༨. སོ་བྷི་ཏ་བུ་དྡྷ་ཝཾ་ས་ཝ་ཎྞ་ནཱ
ཏ་སྶ པ་ན ཨ་པ་ར་བྷཱ་གེ ཏ་སྶ སཱ་ས་ནེ་པི ཨ་ནྟ་ར་ཧི་ཏེ སོ་བྷི་ཏོ ནཱ་མ བོ་དྷི་ས་ཏྟོ ཀ་པྤ་ས་ཏ་ས་ཧ་སྶཱ་དྷི་ཀཱ་ནི ཙ་ཏྟཱ་རི ཨ་ས་ངྑྱེ་ཡྻཱ་ནི པཱ་ར་མི་ཡོ པཱུ་རེ་ཏྭཱ ཏུ་སི་ཏ་པུ་རེ ནི་བྦ་ཏྟི་ཏྭཱ ཏ་ཏྠ ཡཱ་ཝ་ཏཱ་ཡུ་ཀཾ ཋ་ཏྭཱ དེ་ཝེ་ཧི ཨཱ་ཡཱ་ཙི་ཏོ ཏུ་སི་ཏ་པུ་ར་ཏོ ཙ་ཝི་ཏྭཱ སུ་དྷ་མྨ་ན་ག་རེ སུ་དྷ་མྨ་རཱ་ཛ་སྶ ཀུ་ལེ སུ་དྷ་མྨཱ་ཡ ནཱ་མ དེ་ཝི་ཡཱ ཀུ་ཙྪི་སྨིཾ པ་ཊི་ས་ནྡྷིཾ ཨ་གྒ་ཧེ་སི. སོ ད་ས་ནྣཾ མཱ་སཱ་ནཾ ཨ་ཙྩ་ཡེ་ན སུ་དྷ་མྨུ་ཡྻཱ་ནེ མཱ་ཏུ་ཀུ་ཙྪི་ཏོ པ་རི་སུ་དྡྷ་ཝི་རཱ་ཛི་ཏ་གྷ་ན་མེ་གྷ་པ་ཊ་ལ་ཏོ པུ་ཎྞ་ཙ་ནྡོ ཝི་ཡ ནི་ཀྑ་མི. ཏ་སྶ པ་ཊི་ས་ནྡྷི་ཡཾ ཛཱ་ཏི་ཡ་ཉྩ པཱ་ཊི་ཧཱ་རི་ཡཱ་ནི པུ་བྦེ ཝུ་ཏྟ་པྤ་ཀཱ་རཱ་ནི.
སོ ད་ས་ཝ་སྶ་ས་ཧ་སྶཱ་ནི ཨ་གཱ་རཾ ཨ་ཛ྄ཛྷཱ་ཝ་སི་ཏྭཱ ས་ཏྟ་ཏྟིཾ་ས་ནཱ་ཊ་ཀི་ཏྠི་ས་ཧ་སྶཱ་ནཾ ཨ་གྒཱ་ཡ ཨ་གྒ་མ་ཧེ་སི་ཡཱ མ་ཁི་ལ་དེ་ཝི་ཡཱ ཀུ་ཙྪི་སྨིཾ སཱི་ཧ་ཀུ་མཱ་རེ ནཱ་མ པུ་ཏྟེ ཨུ་པྤ་ནྣེ ཙ་ཏྟཱ་རི ནི་མི་ཏྟཱ་ནི དི་སྭཱ ས་ཉྫཱ་ཏ་སཾ་ཝེ་གོ པཱ་སཱ་དེ་ཡེ་ཝ པ་བྦ་ཛི་ཏྭཱ ཏ་ཏྠེ་ཝ ཨཱ་ནཱ་པཱ་ན་སྶ་ཏི་ས་མཱ་དྷིཾ བྷཱ་ཝེ་ཏྭཱ ཙ་ཏྟཱ་རི ཛྷཱ་ནཱ་ནི པ་ཊི་ལ་བྷི་ཏྭཱ ས་ཏྟཱ་ཧཾ ཏ་ཏྠེ་ཝ པ་དྷཱ་ན་ཙ་རི་ཡ་མ་ཙ་རི. ཏ་ཏོ མ་ཁི་ལ་མ་ཧཱ་དེ་ཝི་ཡཱ དི་ནྣཾ པ་ར་མ་མ་དྷུ་རཾ མ་དྷུ་པཱ་ཡཱ་སཾ པ་རི་བྷུ་ཉྫི་ཏྭཱ ཨ་བྷི་ནི་ཀྑ་མ་ན་ཏྠཱ་ཡ ཙི་ཏྟ་མུ་པྤཱ་དེ་སི – ‘‘ཨ་ཡཾ པཱ་སཱ་དོ ཨ་ལ་ངྐ་ཏ་པ་ཊི་ཡ་ཏྟོ མ་ཧཱ་ཛ་ན་སྶ པ་སྶ་ནྟ་སྶེ་ཝ ཨཱ་ཀཱ་སེ་ན ག་ནྟྭཱ བོ་དྷི་རུ་ཀྑཾ མ་ཛ྄ཛྷེ་ཀ་ཏྭཱ པ་ཐ་ཝི་ཡཾ ཨོ་ཏ་ར་ཏུ, ཨི་མཱ ཙ ཨི་ཏྠི་ཡོ མ་ཡི བོ་དྷི་མཱུ་ལེ ནི་སི་ནྣེ ཨ་ཝུ་ཏྟཱ ས་ཡ་མེ་ཝ པཱ་སཱ་ད་ཏོ ནི་ཀྑ་མ་ནྟཱུ’’ཏི. ས་ཧ་ཙི་ཏྟུ་པྤཱ་དཱ པཱ་སཱ་དོ ཙ སུ་དྷ་མྨ་རཱ་ཛ་བྷ་ཝ་ན་ཏོ ཨུ་པྤ་ཏི་ཏྭཱ ཨ་སི་ཏ་ཉྫ་ན་ས་ངྐཱ་ས་མཱ་ཀཱ་ས་མ་བྦྷུ་གྒ་ཉྪི. སོ ས་མོ་ས་རི་ཏ་སུ་ར་བྷི་ཀུ་སུ་མ་དཱ་མ་ས་མ་ལ་ངྐ་ཏ་པཱ་སཱ་ད་ཏ་ལོ ས་ཀ་ལ་མྤི ག་ག་ན་ཏ་ལཾ ས་མ་ལ་ངྐུ་རུ་མཱ་ནོ ཝི་ཡ ཀ་ན་ཀ་ར་ས་དྷཱ་རཱ་ས་དི་ས་རུ་ཙི་ར་ཀ་ར་ནི་ཀ་རོ དི་ཝ་ས་ཀ་རོ ཝི་ཡ ཙ ས་ར་ད་ས་མ་ཡ་ར་ཛ་ནི་ཀ་རོ ཝི་ཡ ཙ ཝི་རོ་ཙ་མཱ་ནོ ཝི་ལ་མྦ་མཱ་ན་ཝི་ཝི་དྷ་ཝི་ཙི་ཏྟ་ཀི་ངྐི་ཎི་ཀ་ཛཱ་ལོ ཡ་སྶ ཀི་ར ཝཱ་ཏེ་རི་ཏ་སྶ སུ་ཀུ་ས་ལ་ཛ་ན་ཝཱ་དི་ཏ་སྶ པ་ཉྩ་ངྒི་ཀ་སྶ ཏུ་རི་ཡ་སྶ ཝི་ཡ ས་དྡོ ཝ་གྒུ ཙ ར་ཛ་ནཱི་ཡོ ཙ ཀ་མ་ནཱི་ཡོ ཙ ཨ་ཧོ་སི.
དཱུ་ར་ཏོ པ་ཊྛཱ་ཡ སུ་ཡྻ་མཱ་ནེ་ན མ་དྷུ་རེ་ན ས་རེ་ན ས་ཏྟཱ་ནཾ སོ་ཏཱ་ནི ཨོ་ད་ཧ་མཱ་ནོ གྷ་ར་ཙ་ཙྩ་ར་ཙ་ཏུ་ཀྐ་ཝཱི་ཐི་ཨཱ་དཱི་སུ ཋ་ཏྭཱ པ་ཝ་ཏྟི་ཏ་ཀ་ཐཱ་ས་ལླཱ་པེ་སུ མ་ནུ་སྶེ་སུ ནཱ་ཏི་ནཱི་ཙེ་ན ནཱ་ཏི་ཨུ་ཙྩེ་ན ཏ་རུ་ཝ་ར་ཝ་ན་མ་ཏྠ་ཀཱ་ཝི་དཱུ་རེ་ནཱ་ཀཱ་སེ་ན པ་ལོ་བྷ་ཡ་མཱ་ནོ ཝི་ཡ ཏ་རུ་ཝ་ར་སཱ་ཁཱ་ནཱ་ནཱ་ར་ཏ་ན་ཛུ་ཏི་ཝི་ས་ར་ས་མུ་ཛྫ་ལེ་ན ཝ་ཎྞེ་ན ཛ་ན་ན་ཡ་ནཱ་ནི ཨཱ་ཀ་ཌྜྷེ་ནྟོ ཝི་ཡ ཙ པུ་ཉྙཱ་ནུ་བྷཱ་ཝཾ ས་མུ་གྒྷོ་ས་ཡ་ནྟོ ཝི་ཡ ཙ ག་ག་ན་ཏ་ལཾ པ་ཊི་པ་ཛྫི. ཏ་ཏྠ ནཱ་ཊ་ཀི་ཏྠི་ཡོ་པི པ་ཉྩ་ངྒི་ཀ་སྶ ཝ་ར་ཏུ་རི་ཡ་སྶ མ་དྷུ་རེ་ན ས་རེ་ན ཨུ་པ་གཱ་ཡིཾ་སུ ཙེ་ཝ ཝི་ལ་པིཾ་སུ ཙ. ཙ་ཏུ་ར་ངྒི་ནཱི ཀི་ར་སྶ སེ་ནཱ་པི ཨ་ལ་ངྐཱ་ར-ཀཱ་ཡཱ་བྷ་ར་ཎ-ཛུ་ཏི-ས་མུ་ད་ཡ-ས་མུ་ཛྫོ་ཏ་ནཱ་ནཱ་ཝི་རཱ་ག-སུ་ར་བྷི་ཀུ་སུ་མ་ཝ་ས་ནཱ་བྷ་ར་ཎ་སོ་བྷི་ཏཱ ཨ་མ་ར་ཝ་ར་སེ་ནཱ ཝི་ཡ པ་ར་མ་རུ་ཙི་ར་ད་སྶ་ནཱ དྷ་ར་ཎཱི ཝི་ཡ ག་ག་ན་ཏ་ལེ་ན པཱ་སཱ་དཾ པ་རི་ཝཱ་རེ་ཏྭཱ ཨ་ག་མཱ་སི.
