་ཏྟ་ཝེ་ཏ་ནཾ དེ་ཏི.
ཨ་ཐེ་ཀོ པུ་རི་སོ ཏ་སྶ ས་ནྟི་ཀཾ ཨུ་པ་ག་ནྟྭཱ ཨེ་ཝ་མཱ་ཧ – ‘‘སཱ་དྷུ, ཨཱ་ཙ་རི་ཡ, མ་མྤི ཨེ་ཏཾ སི་པྤཾ སི་ཀྑཱ་པེ་ཧི, མ་ཡ྄ཧཾ པ་ན ཨ་ལཾ བྷ་ཏྟ་ཝེ་ཏ་ནེ་ནཱ’’ཏི. སོ ཏཾ པུ་རི་སཾ ཏཾ སི་པྤཾ སི་ཀྑཱ་པེ་སི. སོ སི་ཀྑི་ཏ་སི་པྤོ སི་པྤཾ ཝཱི་མཾ་སི་ཏུ་ཀཱ་མོ ག་ནྟྭཱ ག་ངྒཱ་ཏཱི་རེ ནི་སི་ནྣ་སྶ སུ་ནེ་ཏྟ་སྶ ནཱ་མ པ་ཙྩེ་ཀ་བུ་དྡྷ་སྶ ས་ཀྑ་རཱ་བྷི་གྷཱ་ཏེ་ན སཱི་སཾ བྷི་ནྡི. པ་ཙྩེ་ཀ་བུ་དྡྷོ ཏ་ཏྠེ་ཝ ག་ངྒཱ་ཏཱི་རེ པ་རི་ནི་བྦཱ་ཡི. མ་ནུ་སྶཱ ཏཾ པ་ཝ་ཏྟིཾ སུ་ཏྭཱ ཏཾ པུ་རི་སཾ ཏ་ཏྠེ་ཝ ལེ་ཌྜུ་ད་ཎྜཱ་དཱི་ཧི པ་ཧ་རི་ཏྭཱ ཛཱི་ཝི་ཏཱ ཝོ་རོ་པེ་སུཾ. སོ ཀཱ་ལ་ཀ་ཏོ ཨ་ཝཱི་ཙི་མ་ཧཱ་ནི་ར་ཡེ ནི་བྦ་ཏྟི་ཏྭཱ བ་ཧཱུ་ནི ཝ་སྶ་ས་ཧ་སྶཱ་ནི ནི་ར་ཡེ པ་ཙྩི་ཏྭཱ ཏ་སྶེ་ཝ ཀ་མྨ་སྶ ཝི་པཱ་ཀཱ་ཝ་སེ་སེ་ན ཨི་མ་སྨིཾ བུ་དྡྷུ་པྤཱ་དེ རཱ་ཛ་ག་ཧ་ན་ག་ར་སྶ ཨ་ཝི་དཱུ་རེ པེ་ཏོ ཧུ་ཏྭཱ ནི་བྦ་ཏྟི. ཏ་སྶ ཀ་མྨ་སྶ ས་རི་ཀྑ་ཀེ་ན ཝི་པཱ་ཀེ་ན བྷ་ཝི་ཏ་བྦ་ནྟི ཀ་མྨ་ཝེ་གུ་ཀྑི་ཏྟཱ་ནི པུ་བྦ་ཎྷ་ས་མ་ཡཾ མ་ཛ྄ཛྷ་ནྷི་ཀ་ས་མ་ཡཾ སཱ་ཡ་ནྷ་ས་མ་ཡ་ཉྩ ས་ཊྛི ཨ་ཡོ་ཀཱུ་ཊ་ས་ཧ་སྶཱ་ནི མ་ཏྠ་ཀེ ནི་པ་ཏ་ནྟི. སོ ཚི་ནྣ་བྷི་ནྣ་སཱི་སོ ཨ་དྷི་མ་ཏྟ་ཝེ་ད་ནཱ་པྤ་ཏྟོ བྷཱུ་མི་ཡཾ ནི་པ་ཏ་ཏི, ཨ་ཡོ་ཀཱུ་ཊེ་སུ པ་ན ཨ་པ་ག་ཏ་མ་ཏྟེ་སུ པ་ཊི་པཱ་ཀ་ཏི་ཀ་སི་རོ ཏི་ཊྛ་ཏི.
