༡༠. པ་དུ་མ་བུ་དྡྷ་ཝཾ་ས་ཝ་ཎྞ་ནཱ

ཨ་ནོ་མ་ད་སྶི་སྶ པ་ན བྷ་ག་ཝ་ཏོ ཨ་པ་ར་བྷཱ་གེ ཝ་སྶ་ས་ཏ་ས་ཧ་སྶཱ་ཡུ་ཀཱ མ་ནུ་སྶཱ ཨ་ནུ་ཀྐ་མེ་ན པ་རི་ཧཱ་ཡི་ཏྭཱ ད་ས་ཝ་སྶཱ་ཡུ་ཀཱ ཧུ་ཏྭཱ པུ་ན ཨ་ནུ་ཀྐ་མེ་ན ཝ་ཌྜྷི་ཏྭཱ ཨ་ས་ངྑྱེ་ཡྻཱ་ཡུ་ཀཱ ཧུ་ཏྭཱ པུ་ན པ་རི་ཧཱ་ཡ་མཱ་ནཱ ཝ་སྶ་ས་ཏ་ས་ཧ་སྶཱ་ཡུ་ཀཱ ཨ་ཧེ་སུཾ. ཏ་ཐཱ པ་དུ་མོ ནཱ་མ ས་ཏྠཱ ལོ་ཀེ ཨུ་པྤ་ཛྫི. སོ་པི པཱ་ར་མི་ཡོ པཱུ་རེ་ཏྭཱ ཏུ་སི་ཏ་པུ་རེ ནི་བྦ་ཏྟི་ཏྭཱ ཏ་ཏོ ཙ་ཝི་ཏྭཱ ཙ་མྤ་ཀ་ན་ག་རེ ཨ་ས་མ་སྶ ནཱ་མ ར་ཉྙོ ཀུ་ལེ རཱུ་པཱ་དཱི་ཧི ཨ་ས་མཱ་ཡ ཨ་ས་མཱ་ཡ ནཱ་མ ཨ་གྒ་མ་ཧེ་སི་ཡཱ ཀུ་ཙྪི་སྨིཾ པ་ཊི་ས་ནྡྷིཾ ཨ་གྒ་ཧེ་སི. སོ ད་ས་ནྣཾ མཱ་སཱ་ནཾ ཨ་ཙྩ་ཡེ་ན ཙ་མྤ་ཀུ་ཡྻཱ་ནེ མཱ་ཏུ་ཀུ་ཙྪི་ཏོ ནི་ཀྑ་མི. ཛཱ་ཏེ པ་ན ཀུ་མཱ་རེ ཨཱ་ཀཱ་ས་ཏོ ས་ཀ་ལ་ཛ་མྦུ་དཱི་པེ ས་མུ་དྡ་པ་རི་ཡ་ནྟེ པ་དུ་མ་ཝ་སྶཾ ནི་པ་ཏི. ཏེ་ན་སྶ ནཱ་མ་གྒ་ཧ་ཎ་དི་ཝ་སེ ནཱ་མཾ ག་ཎྷ་ནྟཱ ནེ་མི་ཏྟ་ཀཱ ཙ ཉཱ་ཏ་ཀཱ ཙ ‘‘མ་ཧཱ་པ་དུ་མ་ཀུ་མཱ་རོ’’ཏྭེ་ཝ ནཱ་མ་མ་ཀཾ་སུ. སོ ད་ས་ཝ་སྶ་ས་ཧ་སྶཱ་ནི ཨ་གཱ་རཾ ཨ་ཛ྄ཛྷཱ་ཝ་སི. ན་ནྡུ་ཏྟ་ར-ཝ་སུ་ཏྟ་ར-ཡ་སུ་ཏྟ་རཱ་ནཱ་མ་ཀཱ ཏ་ཡོ པཱ་སཱ་དཱ ཨ་ཧེ་སུཾ. ཨུ་ཏྟ་རཱ་དེ་ཝི་པྤ་མུ་ཁཱ་ནི ཏེ་ཏྟིཾ་ས ཨི་ཏྠི་ས་ཧ་སྶཱ་ནི པ་ཙྩུ་པ་ཊྛི་ཏཱ་ནི ཨ་ཧེ་སུཾ.

