༧. ཨ་བྷ་ཡ་ཏྠེ་ར་ཨ་པ་དཱ་ན་ཝ་ཎྞ་ནཱ

ས་ཏྟ་མཱ་པ་དཱ་ནེ པ་དུ་མུ་ཏྟ་རོ ནཱ་མ ཛི་ནོཏི་ཨཱ་དི་ཀཾ ཨཱ་ཡ་སྨ་ཏོ ཨ་བྷ་ཡ་ཏྠེ་ར་སྶ ཨ་པ་དཱ་ནཾ. ཨ་ཡ་མྤི པུ་རི་མ་ཛི་ན་ཝ་རེ་སུ ཀ་ཏཱ་དྷི་ཀཱ་རོ ཏ་ཏྠ ཏ་ཏྠ བྷ་ཝེ ཝི་པ་ཊྚཱུ་པ་ནི་སྶ་ཡཱ་ནི པུ་ཉྙཱ་ནི ཨུ་པ་ཙི་ན་ནྟོ པ་དུ་མུ་ཏྟ་ར་སྶ བྷ་ག་ཝ་ཏོ ཀཱ་ལེ ཧཾ་ས་ཝ་ཏཱི་ན་ག་རེ བྲཱ་ཧྨ་ཎ་ཀུ་ལེ ནི་བྦ་ཏྟོ. སོ ཝུ་དྡྷི་མ་ནྭཱ་ཡ ཝེ་ད་ངྒ་པཱ་ར་གོ ས་ཀ་པ་ར་ས་མ་ཡ་ཀུ་ས་ལོ ཨེ་ཀ་དི་ཝ་སཾ ས་ཏྠུ དྷ་མྨ་དེ་ས་ནཾ སུ་ཏྭཱ པ་ས་ནྣ་མཱ་ན་སོ བྷ་ག་ཝ་ནྟཾ གཱ་ཐཱ་ཧི ཐོ་མེ་སི. སོ ཏ་ཏྠ ཡཱ་ཝ་ཏཱ་ཡུ་ཀཾ ཋ་ཏྭཱ པུ་ཉྙཱ་ནི ཀ་ཏྭཱ ཏ་ཏོ ཙུ་ཏོ དེ་ཝ་ལོ་ཀེ ནི་བྦ་ཏྟོ ཨ་པ་རཱ་པ་རཾ སུ་ག་ཏཱི་སུ་ཡེ་ཝཾ སཾ་ས་ར་ནྟོ ཨི་མ་སྨིཾ བུ་དྡྷུ་པྤཱ་དེ རཱ་ཛ་ག་ཧེ བི་མྦི་སཱ་ར་ར་ཉྙོ པུ་ཏྟོ ཧུ་ཏྭཱ ནི་བྦ་ཏྟི, ཨ་བྷ་ཡོཏྭེ་ཝ་སྶ ནཱ་མཾ ཀ་རིཾ་སུ. སོ ཝ་ཡ་པྤ་ཏྟོ ནི་ག་ཎྛེ་ཧི ས་དྡྷིཾ ཝི་སྶཱ་སི་ཀོ ཧུ་ཏྭཱ ཙ་ར་ནྟོ ཨེ་ཀ་དི་ཝ་སཾ ནི་ག་ཎྛེ་ན ནཱ་ཊ་པུ་ཏྟེ་ན ས་ཏྠུ ཝཱ་དཱ་རོ་པ་ན་ཏྠཱ་ཡ པེ་སི་ཏོ ནི་པུ་ཎ་པ་ཉྷཾ པུ་ཙྪི་ཏྭཱ ནི་པུ་ཎ་བྱཱ་ཀ་ར་ཎཾ སུ་ཏྭཱ པ་ས་ནྣོ ས་ཏྠུ ས་ནྟི་ཀེ པ་བྦ་ཛི་ཏྭཱ ཀ་མྨ་ཊྛཱ་ནཱ་ནུ་རཱུ་པཾ ཉཱ་ཎཾ པེ་སེ་ཏྭཱ ན་ཙི་ར་སྶེ་ཝ ཨ་ར་ཧ་ཏྟཾ པཱ་པུ་ཎི.

༡༩༥. སོ ཨ་ར་ཧ་ཏྟཾ པ་ཏྭཱ ཨ་ཏྟ་ནོ པུ་བྦ་ཀ་མྨཾ ས་རི་ཏྭཱ སོ་མ་ན་སྶ་ཛཱ་ཏོ པུ་བྦ་ཙ་རི་ཏཱ་པ་དཱ་ནཾ པ་ཀཱ་སེ་ནྟོ པ་དུ་མུ་ཏྟ་རོ ནཱ་མ ཛི་ནོཏི་ཨཱ་དི་མཱ་ཧ. ཏཾ ས་བྦཾ སུ་ཝི་ཉྙེ་ཡྻ་མེ་ཝཱ་ཏི.

ཨ་བྷ་ཡ་ཏྠེ་ར་ཨ་པ་དཱ་ན་ཝ་ཎྞ་ནཱ ས་མ་ཏྟཱ.