༢༨. མ་ཧཱ་མོ་གྒ་ལླཱ་ན་ཏྠེ་ར་ཝ་ཏྠུ

ཡ་སྶཱ་ལ་ཡཱཏི ཨི་མཾ དྷ་མྨ་དེ་ས་ནཾ ས་ཏྠཱ ཛེ་ཏ་ཝ་ནེ ཝི་ཧ་ར་ནྟོ མ་ཧཱ་མོ་གྒ་ལླཱ་ན་ཏྠེ་རཾ ཨཱ་ར་བྦྷ ཀ་ཐེ་སི. ཝ་ཏྠུ པུ་རི་མ་ས་དི་ས་མེ་ཝ. ཨི་དྷ པ་ན ས་ཏྠཱ མོ་གྒ་ལླཱ་ན་ཏྠེ་ར་སྶ ནི་ཏྟ་ཎྷ་བྷཱ་ཝཾ ཝ་ཏྭཱ ཨི་མཾ གཱ་ཐ་མཱ་ཧ –

༤༡༡. ‘‘ཡ་སྶཱ་ལ་ཡཱ ན ཝི་ཛྫ་ནྟི, ཨ་ཉྙཱ་ཡ ཨ་ཀ་ཐཾ་ཀ་ཐཱི;

ཨ་མ་ཏོ་ག་དྷ་མ་ནུ་པྤ་ཏྟཾ, ཏ་མ་ཧཾ བྲཱུ་མི བྲཱ་ཧྨ་ཎ’’ནྟི.

ཏ་ཏྠ ཨཱ་ལ་ཡཱཏི ཏ་ཎྷཱ. ཨ་ཉྙཱ་ཡ ཨ་ཀ་ཐཾ་ཀ་ཐཱིཏི ཨ་ཊྛ ཝ་ཏྠཱུ་ནི ཡ་ཐཱ་བྷཱུ་ཏཾ ཛཱ་ནི་ཏྭཱ ཨ་ཊྛ་ཝ་ཏྠུ་ཀཱ་ཡ ཝི་ཙི་ཀི་ཙྪཱ་ཡ ནི་བྦི་ཙི་ཀི་ཙྪོ. ཨ་མ་ཏོ་ག་དྷ་མ་ནུ་པྤ་ཏྟནྟི ཨ་མ་ཏཾ ནི་བྦཱ་ནཾ ཨོ་གཱ་ཧེ་ཏྭཱ ཨ་ནུ་པྤ་ཏྟཾ ཏ་མ་ཧཾ བྲཱ་ཧྨ་ཎཾ ཝ་དཱ་མཱི་ཏི ཨ་ཏྠོ.

དེ་ས་ནཱ་ཝ་སཱ་ནེ བ་ཧཱུ སོ་ཏཱ་པ་ཏྟི་ཕ་ལཱ་དཱི་ནི པཱ་པུ་ཎིཾ་སཱུ་ཏི.

མ་ཧཱ་མོ་གྒ་ལླཱ་ན་ཏྠེ་ར་ཝ་ཏྠུ ཨ་ཊྛ་ཝཱི་ས་ཏི་མཾ.