ཨ་ཐ མ་ཧཱ་ས་ཏྟོ ཨུ་ཏྟ་རཱ་ཡ ནཱ་མ མ་ཧཱ་དེ་ཝི་ཡཱ ར་མྨ་ཀུ་མཱ་རེ ནཱ་མ ཨུ་པྤ་ནྣེ ཙ་ཏྟཱ་རི ནི་མི་ཏྟཱ་ནི དི་སྭཱ ཨཱ་ཛ་ཉྙ་ར་ཐེ་ན མ་ཧཱ་བྷི་ནི་ཀྑ་མ་ནཾ ནི་ཀྑ་མི. ཏཾ པ་བྦ་ཛ་ནྟཾ ཨེ་ཀཱ པུ་རི་ས་ཀོ་ཊི ཨ་ནུ་པ་བྦ་ཛི. སོ ཏེ་ཧི པ་རི་ཝུ་ཏོ ཨ་ཊྛ མཱ་སེ པ་དྷཱ་ན་ཙ་རི་ཡཾ ཙ་རི་ཏྭཱ ཝི་སཱ་ཁ་པུ་ཎྞ་མཱ་ཡ དྷ་ཉྙ་ཝ་ཏཱི་ན་ག་རེ སུ་དྷ་ཉྙ་སེ་ཊྛི་སྶ དྷཱི་ཏཱ་ཡ དྷ་ཉྙ་ཝ་ཏི་ཡཱ ནཱ་མ དི་ནྣཾ མ་དྷུ་པཱ་ཡཱ་སཾ པ་རི་བྷུ་ཉྫི་ཏྭཱ མ་ཧཱ་སཱ་ལ་ཝ་ནེ དི་ཝཱ་ཝི་ཧཱ་རཾ ཝཱི་ཏི་ནཱ་མེ་ཏྭཱ སཱ་ཡ་ནྷ་ས་མ་ཡེ ཏི་ཏྠ་ཀཱ་ཛཱི་ཝ་ཀེ་ན དི་ནྣཱ ཨ་ཊྛ ཏི་ཎ་མུ་ཊྛི་ཡོ ག་ཧེ་ཏྭཱ མ་ཧཱ་སོ་ཎ་བོ་དྷིཾ ཨུ་པ་ས་ངྐ་མི་ཏྭཱ ཨ་ཊྛ་ཏྟིཾ་ས་ཧ་ཏྠ་ཝི་ཏྠ་ཏཾ ཏི་ཎ་ས་ནྠ་ར་ཀཾ པ་ཉྙ་པེ་ཏྭཱ པ་ལླ་ངྐཾ ཨཱ་བྷུ་ཛི་ཏྭཱ ཙ་ཏུ་ར་ངྒ་ཝཱི་རི་ཡཾ ཨ་དྷི་ཊྛཱ་ཡ མཱ་ར་བ་ལཾ ཝི་དྷ་མི་ཏྭཱ ཏཱི་སུ ཡཱ་མེ་སུ ཏི་སྶོ ཝི་ཛྫཱ ས་ཙྪི་ཀ་ཏྭཱ – ‘‘ཨ་ནེ་ཀ་ཛཱ་ཏི་སཾ་སཱ་རཾ…པེ… ཏ་ཎྷཱ་ནཾ ཁ་ཡ་མ་ཛ྄ཛྷ་གཱ’’ཏི (དྷ. པ. ༡༥༣-༡༥༤) ཨུ་དཱ་ནཾ ཨུ་དཱ་ནེ་ཏྭཱ ས་ཏྟ་ས་ཏྟཱ་ཧཾ བོ་དྷི་ས་མཱི་པེ་ཡེ་ཝ ཝཱི་ཏི་ནཱ་མེ་ཏྭཱ བྲ་ཧྨུ་ནོ ཨཱ་ཡཱ་ཙ་ནཾ ཨ་དྷི་ཝཱ་སེ་ཏྭཱ དྷ་མྨ་དེ་ས་ནཱ་ཡ བྷཱ་ཛ་ན་བྷཱུ་ཏེ པུ་གྒ་ལེ ཨུ་པ་པ་རི་ཀྑ་ནྟོ ཨ་ཏྟ་ནཱ ས་ཧ པ་བྦ་ཛི་ཏེ ཀོ་ཊི་ས་ངྑེ བྷི་ཀྑཱུ དི་སྭཱ ཏ་ངྑ་ཎེ་ཡེ་ཝ ཨ་ནི་ལ་པ་ཐེ་ན ག་ནྟྭཱ དྷ་ཉྙ་ཝ་ཏཱི་ན་ག་ར་ས་མཱི་པེ དྷ་ན་ཉྫ་ཡུ་ཡྻཱ་ནེ ཨོ་ཏ་རི་ཏྭཱ ཏེ་ཧི པ་རི་ཝུ་ཏོ ཏེ་སཾ མ་ཛ྄ཛྷེ དྷ་མྨ་ཙ་ཀྐཾ པ་ཝ་ཏྟེ་སི. ཏ་དཱ ཀོ་ཊི་ས་ཏཱ་ནཾ ཨ་བྷི་ས་མ་ཡོ ཨ་ཧོ་སི. ཏེ་ན ཝུ་ཏྟཾ –

༡. ‘‘ཨ་ནོ་མ་ད་སྶི་སྶ ཨ་པ་རེ་ན, ས་མྦུ་དྡྷོ དྭི་པ་དུ་ཏྟ་མོ;

པ་དུ་མོ ནཱ་མ ནཱ་མེ་ན, ཨ་ས་མོ ཨ་པྤ་ཊི་པུ་གྒ་ལོ.

༢. ‘‘ཏ་སྶཱ་པི ཨ་ས་མཾ སཱི་ལཾ, ས་མཱ་དྷི་པི ཨ་ན་ནྟ་ཀོ;

ཨ་ས་ངྑྱེ་ཡྻཾ ཉཱ་ཎ་ཝ་རཾ, ཝི་མུ་ཏྟི་པི ཨ་ནཱུ་པ་མཱ.

༣. ‘‘ཏ་སྶཱ་པི ཨ་ཏུ་ལ་ཏེ་ཛ་སྶ, དྷ་མྨ་ཙ་ཀྐ་པྤ་ཝ་ཏྟ་ནེ;

ཨ་བྷི་ས་མ་ཡཱ ཏ་ཡོ ཨཱ་སུཾ, མ་ཧཱ་ཏ་མ་པ་ཝཱ་ཧ་ནཱ’’ཏི.