ཨ་ཐེ་ཀ་དི་ཝ་སཾ ཨཱ་ཡ་སྨཱ མ་ཧཱ་མོ་གྒ་ལླཱ་ནོ གི་ཛ྄ཛྷ་ཀཱུ་ཊ་པ་བྦ་ཏཱ ཨོ་ཏ་ར་ནྟོ ཏཾ དི་སྭཱ –
༨༠༦. ‘‘ཀིཾ ནུ ཨུ་མྨ་ཏྟ་རཱུ་པོ་ཝ, མི་གོ བྷ་ནྟོ་ཝ དྷཱ་ཝ་སི;
ནི་སྶཾ་ས་ཡཾ པཱ་པ་ཀ་མྨ་ནྟོ, ཀིཾ ནུ ས་དྡཱ་ཡ་སེ ཏུ་ཝ’’ནྟི. –
ཨི་མཱ་ཡ གཱ་ཐཱ་ཡ པ་ཊི་པུ་ཙྪི. ཏ་ཏྠ ཨུ་མྨ་ཏྟ་རཱུ་པོ་ཝཱཏི ཨུ་མྨ་ཏྟ་ཀ་ས་བྷཱ་ཝོ ཝི་ཡ ཨུ་མྨཱ་ད་པྤ་ཏྟོ ཝི་ཡ. མི་གོ བྷ་ནྟོ་ཝ དྷཱ་ཝ་སཱིཏི བྷ་ནྟ་མི་གོ ཝི་ཡ ཨི་ཏོ ཙི་ཏོ ཙ དྷཱ་ཝ་སི. སོ ཧི ཏེ་སུ ཨ་ཡོ་ཀཱུ་ཊེ་སུ ནི་པ་ཏ་ནྟེ་སུ པ་རི་ཏྟཱ་ཎཾ ཨ་པ་སྶ་ནྟོ ‘‘ན སི་ཡཱ ནུ ཁོ ཨེ་ཝཾ པ་ཧཱ་རོ’’ཏི ཨི་ཏོ་པི ཨེ་ཏྟོ་པི པ་ལཱ་ཡ་ཏི. ཏེ པ་ན ཀ་མྨ་ཝེ་གུ་ཀྑི་ཏྟཱ ཡ་ཏྠ ཀ་ཏྠ་ཙི ཋི་ཏ་སྶ མ་ཏྠ་ཀེ་ཡེ་ཝ ནི་པ་ཏ་ནྟི. ཀིཾ ནུ ས་དྡཱ་ཡ་སེ ཏུ་ཝནྟི ཀིཾ ནུ ཁོ ཏུ་ཝཾ ས་དྡཾ ཀ་རོ་སི, ཨ་ཏི་ཝི་ཡ ཝི་སྶ་རཾ ཀ་རོ་ནྟོ ཝི་ཙ་ར་སི.
ཏཾ སུ་ཏྭཱ པེ་ཏོ –
༨༠༧. ‘‘ཨ་ཧཾ བྷ་ད་ནྟེ པེ་ཏོ་མྷི, དུ་གྒ་ཏོ ཡ་མ་ལོ་ཀི་ཀོ;
པཱ་པ་ཀ་མྨཾ ཀ་རི་ཏྭཱ་ན, པེ་ཏ་ལོ་ཀཾ ཨི་ཏོ ག་ཏོ.
