༧. ལ་སུ་ཎ་དཱ་ཡ་ཀ་ཏྠེ་ར་ཨ་པ་དཱ་ན་ཝ་ཎྞ་ནཱ

ཧི་མ་ཝ་ནྟ་སྶཱ་ཝི་དཱུ་རེཏི་ཨཱ་དི་ཀཾ ཨཱ་ཡ་སྨ་ཏོ ལ་སུ་ཎ་དཱ་ཡ་ཀ་ཏྠེ་ར་སྶ ཨ་པ་དཱ་ནཾ. ཨེ་སོ་པཱ་ཡ་སྨཱ པུ་རི་མ་བུ་དྡྷེ་སུ ཀ་ཏཱ་དྷི་ཀཱ་རོ ཏ་ཏྠ ཏ་ཏྠ བྷ་ཝེ ཝི་ཝ་ཊྚཱུ་པ་ནི་སྶ་ཡཱ་ནི པུ་ཉྙཱ་ནི ཨུ་པ་ཙི་ན་ནྟོ ཝི་པ་སྶི་སྶ བྷ་ག་ཝ་ཏོ ཀཱ་ལེ ཨེ་ཀ་སྨིཾ ཀུ་ལ་གེ་ཧེ ནི་བྦ་ཏྟི་ཏྭཱ ཝི་ཉྙུ་ཏཾ པ་ཏྟོ གྷ་རཱ་ཝཱ་སེ ཨཱ་དཱི་ན་ཝཾ དི་སྭཱ གེ་ཧཾ པ་ཧཱ་ཡ ཏཱ་པ་ས་པ་བྦ་ཛྫཾ པ་བྦ་ཛི་ཏྭཱ ཧི་མ་ཝ་ནྟཾ ནི་སྶཱ་ཡ ཝ་ནེ ཝ་ས་ནྟོ བ་ཧཱུ་ནི ལ་སུ་ཎཱ་ནི རོ་པེ་ཏྭཱ ཏ་དེ་ཝ ཝ་ན་མཱུ་ལ་ཕ་ལ་ཉྩ ཁཱ་ད་ནྟོ ཝི་ཧཱ་སི. སོ བ་ཧཱུ་ནི ལ་སུ་ཎཱ་ནི ཀཱ་ཛེ་ནཱ་དཱ་ཡ མ་ནུ་སྶ་པ་ཐཾ ཨཱ་ཧ་རི་ཏྭཱ པ་ས་ནྣོ དཱ་ནཾ ད་ཏྭཱ བུ་དྡྷ་པྤ་མུ་ཁ་སྶ བྷི་ཀྑུ་ས་ངྒྷ་སྶ བྷེ་ས་ཛྫ་ཏྠཱ་ཡ ད་ཏྭཱ ག་ཙྪ་ཏི. ཨེ་ཝཾ སོ ཡཱ་ཝ་ཛཱི་ཝཾ པུ་ཉྙཱ་ནི ཀ་ཏྭཱ ཏེ་ནེ་ཝ པུ་ཉྙ་བ་ལེ་ན དེ་ཝ་མ་ནུ་སྶེ་སུ སཾ་ས་ར་ནྟོ ཨུ་བྷ་ཡ་ས་མྤ་ཏྟིཾ ཨ་ནུ་བྷ་ཝི་ཏྭཱ ཀ་མེ་ན ཨི་མ་སྨིཾ བུ་དྡྷུ་པྤཱ་དེ ཨུ་པྤ་ནྣོ པ་ཊི་ལ་དྡྷ་ས་དྡྷོ པ་བྦ་ཛི་ཏྭཱ ཝི་པ་སྶ་ནཾ ཝ་ཌྜྷེ་ཏྭཱ ན་ཙི་ར་སྶེ་ཝ ཨ་ར་ཧ་ཏྟཾ པ་ཏྟོ པུ་བྦ་ཀ་མྨ་ཝ་སེ་ན ལ་སུ་ཎ་དཱ་ཡ་ཀ་ཏྠེ་རོཏི པཱ་ཀ་ཊོ.

༨༩. ཨ་ཏྟ་ནོ པུ་བྦ་ཀ་མྨཾ ས་རི་ཏྭཱ སོ་མ་ན་སྶ་ཛཱ་ཏོ པུ་བྦ་ཙ་རི་ཏཱ་པ་དཱ་ནཾ པ་ཀཱ་སེ་ནྟོ ཧི་མ་ཝ་ནྟ་སྶཱ་ཝི་དཱུ་རེཏི་ཨཱ་དི་མཱ་ཧ. ཏ་ཏྠ ཧི་མཱ་ལ་ཡ་པ་བྦ་ཏ་སྶ པ་རི་ཡོ་སཱ་ནེ མ་ནུ་སྶཱ་ནཾ ས་ཉྩ་ར་ཎ་ཊྛཱ་ནེ ཡ་དཱ ཝི་པ་སྶཱི བྷ་ག་ཝཱ ཨུ་ད་པཱ་དི, ཏ་དཱ ཨ་ཧཾ ཏཱ་པ་སོ ཨ་ཧོ་སི་ནྟི ས་མྦ་ནྡྷོ. ལ་སུ་ཎཾ ཨུ་པ་ཛཱི་ཝཱ་མཱིཏི ར་ཏྟ་ལ་སུ་ཎཾ རོ་པེ་ཏྭཱ ཏ་དེ་ཝ གོ་ཙ་རཾ ཀ་ཏྭཱ ཛཱི་ཝི་ཀཾ ཀ་པྤེ་མཱི་ཏི ཨ་ཏྠོ. ཏེ་ན ཝུ་ཏྟཾ ‘‘ལ་སུ་ཎཾ མ་ཡ྄ཧ་བྷོ་ཛ་ན’’ནྟི.

༩༠. ཁཱ་རི་ཡོ པཱུ་ར་ཡི་ཏྭཱ་ནཱཏི ཏཱ་པ་ས་བྷཱ་ཛ་ནཱ་ནི ལ་སུ་ཎེ་ན པཱུ་ར་ཡི་ཏྭཱ ཀཱ་ཛེ་ནཱ་དཱ་ཡ ས་ངྒྷཱ་རཱ་མཾ ས་ངྒྷ་སྶ ཝ་ས་ན་ཊྛཱ་ནཾ ཧེ་མ་ནྟཱ་དཱི་སུ ཏཱི་སུ ཀཱ་ལེ་སུ ས་ངྒྷ་སྶ ཙ་ཏཱུ་ཧི ཨི་རི་ཡཱ་པ་ཐེ་ཧི ཝ་ས་ན་ཝི་ཧཱ་རཾ ཨ་ག་ཙྪིཾ ཨ་ག་མཱ་སི་ནྟི ཨ་ཏྠོ. ཧ་ཊྛོ ཧ་ཊྛེ་ན ཙི་ཏྟེ་ནཱཏི ཨ་ཧཾ ས་ནྟུ་ཊྛོ སོ་མ་ན་སྶ་ཡུ་ཏྟ་ཙི་ཏྟེ་ན ས་ངྒྷ་སྶ ལ་སུ་ཎཾ ཨ་དཱ་སི་ནྟི ཨ་ཏྠོ.

༩༡. ཝི་པ་སྶི་སྶ…པེ… ནི་ར་ཏ་སྶ་ཧནྟི ན་རཱ་ནཾ ཨ་གྒ་སྶ སེ་ཊྛ་སྶ ཨ་སྶ ཝི་པ་སྶི་སྶ བྷ་ག་ཝ་ཏོ སཱ་ས་ནེ ནི་ར་ཏོ ནི་སྶེ་སེ་ན ར་ཏོ ཨ་ཧ་ནྟི ས་མྦ་ནྡྷོ. ས་ངྒྷ་སྶ…པེ… མོ་ད་ཧནྟི ཨ་ཧཾ ས་ངྒྷ་སྶ ལ་སུ་ཎ་དཱ་ནཾ ད་ཏྭཱ ས་གྒ་མྷི སུ་ཊྛུ ཨ་གྒ་སྨིཾ དེ་ཝ་ལོ་ཀེ ཨཱ་ཡུ་ཀ་པྤཾ དི་བྦ་ས་མྤ་ཏྟིཾ ཨ་ནུ་བྷ་ཝ་མཱ་ནོ མོ་དིཾ, ས་ནྟུ་ཊྛོ བྷ་ཝཱ་མཱི་ཏི ཨ་ཏྠོ. སེ་སཾ སུ་ཝི་ཉྙེ་ཡྻ་མེ་ཝཱ་ཏི.

ལ་སུ་ཎ་དཱ་ཡ་ཀ་ཏྠེ་ར་ཨ་པ་དཱ་ན་ཝ་ཎྞ་ནཱ ས་མ་ཏྟཱ.