ཏ་ཏྠ ཨ་ས་མཾ སཱི་ལནྟི ཨ་ཉྙེ་སཾ སཱི་ལེ་ན ཨ་ས་དི་སཾ, ཨུ་ཏྟ་མཾ སེ་ཊྛ་ནྟི ཨ་ཏྠོ. ས་མཱ་དྷི་པི ཨ་ན་ནྟ་ཀོཏི ས་མཱ་དྷི་པི ཨ་པྤ་མེ་ཡྻོ, ཏ་སྶ ཨ་ན་ནྟ་བྷཱ་ཝོ ལོ་ཀ་ཝི་ཝ་ར་ཎ་ཡ་མ་ཀ་པཱ་ཊི་ཧཱ་རི་ཡཱ་དཱི་སུ ད་ཊྛ་བྦོ. ཉཱ་ཎ་ཝ་རནྟི ས་བྦ་ཉྙུ་ཏ་ཉྙཱ་ཎཾ, ཨ་སཱ་དྷཱ་ར་ཎ་ཉཱ་ཎཱ་ནི ཝཱ. ཝི་མུ་ཏྟི་པཱིཏི ཨ་ར་ཧ་ཏྟ་ཕ་ལ་ཝི་མུ་ཏྟི་པི བྷ་ག་ཝ་ཏོ. ཨ་ནཱུ་པ་མཱཏི ཨུ་པ་མཱ་ཝི་ར་ཧི་ཏཱ. ཨ་ཏུ་ལ་ཏེ་ཛ་སྶཱཏི ཨ་ཏུ་ལ་ཉཱ་ཎ་ཏེ་ཛ་སྶ. ‘‘ཨ་ཏུ་ལ་ཉཱ་ཎ་ཏེ་ཛཱ’’ཏི་པི པཱ་ཋོ. ཏ་སྶ ‘‘ཏ་ཡོ ཨ་བྷི་ས་མ་ཡཱ’’ཏི ཨི་མི་ནཱ ཨུ་ཏྟ་ར་པ་དེ་ན ས་མྦ་ནྡྷོ ད་ཊྛ་བྦོ. མ་ཧཱ་ཏ་མ་པ་ཝཱ་ཧ་ནཱཏི མ་ཧཱ་མོ་ཧ་ཝི་ནཱ་ས་ཀཱ, མོ་ཧ་ནྡྷ་ཀཱ་ར་ཝི་དྡྷཾ་ས་ཀཱ་ཏི ཨ་ཏྠོ.

ཨ་ཐཱ་པ་རེ་ན ས་མ་ཡེ་ན པ་དུ་མོ བྷ་ག་ཝཱ ཨ་ཏྟ་ནོ ཀ་ནི་ཊྛ་བྷཱ་ཏ་རཾ སཱ་ལ་ཀུ་མཱ་ར་ཉྩ ཨུ་པ་སཱ་ལ་ཀུ་མཱ་ར་ཉྩ ཉཱ་ཏི་ས་མཱ་ག་མེ ས་པ་རི་ཝཱ་རེ པ་བྦཱ་ཛེ་ཏྭཱ ཏེ་སཾ དྷ་མྨཾ དེ་སེ་ནྟོ ན་ཝུ་ཏི ཀོ་ཊི་ཡོ དྷ་མྨཱ་མ་ཏཾ པཱ་ཡེ་སི. ཡ་དཱ པ་ན ར་མྨ་ཏྠེ་ར་སྶ དྷ་མྨཾ དེ་སེ་སི, ཏ་དཱ ཨ་སཱི་ཏི་ཀོ་ཊཱི་ནཾ ཏ་ཏི་ཡོ ཨ་བྷི་ས་མ་ཡོ ཨ་ཧོ་སི. ཏེ་ན ཝུ་ཏྟཾ –

༤. ‘‘པ་ཋ་མཱ་བྷི་ས་མ་ཡེ བུ་དྡྷོ, ཀོ་ཊི་ས་ཏ་མ་བོ་དྷ་ཡི;

དུ་ཏི་ཡཱ་བྷི་ས་མ་ཡེ དྷཱི་རོ, ན་ཝུ་ཏི་ཀོ་ཊི་མ་བོ་དྷ་ཡི.

༥. ‘‘ཡ་དཱ ཙ པ་དུ་མོ བུ་དྡྷོ, ཨོ་ཝ་དཱི ས་ཀ་མ་ཏྲ་ཛཾ;

ཏ་དཱ ཨ་སཱི་ཏི་ཀོ་ཊཱི་ནཾ, ཏ་ཏི་ཡཱ་བྷི་ས་མ་ཡོ ཨ་ཧཱུ’’ཏི.