ཏ་ཏོ པཱ་སཱ་དོ ག་ནྟྭཱ ཨ་ཊྛཱ་སཱི་ཏི་ཧ་ཏྠུ་བྦེ་དྷཾ ཨུ་ཛུ་ཝི་པུ་ལ་ཝ་ཊྚ་ཀྑ་ནྡྷཾ ཀུ་སུ་མ་པ་ལླ་ཝ་མ་ཀུ་ལ་ས་མ་ལ་ངྐ་ཏཾ ནཱ་ག་རུ་ཀྑཾ མ་ཛ྄ཛྷེ་ཀ་ཏྭཱ ཨོ་ཏ་རི་ཏྭཱ བྷཱུ་མི་ཡཾ པ་ཏི་ཊྛ་ཧི. ནཱ་ཊ་ཀི་ཏྠི་ཡོ ཙ ཀེ་ན་ཙི ཨ་ཝུ་ཏྟཱ་ཝ ཏ་ཏོ པཱ་སཱ་ད་ཏོ ཨོ་ཏ་རི་ཏྭཱ པ་ཀྐ་མིཾ་སུ. ཨ་ནེ་ཀ་གུ་ཎ་སོ་བྷི་ཏོ ཀི་ར སོ་བྷི་ཏོ་པི མ་ཧཱ་པུ་རི་སོ མ་ཧཱ་ཛ་ན་ཀ་ཏ་པ་རི་ཝཱ་རོ་ཡེ་ཝ ར་ཏྟི་ཡཱ ཏཱི་སུ ཡཱ་མེ་སུ ཏི་སྶོ ཝི་ཛྫཱ་ཡོ ཨུ་པྤཱ་དེ་སི. མཱ་ར་བ་ལཾ པ་ན་སྶ དྷ་མྨ་ཏཱ་བ་ལེ་ནེ་ཝ ཡ་ཐཱ་ག་ཏ་མ་ག་མཱ་སི. པཱ་སཱ་དོ པ་ན ཏ་ཏྠེ་ཝ ཨ་ཊྛཱ་སི. སོ་བྷི་ཏོ པ་ན བྷ་ག་ཝ་ཏཱ ས་མྦོ་དྷིཾ པ་ཏྭཱ – ‘‘ཨ་ནེ་ཀ་ཛཱ་ཏི་སཾ་སཱ་རཾ…པེ… ཏ་ཎྷཱ་ནཾ ཁ་ཡ་མ་ཛ྄ཛྷ་གཱ’’ཏི ཨུ་དཱ་ནཾ ཨུ་དཱ་ནེ་ཏྭཱ བོ་དྷི་ས་མཱི་པེ་ཡེ་ཝ ས་ཏྟ་ས་ཏྟཱ་ཧཾ ཝཱི་ཏི་ནཱ་མེ་ཏྭཱ བྲ་ཧྨུ་ནོ དྷ་མྨ་ཛ྄ཛྷེ་ས་ནཾ པ་ཊི་ཛཱ་ནི་ཏྭཱ – ‘‘ཀ་སྶ ནུ ཁོ པ་ཋ་མཾ དྷ་མྨཾ དེ་སེ་ཡྻ’’ནྟི བུ་དྡྷ་ཙ་ཀྑུ་ནཱ ཨོ་ལོ་ཀེ་ནྟོ ཨ་ཏྟ་ནོ ཝེ་མཱ་ཏི་ཀེ ཀ་ནི་ཊྛ་བྷཱ་ཏི་ཀེ ཨ་ས་མ་ཀུ་མཱ་ར་ཉྩ སུ་ནེ་ཏྟ་ཀུ་མཱ་ར་ཉྩ དི་སྭཱ – ‘‘ཨི་མེ དྭེ ཀུ་མཱ་རཱ ཨུ་པ་ནི་སྶ་ཡ་ས་མྤ་ནྣཱ ག་མྦྷཱི་རཾ ནི་པུ་ཎཾ དྷ་མྨཾ པ་ཊི་ཝི་ཛ྄ཛྷི་ཏུཾ ས་མ་ཏྠཱ, ཧ་ནྡཱ་ཧཾ ཨི་མེ་སཾ དྷ་མྨཾ དེ་སེ་ཡྻ’’ནྟི ཨཱ་ཀཱ་སེ་ནཱ་ག་ནྟྭཱ སུ་དྷ་མྨུ་ཡྻཱ་ནེ ཨོ་ཏ་རི་ཏྭཱ དྭེ་པི ཀུ་མཱ་རེ ཨུ་ཡྻཱ་ན་པཱ་ལེ་ན པ་ཀྐོ་སཱ་པེ་ཏྭཱ ཏེ་ཧི ས་པ་རི་ཝཱ་རེ་ཧི པ་རི་ཝུ་ཏོ མ་ཧཱ་ཛ་ན་མ་ཛ྄ཛྷེ དྷ་མྨ་ཙ་ཀྐཾ པ་ཝ་ཏྟེ་སི. ཏེ་ན ཝུ་ཏྟཾ –
༡. ‘‘རེ་ཝ་ཏ་སྶ ཨ་པ་རེ་ན, སོ་བྷི་ཏོ ནཱ་མ ནཱ་ཡ་ཀོ;
ས་མཱ་ཧི་ཏོ ས་ནྟ་ཙི་ཏྟོ, ཨ་ས་མོ ཨ་པྤ་ཊི་པུ་གྒ་ལོ.
