༦. ཨ་དྷི་མུ་ཏྟ་ཏྠེ་ར་ཨ་པ་དཱ་ན་ཝ་ཎྞ་ནཱ

ནི་བྦུ་ཏེ ལོ་ཀ་ནཱ་ཐ་མྷཱིཏི་ཨཱ་དི་ཀཾ ཨཱ་ཡ་སྨ་ཏོ ཨ་དྷི་མུ་ཏྟ་ཏྠེ་ར་སྶ ཨ་པ་དཱ་ནཾ (ཐེ་ར་གཱ. ཨ་ཊྛ. ༢.ཨ་དྷི་མུ་ཏྟ་ཏྠེ་ར་གཱ་ཐཱ་ཝ་ཎྞ་ནཱ). ཨ་ཡ་མྤི པུ་རི་མ་བུ་དྡྷེ་སུ ཀ་ཏཱ་དྷི་ཀཱ་རོ ཏ་ཏྠ ཏ་ཏྠ བྷ་ཝེ ཝི་ཝ་ཊྚཱུ་པ་ནི་སྶ་ཡཱ་ནི པུ་ཉྙཱ་ནི ཨུ་པ་ཙི་ན་ནྟོ ཨ་ཏྠ་ད་སྶི་མྷི ལོ་ཀ་ནཱ་ཐེ པ་རི་ནི་བྦུ་ཏེ ཨེ་ཀ་སྨིཾ ཀུ་ལ་གེ་ཧེ ནི་བྦ་ཏྟོ ར་ཏ་ན་ཏྟ་ཡེ པ་ས་ནྣོ བྷི་ཀྑུ་ས་ངྒྷཾ ནི་མ་ནྟེ་ཏྭཱ ཨུ་ཙྪཱུ་ཧི མ་ཎྜ་པཾ ཀཱ་རེ་ཏྭཱ མ་ཧཱ་དཱ་ནཾ པ་ཝ་ཏྟེ་ཏྭཱ པ་རི་ཡོ་སཱ་ནེ ས་ནྟི་པ་དཾ པ་ཎི་དྷེ་སི. སོ ཏ་ཏོ ཙུ་ཏོ དེ་ཝེ་སུ ཙ མ་ནུ་སྶེ་སུ ཙ ཨུ་བྷ་ཡ་ས་མྤ་ཏྟི་ཡོ ཨ་ནུ་བྷ་ཝི་ཏྭཱ ཨི་མ་སྨིཾ བུ་དྡྷུ་པྤཱ་དེ ཨེ་ཀ་སྨིཾ ཀུ་ལ་གེ་ཧེ ནི་བྦ་ཏྟོ སཱ་ས་ནེ པ་སཱི་དི་ཏྭཱ ས་དྡྷཱ་ཡ པ་ཏི་ཊྛི་ཏ་ཏྟཱ ཨ་དྷི་མུ་ཏྟ་ཏྠེ་རོཏི པཱ་ཀ་ཊོ.

༨༤. ཨེ་ཝཾ ཀ་ཏ་ས་མྦྷཱ་ར་ཝ་སེ་ན ཨ་ར་ཧ་ཏྟཾ པ་ཏྭཱ ཨ་ཏྟ་ནོ པུ་བྦ་ཀ་མྨཾ ས་རི་ཏྭཱ སོ་མ་ན་སྶ་ཛཱ་ཏོ པུ་བྦ་ཙ་རི་ཏཱ་པ་དཱ་ནཾ པ་ཀཱ་སེ་ནྟོ ནི་བྦུ་ཏེ ལོ་ཀ་ནཱ་ཐ་མྷཱིཏི་ཨཱ་དི་མཱ་ཧ. ཏཾ ས་བྦཾ ཨུ་ཏྟཱ་ན་ཏྠ་མེ་ཝཱ་ཏི.

ཨ་དྷི་མུ་ཏྟ་ཏྠེ་ར་ཨ་པ་དཱ་ན་ཝ་ཎྞ་ནཱ ས་མ་ཏྟཱ.