ཡ་དཱ པ་ན སུ་བྷཱ་ཝི་ཏ་ཏྟོ ནཱ་མ རཱ་ཛཱ པ་དུ་མ་སྶ བུ་དྡྷ་སྶ བུ་དྡྷ་པ་དུ་མ་ཝ་ད་ན་སྶ ས་ནྟི་ཀེ ཀོ་ཊི་ས་ཏ་ས་ཧ་སྶ་པ་རི་ཝཱ་རོ ཨེ་ཧི་བྷི་ཀྑུ་པ་བྦ་ཛྫཱ་ཡ པ་བྦ་ཛི་ཏོ, ཏ་སྨིཾ ས་ནྣི་པཱ་ཏེ བྷ་ག་ཝཱ པཱ་ཏི་མོ་ཀྑཾ ཨུ་དྡི་སི, སོ པ་ན པ་ཋ་མོ ས་ནྣི་པཱ་ཏོ ཨ་ཧོ་སི.

ཨ་ཐཱ་པ་རེ་ན ས་མ་ཡེ་ན མ་ཧཱ་པ་དུ་མོ མུ་ནི་ཝ་ས་བྷོ ཨུ་ས་བྷ་ས་མ་ག་ཏཱི ཨུ་ས་བྷ་ཝ་ཏཱི་ན་ག་རཾ ཨུ་པ་ནི་སྶཱ་ཡ ཝ་སྶཾ ཨུ་པ་ག་ཉྪི. ན་ག་ར་ཝཱ་སི་ནོ མ་ནུ་སྶཱ བྷ་ག་ཝ་ནྟཾ ད་སྶ་ན་ཀཱ་མཱ ཨུ་པ་ས་ངྐ་མིཾ་སུ. ཏེ་སཾ བྷ་ག་ཝཱ དྷ་མྨཾ དེ་སེ་སི. ཏ་ཏྠ ཙ བ་ཧ་ཝོ མ་ནུ་སྶཱ པ་ས་ནྣ་ཙི་ཏྟཱ པ་བྦ་ཛིཾ་སུ. ཏ་ཏོ ད་ས་བ་ལོ ཏེ་ཧི ཙ ཨ་ཉྙེ་ཧི ཙ ཏཱི་ཧི བྷི་ཀྑུ་ས་ཏ་ས་ཧ་སྶེ་ཧི ས་དྡྷིཾ ཝི་སུ་དྡྷི་པ་ཝཱ་ར་ཎཾ པ་ཝཱ་རེ་སི. སོ དུ་ཏི་ཡོ ས་ནྣི་པཱ་ཏོ ཨ་ཧོ་སི. ཡེ པ་ན ཏ་ཏྠ ན པ་བྦ་ཛིཾ་སུ, ཏེ ཀ་ཐི་ནཱ་ནི་སཾ་སཾ སུ་ཏྭཱ པཱ་ཊི་པ་དེ པ་ཉྩ་སུ མཱ་སེ་སུ པ་ཉྩཱ་ནི་སཾ་ས་དཱ་ཡ་ཀཾ ཀ་ཐི་ན་ཙཱི་ཝ་ར་མ་དཾ་སུ. ཏ་ཏོ ཏཾ བྷི་ཀྑཱུ དྷ་མྨ་སེ་ནཱ་པ་ཏིཾ ཨ་གྒ་སཱ་ཝ་ཀཾ ཝི་སཱ་ལ་མ་ཏིཾ སཱ་ལ་ཏྠེ་རཾ ཀ་ཐི་ན་ཏྠཱ་ར་ཏྠཾ ཡཱ་ཙི་ཏྭཱ ཀ་ཐི་ན་ཙཱི་ཝ་རཾ ཏ་སྶཱ་དཾ་སུ. ཐེ་ར་སྶ ཀ་ཐི་ན་ཙཱི་ཝ་རེ ཀ་ཡི་ར་མཱ་ནེ བྷི་ཀྑཱུ སི་བྦ་ནེ ས་ཧཱ་ཡ་ཀཱ ཨ་ཧེ་སུཾ. པ་དུ་མོ པ་ན ས་མྨཱ་ས་མྦུ་དྡྷོ སཱུ་ཙི་ཙྪི་དྡེ སུ་ཏྟཱ་ནི ཨཱ་ཝུ་ནི་ཏྭཱ ཨ་དཱ་སི. ནི་ཊྛི་ཏེ པ་ན ཙཱི་ཝ་རེ བྷ་ག་ཝཱ ཏཱི་ཧི བྷི་ཀྑུ་ས་ཏ་ས་ཧ་སྶེ་ཧི ཙཱ་རི་ཀཾ པ་ཀྐཱ་མི.