༢. ‘‘སོ ཛི་ནོ ས་ཀ་གེ་ཧ་མྷི, མཱ་ན་སཾ ཝི་ནི་ཝ་ཏྟ་ཡི;
པ་ཏྭཱ་ན ཀེ་ཝ་ལཾ བོ་དྷིཾ, དྷ་མྨ་ཙ་ཀྐཾ པ་ཝ་ཏྟ་ཡི.
༣. ‘‘ཡཱ་ཝ ཧེ་ཊྛཱ ཨ་ཝཱི་ཙི་ཏོ, བྷ་ཝ་གྒཱ ཙཱ་པི ཨུ་དྡྷ་ཏོ;
ཨེ་ཏྠ་ནྟ་རེ ཨེ་ཀ་པ་རི་སཱ, ཨ་ཧོ་སི དྷ་མྨ་དེ་ས་ནེ.
༤. ‘‘ཏཱ་ཡ པ་རི་སཱ་ཡ ས་མྦུ་དྡྷོ, དྷ་མྨ་ཙ་ཀྐཾ པ་ཝ་ཏྟ་ཡི;
ག་ཎ་ནཱ་ཡ ན ཝ་ཏྟ་བྦོ, པ་ཋ་མཱ་བྷི་ས་མ་ཡོ ཨ་ཧཱུ’’ཏི.
ཏ་ཏྠ ས་ཀ་གེ་ཧ་མྷཱིཏི ཨ་ཏྟ་ནོ བྷ་ཝ་ནེ་ཡེ་ཝ, ཨ་ནྟོ་པཱ་སཱ་ད་ཏ་ལེ་ཡེ་ཝཱ་ཏི ཨ་ཏྠོ. མཱ་ན་སཾ ཝི་ནི་ཝ་ཏྟ་ཡཱིཏི ཙི་ཏྟཾ པ་རི་ཝ་ཏྟེ་སི, ས་ཀ་གེ་ཧེ ཋ་ཏྭཱ ས་ཏྟ་དི་ཝ་ས་བྦྷ་ནྟ་རེ་ཡེ་ཝ པུ་ཐུ་ཛྫ་ན་བྷཱ་ཝ་ཏོ ཙི་ཏྟཾ ཝི་ནི་ཝ་ཏྟེ་ཏྭཱ བུ་དྡྷ་ཏྟཾ པཱ་པུ་ཎཱི་ཏི ཨ་ཏྠོ. ཧེ་ཊྛཱཏི ཧེ་ཊྛ་ཏོ. བྷ་ཝ་གྒཱཏི ཨ་ཀ་ནི་ཊྛ་བྷ་ཝ་ན་ཏོ. ཏཱ་ཡ པ་རི་སཱ་ཡཱཏི ཏ་སྶཱ པ་རི་སཱ་ཡ མ་ཛ྄ཛྷེ. ག་ཎ་ནཱ་ཡ ན ཝ་ཏྟ་བྦོཏི ག་ཎ་ན་པ་ཐ་མ་ཏཱི་ཏཱ་ཏི ཨ་ཏྠོ. པ་ཋ་མཱ་བྷི་ས་མ་ཡོཏི པ་ཋ་མོ དྷ་མྨཱ་བྷི་ས་མ་ཡོ. ཨ་ཧཱུཏི ག་ཎ་ནཱ་ཡ ན ཝ་ཏྟ་བྦཱ པ་རི་སཱ ཨ་ཧོ་སཱི་ཏི ཨ་ཏྠོ. ‘‘པ་ཋ་མེ ཨ་བྷི་ས་མིཾ་སུ་ཡེ་ཝཱ’’ཏི་པི པཱ་ཋོ, ཏ་སྶ པ་ཋ་མ་དྷ་མྨ་དེ་ས་ནེ ཨ་བྷི་ས་མིཾ་སུ ཡེ ཛ་ནཱ, ཏེ ག་ཎ་ནཱ་ཡ ན ཝ་ཏྟ་བྦཱ་ཏི ཨ་ཏྠོ.
ཨ་ཐཱ་པ་རེ་ན ས་མ་ཡེ་ན སུ་ད་སྶ་ན་ན་ག་ར་དྭཱ་རེ ཙི་ཏྟ་པཱ་ཊ་ལི་ཡཱ མཱུ་ལེ ཡ་མ་ཀ་པཱ་ཊི་ཧཱ་རི་ཡཾ ཀ་ཏྭཱ ན་ཝ་ཀ་ན་ཀ་མ་ཎི་མ་ཡ་བྷ་ཝ་ནེ ཏཱ་ཝ་ཏིཾ་ས་བྷ་ཝ་ནེ པཱ་རི་ཙྪ་ཏྟ་ཀ་མཱུ་ལེ པ་ཎྜུ་ཀ་མྦ་ལ་སི་ལཱ་ཏ་ལེ ནི་སཱི་དི་ཏྭཱ ཨ་བྷི་དྷ་མྨཾ དེ་སེ་སི. དེ་ས་ནཱ་པ་རི་ཡོ་སཱ་ནེ ན་ཝུ་ཏི་ཀོ་ཊི་ས་ཧ་སྶཱ་ནཾ དྷ་མྨཱ་བྷི་ས་མ་ཡོ ཨ་ཧོ་སི. ཨ་ཡཾ དུ་ཏི་ཡོ ཨ་བྷི་ས་མ་ཡོ ཨ་ཧོ་སི. ཏེ་ན ཝུ་ཏྟཾ –
༥. ‘‘ཏ་ཏོ པ་ར་མྤི དེ་སེ་ནྟེ, མ་རཱུ་ན་ཉྩ ས་མཱ་ག་མེ;
ན་ཝུ་ཏི་ཀོ་ཊི་ས་ཧ་སྶཱ་ནཾ, དུ་ཏི་ཡཱ་བྷི་ས་མ་ཡོ ཨ་ཧཱུ’’ཏི.
