༤༡-༤༢. ཁ་ནྟི་ཉཱ་ཎ་པ་རི་ཡོ་གཱ་ཧ་ཎ་ཉཱ་ཎ་ནི་དྡེ་ས་ཝ་ཎྞ་ནཱ

༩༢-༩༣. ཁ་ནྟི་ཉཱ་ཎ་པ་རི་ཡོ་གཱ་ཧ་ཎ་ཉཱ་ཎ་ནི་དྡེ་སེ་སུ རཱུ་པཾ ཨ་ནི་ཙྩ་ཏོ ཝི་དི་ཏནྟི ཨ་ནི་ཙྩཱ་ནུ་པ་སྶ་ནཱ་ཡ ཨ་ནི་ཙྩ་ནྟི ཉཱ་ཏཾ. རཱུ་པཾ དུ་ཀྑ་ཏོ ཝི་དི་ཏནྟི དུ་ཀྑཱ་ནུ་པ་སྶ་ནཱ་ཡ དུ་ཀྑ་ནྟི ཉཱ་ཏཾ. རཱུ་པཾ ཨ་ན་ཏྟ་ཏོ ཝི་དི་ཏནྟི ཨ་ན་ཏྟཱ་ནུ་པ་སྶ་ནཱ་ཡ ཨ་ན་ཏྟཱ་ཏི ཉཱ་ཏཾ. ཡཾ ཡཾ ཝི་དི་ཏཾ, ཏཾ ཏཾ ཁ་མ་ཏཱིཏི ཡཾ ཡཾ རཱུ་པཾ ཨ་ནི་ཙྩཱ་དི་ཏོ ཝི་དི་ཏཾ, ཏཾ ཏཾ རཱུ་པཾ ཨ་ནི་ཙྩཱ་དི་ཏོ ཁ་མ་ཏི རུ་ཙྩ་ཏི. ‘‘རཱུ་པཾ ཨ་ནི་ཙྩ་ཏོ ཝི་དི་ཏཾ, ཡཾ ཡཾ ཝི་དི་ཏཾ, ཏཾ ཏཾ ཁ་མ་ཏཱི’’ཏི ཝི་སུཾ ཝི་སུ་ཉྩ ཀ་ཏྭཱ ཀེ་སུ་ཙི པོ་ཏྠ་ཀེ་སུ ལི་ཁི་ཏཾ. ‘‘ཝེ་ད་ནཱ ས་ཉྙཱ ས་ངྑཱ་རཱ ཨ་ནི་ཙྩ་ཏོ ཝི་དི་ཏཱ’’ཏི་ཨཱ་དི་ནཱ ལི་ངྒ་ཝ་ཙ་ནཱ་ནི པ་རི་ཝ་ཏྟེ་ཏྭཱ ཡོ་ཛེ་ཏ་བྦཱ་ནི. ཕུ་ས་ཏཱིཏི ཝི་པ་སྶ་ནཱ་ཉཱ་ཎ་ཕུ་ས་ནེ་ན ཕུ་ས་ཏི ཕ་ར་ཏི. པ་རི་ཡོ་ག་ཧ་ཏཱིཏི ཝི་པ་སྶ་ནཱ་ཉཱ་ཎེ་ན པ་ཝི་ས་ཏི. པ་རི་ཡོ་གཱ་ཧ་ཏཱི་ཏི་པི པཱ་ཋོ.

ཁ་ནྟི་ཉཱ་ཎ་པ་རི་ཡོ་གཱ་ཧ་ཎ་ཉཱ་ཎ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.