༦. པཱ་ཊི་ཧཱ་རི་ཡ་ཀ་ཐཱ
པཱ་ཊི་ཧཱ་རི་ཡ་ཀ་ཐཱ་ཝ་ཎྞ་ནཱ
༣༠. ཨི་དཱ་ནི ལོ་ཀ་ཏྠ་ཙ་རི་ཡཱ་པ་རི་ཡོ་སཱ་ནཱ་ཡ ཙ་རི་ཡཱ་ཀ་ཐཱ་ཡ ཨ་ན་ནྟ་རཾ ལོ་ཀ་ཏྠཱ་ནུ་སཱ་ས་ན་པ་རི་ཡོ་སཱ་ནཾ པཱ་ཊི་ཧཱ་རི་ཡཾ ད་སྶེ་ནྟེ་ན ཀ་ཐི་ཏཱ་ཡ སུ་ཏྟ་ནྟ་པུ་བྦ་ངྒ་མཱ་ཡ པཱ་ཊི་ཧཱ་རི་ཡ་ཀ་ཐཱ་ཡ ཨ་པུ་བྦ་ཏྠཱ་ནུ་ཝ་ཎྞ་ནཱ. ཏ་ཏྠ སུ་ཏྟ་ནྟེ ཏཱ་ཝ པཱ་ཊི་ཧཱ་རི་ཡཱ་ནཱིཏི པ་ཙྩ་ནཱི་ཀ་པ་ཊི་ཧ་ར་ཎ་ཝ་སེ་ན པཱ་ཊི་ཧཱ་རི་ཡཱ་ནི. ཨི་དྡྷི་པཱ་ཊི་ཧཱ་རི་ཡནྟི ཨི་ཛ྄ཛྷ་ན་ཝ་སེ་ན ཨི་དྡྷི, པ་ཊི་ཧ་ར་ཎ་ཝ་སེ་ན པཱ་ཊི་ཧཱ་རི་ཡཾ, ཨི་དྡྷི་ཡེ་ཝ པཱ་ཊི་ཧཱ་རི་ཡཾ ཨི་དྡྷི་པཱ་ཊི་ཧཱ་རི་ཡཾ. ཨི་ཏ་རེ་སུ པ་ན ཨཱ་དི་སྶ་ན་ཝ་སེ་ན ཨཱ་དེ་ས་ནཾ, ཨ་ནུ་སཱ་ས་ན་ཝ་སེ་ན ཨ་ནུ་སཱ་ས་ནཱི. སེ་སཾ ཝུ་ཏྟ་ན་ཡ་མེ་ཝ.
ཨི་དྷཱཏི ཨི་མ་སྨིཾ ལོ་ཀེ. ཨེ་ཀ་ཙྩོཏི ཨེ་ཀོ པོ་སོ. ཨི་དྡྷི་པཱ་ཊི་ཧཱ་རི་ཡ་ནི་དྡེ་སོ ཧེ་ཊྛཱ ཝུ་ཏྟ་ཏྠོ་ཡེ་ཝ. ནི་མི་ཏྟེ་ན ཨཱ་དི་ས་ཏཱིཏི ཨཱ་ག་ཏ་ནི་མི་ཏྟེ་ན ཝཱ ག་ཏ་ནི་མི་ཏྟེ་ན ཝཱ ཋི་ཏ་ནི་མི་ཏྟེ་ན ཝཱ ཀ་ཐེ་ཏི. ཨེ་ཝ་མྤི ཏེ མ་ནོཏི ཨེ་ཝ་མྤི ཏ་ཝ མ་ནོ སོ་མ་ན་སྶི་ཏོ ཝཱ དོ་མ་ན་སྶི་ཏོ ཝཱ ཀཱ་མ་ཝི་ཏ་ཀྐཱ་དི་ས་མྤ་ཡུ་ཏྟོ ཝཱ. ཨ་པི-ས་དྡོ ས་མྤི་ཎྜ་ན་ཏྠོ. ཨི་ཏྠ་མྤི ཏེ མ་ནོཏི སོ་མ་ན་སྶི་ཏཱ་དི་ཏོ ཨེ་ཀེ་ཀ་ཝི་དྷེ་པི ཙི་ཏྟེ ནཱ་ན་པྤ་ཀཱ་ར་པ་རི་དཱི་པ་ནཾ. ཨི་ཏི་པི