ཨ་ཐཱ་པ་རེ་ན ས་མ་ཡེ་ན སུ་ད་སྶ་ན་ན་ག་རེ ཛ་ཡ་སེ་ནོ ནཱ་མ རཱ་ཛ་ཀུ་མཱ་རོ ཡོ་ཛ་ན་པྤ་མཱ་ཎཾ ཝི་ཧཱ་རཾ ཀཱ་རེ་ཏྭཱ ཨ་སོ་ཀ་སྶ་ཀ་ཎྞ་ཙ་མྤ་ཀ་ནཱ་ག་པུ་ནྣཱ་ག་ཝ་ཀུ་ལ་སུ་ར་བྷི་ཙཱུ་ཏ་པ་ན་སཱ་ས་ན་སཱ་ལ་ཀུ་ནྡ- ས་ཧ་ཀཱ་ར་ཀ་ར་ཝཱི་རཱ་དི་ཏ་རུ་ཝ་ར་ནི་ར་ནྟ་རཾ ཨཱ་རཱ་མཾ རོ་པེ་ཏྭཱ བུ་དྡྷ་པྤ་མུ་ཁ་སྶ བྷི་ཀྑུ་ས་ངྒྷ་སྶ ནི་ཡྻཱ་ཏེ་སི. དཱ་ནཱ་ནུ་མོ་ད་ནཾ ཀ་ཏྭཱ ཡཱ་གཾ ཝ་ཎྞེ་ཏྭཱ བྷ་ག་ཝཱ དྷ་མྨཾ དེ་སེ་སི. ཏ་དཱ ཀོ་ཊི་ས་ཏ་ས་ཧ་སྶ་ས་ཏྟ་ནི་ཀཱ་ཡ་སྶ དྷ་མྨཱ་བྷི་ས་མ་ཡོ ཨ་ཧོ་སི. ཨ་ཡཾ ཏ་ཏི་ཡཱ་བྷི་ས་མ་ཡོ ཨ་ཧོ་སི. ཏེ་ན ཝུ་ཏྟཾ –
༦. ‘‘པུ་ནཱ་པ་རཾ རཱ་ཛ་པུ་ཏྟོ, ཛ་ཡ་སེ་ནོ ནཱ་མ ཁ་ཏྟི་ཡོ;
ཨཱ་རཱ་མཾ རོ་པ་ཡི་ཏྭཱ་ན, བུ་དྡྷེ ནི་ཡྻཱ་ཏ་ཡཱི ཏ་དཱ.
༧. ‘‘ཏ་སྶ ཡཱ་གཾ པ་ཀི་ཏྟེ་ནྟོ, དྷ་མྨཾ དེ་སེ་སི ཙ་ཀྑུ་མཱ;
ཏ་དཱ ཀོ་ཊི་ས་ཧ་སྶཱ་ནཾ, ཏ་ཏི་ཡཱ་བྷི་ས་མ་ཡོ ཨ་ཧཱུ’’ཏི.
པུ་ན ཨུ་གྒ་ཏོ ནཱ་མ རཱ་ཛཱ སུ་ན་ནྡ་ན་ག་རེ སུ་ན་ནྡཾ ནཱ་མ ཝི་ཧཱ་རཾ ཀཱ་རེ་ཏྭཱ བུ་དྡྷ་པྤ་མུ་ཁ་སྶ བྷི་ཀྑུ་ས་ངྒྷ་སྶ ཨ་དཱ་སི. ཏ་སྨིཾ དཱ་ནེ ཨེ་ཧི་བྷི་ཀྑུ་པ་བྦ་ཛྫཱ་ཡ པ་བྦ་ཛི་ཏཱ་ནཾ ཀོ་ཊི་ས་ཏཾ ཨ་ར་ཧ་ནྟཱ་ནཾ ས་ནྣི་པཱ་ཏོ, ཏེ་སཾ མ་ཛ྄ཛྷེ སོ་བྷི་ཏོ བྷ་ག་ཝཱ པཱ་ཏི་མོ་ཀྑཾ ཨུ་དྡི་སི. ཨ་ཡཾ པ་ཋ་མོ ས་ནྣི་པཱ་ཏོ ཨ་ཧོ་སི. པུ་ན མེ་ཁ་ལཱ་ན་ག་རེ དྷ་མྨ་ག་ཎོ དྷ་མྨ་ག་ཎཱ་རཱ་མཾ ནཱ་མ པ་ཝ་རཱ་རཱ་མཾ མ་ཧཱ་ཝི་ཧཱ་རཾ ཀཱ་རེ་ཏྭཱ བུ་དྡྷ་པྤ་མུ་ཁ་སྶ བྷི་ཀྑུ་ས་ངྒྷ་སྶ ད་ཏྭཱ ས་ཧ ས་བྦ་པ་རི་ཀྑཱ་རེ་ཧི དཱ་ནཾ ཨ་དཱ་སི. ཏ་སྨིཾ ས་མཱ་ག་མེ ཨེ་ཧི་བྷི་ཀྑུ་བྷཱ་ཝེ་ན པ་བྦ་ཛི་ཏཱ་ནཾ ན་ཝུ་ཏི་ཡཱ ཨ་ར་ཧ་ནྟ་ཀོ་ཊཱི་ནཾ ས་ནྣི་པཱ་ཏེ པཱ་ཏི་མོ་ཀྑཾ ཨུ་དྡི་སི. ཨ་ཡཾ དུ་ཏི་ཡོ ས་ནྣི་པཱ་ཏོ ཨ་ཧོ་སི. ཡ་དཱ པ་ན བྷ་ག་ཝཱ ད་ས་ས་ཏ་ན་ཡ་ན་པུ་རེ ཝ་སྶཾ ཝ་སི་ཏྭཱ པ་ཝཱ་ར་ཎཱ་ཡ སུ་ར་ཝ་ར་པ་རི་ཝུ་ཏོ ཨོ་ཏ་རི, ཏ་དཱ ཨ་སཱི་ཏི་ཡཱ ཨ་ར་ཧ་ནྟ་ཀོ་ཊཱི་ཧི ས་དྡྷིཾ ཙ་ཏུ་ར་ངྒི་ཀེ ས་ནྣི་པཱ་ཏེ པ་ཝཱ་རེ་སི. ཨ་ཡཾ ཏ་ཏི་ཡོ ས་ནྣི་པཱ་ཏོ ཨ་ཧོ་སི. ཏེ་ན ཝུ་ཏྟཾ –
༨. ‘‘ས་ནྣི་པཱ་ཏཱ ཏ་ཡོ ཨཱ་སུཾ, སོ་བྷི་ཏ་སྶ མ་ཧེ་སི་ནོ;
ཁཱི་ཎཱ་ས་ཝཱ་ནཾ ཝི་མ་ལཱ་ནཾ, ས་ནྟ་ཙི་ཏྟཱ་ན ཏཱ་དི་ནཾ.
༩. ‘‘ཨུ་གྒ་ཏོ ནཱ་མ སོ རཱ་ཛཱ, དཱ་ནཾ དེ་ཏི ན་རུ་ཏྟ་མེ;
ཏ་མྷི དཱ་ནེ ས་མཱ་ག་ཉྪུཾ, ཨ་ར་ཧ་ནྟཱ ས་ཏ་ཀོ་ཊི་ཡོ.
༡༠. ‘‘པུ་ནཱ་པ་རཾ པུ་ར་ག་ཎོ, དེ་ཏི དཱ་ནཾ ན་རུ་ཏྟ་མེ;
ཏ་དཱ ན་ཝུ་ཏི་ཀོ་ཊཱི་ནཾ, དུ་ཏི་ཡོ ཨཱ་སི ས་མཱ་ག་མོ.
༡༡. ‘‘དེ་ཝ་ལོ་ཀེ ཝ་སི་ཏྭཱ་ན, ཡ་དཱ ཨོ་རོ་ཧ་ཏཱི ཛི་ནོ;
ཏ་དཱ ཨ་སཱི་ཏི་ཀོ་ཊཱི་ནཾ, ཏ་ཏི་ཡོ ཨཱ་སི ས་མཱ་ག་མོ’’ཏི.
ཏ་དཱ ཀི་ར ཨ་མྷཱ་ཀཾ བོ་དྷི་ས་ཏྟོ ར་མྨ་ཝ་ཏཱི་ན་ག་རེ ཨུ་བྷ་ཏོ སུ་ཛཱ་ཏོ ‘སུ་ཛཱ་ཏོ’ ནཱ་མ བྲཱ་ཧྨ་ཎོ ཧུ་ཏྭཱ སོ་བྷི་ཏ་སྶ བྷ་ག་ཝ་ཏོ དྷ་མྨ་དེ་ས་ནཾ སུ་ཏྭཱ ས་ར་ཎེ་སུ པ་ཏི་ཊྛཱ་ཡ བུ་དྡྷ་པྤ་མུ་ཁ་སྶ བྷི་ཀྑུ་ས་ངྒྷ་སྶ ཏེ་མཱ་སཾ མ་ཧཱ་དཱ་ན་མ་དཱ་སི. སོ་པི ནཾ ‘‘ཨ་ནཱ་ག་ཏེ གོ་ཏ་མོ ནཱ་མ བུ་དྡྷོ བྷ་ཝི་སྶ་ཏཱི’’ཏི བྱཱ་ཀཱ་སི. ཏེ་ན ཝུ་ཏྟཾ –
༡༢. ‘‘ཨ་ཧཾ ཏེ་ན ས་མ་ཡེ་ན, སུ་ཛཱ་ཏོ ནཱ་མ བྲཱ་ཧྨ་ཎོ;
ཏ་དཱ ས་སཱ་ཝ་ཀཾ བུ་དྡྷཾ, ཨ་ནྣ་པཱ་ནེ་ན ཏ་པྤ་ཡིཾ.
༡༣. ‘‘སོ་པི མཾ བུ་དྡྷོ བྱཱ་ཀཱ་སི, སོ་བྷི་ཏོ ལོ་ཀ་ནཱ་ཡ་ཀོ;
ཨ་པ་རི་མེ་ཡྻི་ཏོ ཀ་པྤེ, ཨ་ཡཾ བུ་དྡྷོ བྷ་ཝི་སྶ་ཏི.
༡༤. ‘‘པ་དྷཱ་ནཾ པ་ད་ཧི་ཏྭཱ་ན…པེ… ཧེ་སྶཱ་མ ས་མྨུ་ཁཱ ཨི་མཾ.
