༤. ཨ་བྷ་ཡ་རཱ་ཛ་ཀུ་མཱ་ར་ཝ་ཏྠུ

ཨེ་ཐ པ་སྶ་ཐི་མཾ ལོ་ཀནྟི ཨི་མཾ དྷ་མྨ་དེ་ས་ནཾ ས་ཏྠཱ ཝེ་ལུ༹་ཝ་ནེ ཝི་ཧ་ར་ནྟོ ཨ་བྷ་ཡ་རཱ་ཛ་ཀུ་མཱ་རཾ ཨཱ་ར་བྦྷ ཀ་ཐེ་སི.

ཏ་སྶ ཀི་ར པ་ཙྩ་ནྟཾ ཝཱུ་པ་ས་མེ་ཏྭཱ ཨཱ་ག་ཏ་སྶ པི་ཏཱ བི་མྦི་སཱ་རོ ཏུ་སྶི་ཏྭཱ ཨེ་ཀཾ ན་ཙྩ་གཱི་ཏ་ཀུ་ས་ལཾ ནཱ་ཊ་ཀི་ཏྠིཾ ད་ཏྭཱ ས་ཏྟཱ་ཧཾ ར་ཛྫ་མ་དཱ་སི. སོ ས་ཏྟཱ་ཧཾ གེ་ཧཱ བ་ཧི ཨ་ནི་ཀྑ་ནྟོ་ཝ ར་ཛྫ་སི་རིཾ ཨ་ནུ་བྷ་ཝི་ཏྭཱ ཨ་ཊྛ་མེ དི་ཝ་སེ ན་དཱི་ཏི་ཏྠཾ ག་ནྟྭཱ ནྷ་ཏྭཱ ཨུ་ཡྻཱ་ནཾ པ་ཝི་སི་ཏྭཱ ས་ནྟ་ཏི་མ་ཧཱ་མ་ཏྟོ ཝི་ཡ ཏ་སྶཱ ཨི་ཏྠི་ཡཱ ན་ཙྩ་གཱི་ཏཾ པ་སྶ་ནྟོ ནི་སཱི་དི. སཱ་པི ཏ་ངྑ་ཎ་ཉྙེ་ཝ ས་ནྟ་ཏི་མ་ཧཱ་མ་ཏྟ་སྶ ནཱ་ཊ་ཀི་ཏྠཱི ཝི་ཡ ས་ཏྠ་ཀ་ཝཱ་ཏཱ་ནཾ ཝ་སེ་ན ཀཱ་ལ་མ་ཀཱ་སི. ཀུ་མཱ་རོ ཏ་སྶཱ ཀཱ་ལ་ཀི་རི་ཡཱ་ཡ ཨུ་པྤ་ནྣ་སོ་ཀོ ‘‘ན མེ ཨི་མཾ སོ་ཀཾ ཋ་པེ་ཏྭཱ ས་ཏྠཱ་རཾ ཨ་ཉྙོ ནི་བྦཱ་པེ་ཏུཾ ས་ཀྑི་སྶ་ཏཱི’’ཏི ས་ཏྠཱ་རཾ ཨུ་པ་ས་ངྐ་མི་ཏྭཱ, ‘‘བྷ་ནྟེ, སོ་ཀཾ མེ ནི་བྦཱ་པེ་ཐཱ’’ཏི ཨཱ་ཧ. ས་ཏྠཱ ཏཾ ས་མ་སྶཱ་སེ་ཏྭཱ ‘‘ཏ་ཡཱ ཧི, ཀུ་མཱ་ར, ཨི་མི་སྶཱ ཨི་ཏྠི་ཡཱ ཨེ་ཝ་མེ་ཝ མ་ཏ་ཀཱ་ལེ རོ་ད་ནྟེ་ན པ་ཝ་ཏྟི་ཏཱ་ནཾ ཨ་སྶཱུ་ནཾ ཨ་ན་མ་ཏ་གྒེ སཾ་སཱ་རེ པ་མཱ་ཎཾ ན་ཏྠཱི’’ཏི ཝ་ཏྭཱ ཏཱ་ཡ དེ་ས་ནཱ་ཡ སོ་ཀ་སྶ ཏ་ནུ་བྷཱ་ཝཾ ཉ་ཏྭཱ, ‘‘ཀུ་མཱ་ར, མཱ སོ་ཙི, བཱ་ལ་ཛ་ནཱ་ནཾ སཾ་སཱི་ད་ན་ཊྛཱ་ན་མེ་ཏ’’ནྟི ཝ་ཏྭཱ ཨི་མཾ གཱ་ཐ་མཱ་ཧ –

༡༧༡. ‘‘ཨེ་ཐ པ་སྶ་ཐི་མཾ ལོ་ཀཾ, ཙི་ཏྟཾ རཱ་ཛ་ར་ཐཱུ་པ་མཾ;

ཡ་ཏྠ བཱ་ལཱ ཝི་སཱི་ད་ནྟི, ན་ཏྠི ས་ངྒོ ཝི་ཛཱ་ན་ཏ’’ནྟི.

ཏ་ཏྠ ཏེ པ་སྶ་ཐཱཏི རཱ་ཛ་ཀུ་མཱ་ར་མེ་ཝ ས་ནྡྷཱ་ཡཱ་ཧ. ཨི་མཾ ལོ་ཀནྟི ཨི་མཾ ཁ་ནྡྷ་ལོ་ཀཱ་དི་ས་ངྑཱ་ཏཾ ཨ་ཏྟ་བྷཱ་ཝཾ. ཙི་ཏྟནྟི ས་ཏྟ་ར་ཏ་ནཱ་དི་ཝི་ཙི་ཏྟཾ རཱ་ཛ་ར་ཐཾ ཝི་ཡ ཝ་ཏྠཱ་ལ་ངྐཱ་རཱ་དི་ཙི་ཏྟི་ཏཾ. ཡ་ཏྠ བཱ་ལཱཏི ཡ་སྨིཾ ཨ་ཏྟ་བྷཱ་ཝེ བཱ་ལཱ ཨེ་ཝཾ ཝི་སཱི་ད་ནྟི. ཝི་ཛཱ་ན་ཏནྟི ཝི་ཛཱ་ན་ནྟཱ་ནཾ པ་ཎྜི་ཏཱ་ནཾ ཨེ་ཏྠ རཱ་ག་ས་ངྒཱ་དཱི་སུ ཨེ་ཀོ་པི ས་ངྒོ ན་ཏྠཱིཏི ཨ་ཏྠོ.

དེ་ས་ནཱ་ཝ་སཱ་ནེ རཱ་ཛ་ཀུ་མཱ་རོ སོ་ཏཱ་པ་ཏྟི་ཕ་ལེ པ་ཏི་ཊྛ་ཧི, ས་མྤ་ཏྟཱ་ན་མྤི སཱ་ཏྠི་ཀཱ དྷ་མྨ་དེ་ས་ནཱ ཨ་ཧོ་སཱི་ཏི.

ཨ་བྷ་ཡ་རཱ་ཛ་ཀུ་མཱ་ར་ཝ་ཏྠུ ཙ་ཏུ་ཏྠཾ.