༢. ཚ་བྦ་གྒི་ཡ་བྷི་ཀྑུ་ཝ་ཏྠུ

ས་བྦེ ཏ་ས་ནྟཱིཏི ཨི་མཾ དྷ་མྨ་དེ་ས་ནཾ ས་ཏྠཱ ཛེ་ཏ་ཝ་ནེ ཝི་ཧ་ར་ནྟོ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ ཀ་ཐེ་སི.

ཏེ་ཡེ་ཝ ཨེ་ཀ་སྨི་ཉྷི ས་མ་ཡེ ཏེ་ནེ་ཝ ཀཱ་ར་ཎེ་ན པུ་རི་མ་སི་ཀྑཱ་པ་དེ ས་ཏྟ་ར་ས་ཝ་གྒི་ཡེ པ་ཧ་རིཾ་སུ. ཏེ་ནེ་ཝ ཀཱ་ར་ཎེ་ན ཏེ་སཾ ཏ་ལ་ས་ཏྟི་ཀཾ ཨུ་གྒི་རིཾ་སུ. ཨི་དྷཱ་པི ས་ཏྠཱ ཏེ་སཾ ས་དྡཾ སུ་ཏྭཱ ‘‘ཀིཾ ཨི་ད’’ནྟི པུ་ཙྪི་ཏྭཱ ‘‘ཨི་དཾ ནཱ་མཱ’’ཏི ཨཱ་རོ་ཙི་ཏེ ‘‘ན, བྷི་ཀྑ་ཝེ, ཨི་ཏོ པ་ཊྛཱ་ཡ བྷི་ཀྑུ་ནཱ ནཱ་མ ཨེ་ཝཾ ཀ་ཏྟ་བྦཾ, ཡོ ཀ་རོ་ཏི, སོ ཨི་མཾ ནཱ་མ ཨཱ་པ་ཏྟིཾ ཨཱ་པ་ཛྫ་ཏཱི’’ཏི ཏ་ལ་ས་ཏྟི་ཀ་སི་ཀྑཱ་པ་དཾ (པཱ་ཙི. ༤༥༤ ཨཱ་ད་ཡོ) པ་ཉྙཱ་པེ་ཏྭཱ, ‘‘བྷི་ཀྑ་ཝེ, བྷི་ཀྑུ་ནཱ ནཱ་མ ‘ཡ་ཐཱ ཨ་ཧཾ, ཏ་ཐེ་ཝ ཨ་ཉྙེ་པི ད་ཎྜ་སྶ ཏ་ས་ནྟི, ཡ་ཐཱ ཙ མ་ཡ྄ཧཾ, ཏ་ཐེ་ཝ ནེ་སཾ ཛཱི་ཝི་ཏཾ པི་ཡ’ནྟི ཉ་ཏྭཱ པ་རོ ན པ་ཧ་རི་ཏ་བྦོ ན གྷཱ་ཊེ་ཏ་བྦོ’’ཏི ཝ་ཏྭཱ ཨ་ནུ་ས་ནྡྷིཾ གྷ་ཊེ་ཏྭཱ དྷ་མྨཾ དེ་སེ་ནྟོ ཨི་མཾ གཱ་ཐ་མཱ་ཧ –

༡༣༠. ‘‘ས་བྦེ ཏ་ས་ནྟི ད་ཎྜ་སྶ, ས་བྦེ་སཾ ཛཱི་ཝི་ཏཾ པི་ཡཾ;

ཨ་ཏྟཱ་ནཾ ཨུ་པ་མཾ ཀ་ཏྭཱ, ན ཧ་ནེ་ཡྻ ན གྷཱ་ཏ་ཡེ’’ཏི.

ཏ་ཏྠ ས་བྦེ་སཾ ཛཱི་ཝི་ཏཾ པི་ཡནྟི ཁཱི་ཎཱ་ས་ཝཾ ཋ་པེ་ཏྭཱ སེ་ས་ས་ཏྟཱ་ནཾ ཛཱི་ཝི་ཏཾ པི་ཡཾ མ་དྷུ་རཾ, ཁཱི་ཎཱ་ས་ཝོ པ་ན ཛཱི་ཝི་ཏེ ཝཱ མ་ར་ཎེ ཝཱ ཨུ་པེ་ཀྑ་ཀོ་ཝ ཧོ་ཏི. སེ་སཾ པུ་རི་མ་ས་དི་ས་མེ་ཝཱ་ཏི.

དེ་ས་ནཱ་ཝ་སཱ་ནེ བ་ཧཱུ སོ་ཏཱ་པ་ཏྟི་ཕ་ལཱ་དཱི་ནི པཱ་པུ་ཎིཾ་སཱུ་ཏི.

ཚ་བྦ་གྒི་ཡ་བྷི་ཀྑུ་ཝ་ཏྠུ དུ་ཏི་ཡཾ.