ཨ་ཐཱ་པ་རེ་ན ས་མ་ཡེ་ན སཱི་ཧ་ཝི་ཀྐ་ནྟ་གཱ་མཱི པུ་རི་ས་སཱི་ཧོ ཝི་ཡ བུ་དྡྷ་སཱི་ཧོ གོ་སི་ངྒ་སཱ་ལ་ཝ་ན་ས་དི་སེ པ་ར་མ་སུ་ར་བྷི་ཀུ་སུ་མ་ཕ་ལ་བྷཱ་ར་ཝི་ན་མི་ཏ་སཱ་ཁཱ་ཝི་ཊ་པེ ཝི་མ་ལ་ཀ་མ་ལ་ཀུ་ཝ་ལ་ཡ་ས་མ་ལ་ངྐ་ཏེ སི་སི་ར་མ་དྷུ་ར་ཝཱ་རི་ཝཱ་ཧེ་ན པ་རི་པཱུ་རི་ཏེ རུ་རུ-ཙ་མ་ར-སཱི་ཧ-བྱ་གྒྷ-ཨ་ཛ-ཧ་ཡ-ག་ཝ་ཡ-མ་ཧིཾ་སཱ་དི ཝི་ཝི་དྷ་མི་ག་ག་ཎ་ཝི་ཙ་རི་ཏེ སུ་ར་བྷི་ཀུ་སུ་མ་ག་ནྡྷཱ་ཝ་བ་དྡྷ་ཧ་ད་ཡཱ་ཧི བྷ་མ་ར་མ་དྷུ་ཀ་ར་ཡུ་ཝ་ཏཱི་ཧི ཨ་ནུ་བྷཱུ་ཏ་པྤ་ཙཱ་རཱ་ཧི ས་མ་ནྟ་ཏོ གུ་མྦ་གུ་མྦཱ་ཡ་མཱ་ནེ ཕ་ལ་ར་ས་པ་མུ་དི་ཏ་ཧ་ད་ཡཱ་ཧི ཀཱ་ཀ་ལི་ས་དི་ས་མ་དྷུ་ར་ཝི་རུ་ཏཱ་ཧི ཀོ་ཀི་ལ་ཝ་དྷཱུ་ཧི ཨུ་པ་གཱི་ཡ་མཱ་ནེ པ་ར་མ་ར་མ་ཎཱི་ཡེ ཝི་ཝི་ཏྟེ ཝི་ཛ་ནེ ཡོ་གཱ་ནུ་ཀཱུ་ལེ པ་ཝ་ནེ ཝ་སྶཱ་ཝཱ་ས་མུ་པ་ག་ཉྪི. ཏ་སྨིཾ ཝི་ཧ་ར་ནྟཾ ས་པ་རི་ཝཱ་ར་ཀཾ ད་ས་བ་ལཾ ཏ་ཐཱ་ག་ཏཾ དྷ་མྨ་རཱ་ཛཾ བུ་དྡྷ་སི་རི་ཡཱ ཝི་རོ་ཙ་མཱ་ནཾ དི་སྭཱ མ་ནུ་སྶཱ ཏ་སྶ དྷ་མྨཾ སུ་ཏྭཱ པ་སཱི་དི་ཏྭཱ ཨེ་ཧི་བྷི་ཀྑུ་པ་བྦ་ཛྫཱ་ཡ པ་བྦ་ཛིཾ་སུ. ཏ་དཱ དྭཱི་ཧི བྷི་ཀྑུ་ས་ཏ་ས་ཧ་སྶེ་ཧི པ་རི་ཝུ་ཏོ པ་ཝཱ་རེ་སི. སོ ཏ་ཏི་ཡོ ས་ནྣི་པཱ་ཏོ ཨ་ཧོ་སི. ཏེ་ན ཝུ་ཏྟཾ –

༦. ‘‘ས་ནྣི་པཱ་ཏཱ ཏ་ཡོ ཨཱ་སུཾ, པ་དུ་མ་སྶ མ་ཧེ་སི་ནོ;

ཀོ་ཊི་ས་ཏ་ས་ཧ་སྶཱ་ནཾ, པ་ཋ་མོ ཨཱ་སི ས་མཱ་ག་མོ.

༧. ‘‘ཀ་ཐི་ན་ཏྠཱ་ར་ས་མ་ཡེ, ཨུ་པྤ་ནྣེ ཀ་ཐི་ན་ཙཱི་ཝ་རེ;

དྷ་མྨ་སེ་ནཱ་པ་ཏི་ཏྠཱ་ཡ, བྷི་ཀྑཱུ སི་བྦིཾ་སུ ཙཱི་ཝ་རཾ.

༨. ‘‘ཏ་དཱ ཏེ ཝི་མ་ལཱ བྷི་ཀྑཱུ, ཚ་ལ༹་བྷི་ཉྙཱ མ་ཧི་དྡྷི་ཀཱ;

ཏཱི་ཎི ས་ཏ་ས་ཧ་སྶཱ་ནི, ས་མིཾ་སུ ཨ་པ་རཱ་ཛི་ཏཱ.

༩. ‘‘པུ་ནཱ་པ་རཾ སོ ན་རཱ་ས་བྷོ, པ་ཝ་ནེ ཝཱ་སཾ ཨུ་པཱ་ག་མི;

ཏ་དཱ ས་མཱ་ག་མོ ཨཱ་སི, དྭི་ནྣཾ ས་ཏ་ས་ཧ་སྶི་ན’’ནྟི.

ཏ་ཏྠ ཀ་ཐི་ན་ཏྠཱ་ར་ས་མ་ཡེཏི ཀ་ཐི་ན་ཙཱི་ཝ་ར་ཏྠ་ར་ཎ་ས་མ་ཡེ. དྷ་མྨ་སེ་ནཱ་པ་ཏི་ཏྠཱ་ཡཱཏི དྷ་མྨ་སེ་ནཱ་པ་ཏི་སཱ་ལ་ཏྠེ་ར་ཏྠཾ. ཨ་པ་རཱ་ཛི་ཏཱཏི ན པ་རཱ་ཛི་ཏཱ, ཝི་བྷ་ཏྟི་ལོ་པོ ད་ཊྛ་བྦོ. སོཏི སོ མ་ཧཱ་པ་དུ་མོ. པ་ཝ་ནེཏི མ་ཧཱ་ཝ་ནེ. ཝཱ་སནྟི ཝ་སྶཱ་ཝཱ་སཾ. ཨུ་པཱ་ག་མཱིཏི ཨུ་པཱ་ག་ཏོ. དྭི་ནྣཾ ས་ཏ་ས་ཧ་སྶི་ནནྟི དྭི་ནྣཾ ས་ཏ་ས་ཧ་སྶཱ་ནཾ. ‘‘ཏ་དཱ ཨཱ་སི ས་མཱ་ག་མོ’’ཏི་པི པཱ་ཋོ ཡ་དི ཨ་ཏྠི སུ་ནྡ་རོ བྷ་ཝེ་ཡྻ.