༡༥. ‘‘ཏ་སྶཱ་པི ཝ་ཙ་ནཾ སུ་ཏྭཱ, ཧ་ཊྛོ སཾ་ཝི་གྒ་མཱ་ན་སོ;
ཏ་མེ་ཝ་ཏྠ་མ་ནུ་པྤ་ཏྟི་ཡཱ, ཨུ་གྒཾ དྷི་ཏི་མ་ཀཱ་ས་ཧ’’ནྟི.
ཏ་ཏྠ ཏ་མེ་ཝ་ཏྠ་མ་ནུ་པྤ་ཏྟི་ཡཱཏི ཏ་སྶ བུ་དྡྷ་ཏྟ་སྶ ཨ་ནུ་པྤ་ཏྟི་ཨ་ཏྠཾ, ཏ་སྶ པ་ན སོ་བྷི་ཏ་བུ་དྡྷ་སྶ – ‘‘ཨ་ནཱ་ག་ཏེ ཨ་ཡཾ གོ་ཏ་མོ ནཱ་མ བུ་དྡྷོ བྷ་ཝི་སྶ་ཏཱི’’ཏི ཝ་ཙ་ནཾ སུ་ཏྭཱ ‘‘ཨ་ཝི་ཏ་ཐ་ཝ་ཙ་ནཱ ཧི བུ་དྡྷཱ’’ཏི བུ་དྡྷ་ཏྟ་པྤ་ཏྟི་ཨ་ཏྠ་ནྟི ཨ་ཏྠོ. ཨུ་གྒནྟི ཏི་བྦཾ གྷོ་རཾ. དྷི་ཏིནྟི ཝཱི་རི་ཡཾ. ཨ་ཀཱ་ས་ཧནྟི ཨ་ཀཱ་སིཾ ཨ་ཧཾ.
ཏ་སྶ པ་ན སོ་བྷི་ཏ་སྶ བྷ་ག་ཝ་ཏོ སུ་དྷ་མྨཾ ནཱ་མ ན་ག་རཾ ཨ་ཧོ་སི, པི་ཏཱ སུ་དྷ་མྨོ ནཱ་མ རཱ་ཛཱ, མཱ་ཏཱ སུ་དྷ་མྨཱ ནཱ་མ དེ་ཝཱི, ཨ་ས་མོ ཙ སུ་ནེ་ཏྟོ ཙ དྭེ ཨ་གྒ་སཱ་ཝ་ཀཱ, ཨ་ནོ་མོ ནཱ་མུ་པ་ཊྛཱ་ཀོ, ན་ཀུ་ལཱ ཙ སུ་ཛཱ་ཏཱ ཙ དྭེ ཨ་གྒ་སཱ་ཝི་ཀཱ, ནཱ་ག་རུ་ཀྑོ བོ་དྷི, ཨ་ཊྛ་པ་ཎྞཱ་ས་ཧ་ཏྠུ་བྦེ་དྷཾ ས་རཱི་རཾ ཨ་ཧོ་སི, ན་ཝུ་ཏི་ཝ་སྶ་ས་ཧ་སྶཱ་ནི ཨཱ་ཡུ་པྤ་མཱ་ཎཾ, མ་ཁི་ལཱ ནཱ་མ་སྶ མ་ཧཱ་དེ་ཝཱི, སཱི་ཧ་ཀུ་མཱ་རོ ནཱ་མ ཨ་ཏྲ་ཛོ, ནཱ་ཊ་ཀི་ཏྠཱི་ནཾ ས་ཏྟ་ཏྟིཾ་ས་ས་ཧ་སྶཱ་ནི ན་ཝ་ཝ་སྶ་ས་ཧ་སྶཱ་ནི ཨ་གཱ་རཾ ཨ་ཛ྄ཛྷཱ་ཝ་སི. པཱ་སཱ་དེ་ན ཨ་བྷི་ནི་ཀྑ་མི. ཛ་ཡ་སེ་ནོ ནཱ་མ རཱ་ཛཱ ཨུ་པ་ཊྛཱ་ཀོ. སེ་ཏཱ་རཱ་མེ ཀི་ར ཝ་སཱི་ཏི. ཏེ་ན ཝུ་ཏྟཾ –
༡༦. ‘‘སུ་དྷ་མྨཾ ནཱ་མ ན་ག་རཾ, སུ་དྷ་མྨོ ནཱ་མ ཁ་ཏྟི་ཡོ;
སུ་དྷ་མྨཱ ནཱ་མ ཛ་ནི་ཀཱ, སོ་བྷི་ཏ་སྶ མ་ཧེ་སི་ནོ.
༢༡. ‘‘ཨ་ས་མོ ཙ སུ་ནེ་ཏྟོ ཙ, ཨ་ཧེ་སུཾ ཨ་གྒ་སཱ་ཝ་ཀཱ;
ཨ་ནོ་མོ ནཱ་མུ་པ་ཊྛཱ་ཀོ, སོ་བྷི་ཏ་སྶ མ་ཧེ་སི་ནོ.
༢༢. ‘‘ན་ཀུ་ལཱ ཙ སུ་ཛཱ་ཏཱ ཙ, ཨ་ཧེ་སུཾ ཨ་གྒ་སཱ་ཝི་ཀཱ;
བུ་ཛ྄ཛྷ་མཱ་ནོ ཙ སོ བུ་དྡྷོ, ནཱ་ག་མཱུ་ལེ ཨ་བུ་ཛ྄ཛྷ་ཐ.