ཏེ ཙི་ཏྟནྟི ཨི་ཏི་པི ཏ་ཝ ཙི་ཏྟཾ, ཨི་མ་ཉྩ ཨི་མ་ཉྩ ཨ་ཏྠཾ ཙི་ནྟ་ཡ་མཱ་ནཾ པ་ཝ་ཏྟ་ཏཱི་ཏི ཨ་ཏྠོ. བ་ཧུཾ ཙེ་པི ཨཱ་དི་ས་ཏཱིཏི ཙི་ཏྟ་ཏོ ཨ་ཉྙཾ ཝཱ ཨི་ད་ཉྩ ཨི་ད་ཉྩ ནཱ་མ ཨ་ཧོ་སི བྷ་ཝ་ཏི བྷ་ཝི་སྶ་ཏཱི་ཏི བ་ཧུ་ཀ་མྤི ཀ་ཐེ་ཏི. ཏ་ཐེ་ཝ ཏཾ ཧོ་ཏི, ནོ ཨ་ཉྙ་ཐཱཏི ཏཾ ས་བྦ་མྤི ཡ་ཐཱ ཡ་ཐཱ ཀ་ཐི་ཏཾ, ཏ་ཐེ་ཝ ཧོ་ཏི, ཨ་ཉྙ་ཐཱ ན ཧོ་ཏི.
ན ཧེ་ཝ ཁོ ནི་མི་ཏྟེ་ན ཨཱ་དི་ས་ཏཱིཏི ནི་མི་ཏྟཾ ཛཱ་ན་ནྟོ་པི ཀེ་ཝ་ལཾ ནི་མི་ཏྟེ་ནེ་ཝ ན ཀ་ཐེ་ཏི. ཨ་པི་ཙཱཏི ཨ་པ་ར་པ་རི་ཡཱ་ཡ་ད་སྶ་ནཾ. མ་ནུ་སྶཱ་ནནྟི ཙི་ཏྟཾ ཛཱ་ན་ན་ཀ་མ་ནུ་སྶཱ་ནཾ. ཨ་མ་ནུ་སྶཱ་ནནྟི སཱ་ཝི་ཏཱ་ནཾ ཝཱ ཨ་སྶཱ་ཝི་ཏཱ་ནཾ ཝཱ ཡ་ཀྑ་པི་སཱ་ཙཱ་དཱི་ནཾ. དེ་ཝ་ཏཱ་ནནྟི ཙཱ་ཏུ་མ་ཧཱ་རཱ་ཛི་ཀཱ་དཱི་ནཾ. ས་དྡཾ སུ་ཏྭཱཏི ཨ་ཉྙ་སྶ ཙི་ཏྟཾ ཉ་ཏྭཱ ཀ་ཐེ་ནྟཱ་ནཾ ས་དྡཾ སུ་ཎི་ཏྭཱ. པ་ནཱཏི ནི་པཱ་ཏོ པུ་ན ཨཱ་ར་མྦྷེ. ཝི་ཏ་ཀྐ་ཡ་ཏོཏི ཡཾ ཝཱ ཏཾ ཝཱ ཝི་ཏ་ཀྐེ་ན ཝི་ཏ་ཀྐེ་ནྟ་སྶ. ཝི་ཙཱ་ར་ཡ་ཏོཏི ཝི་ཏ་ཀྐ་ས་མྤ་ཡུ་ཏྟེ་ནེ་ཝ ཝི་ཙཱ་རེ་ན ཝི་ཙཱ་རེ་ནྟ་སྶ. ཝི་ཏ་ཀྐ་ཝི་པྥཱ་ར་ས་དྡཾ སུ་ཏྭཱཏི ཝི་ཏ་ཀྐ་ཝེ་ག་ཝ་སེ་ན ཨུ་པྤ་ནྣཾ ཝི་པྤ་ལ་པ་ནྟཱ་ནཾ སུ་ཏྟ་པྤ་མ་ཏྟཱ་དཱི་ནཾ ཀཱུ་ཛ་ན་ས་དྡཾ སུ་ཏྭཱ. ཡཾ ཝི་ཏ་ཀྐ་ཡ་ཏོ སོ ས་དྡོ ཨུ་པྤ་ནྣོ, ཏ་སྶ ཝ་སེ་ན ‘‘ཨེ་ཝ་མྤི ཏེ མ་ནོ’’ཏི་ཨཱ་དཱི་ནི ཨཱ་དི་ས་ཏི.