ཏ་དཱ ཏ་ཐཱ་ག་ཏེ ཏ་སྨིཾ ཝ་ན་ས་ཎྜེ ཝ་ས་ནྟེ ཨ་མྷཱ་ཀཾ བོ་དྷི་ས་ཏྟོ སཱི་ཧོ ཧུ་ཏྭཱ ས་ཏྟཱ་ཧཾ ནི་རོ་དྷ་ས་མཱ་པ་ཏྟིཾ ས་མཱ་པ་ཛྫི་ཏྭཱ ནི་སི་ནྣཾ དི་སྭཱ པ་ས་ནྣ་ཙི་ཏྟོ ཧུ་ཏྭཱ པ་ད་ཀྑི་ཎཾ ཀ་ཏྭཱ ས་ཉྫཱ་ཏ་པཱི་ཏི་སོ་མ་ན་སྶོ ཏི་ཀྑ་ཏྟུཾ སཱི་ཧ་ནཱ་དཾ ན་དི་ཏྭཱ ས་ཏྟཱ་ཧཾ བུ་དྡྷཱ་ར་མྨ་ཎཾ པཱི་ཏིཾ ཨ་ཝི་ཛ་ཧི་ཏྭཱ པཱི་ཏི་སུ་ཁེ་ནེ་ཝ གོ་ཙ་རཱ་ཡ ཨ་པ་ཀྐ་མི་ཏྭཱ ཛཱི་ཝི་ཏ་པ་རི་ཙྩཱ་གཾ ཀ་ཏྭཱ པ་ཡི་རུ་པཱ་ས་མཱ་ནོ ཨ་ཊྛཱ་སི. ཨ་ཐ ས་ཏྠཱ ཏ་སྶ ས་ཏྟཱ་ཧ་སྶ ཨ་ཙྩ་ཡེ་ན ནི་རོ་དྷ་ས་མཱ་པ་ཏྟི་ཏོ ཝུ་ཊྛཱ་ཡ ན་ར་སཱི་ཧོ སཱི་ཧཾ ཨོ་ལོ་ཀེ་ཏྭཱ – ‘‘བྷི་ཀྑུ་ས་ངྒྷེ་པི་སྶ ཙི་ཏྟ་པྤ་སཱ་དོ ཧོ་ཏཱུ་ཏི ས་ངྒྷོ ཨཱ་ག་ཙྪ་ཏཱུ’’ཏི ཙི་ནྟེ་སི. ཨ་ནེ་ཀ་ཀོ་ཊི་བྷི་ཀྑཱུ ཏཱ་ཝ་དེ་ཝ ཨཱ་ག་ཉྪིཾ་སུ. སཱི་ཧོ ས་ངྒྷེ་པི ཙི་ཏྟཾ པ་སཱ་དེ་སི. ཨ་ཐ ས་ཏྠཱ ཏ་སྶ ཙི་ཏྟཾ ཨོ་ལོ་ཀེ་ཏྭཱ – ‘‘ཨ་ནཱ་ག་ཏེ གོ་ཏ་མོ ནཱ་མ བུ་དྡྷོ བྷ་ཝི་སྶ་ཏཱི’’ཏི བྱཱ་ཀཱ་སི. ཏེ་ན ཝུ་ཏྟཾ –

༡༠. ‘‘ཨ་ཧཾ ཏེ་ན ས་མ་ཡེ་ན, སཱི་ཧོ ཨཱ་སིཾ མི་གཱ་དྷི་བྷཱུ;

པ་ཝི་ཝེ་ཀ་མ་ནུ་བྲཱུ་ཧ་ནྟཾ, པ་ཝ་ནེ ཨ་དྡ་སཾ ཛི་ནཾ.

༡༡. ‘‘ཝ་ནྡི་ཏྭཱ སི་ར་སཱ པཱ་དེ, ཀ་ཏྭཱ་ན ཏཾ པ་ད་ཀྑི་ཎཾ;

ཏི་ཀྑ་ཏྟུཾ ཨ་བྷི་ནཱ་དི་ཏྭཱ, ས་ཏྟཱ་ཧཾ ཛི་ན་མུ་པ་ཊྛ་ཧཾ.

༡༢. ‘‘ས་ཏྟཱ་ཧཾ ཝ་ར་ས་མཱ་པ་ཏྟི་ཡཱ, ཝུ་ཊྛ་ཧི་ཏྭཱ ཏ་ཐཱ་ག་ཏོ;

མ་ན་སཱ ཙི་ནྟ་ཡི་ཏྭཱ་ན, ཀོ་ཊི་བྷི་ཀྑཱུ ས་མཱ་ན་ཡི.

