༤. ཨ་ན་ཏྟ་ལ་ཀྑ་ཎ་ཝ་ཏྠུ

ཏ་ཏི་ཡ་གཱ་ཐཱ་ཡ་པི ཨེ་སེ་ཝ ན་ཡོ. ཀེ་ཝ་ལ་ཉྷི ཨེ་ཏྠ བྷ་ག་ཝཱ ཏེ་སཾ བྷི་ཀྑཱུ་ནཾ པུ་བྦེ ཨ་ན་ཏྟ་ལ་ཀྑ་ཎེ ཨ་ནུ་ཡུ་ཏྟ་བྷཱ་ཝཾ ཉ་ཏྭཱ, ‘‘བྷི་ཀྑ་ཝེ, ས་བྦེ་པི ཁ་ནྡྷཱ ཨ་ཝ་ས་ཝ་ཏྟ་ན་ཊྛེ་ན ཨ་ན་ཏྟཱ ཨེ་ཝཱ’’ཏི ཝ་ཏྭཱ ཨི་མཾ གཱ་ཐ་མཱ་ཧ –

༢༧༩. ‘‘ས་བྦེ དྷ་མྨཱ ཨ་ན་ཏྟཱ་ཏི, ཡ་དཱ པ་ཉྙཱ་ཡ པ་སྶ་ཏི;

ཨ་ཐ ནི་བྦི་ནྡ་ཏི དུ་ཀྑེ, ཨེ་ས མ་གྒོ ཝི་སུ་དྡྷི་ཡཱ’’ཏི.

ཏ་ཏྠ ས་བྦེ དྷ་མྨཱཏི པ་ཉྩ་ཀྑ་ནྡྷཱ ཨེ་ཝ ཨ་དྷི་པྤེ་ཏཱ. ཨ་ན་ཏྟཱཏི ‘‘མཱ ཛཱི་ཡ་ནྟུ མཱ མཱི་ཡ་ནྟཱུ’’ཏི ཝ་སེ ཝ་ཏྟེ་ཏུཾ ན ས་ཀྐཱ་ཏི ཨ་ཝ་ས་ཝ་ཏྟ་ན་ཊྛེ་ན ཨ་ན་ཏྟཱ ཨ་ཏྟ་སུ་ཉྙཱ ཨ་སྶཱ་མི་ཀཱ ཨ་ནི་སྶ་རཱ་ཏི ཨ་ཏྠོ. སེ་སཾ པུ་རི་མ་ས་དི་ས་མེ་ཝཱ་ཏི.

ཨ་ན་ཏྟ་ལ་ཀྑ་ཎ་ཝ་ཏྠུ ཙ་ཏུ་ཏྠཾ.