༣. མཱ་ར་ཝ་ཏྠུ

ཡ་སྶ པཱ་རནྟི ཨི་མཾ དྷ་མྨ་དེ་ས་ནཾ ས་ཏྠཱ ཛེ་ཏ་ཝ་ནེ ཝི་ཧ་ར་ནྟོ མཱ་རཾ ཨཱ་ར་བྦྷ ཀ་ཐེ་སི.

སོ ཀི་རེ་ཀ་སྨིཾ དི་ཝ་སེ ཨ་ཉྙ་ཏ་རོ པུ་རི་སོ ཝི་ཡ ཧུ་ཏྭཱ ས་ཏྠཱ་རཾ ཨུ་པ་ས་ངྐ་མི་ཏྭཱ པུ་ཙྪི – ‘‘བྷ་ནྟེ, པཱ་རཾ པཱ་ར་ནྟི ཝུ་ཙྩ་ཏི, ཀི་ནྣུ ཁོ ཨེ་ཏཾ པཱ་རཾ ནཱ་མཱ’’ཏི. ས་ཏྠཱ ‘‘མཱ་རོ ཨ་ཡ’’ནྟི ཝི་དི་ཏྭཱ, ‘‘པཱ་པི་མ, ཀིཾ ཏ་ཝ པཱ་རེ་ན, ཏ་ཉྷི ཝཱི་ཏ་རཱ་གེ་ཧི པ་ཏྟ་བྦ’’ནྟི ཝ་ཏྭཱ ཨི་མཾ གཱ་ཐ་མཱ་ཧ –

༣༨༥. ‘‘ཡ་སྶ པཱ་རཾ ཨ་པཱ་རཾ ཝཱ, པཱ་རཱ་པཱ་རཾ ན ཝི་ཛྫ་ཏི;

ཝཱི་ཏ་དྡ་རཾ ཝི་སཾ་ཡུ་ཏྟཾ, ཏ་མ་ཧཾ བྲཱུ་མི བྲཱ་ཧྨ་ཎ’’ནྟི.

ཏ་ཏྠ པཱ་རནྟི ཨ་ཛ྄ཛྷ་ཏྟི་ཀཱ་ནི ཚ ཨཱ་ཡ་ཏ་ནཱ་ནི. ཨ་པཱ་རནྟི བཱ་ཧི་རཱ་ནི ཚ ཨཱ་ཡ་ཏ་ནཱ་ནི. པཱ་རཱ་པཱ་རནྟི ཏ་དུ་བྷ་ཡཾ. ན ཝི་ཛྫ་ཏཱིཏི ཡ་སྶ ས་བྦ་མྤེ་ཏཾ ‘‘ཨ་ཧ’’ནྟི ཝཱ ‘‘མ་མ’’ནྟི ཝཱ ག་ཧ་ཎཱ་བྷཱ་ཝེ་ན ན་ཏྠི, ཏཾ ཀི་ལེ་ས་ད་ར་ཐཱ་ནཾ ཝི་ག་མེ་ན ཝཱི་ཏ་དྡ་རཾ ས་བྦ་ཀི་ལེ་སེ་ཧི ཝི་སཾ་ཡུ་ཏྟཾ ཨ་ཧཾ བྲཱ་ཧྨ་ཎཾ ཝ་དཱ་མཱི་ཏི ཨ་ཏྠོ.

དེ་ས་ནཱ་ཝ་སཱ་ནེ བ་ཧཱུ སོ་ཏཱ་པ་ཏྟི་ཕ་ལཱ་དཱི་ནི པཱ་པུ་ཎིཾ་སཱུ་ཏི.

མཱ་ར་ཝ་ཏྠུ ཏ་ཏི་ཡཾ.