༡༣. ‘‘ཏ་དཱ་པི སོ མ་ཧཱ་ཝཱི་རོ, ཏེ་སཾ མ་ཛ྄ཛྷེ ཝི་ཡཱ་ཀ་རི;

ཨ་པ་རི་མེ་ཡྻི་ཏོ ཀ་པྤེ, ཨ་ཡཾ བུ་དྡྷོ བྷ་ཝི་སྶ་ཏི.

༡༤. ‘‘པ་དྷཱ་ནཾ པ་ད་ཧི་ཏྭཱ་ན…པེ… ཧེ་སྶཱ་མ ས་མྨུ་ཁཱ ཨི་མཾ.

༡༥. ‘‘ཏ་སྶཱ་པི ཝ་ཙ་ནཾ སུ་ཏྭཱ, བྷི་ཡྻོ ཙི་ཏྟཾ པ་སཱ་ད་ཡིཾ;

ཨུ་ཏྟ་རིཾ ཝ་ཏ་མ་དྷི་ཊྛཱ་སིཾ, ད་ས་པཱ་ར་མི་པཱུ་རི་ཡཱ’’ཏི.

ཏ་ཏྠ པ་ཝི་ཝེ་ཀ་མ་ནུ་བྲཱུ་ཧ་ནྟནྟི ནི་རོ་དྷ་ས་མཱ་པ་ཏྟིཾ ས་མཱ་པ་ནྣ་ནྟི ཨ་ཏྠོ. པ་ད་ཀྑི་ཎནྟི ཏི་ཀྑ་ཏྟུཾ པ་ད་ཀྑི་ཎཾ ཀ་ཏྭཱ. ཨ་བྷི་ནཱ་དི་ཏྭཱཏི ཏི་ཀྑ་ཏྟུཾ སཱི་ཧ་ནཱ་དཾ ན་དི་ཏྭཱ. ཨུ་པ་ཊྛ་ཧནྟི ཨུ་པ་ཊྛ་ཧིཾ. ཨ་ཡ་མེ་ཝ ཝཱ པཱ་ཋོ. ཝ་ར་ས་མཱ་པ་ཏྟི་ཡཱཏི ནི་རོ་དྷ་ས་མཱ་པ་ཏྟི་ཏོ ཝུ་ཊྛ་ཧི་ཏྭཱ. མ་ན་སཱ ཙི་ནྟ་ཡི་ཏྭཱ་ནཱཏི ‘‘ས་བྦེ་པི བྷི་ཀྑཱུ ཨི་དྷ ཨཱ་ག་ཙྪ་ནྟཱུ’’ཏི མ་ན་སཱ་ཝ ཙི་ནྟེ་ཏྭཱ. ས་མཱ་ན་ཡཱིཏི ས་མཱ་ཧ་རི.

ཏ་སྶ པ་ན པ་དུ་མ་སྶ བྷ་ག་ཝ་ཏོ ཙ་མྤ་ཀཾ ནཱ་མ ན་ག་རཾ ཨ་ཧོ་སི. ཨ་ས་མོ ནཱ་མ རཱ་ཛཱ པི་ཏཱ ཨ་ཧོ་སི, མཱ་ཏཱ་པི ཏ་སྶ ཨ་ས་མཱ ནཱ་མ, སཱ་ལོ ཙ ཨུ་པ་སཱ་ལོ ཙ དྭེ ཨ་གྒ་སཱ་ཝ་ཀཱ, ཝ་རུ་ཎོ ནཱ་མུ་པ་ཊྛཱ་ཀོ, རཱ་དྷཱ ཙ སུ་རཱ་དྷཱ ཙ དྭེ ཨ་གྒ་སཱ་ཝི་ཀཱ, མ་ཧཱ་སོ་ཎ་རུ་ཀྑོ བོ་དྷི, ཨ་ཊྛ་པ་ཎྞཱ་ས་ཧ་ཏྠུ་བྦེ་དྷཾ ས་རཱི་རཾ, ཨཱ་ཡུ ཝ་སྶ་ས་ཏ་ས་ཧ་སྶཾ ཨ་ཧོ་སི, རཱུ་པཱ་དཱི་ཧི གུ་ཎེ་ཧི ཨ་ནུ་ཏྟ་རཱ ཨུ་ཏྟ་རཱ ནཱ་མ་སྶ ཨ་གྒ་མ་ཧེ་སཱི, ར་མྨ་ཀུ་མཱ་རོ ནཱ་མ་སྶ ཨ་ཏི་ར་མྨོ ཏ་ན་ཡོ ཨ་ཧོ་སི. ཏེ་ན ཝུ་ཏྟཾ –

༡༦. ‘‘ཙ་མྤ་ཀཾ ནཱ་མ ན་ག་རཾ, ཨ་ས་མོ ནཱ་མ ཁ་ཏྟི་ཡོ;

ཨ་ས་མཱ ནཱ་མ ཛ་ནི་ཀཱ, པ་དུ་མ་སྶ མ་ཧེ་སི་ནོ.

