༦. ལ་ཀུ་ཎྜ་ཀ་བྷ་དྡི་ཡ་ཏྠེ་ར་ཝ་ཏྠུ

སེ་ལོ ཡ་ཐཱཏི ཨི་མཾ དྷ་མྨ་དེ་ས་ནཾ ས་ཏྠཱ ཛེ་ཏ་ཝ་ནེ ཝི་ཧ་ར་ནྟོ ལ་ཀུ་ཎྜ་ཀ་བྷ་དྡི་ཡ་ཏྠེ་རཾ ཨཱ་ར་བྦྷ ཀ་ཐེ་སི.

པུ་ཐུ་ཛྫ་ནཱ ཀི་ར སཱ་མ་ཎེ་རཱ་ད་ཡོ ཐེ་རཾ དི་སྭཱ སཱི་སེ་པི ཀ་ཎྞེ་སུ་པི ནཱ་སཱ་ཡ་པི ག་ཧེ་ཏྭཱ ‘‘ཀིཾ, ཙཱུ་ལ༹་པི་ཏ, སཱ་ས་ན་སྨིཾ ན ཨུ་ཀྐ་ཎྛ་སི, ཨ་བྷི་ར་མ་སཱི’’ཏི ཝ་ད་ནྟི. ཐེ་རོ ཏེ་སུ ནེ་ཝ ཀུ་ཛ྄ཛྷ་ཏི, ན དུ་སྶ་ཏི. དྷ་མྨ་ས་བྷཱ་ཡཾ ཀ་ཐཾ ས་མུ་ཊྛཱ་པེ་སུཾ ‘‘པ་སྶ་ཐཱ་ཝུ་སོ, ལ་ཀུ་ཎྜ་ཀ་བྷ་དྡི་ཡ་ཏྠེ་རཾ དི་སྭཱ སཱ་མ་ཎེ་རཱ་ད་ཡོ ཨེ་ཝ་ཉྩེ་ཝ་ཉྩ ཝི་ཧེ་ཋེ་ནྟི, སོ ཏེ་སུ ནེ་ཝ ཀུ་ཛ྄ཛྷ་ཏི, ན དུ་སྶ་ཏཱི’’ཏི. ས་ཏྠཱ ཨཱ་ག་ནྟྭཱ ‘‘ཀིཾ ཀ་ཐེ་ཐ, བྷི་ཀྑ་ཝེ’’ཏི པུ་ཙྪི་ཏྭཱ ‘‘ཨི་མཾ ནཱ་མ, བྷ་ནྟེ’’ཏི ཝུ་ཏྟེ ‘‘ཨཱ་མ, བྷི་ཀྑ་ཝེ, ཁཱི་ཎཱ་ས་ཝཱ ནཱ་མ ནེ་ཝ ཀུ་ཛ྄ཛྷ་ནྟི, ན དུ་སྶ་ནྟི. གྷ་ན་སེ་ལ་ས་དི་སཱ ཧེ་ཏེ ཨ་ཙ་ལཱ ཨ་ཀ་མྤི་ཡཱ’’ཏི ཝ་ཏྭཱ ཨ་ནུ་ས་ནྡྷིཾ གྷ་ཊེ་ཏྭཱ དྷ་མྨཾ དེ་སེ་ནྟོ ཨི་མཾ གཱ་ཐ་མཱ་ཧ –

༨༡. ‘‘སེ་ལོ ཡ་ཐཱ ཨེ་ཀ་གྷ་ནོ, ཝཱ་ཏེ་ན ན ས་མཱི་ར་ཏི;

ཨེ་ཝཾ ནི་ནྡཱ་པ་སཾ་སཱ་སུ, ན ས་མི་ཉྫ་ནྟི པ་ཎྜི་ཏཱ’’ཏི.

ཏ་ཏྠ ནི་ནྡཱ་པ་སཾ་སཱ་སཱུཏི ཀི་ཉྩཱ་པི ཨི་དྷ དྭེ ལོ་ཀ་དྷ་མྨཱ ཝུ་ཏྟཱ, ཨ་ཏྠོ པ་ན ཨ་ཊྛ་ནྣ་མྤི ཝ་སེ་ན ཝེ་དི་ཏ་བྦོ. ཡ་ཐཱ ཧི ཨེ་ཀ་གྷ་ནོ ཨ་སུ་སི་རོ སེ་ལོ པུ་ར་ཏྠི་མཱ་དི་བྷེ་དེ་ན ཝཱ་ཏེ་ན ན ས་མཱི་ར་ཏི ན ཨི་ཉྫ་ཏི ན ཙ་ལ་ཏི, ཨེ་ཝཾ ཨ་ཊྛ་སུ་པི ལོ་ཀ་དྷ་མྨེ་སུ ཨ་ཛ྄ཛྷོ་ཏྠ་ར་ནྟེ་སུ པ་ཎྜི་ཏཱ ན ས་མི་ཉྫ་ནྟི, པ་ཊི་གྷ་ཝ་སེ་ན ཝཱ ཨ་ནུ་ན་ཡ་ཝ་སེ་ན ཝཱ ན ཙ་ལ་ནྟི ན ཀ་མྤ་ནྟི.

དེ་ས་ནཱ་ཝ་སཱ་ནེ བ་ཧཱུ སོ་ཏཱ་པ་ཏྟི་ཕ་ལཱ་དཱི་ནི པཱ་པུ་ཎིཾ་སཱུ་ཏི.

ལ་ཀུ་ཎྜ་ཀ་བྷ་དྡི་ཡ་ཏྠེ་ར་ཝ་ཏྠུ ཚ་ཊྛཾ.