༨༠༨. ‘‘ས་ཊྛི ཀཱུ་ཊ་ས་ཧ་སྶཱ་ནི, པ་རི་པུ་ཎྞཱ་ནི ས་བྦ་སོ;
སཱི་སེ མ་ཡ྄ཧཾ ནི་པ་ཏ་ནྟི, ཏེ བྷི་ནྡ་ནྟི ཙ མ་ཏྠ་ཀ’’ནྟི. –
དྭཱི་ཧི གཱ་ཐཱ་ཧི པ་ཊི་ཝ་ཙ་ནཾ ཨ་དཱ་སི. ཏ་ཏྠ ས་ཊྛི ཀཱུ་ཊ་ས་ཧ་སྶཱ་ནཱིཏི ས་ཊྛི་མ་ཏྟཱ་ནི ཨ་ཡོ་ཀཱུ་ཊ་ས་ཧ་སྶཱ་ནི. པ་རི་པུ་ཎྞཱ་ནཱིཏི ཨ་ནཱུ་ནཱ་ནི. ས་བྦ་སོཏི ས་བྦ་བྷཱ་ག་ཏོ. ཏ་སྶ ཀི་ར ས་ཊྛི་ཡཱ ཨ་ཡོ་ཀཱུ་ཊ་ས་ཧ་སྶཱ་ནཾ པ་ཏ་ན་པྤ་ཧོ་ན་ཀཾ མ་ཧ་ནྟཾ པ་བྦ་ཏ་ཀཱུ་ཊ་པྤ་མཱ་ཎཾ སཱི་སཾ ནི་བྦ་ཏྟི. ཏཾ ཏ་སྶ ཝཱ་ལ་གྒ་ཀོ་ཊི་ནི་ཏུ་ད་ན་མ་ཏྟ་མྤི ཋཱ་ནཾ ཨ་སེ་སེ་ཏྭཱ ཏཱ་ནི ཀཱུ་ཊཱ་ནི པ་ཏ་ནྟཱ་ནི མ་ཏྠ་ཀཾ བྷི་ནྡ་ནྟི, ཏེ་ན སོ ཨ་ཊྚ་སྶ་རཾ ཀ་རོ་ཏི. ཏེ་ན ཝུ་ཏྟཾ ‘‘ས་བྦ་སོ སཱི་སེ མ་ཡ྄ཧཾ ནི་པ་ཏ་ནྟི, ཏེ བྷི་ནྡ་ནྟི ཙ མ་ཏྠ་ཀ’’ནྟི.
ཨ་ཐ ནཾ ཐེ་རོ ཀ་ཏ་ཀ་མྨཾ པུ་ཙྪ་ནྟོ –
༨༠༩. ‘‘ཀིཾ ནུ ཀཱ་ཡེ་ན ཝཱ་ཙཱ་ཡ, མ་ན་སཱ དུ་ཀྐ་ཊཾ ཀ་ཏཾ;
ཀི་སྶ ཀ་མྨ་ཝི་པཱ་ཀེ་ན, ཨི་དཾ དུ་ཀྑཾ ནི་ག་ཙྪ་སི.
༨༡༠. ‘‘ས་ཊྛི ཀཱུ་ཊ་ས་ཧ་སྶཱ་ནི, པ་རི་པུ་ཎྞཱ་ནི ས་བྦ་སོ;
སཱི་སེ ཏུ་ཡ྄ཧཾ ནི་པ་ཏ་ནྟི, ཏེ བྷི་ནྡ་ནྟི ཙ མ་ཏྠ་ཀ’’ནྟི. –
དྭེ གཱ་ཐཱ ཨ་བྷཱ་སི.
ཏ་སྶ པེ་ཏོ ཨ་ཏྟ་ནཱ ཀ་ཏ་ཀ་མྨཾ ཨཱ་ཙི་ཀྑ་ནྟོ –
༨༡༡. ‘‘ཨ་ཐ་དྡ་སཱ་སིཾ ས་མྦུ་དྡྷཾ, སུ་ནེ་ཏྟཾ བྷཱ་ཝི་ཏི་ནྡྲི་ཡཾ;
ནི་སི་ནྣཾ རུ་ཀྑ་མཱུ་ལ་སྨིཾ, ཛྷཱ་ཡ་ནྟཾ ཨ་ཀུ་ཏོ་བྷ་ཡཾ.
༨༡༢. ‘‘སཱ་ལི་ཏྟ་ཀ་པྤ་ཧཱ་རེ་ན, བྷི་ནྡི་སྶཾ ཏ་སྶ མ་ཏྠ་ཀཾ;
ཏ་སྶ་ཀ་མྨ་ཝི་པཱ་ཀེ་ན, ཨི་དཾ དུ་ཀྑཾ ནི་ག་ཙྪི་སཾ.
༨༡༣. ‘‘ས་ཊྛི ཀཱུ་ཊ་ས་ཧ་སྶཱ་ནི, པ་རི་པུ་ཎྞཱ་ནི ས་བྦ་སོ;
སཱི་སེ མ་ཡ྄ཧཾ ནི་པ་ཏ་ནྟི, ཏེ བྷི་ནྡ་ནྟི ཙ མ་ཏྠ་ཀ’’ནྟི. –
ཏི་སྶོ གཱ་ཐཱ་ཡོ ཨ་བྷཱ་སི.
༨༡༡. ཏ་ཏྠ ས་མྦུ་དྡྷནྟི པ་ཙྩེ་ཀ་ས་མྦུ་དྡྷཾ. སུ་ནེ་ཏྟནྟི ཨེ་ཝཾ་ནཱ་མ་ཀཾ. བྷཱ་ཝི་ཏི་ནྡྲི་ཡནྟི ཨ་རི་ཡ་མ་གྒ་བྷཱ་ཝ་ནཱ་ཡ བྷཱ་ཝི་ཏ་ས་དྡྷཱ་དི་ཨི་ནྡྲི་ཡཾ.
༨༡༢-༡༣. སཱ་ལི་ཏྟ་ཀ་པྤ་ཧཱ་རེ་ནཱཏི སཱ་ལི་ཏྟ་ཀཾ ཝུ་ཙྩ་ཏི དྷ་ནུ་ཀེ་ན, ཨ་ངྒུ་ལཱི་ཧི ཨེ་ཝ ཝཱ ས་ཀྑ་ར་ཁི་པ་ན་པ་ཡོ་གོ. ཏ་ཐཱ ཧི ས་ཀྑ་རཱ་ཡ པ་ཧཱ་རེ་ནཱ་ཏི ཝཱ པཱ་ཋོ. བྷི་ནྡི་སྶནྟི བྷི་ནྡིཾ.
ཏཾ སུ་ཏྭཱ ཐེ་རོ ‘‘ཨ་ཏྟ་ནོ ཀ་ཏ་ཀ་མྨཱ་ནུ་རཱུ་པ་མེ་ཝ ཨི་དཱ་ནི པུ་རཱ་ཎ་ཀ་མྨ་སྶ ཨི་དཾ ཕ་ལཾ པ་ཊི་ལ་བྷ་ཏཱི’’ཏི ད་སྶེ་ནྟོ –
༨༡༤. ‘‘དྷ་མྨེ་ན ཏེ ཀཱ་པུ་རི་ས;
ས་ཊྛི ཀཱུ་ཊ་ས་ཧ་སྶཱ་ནི, པ་རི་པུ་ཎྞཱ་ནི ས་བྦ་སོ;
སཱི་སེ ཏུ་ཡ྄ཧཾ ནི་པ་ཏ་ནྟི, ཏེ བྷི་ནྡ་ནྟི ཙ མ་ཏྠ་ཀ’’ནྟི. –
ཨོ་སཱ་ན་གཱ་ཐ་མཱ་ཧ. ཏ་ཏྠ དྷ་མྨེ་ནཱཏི ཨ་ནུ་རཱུ་པ་ཀཱ་ར་ཎེ་ན. ཏེཏི ཏ་ཝ, ཏ་སྨིཾ པ་ཙྩེ་ཀ་བུ་དྡྷེ ཨ་པ་ར་ཛ྄ཛྷ་ནྟེ་ན ཏ་ཡཱ ཀ་ཏ་སྶ པཱ་པ་ཀ་མྨ་སྶ ཨ་ནུ་ཙྪ་ཝི་ཀ་མེ་ཝེ་ཏཾ ཕ་ལཾ ཏུ་ཡ྄ཧཾ ཨུ་པ་ནཱི་ཏཾ. ཏ་སྨཱ ཀེ་ན་ཙི དེ་ཝེ་ན ཝཱ མཱ་རེ་ན ཝཱ བྲ་ཧྨུ་ནཱ ཝཱ ཨ་པི ས་མྨཱ་ས་མྦུ་དྡྷེ་ན་པི ཨ་པྤ་ཊི་བཱ་ཧ་ནཱི་ཡ་མེ་ཏ་ནྟི ད་སྶེ་ཏི.