༢༡. ‘‘སཱ་ལོ ཙ ཨུ་པ་སཱ་ལོ ཙ, ཨ་ཧེ་སུཾ ཨ་གྒ་སཱ་ཝ་ཀཱ;

ཝ་རུ་ཎོ ནཱ་མུ་པ་ཊྛཱ་ཀོ, པ་དུ་མ་སྶ མ་ཧེ་སི་ནོ.

༢༢. ‘‘རཱ་དྷཱ ཙེ་ཝ སུ་རཱ་དྷཱ ཙ, ཨ་ཧེ་སུཾ ཨ་གྒ་སཱ་ཝི་ཀཱ;

བོ་དྷི ཏ་སྶ བྷ་ག་ཝ་ཏོ, མ་ཧཱ་སོ་ཎོ་ཏི ཝུ་ཙྩ་ཏི.

༢༤. ‘‘ཨ་ཊྛ་པ་ཎྞཱ་ས་ར་ཏ་ནཾ, ཨ་ཙྩུ་གྒ་ཏོ མ་ཧཱ་མུ་ནི;

པ་བྷཱ ནི་དྡྷཱ་ཝ་ཏཱི ཏ་སྶ, ཨ་ས་མཱ ས་བྦ་ཏོ དི་སཱ.

༢༥. ‘‘ཙ་ནྡ་པྤ་བྷཱ སཱུ་རི་ཡ་པྤ་བྷཱ, ར་ཏ་ན་གྒི་མ་ཎི་པྤ་བྷཱ;

ས་བྦཱ་པི ཏཱ ཧ་ཏཱ ཧོ་ནྟི, པ་ཏྭཱ ཛི་ན་པ་བྷུ་ཏྟ་མཾ.

༢༦. ‘‘ཝ་སྶ་ས་ཏ་ས་ཧ་སྶཱ་ནི, ཨཱ་ཡུ ཝི་ཛྫ་ཏི ཏཱ་ཝ་དེ;

ཏཱ་ཝ་ཏཱ ཏི་ཊྛ་མཱ་ནོ སོ, ཏཱ་རེ་སི ཛ་ན་ཏཾ བ་ཧུཾ.

༢༧. ‘‘པ་རི་པ་ཀྐ་མཱ་ན་སེ ས་ཏྟེ, བོ་དྷ་ཡི་ཏྭཱ ཨ་སེ་ས་ཏོ;

སེ་ས་ཀེ ཨ་ནུ་སཱ་སི་ཏྭཱ, ནི་བྦུ་ཏོ སོ ས་སཱ་ཝ་ཀོ.

༢༨. ‘‘ཨུ་ར་གོ་ཝ ཏ་ཙཾ ཛི་ཎྞཾ, ཝ་དྡྷ་པ་ཏྟཾ་ཝ པཱ་ད་པོ;

ཛ་ཧི་ཏྭཱ ས་བྦ་ས་ངྑཱ་རེ, ནི་བྦུ་ཏོ སོ ཡ་ཐཱ སི་ཁཱི’’ཏི.

ཏ་ཏྠ ར་ཏ་ན་གྒི་མ་ཎི་པྤ་བྷཱཏི ར་ཏ་ན་པྤ་བྷཱ ཙ ཨ་གྒི་པྤ་བྷཱ ཙ མ་ཎི་པྤ་བྷཱ ཙ. ཧ་ཏཱཏི ཨ་བྷི་བྷཱུ་ཏཱ. ཛི་ན་པ་བྷུ་ཏྟ་མནྟི ཛི་ན་སྶ ས་རཱི་ར་པྤ་བྷཾ ཨུ་ཏྟ་མཾ པ་ཏྭཱ ཧ་ཏཱ་ཏི ཨ་ཏྠོ. པ་རི་པ་ཀྐ་མཱ་ན་སེཏི པ་རི་པ་ཀྐི་ནྡྲི་ཡེ ཝེ་ནེ་ཡྻ་ས་ཏྟེ. ཝ་དྡྷ་པ་ཏྟནྟི པུ་རཱ་ཎ་པ་ཏྟཾ. པཱ་ད་པོ ཝཱཏི པཱ་ད་པོ ཝི་ཡ. ས་བྦ་ས་ངྑཱ་རེཏི ས་བྦེ་པི ཨ་ཛ྄ཛྷ་ཏྟི་ཀ་བཱ་ཧི་རེ ས་ངྑཱ་རེ. ‘‘ཧི་ཏྭཱ ས་བྦ་ས་ངྑཱ་ར’’ནྟི་པི པཱ་ཋོ, སོ་ཡེ་ཝ་ཏྠོ. ཡ་ཐཱ སི་ཁཱིཏི ཨ་གྒི ཝི་ཡ ནི་རུ་པཱ་དཱ་ནོ ནི་བྦུ་ཏིཾ སུ་ག་ཏོ ག་ཏོ་ཏི. སེ་ས་མེ་ཏྠ གཱ་ཐཱ་སུ ཧེ་ཊྛཱ ཝུ་ཏྟ་ན་ཡ་ཏྟཱ ཨུ་ཏྟཱ་ན་མེ་ཝཱ་ཏི.

པ་དུ་མ་བུ་དྡྷ་ཝཾ་ས་ཝ་ཎྞ་ནཱ ནི་ཊྛི་ཏཱ.

ནི་ཊྛི་ཏོ ཨ་ཊྛ་མོ བུ་དྡྷ་ཝཾ་སོ.