ཨ་ཝི་ཏ་ཀྐཾ ཨ་ཝི་ཙཱ་རཾ ས་མཱ་དྷིནྟི ཝི་ཏ་ཀྐ་ཝི་ཙཱ་ར་ཀྑོ་བྷ་ཝི་ར་ཧི་ཏ་ས་ནྟ་ཙི་ཏྟ་སྶཱ་པི ཛཱ་ན་ན་ས་མ་ཏྠ་ཏཾ ད་སྶེ་ནྟེ་ན ཝུ་ཏྟཾ, སེ་ས་ཙི་ཏྟ་ཛཱ་ན་ནེ པ་ན ཝ་ཏྟ་བྦ་མེ་ཝ ན་ཏྠི. ཙེ་ཏ་སཱ ཙེ་ཏོ པ་རི་ཙྩ པ་ཛཱ་ནཱ་ཏཱིཏི ཙེ་ཏོ་པ་རི་ཡ་ཉཱ་ཎ་ལཱ་བྷཱི. བྷོ་ཏོཏི བྷ་ཝ་ནྟ་སྶ. མ་ནོ་ས་ངྑཱ་རཱ པ་ཎི་ཧི་ཏཱཏི ཙི་ཏྟ་ས་ངྑཱ་རཱ ཋ་པི་ཏཱ. ཨ་མུ་ཀཾ ནཱ་མ ཝི་ཏ་ཀྐཾ ཝི་ཏ་ཀྐ་ཡི་སྶ་ཏཱིཏི ཀུ་ས་ལཱ་དི་ཝི་ཏ་ཀྐཾ ཝི་ཏ་ཀྐ་ཡི་སྶ་ཏི པ་ཝ་ཏྟ་ཡི་སྶ་ཏཱི་ཏི པ་ཛཱ་ནཱ་ཏི. པ་ཛཱ་ན་ནྟོ ཙ ཨཱ་ག་མ་ནེ་ན ཛཱ་ནཱ་ཏི, པུ་བྦ་བྷཱ་གེ་ན ཛཱ་ནཱ་ཏི, ཨ་ནྟོ་ས་མཱ་པ་ཏྟི་ཡཾ ཙི་ཏྟཾ ཨོ་ལོ་ཀེ་ཏྭཱ ཛཱ་ནཱ་ཏི. ཨཱ་ག་མ་ནེ་ན ཛཱ་ནཱ་ཏི ནཱ་མ ཀ་སི་ཎ་པ་རི་ཀ་མྨ་ཀཱ་ལེ་ཡེ་ཝ ‘‘ཡེ་ནཱ་ཀཱ་རེ་ནེ་ས ཀ་སི་ཎ་བྷཱ་ཝ་ནཾ ཨཱ་ར་དྡྷོ པ་ཋ་མ་ཛ྄ཛྷཱ་ནཾ ཝཱ དུ་ཏི་ཡཱ་དི་ཛ྄ཛྷཱ་ནཾ ཝཱ ཨ་ཊྛ ས་མཱ་པ་ཏྟི་ཡོ ཝཱ ཨུ་པྤཱ་དེ་སྶ་ཏཱི’’ཏི ཛཱ་ནཱ་ཏི. པུ་བྦ་བྷཱ་གེ་ན ཛཱ་ནཱ་ཏི ནཱ་མ པ་ཋ་མ་ཝི་པ་སྶ་ནཱ་ཡ ཨཱ་ར་དྡྷཱ་ཡ ཨེ་ཝཾ ཛཱ་ནཱ་ཏི, ‘‘ཡེ་ནཱ་ཀཱ་རེ་ནེ་ས ཝི་པ་སྶ་ནཾ ཨཱ་ར་དྡྷོ སོ་ཏཱ་པ་ཏྟི་མ་གྒཾ ཝཱ ཨུ་པྤཱ་དེ་སྶ་ཏི…པེ… ཨ་ར་ཧ་ཏྟ་མ་གྒཾ ཝཱ ཨུ་པྤཱ་དེ་སྶ་ཏཱི’’ཏི ཛཱ་ནཱ་ཏི. ཨ་ནྟོ་ས་མཱ་པ་ཏྟི་ཡཾ ཙི་ཏྟཾ ཨོ་ལོ་ཀེ་ཏྭཱ ཛཱ་ནཱ་ཏི ནཱ་མ ‘‘ཡེ་ནཱ་ཀཱ་རེ་ན ཨི་མ་སྶ མ་ནོ་ས་ངྑཱ་རཱ ཋ་པི་ཏཱ, ཨི་མ་སྶ ནཱ་མ ཙི་ཏྟ་སྶ ཨ་ན་ནྟ་རཱ ཨི་མཾ ནཱ་མ ཝི་ཏ་ཀྐཾ ཝི་ཏ་ཀྐེ་སྶ་ཏི, ཨི་ཏོ ཝུ་ཊྛི་ཏ་སྶ ཨེ་ཏ་སྶ ཧཱ་ན་བྷཱ་གི་ཡོ ཝཱ ས་མཱ་དྷི བྷ་ཝི་སྶ་ཏི, ཋི་ཏི་བྷཱ་གི་ཡོ ཝཱ ཝི་སེ་ས་བྷཱ་གི་ཡོ ཝཱ ནི་བྦེ་དྷ་བྷཱ་གི་ཡོ ཝཱ, ཨ་བྷི་ཉྙཱ་ཡོ ཝཱ ཨུ་པྤཱ་དེ་སྶ་ཏཱི’’ཏི ཛཱ་ནཱ་ཏི. བ་ཧུཾ ཙེ་པི ཨཱ་དི་ས་ཏཱིཏི ཙེ་ཏོ་པ་རི་ཡ་ཉཱ་ཎ་སྶ ཙི་ཏྟ་ཙེ་ཏ་སི་ཀཱ་ནཾ་ཡེ་ཝ ཨཱ་ར་མྨ་ཎ་ཀ་ར་ཎ་ཏོ ས་རཱ་གཱ་དི་སོ་ལ༹་ས་པ་བྷེ་ད་ཝ་སེ་ནེ་ཝ བ་ཧུཾ ཙེ་པི ཀ་ཐེ་ཏི, ན ཨ་ཉྙ་ཝ་སེ་ནཱ་ཏི ཝེ་དི་ཏ་བྦཾ. ཏ་ཐེ་ཝ ཏཾ ཧོ་ཏཱིཏི ཨི་དཾ ཨེ་ཀཾ་སེ་ན ཏ་ཐེ་ཝ ཧོ་ཏི. ཙེ་ཏོ་པ་རི་ཡ་ཉཱ་ཎ་ཝ་སེ་ན ཉཱ་ཏ་ཉྷི ཨ་ཉྙ་ཐཱ་བྷཱ་ཝཱི ནཱ་མ ན་ཏྠི.
