༥. ལ་ཀྑ་ཎ་ཧཱ་ར་ས་མྤཱ་ཏ་ཝ་ཎྞ་ནཱ

༦༧. ཨི་ནྡྲི་ཡེ་སུ གུ་ཏྟ་དྭཱ་ར་ཏཱ ས་ཏི་སཾ་ཝ་རོ, ས་ཏི་བ་ལེ་ན ཙ ནེ་ཀྑ་མྨ་ཝི་ཏ་ཀྐཱ་དི་བ་ཧུ་ལོ ཧོ་ཏཱི་ཏི ཝུ་ཏྟཾ – ‘‘ཏ་སྨཱ ར་ཀྑི་ཏ་ཙི་ཏྟ་སྶ ས་མྨཱ་ས་ངྐ་པྤ་གོ་ཙ་རོ་ཏི ཨི་དཾ ས་ཏི་ནྡྲི་ཡ’’ནྟི. ཏ་སྶ་ཏྠོ – ‘‘ཏ་སྨཱ ར་ཀྑི་ཏ་ཙི་ཏྟ་སྶ ས་མྨཱ་ས་ངྐ་པྤ་གོ་ཙ་རོ’’ཏི ཨེ་ཏྠ ར་ཀྑི་ཏ་ཙི་ཏྟ་ཏཱ་ཡ ཙ ས་མྨཱ་ས་ངྐ་པྤ་གོ་ཙ་ར་ཏཱ ཀཱ་ར་ཎཱུ་པ་ཙཱ་རེ་ན ཨི་དཾ ས་ཏི་ནྡྲི་ཡཾ, ག་ཧི་ཏཱ་ནི བྷ་ཝ་ནྟི པ་ཉྩི་ནྡྲི་ཡཱ་ནི ཨི་ནྡྲི་ཡ་ལ་ཀྑ་ཎེ་ན ཝི་མུ་ཏྟི་པ་རི་པཱ་ཙ་ན་བྷཱ་ཝེ་ན ཝཱ ཨེ་ཀ་ལ་ཀྑ་ཎ་ཏྟཱ་ཏི ཨ་དྷི་པྤཱ་ཡོ. ག་ཧི་ཏོ བྷ་ཝ་ཏཱིཏི ཨེ་ཏྠ མ་གྒ་ལ་ཀྑ་ཎེ་ན ག་ཧ་ཎཾ སུ་ཝི་ཉྙེ་ཡྻ་ནྟི ཏཾ ཋ་པེ་ཏྭཱ ཀཱ་ར་ཎ་ཏོ ག་ཧ་ཎཾ ད་སྶེ་ཏུཾ ‘‘ས་མྨཱ་དི་ཊྛི་ཏོ ཧི ས་མྨཱ་ས་ངྐ་པྤོ པ་བྷ་ཝ་ཏཱི’’ཏི་ཨཱ་དི ཝུ་ཏྟཾ. ཏ་ཏོ ཨེ་ཝ ག་ཧི་ཏོ བྷ་ཝ་ཏི ཨ་རི་ཡོ ཨ་ཊྛ་ངྒི་ཀོ མ་གྒོ་ཏི ཝ་ཏྭཱ ཝི་མུ་ཏྟི་ཝི་མུ་ཏྟི་ཉཱ་ཎ་ད་སྶ་ནཱ་ནི་པི ཝུ་ཏྟཱ་ནི.

ལ་ཀྑ་ཎ་ཧཱ་ར་ས་མྤཱ་ཏ་ཝ་ཎྞ་ནཱ ནི་ཊྛི་ཏཱ.