ཨེ་ཝ་ཉྩ པ་ན ཝ་ཏྭཱ ཏ་ཏོ ན་ག་རེ པི་ཎྜཱ་ཡ ཙ་རི་ཏྭཱ ཀ་ཏ་བྷ་ཏྟ་ཀི་ཙྩོ སཱ་ཡ་ནྷ་ས་མ་ཡེ ས་ཏྠཱ་རཾ ཨུ་པ་ས་ངྐ་མི་ཏྭཱ ཏཾ པ་ཝ་ཏྟིཾ བྷ་ག་ཝ་ཏོ ཨཱ་རོ་ཙེ་སི. བྷ་ག་ཝཱ ཏ་མ་ཏྠཾ ཨ་ཊྛུ་པྤ་ཏྟིཾ ཀ་ཏྭཱ ས་མྤ་ཏྟ་པ་རི་སཱ་ཡ དྷ་མྨཾ དེ་སེ་ནྟོ པ་ཙྩེ་ཀ་བུ་དྡྷཱ་ནཾ གུ་ཎཱ་ནུ་བྷཱ་ཝཾ ཀ་མྨཱ་ན་ཉྩ ཨ་ཝ་ཉྫྷ་ཏཾ པ་ཀཱ་སེ་སི, མ་ཧཱ་ཛ་ནོ སཾ་ཝེ་ག་ཛཱ་ཏོ ཧུ་ཏྭཱ པཱ་པཾ པ་ཧཱ་ཡ དཱ་ནཱ་དི་པུ་ཉྙ་ནི་ར་ཏོ ཨ་ཧོ་སཱི་ཏི.
ས་ཊྛི་ཀཱུ་ཊ་པེ་ཏ་ཝ་ཏྠུ་ཝ་ཎྞ་ནཱ ནི་ཊྛི་ཏཱ.
ཨི་ཏི ཁུ་དྡ་ཀ-ཨ་ཊྛ་ཀ་ཐཱ་ཡ པེ་ཏ་ཝ་ཏྠུ་སྨིཾ
སོ་ལ༹་ས་ཝ་ཏྠུ་པ་ཊི་མ་ཎྜི་ཏ་སྶ
ཙ་ཏུ་ཏྠ་སྶ མ་ཧཱ་ཝ་གྒ་སྶ ཨ་ཏྠ་སཾ་ཝ་ཎྞ་ནཱ ནི་ཊྛི་ཏཱ.
ནི་ག་མ་ན་ཀ་ཐཱ
ཨེ་ཏྟཱ་ཝ་ཏཱ ཙ –
ཡེ ཏེ པེ་ཏེ་སུ ནི་བྦ་ཏྟཱ, ས་ཏྟཱ དུ་ཀྐ་ཊ་ཀཱ་རི་ནོ;
ཡེ་ཧི ཀ་མྨེ་ཧི ཏེ་སཾ ཏཾ, པཱ་པ་ཀཾ ཀ་ཊུ་ཀ་པྥ་ལཾ.
པ་ཙྩ་ཀྑ་ཏོ ཝི་བྷཱ་ཝེ་ནྟཱི, པུ་ཙྪཱ་ཝི་སྶ་ཛྫ་ནེ་ཧི ཙ;
ཡཱ དེ་ས་ནཱ་ནི་ཡཱ་མེ་ན, ས་ཏཾ སཾ་ཝེ་ག་ཝ་ཌྜྷ་ནཱི.
ཡཾ ཀ་ཐཱ་ཝ་ཏྠུ་ཀུ་ས་ལཱ, སུ་པ་རི་ཉྙཱ་ཏ་ཝ་ཏྠུ་ཀཱ;
པེ་ཏ་ཝ་ཏྠཱུཏི ནཱ་མེ་ན, ས་ངྒཱ་ཡིཾ་སུ མ་ཧེ་ས་ཡོ.
ཏ་སྶ ཨ་ཏྠཾ པ་ཀཱ་སེ་ཏུཾ, པོ་རཱ་ཎ་ཊྛ་ཀ་ཐཱ་ན་ཡཾ;
ནི་སྶཱ་ཡ ཡཱ ས་མཱ་ར་དྡྷཱ, ཨ་ཏྠ་སཾ་ཝ་ཎྞ་ནཱ མ་ཡཱ.
ཡཱ ཏ་ཏྠ པ་ར་མ་ཏྠཱ་ནཾ, ཏ་ཏྠ ཏ་ཏྠ ཡ་ཐཱ་ར་ཧཾ;
པ་ཀཱ་ས་ནཱ པ་ར་མ་ཏྠ-དཱི་པ་ནཱི ནཱ་མ ནཱ་མ་ཏོ.
ས་མྤ་ཏྟཱ པ་རི་ནི་ཊྛཱ་ནཾ, ཨ་ནཱ་ཀུ་ལ་ཝི་ནི་ཙྪ་ཡཱ;
སཱ པ་ནྣ་ར་ས་མ་ཏྟཱ་ཡ, པཱ་ལི༹་ཡཱ བྷཱ་ཎ་ཝཱ་ར་ཏོ.
ཨི་ཏི ཏཾ ས་ངྑ་རོ་ནྟེ་ན, ཡཾ ཏཾ ཨ་དྷི་ག་ཏཾ མ་ཡཱ;
པུ་ཉྙཾ ཏ་སྶཱ་ནུ་བྷཱ་ཝེ་ན, ལོ་ཀ་ནཱ་ཐ་སྶ སཱ་ས་ནཾ.
ཨོ་གཱ་ཧེ་ཏྭཱ ཝི་སུ་དྡྷཱ་ཡ, སཱི་ལཱ་དི་པ་ཊི་པ་ཏྟི་ཡཱ;
ས་བྦེ་པི དེ་ཧི་ནོ ཧོ་ནྟུ, ཝི་མུ་ཏྟི་ར་ས་བྷཱ་གི་ནོ.
ཙི་རཾ ཏི་ཊྛ་ཏུ ལོ་ཀ་སྨིཾ, ས་མྨཱ་ས་མྦུ་དྡྷ་སཱ་ས་ནཾ;
ཏ་སྨིཾ ས་གཱ་ར་ཝཱ ནི་ཙྩཾ, ཧོ་ནྟུ ས་བྦེ་པི པཱ་ཎི་ནོ.
ས་མྨཱ ཝ་སྶ་ཏུ ཀཱ་ལེ་ན, དེ་ཝོ་པི ཛ་ག་ཏཱི་པ་ཏི;
ས་དྡྷ་མྨ་ནི་ར་ཏོ ལོ་ཀཾ, དྷ་མྨེ་ནེ་ཝ པ་སཱ་ས་ཏཱུ་ཏི.
ཨི་ཏི བ་ད་ར་ཏི་ཏྠ་ཝི་ཧཱ་ར་ཝཱ་སི་ནཱ མུ་ནི་ཝ་ར་ཡ་ཏི་ནཱ
བྷ་ད་ནྟེ་ན ཨཱ་ཙ་རི་ཡ་དྷ་མྨ་པཱ་ལེ་ན ཀ་ཏཱ པེ་ཏ་ཝ་ཏྠུ་ཨ་ཏྠ་སཾ་ཝ་ཎྞ་ནཱ ནི་ཊྛི་ཏཱ.
པེ་ཏ་ཝ་ཏྠུ-ཨ་ཊྛ་ཀ་ཐཱ ས་མ་ཏྟཱ.