༥. དུ་ཙྩ་རི་ཏ་སུ་ཏྟ་ཝ་ཎྞ་ནཱ

༦༤. པ་ཉྩ་མེ དུ་ཊྛུ ཙ་རི་ཏཱ་ནི, དུ་ཊྛཱ་ནི ཝཱ ཙ་རི་ཏཱ་ནི དུ་ཙྩ་རི་ཏཱ་ནི. ཀཱ་ཡེ་ན དུ་ཙྩ་རི་ཏཾ, ཀཱ་ཡ་ཏོ ཝཱ པ་ཝ་ཏྟཾ དུ་ཙྩ་རི་ཏཾ ཀཱ་ཡ་དུ་ཙྩ་རི་ཏཾ. སེ་སེ་སུ་པི ཨེ་སེ་ཝ ན་ཡོ. ཨི་མཱ་ནི ཙ དུ་ཙྩ་རི་ཏཱ་ནི པ་ཉྙ་ཏྟི་ཡཱ ཝཱ ཀ་ཐེ་ཏ་བྦཱ་ནི ཀ་མྨ་པ་ཐེ་ཧི ཝཱ. ཏ་ཏྠ པ་ཉྙ་ཏྟི་ཡཱ ཏཱ་ཝ ཀཱ་ཡ་དྭཱ་རེ པ་ཉྙ་ཏྟ་སི་ཀྑཱ་པ་ད་སྶ ཝཱི་ཏི་ཀྐ་མོ ཀཱ་ཡ་དུ་ཙྩ་རི་ཏཾ, ཝ་ཙཱི་དྭཱ་རེ པ་ཉྙ་ཏྟ་སི་ཀྑཱ་པ་ད་སྶ ཝཱི་ཏི་ཀྐ་མོ ཝ་ཙཱི་དུ་ཙྩ་རི་ཏཾ, ཨུ་བྷ་ཡ་ཏྠ པ་ཉྙ་ཏྟ་སྶ ཝཱི་ཏི་ཀྐ་མོ མ་ནོ་དུ་ཙྩ་རི་ཏ་ནྟི ཨ་ཡཾ པ་ཉྙ་ཏྟི་ཀ་ཐཱ. པཱ་ཎཱ་ཏི་པཱ་ཏཱ་ད་ཡོ པ་ན ཏི་སྶོ ཙེ་ཏ་ནཱ ཀཱ་ཡ་དྭཱ་རེ་པི, ཝ་ཙཱི་དྭཱ་རེ་པི, ཨུ་པྤ་ནྣཱ ཀཱ་ཡ་དུ་ཙྩ་རི་ཏཾ, ཏ་ཐཱ ཙ་ཏ་སྶོ མུ་སཱ་ཝཱ་དཱ་དི་ཙེ་ཏ་ནཱ ཝ་ཙཱི་དུ་ཙྩ་རི་ཏཾ, ཨ་བྷི་ཛ྄ཛྷཱ, བྱཱ་པཱ་དོ, མི་ཙྪཱ་དི་ཊྛཱི་ཏི ཏ་ཡོ ཙེ་ཏ་ནཱ་ས་མྤ་ཡུ་ཏྟ་དྷ་མྨཱ མ་ནོ་དུ་ཙྩ་རི་ཏ་ནྟི ཨ་ཡཾ ཀ་མྨ་པ་ཐ་ཀ་ཐཱ.

གཱ་ཐཱ་ཡཾ ཀ་མྨ་པ་ཐ་པྤ་ཏྟོ་ཡེ་ཝ པཱ་པ་དྷ་མྨོ ཀཱ་ཡ་དུ་ཙྩ་རི་ཏཱ་དི་བྷཱ་ཝེ་ན ཝུ་ཏྟོ་ཏི ཏ་ད་ཉྙཾ པཱ་པ་དྷ་མྨཾ ས་ངྒ་ཎྷི་ཏུཾ ‘‘ཡ་ཉྩ་ཉྙཾ དོ་ས་ས་ཉྷི་ཏ’’ནྟི ཝུ་ཏྟཾ. ཏ་ཏྠ དོ་ས་ས་ཉྷི་ཏནྟི རཱ་གཱ་དི་ཀི་ལེ་ས་སཾ་ཧི་ཏཾ. སེ་སཾ སུ་ཝི་ཉྙེ་ཡྻ་མེ་ཝ.

པ་ཉྩ་མ་སུ་ཏྟ་ཝ་ཎྞ་ནཱ ནི་ཊྛི་ཏཱ.