༢༤. ‘‘ཨ་ཊྛ་པ་ཎྞཱ་ས་ར་ཏ་ནཾ, ཨ་ཙྩུ་གྒ་ཏོ མ་ཧཱ་མུ་ནི;
ཨོ་བྷཱ་སེ་ཏི དི་སཱ ས་བྦཱ, ས་ཏ་རཾ་སཱི་ཝ ཨུ་གྒ་ཏོ.
༢༥. ‘‘ཏ་ཐཱ སུ་ཕུ་ལླཾ པ་ཝ་ནཾ, ནཱ་ནཱ་ག་ནྡྷེ་ཧི དྷཱུ་པི་ཏཾ;
ཏ་ཐེ་ཝ ཏ་སྶ པཱ་ཝ་ཙ་ནཾ, སཱི་ལ་ག་ནྡྷེ་ཧི དྷཱུ་པི་ཏཾ.
༢༦. ‘‘ཡ་ཐཱ་པི སཱ་ག་རོ ནཱ་མ, ད་སྶ་ནེ་ན ཨ་ཏ་པྤི་ཡོ;
ཏ་ཐེ་ཝ ཏ་སྶ པཱ་ཝ་ཙ་ནཾ, ས་ཝ་ནེ་ན ཨ་ཏ་པྤི་ཡཾ.
༢༧. ‘‘ན་ཝུ་ཏི་ཝ་སྶ་ས་ཧ་སྶཱ་ནི, ཨཱ་ཡུ ཝི་ཛྫ་ཏི ཏཱ་ཝ་དེ;
ཏཱ་ཝ་ཏཱ ཏི་ཊྛ་མཱ་ནོ སོ, ཏཱ་རེ་སི ཛ་ན་ཏཾ བ་ཧུཾ.
༢༨. ‘‘ཨོ་ཝཱ་དཾ ཨ་ནུ་སི་ཊྛི་ཉྩ, ད་ཏྭཱ་ན སེ་ས་ཀེ ཛ་ནེ;
ཧུ་ཏཱ་ས་ནོ་ཝ ཏཱ་པེ་ཏྭཱ, ནི་བྦུ་ཏོ སོ ས་སཱ་ཝ་ཀོ.
༢༩. ‘‘སོ ཙ བུ་དྡྷོ ཨ་ས་མ་ས་མོ, ཏེ་པི སཱ་ཝ་ཀཱ བ་ལ་པྤ་ཏྟཱ;
ས་བྦཾ ཏ་མ་ནྟ་ར་ཧི་ཏཾ, ན་ནུ རི་ཏྟཱ ས་བྦ་ས་ངྑཱ་རཱ’’ཏི.
ཏ་ཏྠ ས་ཏ་རཾ་སཱི་ཝཱཏི་ཨཱ་དི་ཙྩོ ཝི་ཡ, ས་བྦཱ དི་སཱ ཨོ་བྷཱ་སེ་ཏཱི་ཏི ཨ་ཏྠོ. པ་ཝ་ནནྟི མ་ཧཱ་ཝ་ནཾ. དྷཱུ་པི་ཏནྟི ཝཱ་སི་ཏཾ ག་ནྡྷི་ཏཾ. ཨ་ཏ་པྤི་ཡོཏི ཨ་ཏི་ཏྟི་ཀ་རོ, ཨ་ཏི་ཏྟི་ཛ་ན་ནོ ཝཱ. ཏཱ་ཝ་དེཏི ཏ་སྨིཾ ཀཱ་ལེ, ཏཱ་ཝ་ཏ་ཀཾ ཀཱ་ལ་ནྟི ཨ་ཏྠོ. ཏཱ་རེ་སཱིཏི ཏཱ་ར་ཡཱི. ཨོ་ཝཱ་དནྟི ས་ཀིཾ ཝཱ་དོ ཨོ་ཝཱ་དོ ནཱ་མ. ཨ་ནུ་སི་ཊྛིནྟི པུ་ན་པྤུ་ནཾ ཝ་ཙ་ནཾ ཨ་ནུ་སི་ཊྛི ནཱ་མ. སེ་ས་ཀེ ཛ་ནེཏི ས་ཙྩ་པྤ་ཊི་ཝེ་དྷཾ ཨ་པྤ་ཏྟ་སྶ སེ་ས་ཛ་ན་སྶ, སཱ་མི་ཨ་ཏྠེ བྷུ་མྨ་ཝ་ཙ་ནཾ. ཧུ་ཏཱ་ས་ནོ་ཝ ཏཱ་པེ་ཏྭཱཏི ཨ་གྒི ཝི་ཡ ཏ་པྤེ་ཏྭཱ. ཨ་ཡ་མེ་ཝ ཝཱ པཱ་ཋོ, ཨུ་པཱ་དཱ་ན་ཀྑ་ཡཱ བྷ་ག་ཝཱ པ་རི་ནི་བྦུ་ཏོ་ཏི ཨ་ཏྠོ. སེ་ས་གཱ་ཐཱ་སུ ས་བྦ་ཏྠ ཨུ་ཏྟཱ་ན་མེ་ཝཱ་ཏི.
སོ་བྷི་ཏ་བུ་དྡྷ་ཝཾ་ས་ཝ་ཎྞ་ནཱ ནི་ཊྛི་ཏཱ.
ནི་ཊྛི་ཏོ ཚ་ཊྛོ བུ་དྡྷ་ཝཾ་སོ.