ཨེ་ཝཾ ཝི་ཏ་ཀྐེ་ཐཱཏི ཨེ་ཝཾ ནེ་ཀྑ་མྨ་ཝི་ཏ་ཀྐཱ་ད་ཡོ པ་ཝ་ཏྟེ་ནྟཱ ཝི་ཏ་ཀྐེ་ཐ. མཱ ཨེ་ཝཾ ཝི་ཏ་ཀྐ་ཡི་ཏྠཱཏི ཨེ་ཝཾ ཀཱ་མ་ཝི་ཏ་ཀྐཱ་ད་ཡོ པ་ཝ་ཏྟེ་ནྟཱ མཱ ཝི་ཏ་ཀྐ་ཡི་ཏྠ. ཨེ་ཝཾ མ་ན་སི ཀ་རོ་ཐཱཏི ཨེ་ཝཾ ཨ་ནི་ཙྩ་ས་ཉྙ་མེ་ཝ, དུ་ཀྑ་ས་ཉྙཱ་དཱི་སུ ཝཱ ཨ་ཉྙ་ཏ་རཾ མ་ན་སི ཀ་རོ་ཐ. མཱ ཨེ་ཝཾ མ་ན་སཱ་ཀ་ཏྠཱཏི ཨེ་ཝཾ ནི་ཙྩ་ནྟི་ཨཱ་དི་ནཱ ན་ཡེ་ན མཱ མ་ན་སི ཨ་ཀ་ཏྠ. ཨི་དཾ པ་ཛ་ཧ་ཐཱཏི ཨི་དཾ པ་ཉྩ་ཀཱ་མ་གུ་ཎ་རཱ་གཱ་དིཾ པ་ཛ་ཧ་ཐ. ཨི་དཾ ཨུ་པ་ས་མྤ་ཛྫ ཝི་ཧ་ར་ཐཱཏི ཨི་དཾ ཙ་ཏུ་མ་གྒ་ཕ་ལ་པྤ་བྷེ་དཾ ལོ་ཀུ་ཏྟ་ར་དྷ་མྨ་མེ་ཝ པཱ་པུ་ཎི་ཏྭཱ ནི་པྥཱ་དེ་ཏྭཱ ཝི་ཧ་ར་ཐ.
༣༡. ཨི་དཱ་ནི ཨི་དྡྷི་པཱ་ཊི་ཧཱ་རི་ཡེ ཨ་པ་རཾ པ་རི་ཡཱ་ཡཾ ཝི་སེ་སེ་ན ད་སྶེ་ནྟོ ནེ་ཀྑ་མྨཾ ཨི་ཛ྄ཛྷ་ཏཱི་ཏི ཨི་དྡྷཱིཏི་ཨཱ་དི་མཱ་ཧ. ཏ་ཏྠ ཀཱ་མ་ཙྪ་ནྡཾ པ་ཊི་ཧ་ར་ཏཱིཏི ཨ་ཏྟ་ནོ པ་ཊི་པ་ཀྑ་བྷཱུ་ཏཾ ཀཱ་མ་ཙྪ་ནྡཾ པ་ཊི་བ་ལཾ ཧུ་ཏྭཱ ཧ་ར་ཏི པ་ཛ་ཧ་ཏཱི་ཏི ཏ་དེ་ཝ ནེ་ཀྑ་མྨཾ པཱ་ཊི་ཧཱ་རི་ཡཾ ནཱ་མཱ་ཏི ཨ་ཏྠོ. ཡེ ཏེ་ན ནེ་ཀྑ་མྨེ་ན ས་མ་ནྣཱ་ག་ཏཱཏི ཨེ་ཝཾ ཀཱ་མ་ཙྪ་ནྡ་པ་ཊི་ཧཱ་ར་ཀེ་ན ཏེ་ན ནེ་ཀྑ་མྨེ་ན ཡེ པུ་གྒ་ལཱ པ་ཊི་ལཱ་བྷ་ཝ་སེ་ན ས་མ་ནྣཱ་ག་ཏཱ. ཝི་སུ་དྡྷ་ཙི་ཏྟཱཏི ཀཱ་མ་ཙྪ་ནྡཱ་བྷཱ་ཝ་ཏོ ཝི་སུ་དྡྷ་ཙི་ཏྟཱ. ཨ་ནཱ་ཝི་ལ་ས་ངྐ་པྤཱཏི ཀཱ་མ་ས་ངྐ་པྤེ་ན ཨ་ནཱ་ལུ་ལི་ཏ་ནེ་ཀྑ་མྨ་ས་ངྐ་པྤཱ. ཨི་ཏི ཨཱ་དེ་ས་ནཱ་པཱ་ཊི་ཧཱ་རི་ཡནྟི པ་ར་ཙི་ཏྟ་ཀུ་ས་ལེ་ན ཝཱ ཨ་ཉྙེ་ན ཝཱ ས་མྨཱ་ས་མྦུ་དྡྷེ་ན ཝཱ བུ་དྡྷ་སཱ་ཝ་ཀེ་ཧི ཝཱ ཨེ་ཝཾ ཨཱ་དེ་ས་ནཱ པཱ་ཊི་ཧཱ་རི་ཡ་ནྟི ཨ་ཏྠོ. ཨ་ཐ ཝཱ ཨི་ཏི ཨེ་ཝཾ ཨཱ་དི་ས་ནཾ ཨཱ་དེ་ས་ནཱ་པཱ་ཊི་ཧཱ་རི་ཡ་ནྟི ཨཱ་དེ་ས་ན་ས་དྡོ པཱ་ཋ་སེ་སཾ ཀ་ཏྭཱ པ་ཡུ་ཛྫི་ཏ་བྦོ. ཨེ་ཝཾ ཨཱ་སེ་ཝི་ཏ་བྦནྟི ཨི་མི་ནཱ ཙ པ་ཀཱ་རེ་ན ཨི་མི་ནཱ ཙ པ་ཀཱ་རེ་ན ཨཱ་དི་ཏོ སེ་ཝི་ཏ་བྦཾ. སེ་ས་ཏྟ་ཡེ་པི ཨེ་སེ་ཝ ན་ཡོ. ཏ་ད་ནུ་དྷ་མྨ་ཏཱ ས་ཏི ཨུ་པ་ཊྛ་པེ་ཏ་བྦཱཏི ཏ་སྶ ནེ་ཀྑ་མྨ་སྶ ཨ་ནུ་ཀཱུ་ལ་བྷཱུ་ཏཱ ས་ཏི བྷུ་སཾ ཋ་པེ་ཏ་བྦཱ. ཨི་ཏི ཨ་ནུ་སཱ་ས་ནཱི་པཱ་ཊི་ཧཱ་རི་ཡནྟི ཨེ་ཏྠ ཨཱ་དེ་ས་ནཱ་པཱ་ཊི་ཧཱ་རི་ཡ་ཡོ་ཛ་ནཱ་ཡ ཝི་ཡ ཡོ་ཛ་ནཱ ཀཱ་ཏ་བྦཱ. ཨ་བྱཱ་པཱ་དཱ་དཱི་སུ་པི ཨེ་སེ་ཝ ན་ཡོ. པཱ་ཋོ པ་ན ཛྷཱ་ནཱ་དཱི་ནི ས་ངྑི་པི་ཏྭཱ ཨ་ནྟེ ཨ་ར་ཧ་ཏྟ་མ་གྒ་མེ་ཝ ད་སྶེ་ཏྭཱ ལི་ཁི་ཏོ. ཏ་ཏྠ ཙ་ཏཱུ་སུ་པི