ཨ་བྷི་ཛཱ་ཏི་ཚ་ཀྐ་ཝ་ཎྞ་ནཱ

༣༢༩. ཨ་བྷི་ཛཱ་ཏི་ཡོཏི ཛཱ་ཏི་ཡོ. ཀ་ཎྷཱ་བྷི་ཛཱ་ཏི་ཀོ ས་མཱ་ནོཏི ཀ་ཎྷེ ནཱི་ཙ་ཀུ་ལེ ཛཱ་ཏོ ཧུ་ཏྭཱ. ཀ་ཎྷཾ དྷ་མྨཾ ཨ་བྷི་ཛཱ་ཡ་ཏཱིཏི ཀཱ་ལ༹་ཀཾ ད་ས་དུ་སྶཱི་ལྱ་དྷ་མྨཾ པ་ས་ཝ་ཏི ཀ་རོ་ཏི. སོ ཏཾ ཨ་བྷི་ཛཱ་ཡི་ཏྭཱ ནི་ར་ཡེ ནི་བྦ་ཏྟ་ཏི. སུ་ཀྐཾ དྷ་མྨནྟི ཨ་ཧཾ པུ་བྦེ་པི པུ་ཉྙཱ་ནཾ ཨ་ཀ་ཏ་ཏྟཱ ནཱི་ཙ་ཀུ་ལེ ནི་བྦ་ཏྟོ. ཨི་དཱ་ནི པུ་ཉྙཾ ཀ་རོ་མཱི་ཏི པུ་ཉྙ་ས་ངྑཱ་ཏཾ པ་ཎྜ་རཾ དྷ་མྨཾ ཨ་བྷི་ཛཱ་ཡ་ཏི. སོ ཏེ་ན ས་གྒེ ནི་བྦ་ཏྟ་ཏི. ཨ་ཀ་ཎྷཾ ཨ་སུ་ཀྐཾ ནི་བྦཱ་ནནྟི ནི་བྦཱ་ན་ཉྷི ས་ཙེ ཀ་ཎྷཾ བྷ་ཝེ་ཡྻ, ཀ་ཎྷ་ཝི་པཱ་ཀཾ ད་དེ་ཡྻ. ས་ཙེ སུ་ཀྐཾ, སུ་ཀྐ་ཝི་པཱ་ཀཾ ད་དེ་ཡྻ. དྭི་ནྣ་མྤི ཨ་པྤ་དཱ་ན་ཏོ པ་ན ‘‘ཨ་ཀ་ཎྷཾ ཨ་སུ་ཀྐ’’ནྟི ཝུ་ཏྟཾ. ནི་བྦཱ་ན་ཉྩ ནཱ་མ ཨི་མ་སྨིཾ ཨ་ཏྠེ ཨ་ར་ཧ་ཏྟཾ ཨ་དྷི་པྤེ་ཏཾ. ཏ་ཉྷི ཀི་ལེ་ས་ནི་བྦཱ་ན་ནྟེ ཛཱ་ཏ་ཏྟཱ ནི་བྦཱ་ནཾ ནཱ་མ. ཏཾ ཨེ་ས ཨ་བྷི་ཛཱ་ཡ་ཏི པ་ས་ཝ་ཏི ཀ་རོ་ཏི. སུ་ཀྐཱ་བྷི་ཛཱ་ཏི་ཀོ ས་མཱ་ནོཏི སུ་ཀྐེ ཨུ་ཙྩ་ཀུ་ལེ ཛཱ་ཏོ ཧུ་ཏྭཱ. སེ་སཾ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ.