༧. ཨཱ་ཝ་ཊྚ་ཧཱ་ར་ས་མྤཱ་ཏ་ཝ་ཎྞ་ནཱ

༦༩. ནེ་ཀྑ་མྨ་ས་ངྐ་པྤ་བ་ཧུ་ལོ ཀ་སི་ཎ་ཝ་སེ་ན མེ་ཏྟཱ་དི་ཝ་སེ་ན ཝཱ ལ་དྡྷཱ་ཡ ཙི་ཏྟེ་ཀ་གྒ་ཏཱ་ས་ངྑཱ་ཏཱ་ཡ ཙི་ཏྟ་མ་ཉྫཱུ་སཱ་ཡ ཙི་ཏྟཾ ཋ་པེ་ཏྭཱ ས་མཱ་དྷིཾ་ཡེ་ཝ ཝཱ ཡ་ཐཱ་ལ་དྡྷཾ སཾ་ཀི་ལེ་ས་ཏོ ར་ཀྑི་ཏ་ཙི་ཏྟོ ནཱ་མ ཧོ་ཏཱི་ཏི ཝུ་ཏྟཾ – ‘‘ཏ་སྨཱ ར་ཀྑི་ཏ་ཙི་ཏྟ་སྶ ས་མྨཱ་ས་ངྐ་པྤ་གོ་ཙ་རོ་ཏི ཨ་ཡཾ ས་མ་ཐོ’’ཏི. པ་ཉྙཱ་པ་དྷཱ་ནཱ ཝི་པ་སྶ་ནཱ་ཏི ཨཱ་ཧ – ‘‘ས་མྨཱ་དི་ཊྛི་པུ་རེ་ཀྑཱ་རོ་ཏི ཨ་ཡཾ ཝི་པ་སྶ་ནཱ’’ཏི. ཨ་རི་ཡ་མ་གྒེ་ན དུ་ཀྑ་ས་ཙྩེ པ་རི་ཉྙཱ་ཏེ ཨུ་ད་ཡ་བྦ་ཡ་ད་སྶ་ནཾ མ་ཏྠ་ཀ་པྤ་ཏྟཾ ནཱ་མ ཧོ་ཏཱི་ཏི ཝུ་ཏྟཾ – ‘‘ཉ་ཏྭཱ་ན ཨུ་ད་ཡ་བྦ་ཡ་ནྟི དུ་ཀྑ་པ་རི་ཉྙཱ’’ཏི. ‘‘ཡཾ ཀི་ཉྩི ས་མུ་ད་ཡ་དྷ་མྨཾ, ས་བྦཾ ཏཾ ནི་རོ་དྷ་དྷ་མྨ’’ནྟི ཧི མ་གྒ་ཉཱ་ཎ་སྶ པ་ཝ་ཏྟི་ད་སྶ་ནཱ་ཏི. ཨི་མཱ་ནི ཙ་ཏྟཱ་རི ས་ཙྩཱ་ནཱིཏི ཙ་ཏུ་ས་ཙྩ་དྷ་མྨ་ཝ་སེ་ན ཨཱ་ཝ་ཊྚ་ནཾ ནི་ཊྛ་པེ་ཏི. ཏ་ཏྠ པུ་རི་མེ་ན ས་ཙྩ་དྭ་ཡ་ཊྛ་པ་ནེ་ན ཝི་ས་བྷཱ་ག་དྷ་མྨ་ཝ་སེ་ན, པ་ཙྪི་མེ་ན ས་བྷཱ་ག་དྷ་མྨ་ཝ་སེ་ན ཨཱ་ཝ་ཊྚ་ན་ནྟི ད་ཊྛ་བྦཾ.

ཨཱ་ཝ་ཊྚ་ཧཱ་ར་ས་མྤཱ་ཏ་ཝ་ཎྞ་ནཱ ནི་ཊྛི་ཏཱ.