མ་གྒེ་སུ ‘‘ཨེ་ཝཾ ཨཱ་སེ་ཝི་ཏ་བྦོ’’ཏི་ཨཱ་དི ཨེ་ཀ་ཙི་ཏྟ་ཀྑ་ཎི་ཀ་ཏྟཱ མ་གྒ་སྶ པུ་བྦ་བྷཱ་ག་ཝ་སེ་ན ཝུ་ཏྟ་ནྟི ཝེ་དི་ཏ་བྦཾ. མ་གྒ་སྶ ཧི པུ་བྦ་བྷཱ་ག་བྷཱུ་ཏཱ་ཡ ལོ་ཀི་ཡ་མ་གྒ་ས་ངྑཱ་ཏཱ་ཡ ཝུ་ཊྛཱ་ན་གཱ་མི་ནི་ཡཱ ཝི་པ་སྶ་ནཱ་ཡ མ་གྒུ་པྤཱ་ད་ན་ཏྠཾ ཨཱ་སེ་ཝ་ནཱ་དཱི་སུ ཀ་ཏེ་སུ ཏཱ་ཡ ཨུ་པྤ་ནྣོ མ་གྒོ་པི ཨཱ་སེ་ཝི་ཏོ བྷཱ་ཝི་ཏོ བ་ཧུ་ལཱི་ཀ་ཏོ ནཱ་མ ཧོ་ཏཱི་ཏི ཝེ་དི་ཏ་བྦཾ. ས་བྦ་ཏྠི་ཀ་ཝཱ་དཱ་ཙ་རི་ཡཱ པ་ན ‘‘ཨེ་ཀེ་ཀ་མ་གྒོ སོ་ལ༹་ས་ཀྑ་ཎི་ཀོ’’ཏི ཝ་ད་ནྟི. ཏ་ད་ནུ་དྷ་མྨ་ཏཱ་ས་ཏི་ཨུ་པ་ཊྛཱ་པ་ནཾ པ་ན པུ་བྦ་བྷཱ་གེ ཡུ་ཛྫ་ཏི་ཡེ་ཝཱ་ཏི.
༣༢. པུ་ན ནེ་ཀྑ་མྨཾ ཨི་ཛ྄ཛྷ་ཏཱི་ཏི ཨི་དྡྷཱིཏི་ཨཱ་དཱི་ནི ‘‘ཨི་དྡྷི་པཱ་ཊི་ཧཱ་རི་ཡ’’ནྟི་པ་ད་སྶ ཀ་མྨ་དྷཱ་ར་ཡ་ས་མཱ་ས་ཏྟ་དཱི་པ་ན་ཏྠཾ ཝུ་ཏྟཱ་ནི. སུ་ཏྟ་ནྟེ ཝུ་ཏྟེ་སུ ཏཱི་སུ ཨི་དྡྷི་པཱ་ཊི་ཧཱ་རི་ཡ་སྶེ་ཝ ས་མཱ་ས་ཏྟེ ཝུ་ཏྟེ སེ་སཱ་ནཾ དྭི་ནྣ་མྤི ཝུ་ཏྟོ་ཝ ཧོ་ཏཱི་ཏི ཨི་མ་སྨིཾ པ་རི་ཡཱ་ཡེ མཱུ་ལ་བྷཱུ་ཏ་སྶ ཨི་དྡྷི་པཱ་ཊི་ཧཱ་རི་ཡ་སྶེ་ཝ ས་མཱ་ས་ཏྠོ ཝུ་ཏྟོ་ཏི ཝེ་དི་ཏ་བྦ་ནྟི.
པཱ་ཊི་ཧཱ་རི་ཡ་ཀ་ཐཱ་ཝ་ཎྞ་ནཱ ནི་ཊྛི་ཏཱ.